ŊwɑꞋnɛ-Gɑŋntúu Yɛ́su Kɛlístɔ 11:28 - Kɑɑ Fí

²⁸ Wɛcɔ́ tɑ́Ꞌ ŋu pɔ́ tsɛtsɛt pɔ́p, pɛ́ fúŋ wɛ́ ŋɡɔ Aɡɑbus. Zẅikŋɛ-Sɛ́ cú, ɑ zɑ́Ꞌ njí ńcú ŋɡɔ: «Wɛcɔ́ mɑ́mɑ́ cʉ́ ŋ́ɡɛ ḿvu ndǔ tsɛ́tsɑ́Ꞌ tsʉʉ». Ńcú pɔ́Ꞌɔ, ẅîwɑ́ cʉ́ kɑ tsúŋ ḿvu ŋkɑ́ yi Kɛlɔ̂dɛ tsʉ́Ꞌnɛ ḿbɔ́ Kɑ́sɑ ɡwɛ́-Pɑlɔ́mɑ.

ŊwɑꞋnɛ-Gɑŋntúu Yɛ́su Kɛlístɔ 11:28 교차 참조

Mɑtʉ̈ɔ 24:14

Ɛ́ píkŋɛ ŋɡɔ Pɛ́ lɑ́Ꞌ ńcẅi wɔ Ŋkʉʉ sʉ́Ꞌnɛ-nu-nɛfɔɔ-Sɛ́ mbɑ ɡɔ́ lɑ́ ndǔ tsɛ́tsɑ́Ꞌ, nɛpɔ́ yi mɛlɑ́Ꞌ mɛlɑ́Ꞌ tsʉʉ ɡʉ ńzúꞋ, lɑ píi mbí ɡɔ́ɔ ŋ́kɛ́ ḿmɛ.

Mɑtʉ̈ɔ 24:7

Lɑ́Ꞌ ɡʉ ńdɑ́Ꞌ ńdɔ sɛ́, ńdʉ̈ɔ́Ꞌ yɛcɔ́, fɔɔtúu lɔ sɛ́, ńdʉ̈ɔ́Ꞌ wɛcɔ́, tsɛ́tsɑ́Ꞌ ɡʉ ńdɑ́Ꞌ ḿbuu tsʉ́Ꞌnɛ nǔu mɛzʉꞋ tɛ ńzɑ́ɑ, cʉ́ pɛn ḿvu nǔu mɛzʉꞋ tɛ ńzɑ́ɑ.

Lúkɑ́shi 2:1

Ɛ́ kɑ ɡɔ ḿbɔ́, mbɔ Aɡúshi, ẅi ɑ m̄bɔ́nɛ Kɑ́sɑ-Pɑlɔ́mɑ ŋwɑꞋnɛ ŋwɑꞋnɛ, ńzɑ́p ŋɡɔ pɛ́ sɑ́ŋ ŋɡɔŋ pʉɔ tsʉʉ pi ɑ sɛ́ ɛ́sɑ́Ꞌ wɔ́p.

Lúkɑ́shi 3:1

Jɑ̂ŋ mɔ́ɔ Sɑkɑlíyɑ lɑ́Ꞌ ńtswɛ́ kɔ̂ŋtɛt tɛ Sɛ́ túu wɛ́ ŋɡɔ ɑ ɡʉ ɛ́sẅíi nu yɛ́. Ɛ́ pɔ́ ŋɡuꞋ ɛ̂yɑ́, mbɔ Kɑ́sɑ Tíbɛɛ ẅi ɑ m̄bɔ́nɛ ɛ́sɑ́Ꞌ ŋɡɔŋ nɛ́ ŋɡɔŋ, mbɔ ɑ nɑ́ŋ nǔu kɔꞋ ŋɡuꞋ ntsɔ̌pɛ́tɑɑ nɛ́ nɛɡɛ́m. Pɔ́ŋnti Pilɑ́tɔ pɔ́ ŋɡɔ́mnɑɑ ŋɡɔ́ŋ-Jẅidɛ̂, Ɛlɔ̂dɛ pɔ́ sɑ́Ꞌ ŋɡɔ́ŋ-Ŋɡɑlilɛ́, mɔ́ɔmɑ́ wɛ Filîp pɔ́ sɑ́Ꞌ Itẅílíyɑ pɔ́p Tɛ́lɑkɔnît, Lisɑníyɑs pɔ́nɛ ɛ́sɑ́Ꞌ Abilɛ̂n. Ánɑ pɔ́p Kɑyífɑ pɔ́ pɛtɑ́tndɑ́-pɑnɔ́ŋpɔꞋ.

ŊwɑꞋnɛ-Gɑŋntúu Yɛ́su Kɛlístɔ 18:2

ŋ́ɡʉ tɛ ŋ́kúu zúꞋu, ńjʉ́ɔ wɛcɔ́ ŋu-Yúdɑ ẅi pɛ́ fúŋnɛ wɛ́ ŋɡɔ Akilɑs. Mbɔ pɛ́ kɑ pí wɛ́ tsɛt pɑk-ŋɡɔŋ-Pɔ̂ŋ. Pɔ́p nzwɛ́ wɛ Pɛlɛsîl pɛ́t lɑ́ ńtɔ́, ɛ́fú nɛ́ ŋɡɔŋ-Itɑlî. Mbɔ Kɑ́sɑ Kɛlɔ̂dɛ kɑ cú ŋɡɔ pɑyúdɑ tsʉʉ fú tʉ́sɔŋ-Lɔ́mɑ ŋ́ɡʉ. Pɔ̂l ɡʉ ŋ́ɡwɑ́ wɔ́p.

ŊwɑꞋnɛ-Gɑŋntúu Yɛ́su Kɛlístɔ 21:10

Pɛk tɔ́ zúꞋu, tɛ nɑ́ŋ mɛcɔ́ mɛlɛ́Ꞌ zúꞋu, wɛcɔ́ ŋɡɛ́mndʉ̈ɔ́Ꞌ ndɛꞋ ẅi ɑ nɑ́ŋnɛ ńcẅi Ŋkʉʉ ẅi ɛ́ fúnɛ mbɔ̌ Sɛ́, pɛ́ fúŋ wɛ́ ŋɡɔ Aɡɑbus, ɑ fú Judɛ̂ ńtɔ́,