ŊwɑꞋnɛ-Gɑŋntúu Yɛ́su Kɛlístɔ 11:19 - Kɑɑ Fí

¹⁹ Ɛ́ ɡɔ́ ḿbɔ́, mbɔ pɛ́ kɑ pɔ́ tɛ ńjẅí Ɛtiyɛ̂n pɑꞋnɛ, ńzɛ nɛtsɔ́Ꞌ ku pɑpɛ́m Yɛ́su kɛpɔŋ. Pɔ́p fú Yɛlúsɑlɛm ńcẅɛt sɑt zʉꞋ. Pɛcɔ́ pʉɔ lɔk yi pɑk-ŋɡɔŋ-Fɛnisîí. Pɛcɔ́ lɔk yi Shíipɛlɛ. Pɛcɔ́ lɔk yi tʉ́sɔŋ-Antíyɔshɛ, ŋ́kúu mbɑ ɡɔ́ lɑ́, ɛ́sẅíi nu-Sɛ́ pɔ ndɑꞋ mbɔ̌ pɑyúdɑ.

ŊwɑꞋnɛ-Gɑŋntúu Yɛ́su Kɛlístɔ 11:19 교차 참조

Mɑtʉ̈ɔ 10:6

Pʉʉ ɡʉ ńdɔɔ Pɑíslɑyɛ̂l, pɔ́p púunɛ pɑ́Ꞌ mɛnjinjɔ.

Jɑ̂ŋ 7:35

Pɑyúdɑ zɛ nɛcú tsɛtsɛt pɔ́p ŋɡɔ: «A pɑ́Ꞌɑ ŋ́ɡʉ ŋ́ɡʉ pɔ ɡɔ́, tɛ pɛk pɔɔ wɛ́ jʉ́ɔ? A ɡʉ ŋ́ɡʉ ŋ́kẅɛ́ɛtɛ pɔ pʉɔ pɛkŋɛ pí pɔ́p kɑ sɑtnɛ zʉꞋ, ŋ́ɡʉ lɑ́Ꞌ-pɑŋɡɛlɛ́k kɛkʉ̈ɔ́? Kɛ ɑ ɡʉ pɔ nɛzíꞋ pɑŋɡɛlɛ́k?

ŊwɑꞋnɛ-Gɑŋntúu Yɛ́su Kɛlístɔ 11:20

Lɑ́, pɛcɔ́ ntɑ́Ꞌ-pɑpɛ́m Yɛ́su tsɛtsɛt pɔ́p pi pɔ́p ḿbɔ́nɛ pʉɔ-Silɛ̂nɛ, mbɑ pɛ́ Shíipɛlɛ, ɡʉ tɛ ŋ́kúu Antíyɔshɛ ɡúu, ɛ́sẅíi nu-Ŋkʉʉ Sʉ́Ꞌnɛ-Tsɑpʉɔ Yɛ́su mbɑ mbɔ̌ pʉɔ pinɛ pɔ́p kɑ́ pɔ́ pɑyúdɑ pɔ́.

ŊwɑꞋnɛ-Gɑŋntúu Yɛ́su Kɛlístɔ 11:22

Yɔ nu vu nɛtúutɛ-pʉɔ-cúꞋlɛ-Kɛlístɔ pi ɛ́ Yɛlúsɑlɛm. Pɔ́p tsɔ́Ꞌ Pɑnɛpɑ́ɑshi, ńtúu wɛ́ Antíyɔshɛ.

ŊwɑꞋnɛ-Gɑŋntúu Yɛ́su Kɛlístɔ 13:1

Ɛ́ m̄bɔ́ tsɛt cúlɛ-pʉɔ-Kɛlístɔ yi ɛ́ m̄bɔ́nɛ tʉ́sɔŋ-Antíyɔshɛ, pɛŋɡɛ́mndʉ̈ɔ́Ꞌ-Sɛ́ pɔ́ zúꞋu, ŋ́ɡɛ pɑzíꞋ pʉɔ nɛ́ nu-Sɛ́. Yɔ m̄bɔ́ Pɑnɛpɑ́ɑshi, ŋ́ɡɛ Símɛyɔ̂ŋ ẅí pɛ́ fúŋnɛ wɛ́ ŋɡɔ Shíshíŋu, ŋ́ɡɛ Lusius, mɔ́ɔ-pɑk-ŋɡɔŋ-Silɛ̂nɛ, ŋ́ɡɛ Mɑnɑyɛn ẅí pɔ́p Ɛlɔ̂dɛ ẅí ɑ m̄bɔ́nɛ ŋɡɔ́mnɑɑ Ŋɡɑlílíyɑ kɑ ɡúꞋnɛ, ḿbɛn ŋ́ɡɛ Sɔ̂l.

ŊwɑꞋnɛ-Gɑŋntúu Yɛ́su Kɛlístɔ 13:4

Zẅikŋɛ Lɛ́ɛnɛ́nɛ túu Pɑnɛpɑ́ɑshi pɔ́p Sɔ̂l pɔ́Ꞌɔ, pɔ́p ɡʉ nɛ́ Sɛlɛsi zʉꞋ mɛkɑnúꞋ ḿbɔ́ ńtʉ́ʉ. Ɛ́fú zúꞋu ŋ́kúu wɛcɔ́ mɑ́mɑ́ kɑnúꞋ ŋ́ɡʉ nɛ́ Shíipɛlɛ, ɛ́ pɔ́ ŋɡɔŋ ẅi ŋki kɑ zɛmɛnɛ ńníꞋ sɔŋ.

ŊwɑꞋnɛ-Gɑŋntúu Yɛ́su Kɛlístɔ 13:46

Pɔ̂l pɔ́p Pɑnɛpɑ́ɑshi ɡɔ́ɔ ɛ́sɑ́ɑnɛ sɑ́ɑnɛ́nɛ ńcú mbɔ̌ pɔ́p ŋɡɔ: «Pɛk ŋ́kɛ́ zɛɛ ŋ́ɡẅɛɛ nɛpiitɛ ɛ́sẅíi nu-Sɛ́ pɔ mbɔ̌ pʉʉ pɑyúdɑ. Pɑ́Ꞌ pʉʉ kɛ́ ńdʉꞋ lʉꞋnɛ, ńnyɛt ŋɡɔ pʉʉ kɑ́ kuꞋ pɑ́Ꞌ ḿbɔ́ pʉʉ ɡẅɛɛ luk kɛ́mɛ pɔ́ lɑ́, pɛk ɡʉ ɛ́shɔtnɛ ŋ́ɡʉ ńdɔɔ pʉɔ pí pɔ́p kɑ́ pɔ́ pɑyúdɑ pɔ́,

ŊwɑꞋnɛ-Gɑŋntúu Yɛ́su Kɛlístɔ 14:26

ɛ́fú zúꞋu ŋ́kúu tsɛt wɛcɔ́ mɑ́mɑ́ kɑnúꞋ, yi ɛ́ ɡʉ nɛ́ Antíyɔshɛ. Antíyɔshɛ pɔ́ zʉꞋ yí pɛ́ kɑ fúnɛ zúꞋu, fɛ́ɛ wɔ́p mbɔ̌ Sɛ́ ŋɡɔ ɑ cẅɛ́lɛ́ wɔ́p, lɑ́ pɔ́p nɛn ɛ́fɑꞋ fɑꞋ yi ɛ́ mɛnɛ lɑɑ.

ŊwɑꞋnɛ-Gɑŋntúu Yɛ́su Kɛlístɔ 15:22

Gɑŋntúu-Yɛ́su, pɔ́p pɑcẅɛ́ɛ mbi ŋ́ɡɛ ŋɡɔŋ mɛcúꞋlɛ-pʉɔ-Kɛlístɔ tsʉʉ mi ɛ́ Yɛlúsɑlɛm ɡɔ́ɔ ŋ́kɛ́ ńzɑ́p ŋɡɔ ɛ́ pɔŋ pɛ́ ɡʉ tsɛtsɛt pɔ́p, ńtsɔ́Ꞌ pɛcɔ́ ntɑ́Ꞌpʉɔ, ńtúu wɔ́p pɛ́ Pɔ̂l pɔ́p Pɑnɛpɑ́ɑshi Antíyɔshɛ. Ŋkwɑŋɛ pɔ́Ꞌɔ ńtsɔ́Ꞌ Jẅidɛ ẅí pɛ́ pɛnnɛ ɛ́fúŋ wɛ́ ŋɡɔ Mbɑlsɑbɑs, ḿbɛn ńtsɔ́Ꞌ Sílɑs. Pʉɔ pɔnɛ pɛ́pɑ́ pɔ́ pʉɔ pi pɔ́p cúnɛ nu pɛ́ zúꞋ.

ŊwɑꞋnɛ-Gɑŋntúu Yɛ́su Kɛlístɔ 15:3

Cúlɛ-pʉɔ-Kɛlístɔ yi Antíyɔshɛ ɛ̂wɑ́ ɡɑ́ yúu mi ɛ́ sɛ́ ḿbíkŋɛ mbɔ̌ pɔ́p nɛlɔk ńcʉ́ɔ sɛ̂ndúŋ. Pɔ́p lɛɛ tsɛt pɑk-ŋɡɔŋ-Fɛnisîi, mbɑ tsɛt wɛ Sɑmɑlîi, ńnɛn ḿbɔ́ ńcú mbɔ̌ pʉɔ-Kɛlístɔ pɛ́ zúꞋu ŋɡɔ pʉɔ pi pɔ́p kɑ́ pɔ́ pɑyúdɑ pɔ́ kɑ kɛ́ mɔ́ shɔtnɛ tɛ ńtsʉ́Ꞌ ḿbɔ́ pɔ nzʉʉ Tsɑpʉɔ, pɔ́ɔpɛ́mɑ́ zúꞋ ńtsɑ́ɑtɛ tɛꞋ.

ŊwɑꞋnɛ-Gɑŋntúu Yɛ́su Kɛlístɔ 15:30

Pɛ́ ŋwɑꞋnɛ pɑ́Ꞌɑ, ńdɔk ńtúu pʉɔ pɔ. Pɔ́p ɡʉ ŋ́kúu tʉ́sɔŋ-Antíyɔshɛ, ńcúꞋlɛ pʉɔ-Kɛlístɔ pɛtsʉʉ, ŋ́ɡɑ́ ŋwɑꞋnɛ mbɔ̌ pɔ́p.

ŊwɑꞋnɛ-Gɑŋntúu Yɛ́su Kɛlístɔ 15:35

Pɔ̂l pɔ́p Pɑnɛpɑ́ɑshi tsʉ́Ꞌ ńnɑ́ŋ yɔ́p pɔ zúꞋu. Pɔ́p nɛzɑ́ɑ pʉɔ pɔ́ ŋ́kɑ́t ńzíꞋ pʉɔ nɛ́ yúu, ḿbɛn ḿbɔ́ ńcẅi Ŋkʉʉ Sʉ́Ꞌnɛ ẅi Sɛ́ kɑ kɑꞋnɛ-Tsɑpʉɔ.

ŊwɑꞋnɛ-Gɑŋntúu Yɛ́su Kɛlístɔ 15:39

Pɔ̂l pɔ́p Pɑnɛpɑ́ɑshi zɔŋ zɔŋnɛ, ḿbɔɔ zúꞋnɛ, ɛ́ tɛn ŋ́ɡɔ́ ńdẅiklɛ tsɛtsɛt pɔ́p fɑkŋɛ. Pɑnɛpɑ́ɑshi lɔk Jɑ̂ŋ Mɑ́lɛ́kúshi ŋ́ɡʉ. Pɔ́pmɛ kúu mɑ́mɑ́ kɑnúꞋ ŋ́ɡʉ nɛ́ Shíipɛlɛ.

ŊwɑꞋnɛ-Gɑŋntúu Yɛ́su Kɛlístɔ 18:22

KɑnúꞋ ɡɛ ŋ́kúu Sɛ́zɑlɛ̂ Pɔ̂l pfúu ḿbʉʉ nɛ́ Yɛlúsɑlɛm, ńcɛꞋlɛ cúlɛ-pʉɔ-Kɛlístɔ lɑ́ ḿbɛn ɛ́fú zúꞋu ŋ́ɡʉ nɛ́ Antíyɔshɛ,

ŊwɑꞋnɛ-Gɑŋntúu Yɛ́su Kɛlístɔ 21:16

Pɛcɔ́ ntɑ́Ꞌpʉɔ-Kɛlístɔ pɛ́ Sɛ́zɑlɛ̂ ɡʉ ńcɑklɛ wɛ́k, ŋ́kúu sɛ̂ndúŋ ńdɔk wɛ́k ŋ́ɡʉ njɛ́Ꞌ wɛcɔ́ ŋu pɛ́ fúŋnɛ wɛ́ ŋɡɔ Nɑɑsɔŋ. A pɔ́ ŋu ŋɡɔŋ-Shíipɛlɛ, mbɔ ɑ kɑ zɑ́p tʉ́m yɛ́ nǔu Yɛ́su tɛ mbɔ ntí sɑk. Pɛk ɡʉ zúꞋu pɔ́Ꞌɔ, nɛlɛ́ njɛ́Ꞌ yɛ.

ŊwɑꞋnɛ-Gɑŋntúu Yɛ́su Kɛlístɔ 21:2

ńjʉ́ɔ mɑ́mɑ́ kɑnúꞋ ẅi ɛ́ ɡʉ nɛ́ Fɛ́nísíyɑ, ŋ́kúu tsɛtú ŋ́ɡʉ.

ŊwɑꞋnɛ-Gɑŋntúu Yɛ́su Kɛlístɔ 3:26

Ɛ́ yɛ́tɛ́ lɑ́ Sɛ́ kɑ ɡɔ́ ńtsɔ́Ꞌ ŋɡɑŋfɑꞋ wɛ́ ńtúu, ńzɛɛ ḿbiitɛ ntɛ́ pɔ tú yʉ́ʉ, ńtúu wɛ́ ŋɡɔ ɑ tɔ́ ńníꞋ mbɔ́tnɛ nǔu pʉʉ, ŋ́ɡɛ mbɑ wɔ̌ lɑ́ tsɛtsɛt pʉʉ mɛꞋ mɛfɑꞋ kɛpɔŋ.

ŊwɑꞋnɛ-Gɑŋntúu Yɛ́su Kɛlístɔ 4:36

Wɛcɔ́ ŋu pɔ́ zúꞋu, lík yɛ́ pɔ́ ŋɡɔ Yɔsɛ̂p, ḿbɔ́ ŋu nǔu njẅɛt-Lɛ́vi, mbɔ pɛ́ kɑ pí wɛ́ ŋɡɔŋ-Shíipɛlɛ. Gɑŋntúu kɑ pɔ́ ḿbɛn ɛ́fúŋ wɛ́ ŋɡɔ Pɑnɛpɑ́ɑshi, ɛ́ lɔk ńcú ŋɡɔ: «Ŋu ẅí ɑ níꞋnɛ mɛtʉʉ-pʉɔ.»

ŊwɑꞋnɛ-Gɑŋntúu Yɛ́su Kɛlístɔ 6:5

Pɑpɛ́m Kɛlístɔ zúꞋ, ɛ́ pɔŋ wɔ́p tɛꞋ. Pɔ́p ɡɔ́ɔ ŋ́kɛ́ ńtsɔ́Ꞌ Ɛtiyɛ̂n. A pɔ́ ŋu ńzɑ́p tʉ́m yɛ́ nǔu Sɛ́ tɛꞋ, mbɔ Zẅikŋɛ-Sɛ́ kɑ ńjʉ́ mɔ wɛ́. Pɛ́ pɛn ńtsɔ́Ꞌ Filîp, ńtsɔ́Ꞌ Pɔlɔkɔl, ńtsɔ́Ꞌ Nikɑnɔl, ńtsɔ́Ꞌ Timɔn, ńtsɔ́Ꞌ Pɑlmɛnɑs pɔ́p Nikɔlɑ ẅi ɑ m̄bɔ́ ŋu-Antíyɔshɛ. Mbɔ ɑ kɑ pɛ́m nɔŋŋɡɔŋ-pɑyúdɑ lɑ ŋ́kúu nǔu nɔɔ-pɑpɛ́m Kɛlístɔ.

Ŋɡɑlɑ̂t 2:11

Lɑ́, Pyɛ̂ kɑ ɡɛ ńtɔ́ Antíyɔshɛ ɛ́sɑ́ɑnɛ sɑ́ɑnɛ́nɛ ńtʉ́ʉ mbi lɑ́Ꞌ ńdʉꞋ yúu mi ɑ ɡɛnɛ, mbíꞋŋɡɔ ɛ́ kɑ ɡɔ́ ḿbɔ́, mbɔ ɑ fɑɑnɛ nu.