ŊwɑꞋnɛ-Gɑŋntúu Yɛ́su Kɛlístɔ 10:43 - Kɑɑ Fí

⁴³ Jʉ́ zɛɛnɛ ḿbɔ́ ŋu ẅí pɛŋɡɛ́mndʉ̈ɔ́Ꞌ-Sɛ́ pɛtsʉʉ kɑ pɔ́ ńdɛꞋlɛ, pɑ́Ꞌ pɔ́p kɑ pɔ́ ńcú ŋɡɔ mbɑ wɔ̌ lɑ́ ẅi ɑ zɑ́pnɛ tʉ́m yɛ́ nǔu Yɛ́su, Sɛ́ ɡʉ ńdikŋɛ mɛnu kɛpɔŋ-ŋɡɑŋ ŋ́ɡɑ́ mbɔ̌ wɛ́, ntɛ́ wɛ́.

ŊwɑꞋnɛ-Gɑŋntúu Yɛ́su Kɛlístɔ 10:43 교차 참조

Mɑ́lɛ́kúshi 16:16

Ŋu ẅí ɑ pɛ́mnɛ, pɛ́ nuꞋ wɛ́ ŋki, Sɛ́ ɡɛ ɑ luk. Ŋu ẅí ɑ lʉꞋnɛ nɛpɛ́m, ɑ ɡʉ ńdɑ́Ꞌ ḿvu ntsɑŋ.

Lúkɑ́shi 24:47

Ɛ́ sɛ́ ḿbíkŋɛ ŋɡɔ pɛ́ lɑ́Ꞌ ńdɔk lík yɑ́ɑ, ńcú nu-Sɛ́ mbɔ̌ lɑ́Ꞌ ŋɡɔ mbɑ wɔ̌ lɑ́ kúpmɛ mɑt wɛ, Sɛ́ likŋɛ mɛnu kɛpɔŋ mɛ́. Pɔ́Ꞌɔ, ɛ́ kɛ ńzɛ Yɛlúsɑlɛm.»

Jɑ̂ŋ 1:45

Filîp ɡʉ ńjʉ́ɔ Nɑtɑnɑyɛ̂l, ńcú mbɔ̌ wɛ́ ŋɡɔ: «Pɛk jʉ́ɔ ŋu ẅí pɛ́ kɑ ŋwɑꞋnɛ́nɛ nu nǔu wɛ́ tsɛt ŋwɑꞋnɛ-nɛpʉ́ʉ-Mɔ̌sɛ̂ɛ, mbɑ tsɛt mɛŋwɑꞋnɛ-pɛŋɡɛ́mndʉ̈ɔ́Ꞌ-Sɛ́ lɑ́. Pɛk jʉ́ɔ wɛ́, ɑ pɔ́ Yɛ́su, mɔ́ɔ-Yɔsɛ̂p, mɔ́ɔ-Nɑ̌zɑlɛt.»

Jɑ̂ŋ 20:31

Lɑ́ pɛ́ kɑ kɛ́ ŋ́ŋwɑꞋnɛ mɔnɛ pɑ́Ꞌnɛ nɛpɔ́ yi pʉʉ ɡʉ ḿbɛ́m ŋɡɔ Yɛ́su Nzɑ́Ꞌŋkʉ ẅi Sɛ́ kɑ kɑꞋnɛ, ḿbɔ́ Mɔ́ɔ Sɛ́, ḿbɔ́ yi pʉʉ lɑɑ ḿbɛ́m, ɑ ɡɛ pʉʉ ŋ́ɡẅɛɛ luk kɛ́mɛ.

Jɑ̂ŋ 5:24

Lɑ́ ɛ sẅíi wʉ́ʉ, kwɑꞋ nɛ́nẅín, ŋu lɑɑ ńzúꞋ sẅiŋɛ yɑ́ɑ, ḿbɛn ńzɑ́p tʉ́m nǔu ŋu ẅí ɑ kɑ túunɛ wɑ́ɑ, mbɔ ŋɡɑŋ ɡẅɛɛ luk kɛ́mɛ. Pɛ́ kɛ́ ɡɛ ḿbɛn ŋ́ŋɑk wɛ́ pɔ́, ɑ luk nɛvú ńtsʉ́Ꞌ ŋ́ɡẅɛɛ pɔ luk kɛ́mɛ.

ŊwɑꞋnɛ-Gɑŋntúu Yɛ́su Kɛlístɔ 15:9

Sɛ́ ŋ́kɑɑ kɛ́ ŋ́ɡɛ yɛcɔ́ sɑ̌ɑ tɔŋ tsɛtsɛt pɛk pɛpɔ́p pɔ́. A kɑ lɛɛ nǔu pɑ́Ꞌ pɔ́p zɑ́pnɛ tʉ́m nǔu Yɛ́su, ɛ́suk nu kɛpɔŋ tʉ́m pɔ́p.

ŊwɑꞋnɛ-Gɑŋntúu Yɛ́su Kɛlístɔ 2:38

Pyɛ̂ pʉ̈ɔt mbɔ̌ pɔ́p ŋɡɔ: «Pʉʉ kúpmɛ mɑt. Wɛ́t ŋu lɑ́ nǔu pʉʉ pɛ́m pɛ́ nuꞋ wɛ́ ŋki nǔu lík-Yɛ́su Kɛlístɔ. Nɛpɔ́ yi Sɛ́ ɡʉ ńdikŋɛ mɛnu kɛpɔŋ mɛ́ ŋ́ɡɑ́ mbɔ̌ wɛ́. Sɛ́ ɡɔ́ɔ ŋ́kɛ́ ŋ́ɡɑ́ Zẅikŋɛ Lɛ́ɛnɛ́nɛ mbɔ̌ pʉʉ.

ŊwɑꞋnɛ-Gɑŋntúu Yɛ́su Kɛlístɔ 26:18

N túu wú pɔ́Ꞌɔ, ɔ ɡʉ níɛꞋ mík mɔ́p, ŋ́ɡɛ pɔ́p fú tsɛt nzɛ́nzʉ́ʉ ńcẅɛt, ŋ́kúu nǔu zʉꞋ yi ɛ́ sɛ́ fúk. Ɛ́ lɔk ḿbɔ́ ŋɡɔ ɔ ɡʉ ŋ́ɡɛ ŋ́ɡɛ pɔ́p fú nǔu mbɔ́-Sɑ́ttɑ ńcẅɛt, ḿbɛn nǔu mbɔ́-Sɛ́, ńzɑ́p tʉ́m yɔ́p nǔu mɔ, Sɛ́ likŋɛ mɛnu kɛpɔŋ mɔ́p ŋ́ɡɑ́ mbɔ̌ pɔ́p, ḿbɛn ŋ́ɡɑ́ yɔ́p zʉꞋ tsɛtsɛt pʉɔ pɛ́.»

ŊwɑꞋnɛ-Gɑŋntúu Yɛ́su Kɛlístɔ 26:22

Lɑ́ m bɛ́t ɡú lɔ́Ꞌnɛ pɑ́Ꞌɑ, Sɛ́ pɔ́nɛ ŋ́kẅíipɛ wɑ́ɑ. M bɛn ḿbɔ́ ɛ́sẅíi mbɑ kʉ̈ɔ́ lɑ́ yi n jínɛ nǔu wɛ́, mbɔ̌ pɛlʉ́m mbɑ mbɔ̌ mbɔ́ŋkʉ̈ɔ́. Pɛ́ kɑ zɑ́Ꞌ njí ńcú mɛnu mi ɛ́ ɡʉ ńdɑ́Ꞌ lɑ́ ńtɔ́ tsɛt ŋwɑꞋnɛ-pɛŋɡɛ́mndʉ̈ɔ́Ꞌ-Sɛ́, mbɑ tsɛt ŋwɑꞋnɛ-Mɔ̌sɛ̂ɛ. Mɔ ḿbɔ́ ńcú pɔ yɛ́tɛ́.

ŊwɑꞋnɛ-Gɑŋntúu Yɛ́su Kɛlístɔ 3:16

Ɛ́ nǔu ŋkɔ̂ɔnɛ, pʉʉ sɛ́ ńjʉ́ɔ ŋɡɑŋ-kẅíꞋlɛ wɔ, ḿbɛn ḿbɔ́ ńjí wɛ́. Ɛ́ lɛɛ pɔ nǔu wɛk nɛzɑ́p tʉ́m nǔu Yɛ́su ɛ̂wɑ́ lɑ lík yɛ́ ɡɑ́ mɛtʉʉ mbɔ̌ wɛ́, ɑ lɔk ńdɔ sɛ́ ńtʉ́ʉ mbi pʉʉ. Ɛ́ lɛɛ pɔ nǔu nɛzɑ́p tʉ́m nǔu Yɛ́su lɑ ɑ fíitɛ pɑ́Ꞌ pʉʉ sɛ́ ńjʉ́ɔ lɑɑ.

ŊwɑꞋnɛ-Gɑŋntúu Yɛ́su Kɛlístɔ 3:18

Lɑ Sɛ́ fú nǔu ŋ́ɡɛ nu yi ɑ kɑ zɑ́Ꞌnɛ njí ńdɔk ntsu-pɑcẅiŋkʉʉ pɛ́ pɛ́tsʉʉ ńcú ɛ́ puutɛ. Yîyɑ́ nu pɔ́ ŋɡɔ Nzɑ́Ꞌŋkʉ ẅí Sɛ́ kɑ kɑꞋnɛ kɑ pɔ́ ŋ́ɡʉ ńdɑ́Ꞌ ńjʉ́ɔ ŋɡʉ̈ɔ́Ꞌ.

Pʉɔ-Lɔ́mɑ 10:11

Ɛ́ lɔk ńzɛɛ ḿbuutɛ nǔu pɑ́Ꞌ ŋwɑꞋnɛ-Sɛ́ kɑ cúnɛ ŋɡɔ: «Ŋu lɑɑ ńzɑ́p tʉ́m nǔu wɛ́, mbɔ sʉ́ʉ kɛ́ ɡɛ ŋ́kɔ́ ŋɡɑŋ pɔ́».

Pʉɔ-Lɔ́mɑ 3:21

Lɑ́ ɛ́ nǔu ŋkɔ̂ɔnɛ, mbɔ Sɛ́ kɛ́mɔ́ ńdɛꞋlɛ ntɛ́ yi ɑ ɛ́fú nǔu ńtsʉ́Ꞌ ńdíŋɛ ŋu ɑ pɔ́ pɔ ndʉ́ŋndʉŋ mbi yɛ́, ɛ́ kɛ́ mbɔɔ ntɛ́ yi ɛ́ fúnɛ nǔu nɛpʉ́ʉ pɔ́. ŊwɑꞋnɛ-nɛpʉ́ʉ-Mɔ̌sɛ̂ɛ tɛ mbɑ nɛ́ pɑncẅiŋkʉʉ-Sɛ́ kɑ cú nu ntɛ́ ẅîwɑ́ sɛ̂ndúŋ.

Pʉɔ-Lɔ́mɑ 5:1

Pɑ́Ꞌ ɛ́ kɑ lɛɛnɛ nǔu nɛzɑ́p tʉ́m nǔu Yɛ́su Kɛlístɔ, Sɛ́ tsʉ́Ꞌ ńdíŋɛ wɛkŋɛ pɛkŋɛ pɔ́ pɔ ndʉ́ŋndʉŋ mbi yɛ́ lɑ́, pɛkŋɛ pɛ Sɛ́ ŋkɔ̂ɔnɛ ńnɑ́ŋ sʉ́Ꞌnɛ, mbíꞋ Tsɑpʉɔ wɛkŋɛ Yɛ́su Kɛlístɔ.

Pʉɔ-Lɔ́mɑ 6:23

mbíꞋŋɡɔ yúu mi nu kɛpɔŋ lɔknɛ ńtsɔ́ꞋfɑꞋ ntɛ́ fɑꞋ-ŋu, ɛ́ pɔ́ pɔ ŋɡɑŋ nɛpfú, lɑ́ fuꞋ yi Sɛ́ ɡɑ́nɛ mbɔ̌ ŋu pɔ níinɛ, ɛ́ pɔ́ pɑ́Ꞌ ŋɡɑŋ lɑtnɛ mbʉʉ yɛ nǔu Tsɑpʉɔ Yɛ́su Kɛlístɔ, ŋ́ɡẅɛɛ luk kɛ́mɛ.

Pʉɔ-Lɔ́mɑ 8:1

Ɛ́ lɔk ḿbɔ́ ŋɡɔ pʉɔ pi pɔ́p lɑtnɛ mbʉʉ yɔp nǔu Yɛ́su Kɛlístɔ, kɛ́ ɡʉ ńdɑ́Ꞌ ḿbɛn ḿvu ntsɑŋ pɔ́,

Pʉɔ-Lɔ́mɑ 8:34

mbɔ wɔ̌ kuꞋ nɛcú ŋɡɔ ntsɑŋ jʉ́nɛ wɔ́p? Ŋɡɑŋ kɑ pɔ́ ɡú pɔ́, mbíꞋŋɡɔ Yɛ́su Kɛlístɔ kɑ pfú nǔu tú yɔ́p, mbɔɔ ɡɔ́ŋ pɔ́Ꞌɔ pɔ́, ɑ kɑ zẅíimɛ nǔu nɛvú. A nɑ́ŋ nǔu ɡúŋ-pɔ́-Sɛ́ yi tʉʉ, ḿbɔ́ ḿbúꞋ mbɔ́ mbɔ̌ wɛ́ nǔu tú yɛkŋɛ.

Ŋɡɑlɑ̂t 3:22

Lɑ́ ŋwɑꞋnɛ-Sɛ́ nyɛt ŋɡɔ mbɑ wɛ́tɛ́ ŋu lɑ́ pɔ́ pɔ ŋkwɑɑ mbɔ̌ nu kɛpɔŋ. Ɛ́ pɔ́Ꞌɔ lɑ yúu mi Sɛ́ kɑ kɑꞋnɛ puutɛ nǔu pʉɔ pi pɔ́p lɛɛnɛ nǔu Yɛ́su Kɛlístɔ ńzɑ́p tʉ́m yɔ́p nǔu wɛ́.

Ɛ́fɛ̂zɛ 1:7

Mɔ́ɔ nɛ ɛ̂wɑ́ kɑ lɔk mɛci mɛ́ ńdɔk ńtsúꞋ wɛkŋɛ, pɛkŋɛ luk. Sɛ́ likŋɛ mɛfɑɑnɛ mɛkŋɛ ŋ́ɡɑ́ mbɔ̌ pɛkŋɛ. Yɔ nu kɛ́ fʉꞋ yi Sɛ́ kɑ lɔknɛ ŋ́ɡɑ́ fuꞋ fɛ̌ɛ yɛkŋɛ,

Kɔlɔsíyɛ̂ŋ 1:14

Jʉ́ mɔ́ɔ nɛ ɛ̂wɑ́ kɑ ɡɛnɛ Sɛ́ fú tsɛt nu kɛpɔŋ ńtsúꞋ wɛkŋɛ, ńdikŋɛ mɛfɑɑnɛ mɛkŋɛ, ŋ́ɡɑ́ mbɔ̌ pɛkŋɛ.

Ɛ́bɛlʉʉ 13:20

Sɛ́ ẅí mbɔ́tnɛ fúnɛ mbɔ̌ wɛ́, ɑ kɑ ɡɛ Yɛ́su, Tsɑpʉɔ wɛkŋɛ fú lɑ́Ꞌ-pɛpfú ŋ́kɔ́Ꞌ. Jʉ́ Tsɑpʉɔ wɛkŋɛ kɑ lɔk pɑ́Ꞌ ɑ tswɛtnɛ mɛci mɛ́, Sɛ́ lɔk ŋ́ɡwɑt kɑɑ yi ɛ́ kɛ́ lɑ́Ꞌ ḿmɛ pɔ́, ńtsʉ́Ꞌ mbyɛ́p mbí wɛ ɡwɛ́, pɑ́Ꞌ ɑ ɡʉ ḿbyɛ́p njinjɔ yɛ́.

1 Pyɛ̂ 1:11

Pɔ́p kɑ sɑ́Ꞌ tʉʉ nɛjí fʉꞋ-njí, mbɑ yúu mi ɛ́ ɡʉ ńdɑ́Ꞌ ńdɛɛ lɑ yúu mi Zẅikŋɛ-Kɛlístɔ kɑ pɔ́ ńdɛꞋlɛ wɔ́p ɡɛ. Yîyɑ́ Zẅikŋɛ yi ɛ́ kɑ pɔ́ nǔu pɔ́p, kɑ zɛɛ ńzɑ́Ꞌ njí ḿbɔ́ ńdɛꞋlɛ wɔ́p nɛ́ ŋɡʉ̈ɔ́Ꞌ yi Kɛlístɔ ɡʉ ŋ́ɡɛ ńjʉ́ɔ tɛ mbɑ nɛɡúꞋ ẅi ɛ́ ɡʉ ńdɑ́Ꞌ ḿbɑ́ɑtɛ ŋɡʉ̈ɔ́Ꞌ yɛ́ ɛ̂yɑ́.

Mɛnu ɛ́ ńdɑ́Ꞌ ńcẅɛt 19:10

N zúꞋ pɔ́Ꞌɔ, ńnɔɔ mɛku wɛ́ nɛɡúꞋlɛ wɛ́. Lɑ́ ɑ cú mbɔ̌ mɔ ŋɡɔ: «Kɔɔ ɡɛ pɑ́Ꞌɑ lɑ́.» M bɛn ḿbɔ́ yɑ́ɑ pɔ wɛcɔ́ ŋu nǔu ɡɑŋkufɑꞋ yʉ́ʉ, ḿbɛn ḿbɔ́ wɛ pɛcɔ́ pɔ́ɔpɛ́mɑ́ pú pi, pʉʉ pɛ́pɔ́p ɡẅɛɛnɛ yúu mi Yɛ́su Kɛlístɔ kɑ ɡɛnɛ pɛ́ jí. Nɛpɔ́ jʉ́njʉ́ɔ-Yɛ́su, ɛ́ nɛcú ŋɡɔ yúu mi pɛ́ ŋɡɛ́mndʉ̈ɔ́Ꞌ-Sɛ́ kɑ cúnɛ ɛ́ nɛ́nẅín!