ŊwɑꞋnɛ-Gɑŋntúu Yɛ́su Kɛlístɔ 10:30 - Kɑɑ Fí

³⁰ Kɔ̂lnɛ́ɛ tsɔ́Ꞌ mbɔ̌ Pyɛ̂ ŋɡɔ: «Ɛ́ ŋkɔ̂ɔnɛ ḿbɔ́ lɛ́Ꞌ pɛ́nɛ́kwɑ, pɑ́Ꞌ ɛ́ ḿbɔ́nɛ nǔu nɛm yɛ́tɑ́t mbɔ́tnjí pɑ́Ꞌ ŋkɔ̂ɔnɛ lɑɑnɛ, m bɔ́ ndɑ́ mɔ ḿbɔ́ ńcɛꞋlɛ Sɛ́, ŋ́ɡɔ ńjʉ́ɔ wɛcɔ́ ŋu vukŋɛ vukŋɛnɛ ńcẅɛt ńtʉ́ʉ mbi mɔ, ḿmɑꞋ mɛndẅí ɛ́ pɔ́ ŋ́ŋwɑŋɛ ŋwɑŋɛ́nɛ,

ŊwɑꞋnɛ-Gɑŋntúu Yɛ́su Kɛlístɔ 10:30 교차 참조

Mɑtʉ̈ɔ 28:3

A kɑ pɔ́ ŋ́kyɛꞋ zʉꞋ pɑ́Ꞌ mɛnɛ́ɛ-mbʉŋ lɑ́, mɛndẅí mɛ́ pɛn ḿbɔ́ fúk tɛ ŋ́ŋwɑŋɛ.

Mɑ́lɛ́kúshi 16:6

Lɑ́, ɑ cú mbɔ̌ pɔ́p ŋɡɔ: «Kɔɔ pʉʉ pɔ́k, pʉʉ lɔɔ Yɛ́su mɔ́ɔ-Nɑ̌zɑlɛt ẅí pɛ́ kɑ kẅiinɛ wɛ́ nǔu tʉ́ mbɑ́ŋtɛ pɑ́ŋtɛ́nɛ lɑ́? A zẅíimɛ nǔu nɛvú, ɑ kɑ́ pɛ́t zɑ́Ꞌnɛ pɔ́. Pʉʉ jʉ́ɔ, yɔ zʉꞋ yí pɛ́ kɑ nɔŋnɛ pfú yɛ́ zúꞋu.

Lúkɑ́shi 24:4

Pɔ́p kɑ tʉ́ʉ ńdíŋɛ zʉꞋ ɛ́ pɔ́ ŋ́kʉꞋnɛ wɔ́p, pɔ́p ɡɔ́ɔ ńjʉ́ɔ pʉɔ pɛ́pɑ́ cẅɛt, ḿmɑꞋ mɛndẅí ɛ́ fúk tɛ ŋwɑŋɛ.

ŊwɑꞋnɛ-Gɑŋntúu Yɛ́su Kɛlístɔ 1:10

A pɔ́ ŋ́kɔ́Ꞌ, pɔ́p tʉ́ʉ ŋ́kɛ́ ḿbɔ́ ńdíŋɛ nɛpú líŋɛ́nɛ. Pɛcɔ́ pʉɔ pɛ́pɑ́ ɡɔ́ɔ ńcẅɛt ńtʉ́ʉ nɛjɔ́ŋ pɔ́p, ḿmɑꞋ mɛfúfú ndẅí,

ŊwɑꞋnɛ-Gɑŋntúu Yɛ́su Kɛlístɔ 10:22

Pʉɔ ɛ̂pɑ́ cú mbɔ̌ wɛ́ ŋɡɔ: «Kɔ̂lnɛ́ɛ túunɛ wɛk, ḿbɔ́ wɛcɔ́ tɑ́tndɑ́ntsɔ-Pɑlɔ́mɑ, ḿbɔ́ ɛ́sɑ́Ꞌ pʉɔ ŋkʉ. A ŋu ndʉ́ŋndʉŋ, ḿbɔ́k Sɛ́. Pɑyúdɑ pɛtsʉʉ kẅíi lík yɛ́ pɔ sʉ́Ꞌnɛ. Tɑ́Ꞌ Cʉ̈ɔꞋ-Sɛ́ kɑ tɔ́ ńcú mbɔ̌ wɛ́ ŋɡɔ: “Túu pɛ́ ɡʉ ɛ́fúŋ Pyɛ̂, ɑ tɔ́ ndɑ́ wu, ɔ zẅíꞋlɛ nu yí ɑ ɡʉ ɛ́sẅíi wú.”»

ŊwɑꞋnɛ-Gɑŋntúu Yɛ́su Kɛlístɔ 10:29

Ɛ́ yúu mi ɛ́ ɡɛnɛ, ŋ ɡɔ́ɔ ńdɔ sɛ́ kɛ́ zɔŋ, pɑ́Ꞌ pʉʉ túunɛ ɛ́fúŋ wɑ́ɑ. Ŋkɔ̂ɔnɛ lɑ́, pʉʉ ɡɛ n jí yúu mi pʉʉ fúŋnɛ wɑ́ɑ zɑꞋnɛ ntɛ́ yɛ́tɛ́.»

ŊwɑꞋnɛ-Gɑŋntúu Yɛ́su Kɛlístɔ 10:3

Ɛ́ pɔ́ yɛcɔ́ lɛ́Ꞌ, nǔu yúu nɛm yɛ́tɑ́t mbɔ́tnjí, Sɛ́ ŋíɛꞋ mík mɛ́. A jʉ́ɔ wɛcɔ́ Cʉ̈ɔꞋ-Sɛ́ tɔ́ ńtsɛ́t wɛ́ ndɑ́, ɛ́fúŋ wɛ́ ŋɡɔ: «Kɔ̂lnɛ́ɛ!»

ŊwɑꞋnɛ-Gɑŋntúu Yɛ́su Kɛlístɔ 10:31

ńcú mbɔ̌ mɔ ŋɡɔ: Kɔ̂lnɛ́ɛ, Sɛ́ zúꞋ ńcɛꞋlɛ yú. A kɑ́ likŋɛ yúu mi ɔ ɡɑ́nɛ mbɔ̌ pɛpúŋ ńdɔk ńcẅɛ́lɛ́ wɔ́p lɑ́ pɔ́.

ŊwɑꞋnɛ-Gɑŋntúu Yɛ́su Kɛlístɔ 3:1

Ɛ́ pɔ́ yɛcɔ́ mbɔ́tnjí, tɛ nɛm yɛ́tɑ́t ŋkɑ́ yi Pɑyúdɑ cɛꞋlɛ́nɛ Sɛ́ pɔ́ ŋ́kuꞋ. Pyɛ̂ pɔ́p Jɑ̂ŋ pʉʉ ŋ́ɡʉ ZʉꞋ-nɔŋpɔꞋ.