23 Pyɛ̂ ɡɛ pɔ́p kúu ndɑ́, pɔ́p pɛpɔ́p lɛ́. Njí ɡɛ ŋ́kiɛ, Pyɛ̂ pɔ́p pʉɔ pɑ́ pɛtɑ́t cʉ́ɔ sɛ̂ndúŋ. Pɛcɔ́ ntɑ́Ꞌpʉɔ tsɛtsɛt pɔ́ɔpɛ́mɑ́ pɛ́ tʉ́sɔŋ-Jɔp ɡʉ ńcɑklɛ wɔ́p.
Ɛ́ ɡɛ ḿbɔ́ yɛcɔ́ lɛ́Ꞌ, pɔ́ɔpɛ́mɑ́ cúꞋlɛ sɛ́, tɛ ḿbɔ́ yúu pʉɔ ŋkʉ nɛ́ mɛɡɛ́mɛ́mbɑ́ Pyɛ̂ lɔ sɛ́, ńtʉ́ʉ tsɛtsɛt pɔ́p ńcú ŋɡɔ:
Ɛ́ yúu mi ɛ́ ɡɛnɛ, ŋ ɡɔ́ɔ ńdɔ sɛ́ kɛ́ zɔŋ, pɑ́Ꞌ pʉʉ túunɛ ɛ́fúŋ wɑ́ɑ. Ŋkɔ̂ɔnɛ lɑ́, pʉʉ ɡɛ n jí yúu mi pʉʉ fúŋnɛ wɑ́ɑ zɑꞋnɛ ntɛ́ yɛ́tɛ́.»
A kɑ cú pɔ́Ꞌɔ, ŋ ɡɔ́ɔ ńtúu pʉɔ nɛlɔɔ wú. Ɔ ɡɛ sʉ́Ꞌnɛ pɑ́Ꞌ ɔ tɔ́nɛ lɑ́. Ɛ́ ŋkɔ̂ɔnɛ pɑ́Ꞌɑ, pɛkŋɛ pɛtsʉʉ tʉ́ʉ mbi Sɛ́. Pɛk tʉ́ʉ pɑ́Ꞌɑ, mbɔ pɛk niitɛ mbʉʉ yɛk nɛzúꞋ nu yí Tsɑpʉɔ Sɛ́ níꞋnɛ mbɔ̌ ɡu ŋɡɔ ɔ sẅíi wɛk.»
Yɛ́su pɔ́p pɑpɛ́m pi pɔ́p lɑ́Ꞌnɛ ńtɔ́ ńcɑklɛ Pyɛ̂, pɔ́p m̄bɔ́ pɑyúdɑ. Pɔ́p jʉ́ɔ yɔ nu ɛ́ kʉꞋnɛ wɔ́p tɛꞋ, pɑ́Ꞌ Sɛ́ ɡɑ́nɛ Zẅikŋɛ Lɛ́ɛnɛ́nɛ mbɔ̌ pʉɔ pí pɔ́p kɑ́ pɔ́ pɑyúdɑ pɔ́ pɔ pɑ́Ꞌ ɑ kɑ pɔ́ ŋ́ɡɑ́ mbɔ̌ pɔ́p ɡúu!
Zẅikŋɛ-Sɛ́ cú mbɔ̌ mɔ ŋɡɔ: Lɔ sɛ́ pʉʉ pɛ́pɔ́p ɡʉ, kɔɔ zɔŋ.» Pʉɔ pɛ́nɛ́túkú pɔnɛ pi n dɔknɛ wɔ́p ńtɔ́ zɑꞋnɛ lɑɑ, kɑ ɡʉ ńcɑklɛ wɑ́ɑ Sɛ́zɑlɛ̂. Pɛk pɛ́pɔ́p tɛmtɛ ŋ́kúu ndɑ́-Kɔ̂lnɛ́ɛ.
Ɛ́ ɡɔ́ ḿbɔ́, mbɔ pɛk kɑ pɔ́ ńtɔ́ pɔ́ɔpɛ́mɑ́ pi pɔ́p tʉ́sɔŋ-Lɔ́mɑ zúꞋ, ńcẅɛt ńtɔ́ ńzɑ́Ꞌ wɛ́k. Pɛcɔ́ zɑ́Ꞌ wɛ́k ndǔ Mɛtɑ́ɑ-Apíyus, pɛcɔ́ zɑ́Ꞌ wɛ́k zʉꞋ yi pɛ́ fúŋnɛ ŋɡɔ Mɛndɑ́ Mɛ́ntɑ́t mi ɛ́ mɛ́ pɛɡʉʉ. Pɔ̂l kɑ pɔ́ tɛ ńjʉ́ɔ pɔ́ɔpɛ́mɑ́, ŋ́ɡɛ́mtɛ Sɛ́, ḿbɛn sʉk.
Wɛcɔ́ mɑŋɡɛ́ pɔ́ Jɔp, lík yɛ́ pɔ́ ŋɡɔ Tɑpítɑ, ńdɔk ńcú ŋɡɔ Ndɔlkɑs nǔu cú-Ŋɡɛlɛk, ɛ́ lɔk ńcú ŋɡɔ ŋ́ɡɑ́p nǔu cú wɛkŋɛ. A pɔ́, mbɔ ɑ kɑ pɛ́m nu-Yɛ́su, ḿbɔ́ ŋ́kɑ́ tsʉʉ ŋ́ɡɛ pɔ nu sʉ́Ꞌnɛ, ḿbɛn ńtɔ́ɔtɛ pɑkɛ́yúu.
pɑpɛ́mYɛ́su zúꞋ ŋɡɔ Pyɛ̂ Lidɑ, pɑ́Ꞌ ŋɡɑ nɛfú Lidɑ ŋ́kúu Jɔp pɛn ŋ́kɛ́ ḿbɔɔ sɑk lɑ́, pɑpɛ́mYɛ́su pɛ́ Jɔp túu mbɛ́ɛnɛ yɛ́pɑ́. Pɔ́p ɡʉ ńcú mbɔ̌ Pyɛ̂ ŋɡɔ: «fɛ́Ꞌnɛ ŋ́kẅɛ́Ꞌlɛ ńtɔ́ tɛ ŋ́kúu njɛ́Ꞌ pɛk.»
Ŋɡɔŋ pʉɔ pi pɔ́p ḿbɔ́nɛ tʉ́sɔŋ-Jɔp, zúꞋ yɔ nu yi ɛ́ lɛɛnɛ, pʉɔ tɛ ńzɑ́ɑ zɑ́p tʉ́m nǔu Tsɑpʉɔ.
Pɛk sɛ́ ńtsɑ́ɑ nɛɡɛ yúu mi ɛ́ kɛ́ pɔŋ pɔ ndɑꞋ Sɛ́ pɔ́, pɛk sɛ́ ńtsɑ́ɑ nɛɡɛ yi ɛ́ ɡʉ ḿbɛn ḿbɔŋ mbɑ pʉɔmɛsɔŋ.
Kɔɔ pʉʉ likŋɛ nɛkúkŋɛ pɛɡʉʉ pi pɔ́p tɔ́nɛ njɛ́Ꞌ pʉʉ, pɛcɔ́ pʉɔ kɑ lɑ́Ꞌ ŋ́kúkŋɛ pɛɡʉʉ kúkŋɛ́nɛ, tɛ ńdɑ́Ꞌ lɛ́Ꞌ ŋ́kúkŋɛ pɛcʉ̈ɔ́Ꞌ-Sɛ́ kɛ́ jí.
Pʉʉ kúkŋɛ pɔ́ɔpɛ́mɑ́ pʉʉ tsɛtsɛt pʉʉ tsɛt mɛndɑ́ mʉ́ʉ kɛ́ pɔ́ ńcútɛ.
