ŊwɑꞋnɛ-Gɑŋntúu Yɛ́su Kɛlístɔ 10:22 - Kɑɑ Fí

²² Pʉɔ ɛ̂pɑ́ cú mbɔ̌ wɛ́ ŋɡɔ: «Kɔ̂lnɛ́ɛ túunɛ wɛk, ḿbɔ́ wɛcɔ́ tɑ́tndɑ́ntsɔ-Pɑlɔ́mɑ, ḿbɔ́ ɛ́sɑ́Ꞌ pʉɔ ŋkʉ. A ŋu ndʉ́ŋndʉŋ, ḿbɔ́k Sɛ́. Pɑyúdɑ pɛtsʉʉ kẅíi lík yɛ́ pɔ sʉ́Ꞌnɛ. Tɑ́Ꞌ Cʉ̈ɔꞋ-Sɛ́ kɑ tɔ́ ńcú mbɔ̌ wɛ́ ŋɡɔ: “Túu pɛ́ ɡʉ ɛ́fúŋ Pyɛ̂, ɑ tɔ́ ndɑ́ wu, ɔ zẅíꞋlɛ nu yí ɑ ɡʉ ɛ́sẅíi wú.”»

ŊwɑꞋnɛ-Gɑŋntúu Yɛ́su Kɛlístɔ 10:22 교차 참조

Mɑtʉ̈ɔ 1:19

Ndúu mɛ Yɔsɛ̂p pɔ́ ŋu nɛ́nẅín lɑ́, ŋ́kɛ́ ḿbɔɔ ḿbɔ́ ŋ́kɔŋ nɛcẅɛt nǔu wɛ́ tsɛtsɛt lɑ́Ꞌ pɔ́, pɔ́Ꞌɔ ḿbɔ́ ŋ́kwɑŋɛ pɔ pɑ́Ꞌ ɑ ɡʉ ńdʉꞋnɛ wɛ́ pɔ tsɛt ntsɛm tɛ ŋu pɔɔ jí,

Mɑtʉ̈ɔ 2:12

Pɔ́p nɑ́ŋ tɛ ḿbɔ́ ḿbɛn nzʉʉ, Sɛ́ lɔk njʉɔ ɛ́sẅíi wɔ́p ŋɡɔ: «Pɔ́p pɑ́ɑ nɛpɛn ńdɛɛ nɛjɔ́ŋ fɔɔ Ɛlɔ̂dɛ.» Pɔ́p ɡɔ́ɔ ŋ́kɛ́ ńtsʉ́Ꞌ ńdɛɛ pɔ ndúŋ ndɛꞋ lɑ ḿbɛn nɛ́ lɑ́Ꞌ pɔ́p.

Mɑ́lɛ́kúshi 6:20

Mbíꞌŋɡɔ fɔɔ Ɛlɔ̂dɛ kɑ pɔ́ ḿbɔ́k Jɑ̂ŋ, ḿbɔ́ ńjí ŋɡɔ ɑ ndɛ́ɛnɛ Lɛ́ɛnɛ́nɛ, ŋ́ɡɛ pɔ nu yi ɛ́ tʉ́ʉnɛ ndʉ́ŋndʉŋ, pɔ́Ꞌɔ lɑ́, ɑ pɔ́ ńtʉ̈ɔ́Ꞌlɛ wɛ́ tʉ̈ɔ́Ꞌlɛnɛ, ḿbɛn ńnɑ́ŋ ŋ́kɔŋ nɛzẅíꞋlɛ sẅiŋɛ yɛ́ tɛꞋ, mbɑ pɑ́Ꞌ ɛ́ mbɔ́ ŋ́ɡɑ́ɑnɛ wɛ́.

Mɑ́lɛ́kúshi 8:38

Ŋu lɑɑ ŋ́kɔ́ sʉ́ʉ nɛpɔ́ wɑɑ ŋu, mbɑ nɛsẅíi nu yɑ́ɑ mbɔ̌ pʉɔ pɔnɛ pí pɔ́p ndǔ mbí ŋkɔ̂ɔnɛ, ḿbɔ́ njẅɛt-pʉɔ kɛpɔŋ lɑɑ, ḿbɔ́ pɑkɛ́jí Sɛ́, mbɔ Mɔ́ɔ-Ŋu ɡʉ ńdɑ́Ꞌ ḿbɛn ŋ́kɔ́ yɛ́ sʉ́ʉ nɛlɔk wɛ́ ŋ́ɡɛ wɛ ŋu, ŋkɑ́ yi ɑ ɡʉ ńdɑ́Ꞌ ḿbɛn nzʉʉ tsɛt nɛɡúꞋ-Tɑ́t wɛ, pɔ́p pɛcʉ̈ɔ́Ꞌ-Sɛ́ pɔ́nɛ.

Lúkɑ́shi 2:25

Ɛ́ pɔ́ ŋkɑ́ ɛ̂yɑ́, wɛcɔ́ ŋu pɔ́ Yɛlúsɑlɛm, lík yɛ́ pɔ́ Símɔ̂ŋ, ɑ pɔ́ ŋu, ŋ́ɡẅɛɛ nɛpʉ́ʉ-Sɛ́ ḿbɛn ńzúꞋ ntsu wɛ́. Mbɔ ɑ lɔ ńjúk ńzẅíꞋlɛ ŋu ẅi ɑ ɡʉ ńdɑ́Ꞌ ńtɔ́, pʉɔ Íslɑɛ̂l lɔk pɔ wɛ́ ńtʉʉ, Zẅikŋɛ Lɛ́ɛnɛ́nɛ pɔ́ tʉ́m yɛ́.

Lúkɑ́shi 23:50

Wɛcɔ́ ŋu m̄bɔ́ ɡú Yɛlúsɑlɛm, pɛ́ fúŋ wɛ́ ŋɡɔ Yɔsɛ̂p, mbɔ pɛ́ kɑ pí wɛ́ tsɛt yɛcɔ́ tʉ́sɔŋ-Pɑyúdɑ yi pɛ́ fúŋnɛ ŋɡɔ Alimɑtɛ̂ɛ, ḿbɔ́ ŋu sʉ́Ꞌnɛ, ŋ́kúꞋlɛ nɛpʉ́ʉ-Sɛ́ tɛꞋ, ḿbɛn ńtswɛ́ ḿbɔ́ ńzẅíꞋlɛ ŋkɑ́ yi Sɛ́ ɡʉ ɛ́sɑ́Ꞌ mbí. A m̄bɔ́ mbɑ tsɛtsɛt cúꞋlɛ-pɛkɛ́m-ŋɡɔŋ pinɛ pɔ́p kɑ pɔ́nɛ ɛ́sɑ́Ꞌ lɑ́Ꞌ. Lɑ́, ɑ ŋ́kɑɑ pɛ́m nu yi pɛcɔ́ pɛlʉ́m kɑ zɑ́pnɛ ḿbɛn ŋ́ɡɛ nǔu Yɛ́su pɔ́.

Lúkɑ́shi 9:26

Ŋu lɑɑ ŋ́kɔ́ sʉ́ʉ nɛpɔ́ wɑ́ɑ ŋu, mbɑ nɛsẅíi nu yɑ́ɑ, mbɔ mɔ́ɔ-ŋu ɡɛ ńdɑ́Ꞌ ŋ́kɔ́ sʉ́ʉ nɛlɔk wɛ́ ŋ́ɡɛ wɛ ŋu ŋkɑ́ yi ɑ ɡɛ ńdɑ́Ꞌ ḿbɛn nzʉʉ nɛ́ nɛɡúꞋ wɛ ẅí ɛ́ wɛ Sɛ́ lɑ́, mbɑ pɛcʉ̈ɔ́Ꞌ pɛ́.

Jɑ̂ŋ 13:20

Lɑ́ ɛ sẅíi wʉ́ʉ, kwɑꞋ nɛ́nẅín, ŋu lɑɑ ŋ́kúkŋɛ ŋu ẅí n túunɛ wɛ́, mbɔ ɑ kúkŋɛ pɔ wɑ́ɑ. Ŋu ẅí ɑ pɛnnɛ ŋ́kúkŋɛ wɑ́ɑ, ɑ kúkŋɛ pɔ ŋu ẅí ɑ túunɛ wɑ́ɑ.

Jɑ̂ŋ 17:20

Ŋ kɑ́ púꞋ mbɔ́ mbɔ̌ ɡu pɔ ndɑꞋ nǔu tú yɔ́p pɔ́, m búꞋ mbɔ́ mbɔ̌ ɡu mbɑ nǔu tú-pʉɔ pí pɔ́p ɡʉ ŋ́ɡɛ ńdɛɛ nǔu sẅiŋɛ yɔ́p, ńzɑ́p tʉ́m nǔu mɔ.

Jɑ̂ŋ 17:8

Ŋ kɑ kɛ́ ńcú mɛnu tsʉʉ mí ɔ kɑ níꞋnɛ mbɔ̌ mɔ mbɔ̌ pɔ́p, pɔ́p pɛ́m, ńtsuŋ ńjí ŋɡɔ ɛ fú nɛjɔ́ŋ ɡu, ḿbɛn ńjí ŋɡɔ ɡu kɑ túunɛ wɑ́ɑ.

Jɑ̂ŋ 5:24

Lɑ́ ɛ sẅíi wʉ́ʉ, kwɑꞋ nɛ́nẅín, ŋu lɑɑ ńzúꞋ sẅiŋɛ yɑ́ɑ, ḿbɛn ńzɑ́p tʉ́m nǔu ŋu ẅí ɑ kɑ túunɛ wɑ́ɑ, mbɔ ŋɡɑŋ ɡẅɛɛ luk kɛ́mɛ. Pɛ́ kɛ́ ɡɛ ḿbɛn ŋ́ŋɑk wɛ́ pɔ́, ɑ luk nɛvú ńtsʉ́Ꞌ ŋ́ɡẅɛɛ pɔ luk kɛ́mɛ.

Jɑ̂ŋ 6:63

Zẅikŋɛ-Sɛ́ ɡɛnɛ pɛ́ tsuŋ ḿbɔ́ ɡú. Ŋumɛsɔŋ nɛ́ tú yɛ́ kɑ́ kuꞋ nɛɡɛ yɛcɔ́ yúu pɔ́. Sẅiŋɛ yí ŋ ɡɑ́nɛ mbɔ̌ pʉʉ fú mbɔ̌ Zẅikŋɛ-Sɛ́, yîyɑ́ sẅiŋɛ ɡɛnɛ lɑ pɛ́ pɔ́ ɡú.

Jɑ̂ŋ 6:68

Símɔ Pyɛ̂ pʉ̈ɔt mbɔ̌ wɛ́ ŋɡɔ: «Tsɑpʉɔ, pɛk ɡʉ ŋ́ɡʉ ŋ́kẅɛ́ɛtɛ pɔ wɔ̌? Ɔ ɡẅɛɛ sẅiŋɛ yí ɛ́ ɡɑ́nɛ luk kɛ́mɛ.

ŊwɑꞋnɛ-Gɑŋntúu Yɛ́su Kɛlístɔ 10:2

A pɔ́ ŋu, pɔ́p njẅɛt yɛ́ tsʉʉ ɡɛ mɛkuꞋ Sɛ́, ḿbɔ́ ńzúꞋ ntsu wɛ́. A pɛn ńcẅɛ́lɛ́ pɑyúdɑ pi pɔ́p pɛpúŋ tɛ ɛ́ zɑ́ɑ zɑ́ɑnɛ, ńnɑ́ŋ ńcɛꞋlɛ Sɛ́ ŋkɑ́ tsʉʉ.

ŊwɑꞋnɛ-Gɑŋntúu Yɛ́su Kɛlístɔ 10:21

Pyɛ̂ ńcúŋ ŋ́kẅɛ́ɛtɛ pʉɔ ɛ̂pɑ́, ńcú mbɔ̌ pɔ́p ŋɡɔ: «Pʉʉ sɛ́ ńdɔɔ ŋu! A mɔ. Pʉʉ tɔ́ mɛlɑ́Ꞌ kʉ̈ɔ́?»

ŊwɑꞋnɛ-Gɑŋntúu Yɛ́su Kɛlístɔ 10:30

Kɔ̂lnɛ́ɛ tsɔ́Ꞌ mbɔ̌ Pyɛ̂ ŋɡɔ: «Ɛ́ ŋkɔ̂ɔnɛ ḿbɔ́ lɛ́Ꞌ pɛ́nɛ́kwɑ, pɑ́Ꞌ ɛ́ ḿbɔ́nɛ nǔu nɛm yɛ́tɑ́t mbɔ́tnjí pɑ́Ꞌ ŋkɔ̂ɔnɛ lɑɑnɛ, m bɔ́ ndɑ́ mɔ ḿbɔ́ ńcɛꞋlɛ Sɛ́, ŋ́ɡɔ ńjʉ́ɔ wɛcɔ́ ŋu vukŋɛ vukŋɛnɛ ńcẅɛt ńtʉ́ʉ mbi mɔ, ḿmɑꞋ mɛndẅí ɛ́ pɔ́ ŋ́ŋwɑŋɛ ŋwɑŋɛ́nɛ,

ŊwɑꞋnɛ-Gɑŋntúu Yɛ́su Kɛlístɔ 10:33

A kɑ cú pɔ́Ꞌɔ, ŋ ɡɔ́ɔ ńtúu pʉɔ nɛlɔɔ wú. Ɔ ɡɛ sʉ́Ꞌnɛ pɑ́Ꞌ ɔ tɔ́nɛ lɑ́. Ɛ́ ŋkɔ̂ɔnɛ pɑ́Ꞌɑ, pɛkŋɛ pɛtsʉʉ tʉ́ʉ mbi Sɛ́. Pɛk tʉ́ʉ pɑ́Ꞌɑ, mbɔ pɛk niitɛ mbʉʉ yɛk nɛzúꞋ nu yí Tsɑpʉɔ Sɛ́ níꞋnɛ mbɔ̌ ɡu ŋɡɔ ɔ sẅíi wɛk.»

ŊwɑꞋnɛ-Gɑŋntúu Yɛ́su Kɛlístɔ 10:6

A nɑ́ŋ ndɑ́ wɛcɔ́ ŋu. Yɛ́ lík pɛn ḿbɔ́ ŋɡɔ Símɔ̂ŋ. ŊɡɑŋfɑꞋ nǔu mɛŋɡup-mɛyúumɛku, yɛ́ ndɑ́ pɔ́ mbʉʉ ŋki.»

ŊwɑꞋnɛ-Gɑŋntúu Yɛ́su Kɛlístɔ 11:14

A ɡʉ ńtɔ́ ɛ́sẅíi wú nɛ́ mɛnu mi Sɛ́ ɡʉ ńdɛɛ nǔu ŋ́ɡɛ pʉʉ njẅɛtndɑ́ yu luk.

ŊwɑꞋnɛ-Gɑŋntúu Yɛ́su Kɛlístɔ 22:12

Ŋ́kúu zúꞋu, wɛcɔ́ ŋu pɔ́ zúꞋu. Pɛ́ fúŋ wɛ́ ŋɡɔ Anɑníyɑs. A pɔ́ ŋu ŋ́ɡɛ mɛkuꞋ-Sɛ́ ḿbɛn ńnɛn pɑ́Ꞌ nɛpʉ́ʉ nɛkŋɛ sɛ́ ḿbíkŋɛ. Pɑyúdɑ pi pɔ́p ńtswɛ́nɛ tʉ́sɔŋ-Ndɑ́mɑ́s tɛ ḿmik wɔ́p pɔ́ ŋ́kẅíi lík yɛ́ pɔ sʉ́Ꞌnɛ.

ŊwɑꞋnɛ-Gɑŋntúu Yɛ́su Kɛlístɔ 24:15

Ɛ́ lɛɛ pɔ́Ꞌɔ, yɛcɔ́ yúu pɔ́ ɡú yi mɔ sɛ́ ńzẅíꞋlɛ. Tɛ mbɑ pʉɔ pi pɔ́p fɛnnɛ wɑ́ɑ lɑ́ pɛn ḿbɔ́ ńzẅíꞋlɛ yɔ́p pɔ yɛ́tɛ́. Ɛ́ pɔ́ ŋɡɔ Sɛ́ ɡʉ ńdɑ́Ꞌ ńzẅíimɛ pʉɔ pi pɔ́p kɑ ɡɛnɛ nu ndʉ́ŋndʉŋ, tɛ mbɑ pʉɔ pi pɔ́p ŋ́kɑɑ ɡɛ pɔ́Ꞌɔ pɔ́ tsʉʉ.

ŊwɑꞋnɛ-Gɑŋntúu Yɛ́su Kɛlístɔ 6:3

Pɔ́Ꞌɔ lɑ́ mbɑ̌ɑ pɔ́ɔpɛ́mɑ́, pʉʉ ɡʉ tsɛtsɛt pʉʉ, ńdɔɔ pʉɔ sɑɑmbɑ́ pɑ́Ꞌ pɔ́p ɡʉ ḿbɔ́ ɛ́fɑꞋ yîyɑ́ fɑꞋ. Pʉʉ tsʉ́Ꞌ nɛtsɔ́Ꞌ, ńdíŋɛ pʉɔ pi tswɛ́ wɔp pɔŋnɛ. Pʉɔ pi Zẅikŋɛ-Sɛ́ kɑ jʉ́ mɔ tʉ́m yɔ́p. Pɔ́p pɛn ŋ́ɡẅɛɛ jínu. Pɛk ńníꞋ fɑꞋ-yúupɛ́jʉ́ mbɔ̌ pɔ́p,

Pʉɔ-Lɔ́mɑ 1:17

Ɛ́ zɛɛ ŋ́ɡɔ ḿbɔ́, Ŋkʉʉ Sʉ́Ꞌnɛ pɔ́ ŋ́ɡɛ pɛ́ jí pɑ́Ꞌ ɛ́ lɛɛnɛ pɔ́Ꞌɔ, lɑ Sɛ́ lɔk pʉɔmɛsɔŋ ɛ́fúŋ pʉɔ pi pɔ́p ndʉ́ŋndʉŋ mbi yɛ́. Ɛ́ lɛɛ pɔ ndɑꞋ nǔu pɑ́Ꞌ pɔ́p zɑ́pnɛ tʉ́m nǔu wɛ́. Wɛcɔ́ ndúŋ ndɛꞋ kɑ pɔ́ ɡú pɔ́. Ɛ́ yúu mi pɛ́ kɑ ŋwɑꞋnɛ́nɛ tsɛt ŋwɑꞋnɛ-Sɛ́ ŋɡɔ: «Ŋu ẅí ɑ mbi Sɛ́ ḿbɔ́ ndʉ́ŋndʉŋ mbíꞋŋɡɔ ɑ zɑ́p tʉ́m nǔu wɛ́ ɡʉ ndɑ́Ꞌ ḿbɔ́ ɡú.»

2 Kɔlɛ̂ŋtɛ 5:18

Mîmɑ́ mɛnu tsʉʉ fú mbɔ̌ Sɛ́ ẅi ɑ kɑ lɔknɛ Kɛlístɔ ḿmik mbuu yí ɛ́ kɑ pɔ́nɛ tsɛtsɛt pɛkŋɛ pɛ jʉ́ Sɛ́, ɑ kɑ pɛn ŋ́ɡɑ́ fɑꞋ mbɔ̌ pɛk, ɛ́ pɔ́ nɛɡʉ ɛ́sẅíi pʉɔ ŋɡɔ shʉ́ nɛmɛk mbuu yí ɛ́ kɑ pɔ́nɛ tsɛtsɛt pɔ́p pɛ́ Sɛ́ ɛ́ cẅɛt.

1 Timɔtɛ́ɛ 3:7

Ɛ́ pɛn ḿbɔ́ ḿbíkŋɛ ŋɡɔ ɑ pɔ́ ŋu ẅí pʉɔ pi pɔ́p kɑ́ pɔ́ pʉɔ-Kɛlístɔ pɔ́, pɔ́ kẅíi lík yɛ́ pɔ sʉ́Ꞌnɛ. Pɔ́Ꞌɔ, mɛcɔ́ mɛnu mɛ́ mi ḿbɔ́ pɛ́ kɛm sʉ́ʉ kɔ́ wɛ́ pɔɔ ɡú pɔ́, Sɑ́ttɑ pɔɔ kuꞋ nɛlʉꞋ ŋkʉ tɛ ńdɔk ŋ́ɡẅɛɛ wɛ́ pɔ́.

Ɛ́bɛlʉʉ 10:38

Wɑɑ ŋu ẅi n jʉ́ɔnɛ ŋɡɔ ɑ ndʉ́ŋndʉŋ mbi mɔ, ɡʉ ŋ́ɡɛ ńduk, ɛ́fú nǔu pɑ́Ꞌ ɑ zɑ́pnɛ tʉ́m nǔu mɔ. Lɑ́ ŋ́kɛ́ ḿbɔ́ yi ɑ lɑɑ ḿbɛn nzʉʉ, nu yɛ́ pɔɔ pɛn ḿbɔŋ wɑ́ɑ pɔ́.

Ɛ́bɛlʉʉ 11:2

Sɛ́ kɑ cú nǔu pɛcɔ́ pʉɔ pɛ́ pɛ́ ŋkɑ́mbi ŋɡɔ, pɔ́p kwɑꞋ pʉɔ, ɛ́ fú pɔ nǔu yɔp ntɛ́ nɛzɑ́p tʉ́m nǔu wɛ́.

Ɛ́bɛlʉʉ 12:23

Pʉʉ kɑ kẅɛ́Ꞌlɛ mbʉʉ ńtɔ́ tsɛt cúꞋlɛ-pʉɔ pí Sɛ́ kɑ lɔknɛ wɔ́p ŋ́ɡɛ pʉɔ-pɛ́ pi pɔ́p túmbi, pɔ́p pɔ́ tsɛt tsɑ́ɑtɛ, mɛlík mɔ́p pɔ́ mɛ́ ŋwɑꞋnɛ́nɛ tʉ́nɛ́pú. Pʉʉ kɑ kẅɛ́Ꞌlɛ mbʉʉ ńtɔ́ nɛ́ kwɑꞋ nɛjɔ́ŋ Sɛ́, ɑ ndɑꞋ jʉ́, ḿbɔ́ ŋɑk pʉɔmɛsɔŋ pɛ́tsʉʉ. Pʉʉ kɑ tɔ́ nɛ́ zʉꞋ yí mɛzẅikŋɛ-pʉɔmɛsɔŋ pi pɔ́p ndʉ́ŋndʉŋ mbi Sɛ́ zúꞋu. Pɔ́p ŋkɔ̂ɔnɛ ḿbɔ́ pʉɔ-Sɛ́ pɔ tɑ́Ꞌ ŋkɑ́.

2 Pyɛ̂ 3:2

Pʉʉ kẅíitɛ sẅiŋɛ yi pɑcẅiŋkʉʉ-Sɛ́ pɛ́ Lɛ́ɛnɛ́nɛ kɑ zɑ́Ꞌnɛ njí ńcú, mbɑ nɛpʉ́ʉ ni ɡɑŋntúu-Yɛ́su kɑ zíꞋnɛ wʉ́ʉ, ɛ́fú mbɔ̌ Tsɑpʉɔ ɑ pɔ́ ŋu ẅí ɑ ɡɛnɛ pɛkŋɛ luk.

3 Jɑ̂ŋ 1:12

ŋ́ɡʉ nǔu Ndɛlmɛ́tɛ́lẅís, mbɔ mbɑ wɔ̌ lɑ́ kẅíi lík yɛ́ pɔ sʉ́Ꞌnɛ. Ntɛ́ yi ɑ sɛ́ ńdɔk ńnɛn nǔu sɛ̂ndúŋ-nu nɛ́nẅín sɛ́ ńdɛꞋlɛ ŋɡɔ mɛfɑꞋ mɛ́ pɔŋ. Pɛk ɡúu sɛ́ ŋ́kẅíi lík yɛ́ pɔ sʉ́Ꞌnɛ, ɔ pɛn ḿbɔ́ ńjí ŋɡɔ pɛk lɔk ńcú ɛ́sẅíi nu.

Mɛnu ɛ́ ńdɑ́Ꞌ ńcẅɛt 14:10

ŋɡɑŋ jí ŋɡɔ mbɑ jʉ́ ɡʉ ŋ́ɡɛ ńnɔ́ mɛluꞋ-zɑ́ŋlɔ́ŋ-Sɛ́, mi Sɛ́ ɡʉ ŋ́ɡɛ ńníꞋ tsɛt ntúꞋ-zɑ́ŋlɔ́ŋ yɛ́, tɛ mbɔɔ síi ŋ́ɡwɑtɛ pɔ́. Ŋɡɑŋ pɑ́ɑtɛ ŋ́kúu ŋɡʉ̈ɔ́Ꞌ tsɛt múk-mɛkɑɑ, mbi pɛcʉ̈ɔ́Ꞌ-Sɛ́ pɛ lɛ́ɛnɛ́nɛ mbɑ mbi Mɔ́ɔ-Njinjɔ.»