ŊwɑꞋnɛ-Gɑŋntúu Yɛ́su Kɛlístɔ 1:17 - Kɑɑ Fí

¹⁷ Lɑ mbɔ Jẅidɑ ɛ̂wɑ́ ḿbɔ́ wɛcɔ́ tɑ́Ꞌ ŋu nǔu nɔɔ wɛk pɑpɛ́m Yɛ́su. Tɛ ḿbɛn ŋ́ɡẅɛɛ yɛ́ túfɑꞋ yi ɑ ɡʉ ŋ́ɡɛ tsɛtsɛt pɛkŋɛ.

ŊwɑꞋnɛ-Gɑŋntúu Yɛ́su Kɛlístɔ 1:17 교차 참조

Mɑtʉ̈ɔ 10:4

ŋ́ɡɛ Símɔ mɔ́ɔ-ŋɡɔŋ pɔ́p Jẅidɑ Iskɑlyɔt ẅí ɑ kɑ ɡɛnɛ ɛ́fɛn Yɛ́su.

Mɑ́lɛ́kúshi 3:19

ḿbɛn ŋ́ɡɛ Jẅidɑ Iskɑlyɔt ẅi ɑ kɑ ńtɑ́ɑnɛ ɛ́fɛn Yɛ́su.

Lúkɑ́shi 22:47

A kɑ pɛ́t ńcú cúnɛ, nɔɔ-lɑ́Ꞌ tɔ́, tɛ Jẅídɑ ẅí ɑ ḿbɔ́nɛ wɛcɔ́ tɑ́Ꞌ ŋu tsɛtsɛt ɡɑŋku pɛ́ ntsɔ̌ppɑ́ nɛ́ nɛɡɛ́m pɔ́ mbi, ŋ́kẅɛ́Ꞌlɛ ńtɔ́ nɛ́ nɛjɔ́ŋ Yɛ́su, ńtɑ́ŋtɛ wɛ́, ńcɛꞋlɛ wɛ́.

Lúkɑ́shi 6:16

ŋ́ɡɛ Jẅidɛ mɔ́ɔ-Jɑ̂k, ŋ́ɡɛ Jẅídɑ Iskɑlyɔt ẅí ɑ kɑ tɑ́ɑnɛ ɛ́fɛn Yɛ́su.

Jɑ̂ŋ 17:12

Ɛ́ m̄bɔ́ ŋkɑ́ yi pɛk pɛ́ pɔ́p kɑ pɔ́nɛ, m bɔ́ ńdɔk mɛtʉʉ mú, mɛtʉʉ mí ɔ kɑ ɡɑ́nɛ mbɔ̌ mɔ lɑ́, ḿbyɛ́p wɔ́p. Ŋ kɑ tʉ̈ɔ́Ꞌlɛ wɔ́p tɛ wɛcɔ́ tɑ́Ꞌ ŋu nǔu pɔ́p pɔɔ pɛ́. Ŋu ẅí ɛ́ kɑ pɔ́ ḿbíkŋɛ ŋɡɔ ɑ pɛ́ kɑ pɛ́nɛ. Ɛ́ lɔk ḿbuutɛ nǔu nu yí pɛ́ kɑ ŋwɑꞋnɛ́nɛ tsɛt ŋwɑꞋnɛ-ndɛn kɑɑ.

ŊwɑꞋnɛ-Gɑŋntúu Yɛ́su Kɛlístɔ 1:25

Ẅîwɑ́ ŋu tsʉ́Ꞌ ŋɡɑŋtúu Yɛ́su, ńtʉ́ʉ nǔu zʉꞋ-Jẅidɑ ḿbɔ́nɛ zúꞋu lɑ ḿmɛꞋ ŋ́ɡʉ nɛ́ yɛ́ zʉꞋ lɑ́.»

ŊwɑꞋnɛ-Gɑŋntúu Yɛ́su Kɛlístɔ 12:25

Pɑnɛpɑ́ɑshi pɔ́p Sɔ̂l pɔ́ tɛ ḿmik yɔ́p fɑꞋ yi pɛ́ lɑ́Ꞌnɛ ńtúu wɔ́p nǔu Yɛlúsɑlɛm, ŋ́ɡɔ ḿbɛn Antíyɔshɛ ńdɔk Jɑ̂ŋ ẅí pɛ́ fúŋnɛ wɛ́ ŋɡɔ Mɑ́lɛ́kúshi ŋ́ɡʉ.

ŊwɑꞋnɛ-Gɑŋntúu Yɛ́su Kɛlístɔ 20:24

Lɑ́ ɛ́ ɡʉ nǔu mɔ, mbɔ wɑɑ nɛpɔ́ kɑ́ síi ḿbɔ́ pɔ yúu tʉʉndɛn mbɔ̌ mɔ pɔ́. Yúu mi mɔ sɛ́ ńtsɑ́ɑ, ɛ́ pɔ́ pɔ ŋɡɔ, ɛ fɑꞋ fɑꞋ yi pɛ́ ɡɑ́nɛ mbɔ̌ mɔ tɛ ḿmɛk. Ɛ́ pɔ́ nɛɡɛ ŋ́ɡɛ mbɑ kʉ̈ɔ́ lɑ́ yi Tsɑpʉɔ Yɛ́su kɑ cúnɛ ŋɡɔ ŋ ɡɛ. N cú nɛɡʉ ńcẅi Ŋkʉʉ Sʉ́Ꞌnɛ ẅi Sɛ́ kɑ kɑꞋnɛ mbɔ̌ pʉɔmɛsɔŋ nɛlɔk ɛ́sẅíi wɔ́p pɑ́Ꞌ Sɛ́ fú nǔu Yɛ́su ŋ́ɡɑ́ fuꞋ níinɛ mbɔ̌ pʉɔ pɔ́Ꞌɔ.»

ŊwɑꞋnɛ-Gɑŋntúu Yɛ́su Kɛlístɔ 21:19

Pɔ̂l cɛꞋlɛ wɔ́p tɛ ɛ́ kuꞋ, ɑ kẅiꞋ ńdɛꞋlɛ mɛnu wɛmɔ́Ꞌ wɛ́mɔ́Ꞌ mi Sɛ́ kɑ lɔknɛ wɛ́ ŋ́ɡɛ tsɛtsɛt pʉɔ pi pɔ́p kɑ́ pɔ́ pɑyúdɑ pɔ́ ɛ́sẅíi wɔ́p.

2 Kɔlɛ̂ŋtɛ 4:1

Pɔ́Ꞌɔ lɑ́, pɑ́Ꞌ Sɛ́ kɑ lɔk pɔ tsɑ́ɑ mɛjʉ́ŋ yɛ́, ŋ́ɡɑ́ yɔ fɑꞋ mbɔ̌ pɛk lɑ́, pɛk pɔɔ kɑ́ɑ pɔ́.

2 Kɔlɛ̂ŋtɛ 5:18

Mîmɑ́ mɛnu tsʉʉ fú mbɔ̌ Sɛ́ ẅi ɑ kɑ lɔknɛ Kɛlístɔ ḿmik mbuu yí ɛ́ kɑ pɔ́nɛ tsɛtsɛt pɛkŋɛ pɛ jʉ́ Sɛ́, ɑ kɑ pɛn ŋ́ɡɑ́ fɑꞋ mbɔ̌ pɛk, ɛ́ pɔ́ nɛɡʉ ɛ́sẅíi pʉɔ ŋɡɔ shʉ́ nɛmɛk mbuu yí ɛ́ kɑ pɔ́nɛ tsɛtsɛt pɔ́p pɛ́ Sɛ́ ɛ́ cẅɛt.