ŊwɑꞋnɛ-Gɑŋntúu Yɛ́su Kɛlístɔ 1:13 - Kɑɑ Fí

¹³ Pɔ́p ŋ́kúu Yɛlúsɑlɛm, ŋ́kɔ́Ꞌ ndǔ ndɛ̂k wɛ tʉ́, ŋ́kúu tsɛt lûmndɑ́ ẅi pɔ́p kɑ pɔ́ ńcúꞋlɛ zúꞋu. Yɔ m̄bɔ́ Pyɛ̂, ŋ́ɡɛ Jɑ̂ŋ pɔ́p Jɑ̂k, ŋ́ɡɛ Ndɛlɛ́yɑ. Yɔ pɔ́ Filîp, ŋ́ɡɛ Tɔ́mɑ́shi, pɔ́p Pɑtɛlɛmî mbɑ Mɑtʉ̈ɔ. Yɔ pɔ́ Jɑ̂k mɔ́ɔ-Alfɛ̂, ŋ́ɡɛ Símɔ̂ŋ ẅi pɛ́ kɑ pɔ́ ɛ́fúŋ wɛ́ ŋɡɔ mɔ́ɔ-ŋɡɔŋ, pɔ́p Jẅidɛ mɔ́ɔ-Jɑ̂k.

ŊwɑꞋnɛ-Gɑŋntúu Yɛ́su Kɛlístɔ 1:13 교차 참조

Mɑtʉ̈ɔ 9:9

Yɛ́su fú zúꞋu ŋ́ɡʉ, ŋ́ɡɔ ńdɛɛ zʉꞋ yí pɛ́ cẅɛ́ɛnɛ ntsup-Pɑlɔ́mɑ zúꞋu, wɛcɔ́ ŋu nɑ́ŋ, lík yɛ́ pɔ́ ŋɡɔ Mɑtʉ̈ɔ. Yɛ́su cú mbɔ̌ wɛ́ ŋɡɔ: Tɔ́ pûu tsʉ́Ꞌnɛ ńnɛn. A lɔ sɛ́, ńcʉ́ɔ nzʉʉ yɛ́.

Mɑ́lɛ́kúshi 14:15

A ɡʉ ńnyɛt wʉ́ʉ nɛ́ mɑ́mɑ́ lûmndɑ́, ndǔ ndɛ̂k wɛ tʉ́. Tɛ mbɔ pɛ́ ńdɑ́Ꞌmɔ́ ńniitɛ sʉ́Ꞌnɛ, ɛ́ zʉꞋ yí pʉʉ ɡʉ niitɛ pɛ́kŋɛ yúu ndínɑ zúꞋu.

Mɑ́lɛ́kúshi 14:33

Ńcú pɔ́Ꞌɔ, ɛ́fɑk Pyɛ̂, ŋ́ɡɛ Jɑ̂k pɔ́p Jɑ̂ŋ, pɔ́p pɛpɔ́p ɡʉ. A zɛ nɛzúꞋ pɑꞋ cʉɔꞌ ɡẅɛɛnɛ wɛ́, nɛvú kwɛ́t wɛ́,

Mɑ́lɛ́kúshi 2:14

A pɔ́ ńnɛn, ńjʉ́ɔ Lɛ́vi mɔ́ɔ-Alfɛ̂, ɑ nɑ́ŋ zʉꞋ yi ɑ kɑ pɔ́ ńcẅɛ́ɛ ntsup pʉɔ-Lɔ́mɑ zúꞋu. Yɛ́su cú mbɔ̌ wɛ́ ŋɡɔ: «Tɔ́ pǔu tsʉ́Ꞌnɛ ńnɛn.» Lɛ́vi lɔ sɛ́ ńcʉ́ɔ nzʉʉ yɛ́.

Mɑ́lɛ́kúshi 5:37

Yɛ́su pɔ́p Yɑyɛ́lɔ pɔ́ ŋ́ɡʉ, Yɛ́su pɔɔ pɛ́m ŋɡɔ wɛcɔ́ ŋu cʉ́ɔ nzʉʉ pɔ́p pɔ́, ndɑꞋ Pyɛ̂ ŋ́ɡɛ Jɑ̂k pɔ́p mɔ́ɔmɑ́ wɛ Jɑ̂ŋ.

Mɑ́lɛ́kúshi 9:2

Ɛ́ lɛɛ lɛ́Ꞌ pɛ́nɛ́túkú, Yɛ́su fɑk Pyɛ̂ ŋ́ɡɛ Jɑ̂k pɔ́p Jɑ̂ŋ, ńdɔk wɔ́p ŋ́ɡʉ ŋ́kɔ́Ꞌ ndǔ yɛcɔ́ mɑ́mɑ́ nɛŋkɔ́Ꞌ. Pɔ́p pɛ́pɔ́p pɔ́ zúꞋu zɛ́nɛ pɔ́p, pɔ́p ɡɔ́ ńdíŋɛ, lii yɛ́ shɔtnɛ.

Lúkɑ́shi 22:12

A ɡʉ ńnyɛt wʉ́ʉ mɑ́mɑ́ lûmndɑ́ ndǔ ndɛ̂k wɛ tʉ́, tɛ ḿbɔ́ pɛ́ ńdɑ́Ꞌ mɔ́ ńniitɛ sʉ́Ꞌnɛ, ɛ́ zʉꞋ yi pʉʉ ɡʉ niitɛ yɛkŋɛ yúu-tsɑ́ɑtɛ zúꞋu.»

Jɑ̂ŋ 11:16

Tɔ́mɑ́shi ẅí pɛ́ kɑ pɔ́ ḿbɛn ɛ́fúŋ wɛ́ ŋɡɔ mɔ́ɔnɛfɑ́k, cú mbɔ̌ pɛcɔ́ ɡɑŋku-Yɛ́su ŋɡɔ: «Pʉʉ tɔ́ pɛkŋɛ pɔ́p ɡʉ, ńtɛmtɛ ḿpfú.»

Jɑ̂ŋ 14:22

Jẅidɛ, pɛ́ kɛ́ ḿbɔɔ ńcú Iskɑlyɔt pɔ́, cú mbɔ̌ Yɛ́su ŋɡɔ: «Tsɑpʉɔ, ɛ́ ɡʉ ḿbɔ́ ŋɡɔ ku lɑ ɔ ɡɛ ndɑꞋ pɛk jʉ́ɔnɛ wú, pʉɔ tsʉʉ pɔɔ jʉ́ɔ wú pɔ́ ɔɔ?»

Jɑ̂ŋ 18:17

Mɑŋɡɛ́ ɛ̂wɑ́ ẅi ɑ pyɛ́pnɛ ntsu-ntɔ́Ꞌ cú mbɔ̌ Pyɛ̂ ŋɡɔ: «Ɔ kɑ́ pɔ́ yú wɛcɔ́ tɑ́Ꞌ nǔu ɡɑŋku ŋu wɑ́ pɔ́ ɔɔ?» Pyɛ̂ tsɔ́Ꞌ ŋɡɔ: «Ŋ kɑ́ pɔ́ ŋɡɑŋku wɛ pɔ́.»

Jɑ̂ŋ 21:2

Pɛcɔ́ ɡɑŋku-Yɛ́su kɑ tɛmtɛ ńcúꞋlɛ tɑ́Ꞌ zʉꞋ. Yɔ kɑ pɔ́ Símɔ̂ŋ Pyɛ̂, nɛ́ Tɔmɑ́shi mɔ́ɔnɛfɑ́k, ŋ́ɡɛ Nɑtɑnɑyɛ̂l mɔ́ɔ-tʉ́sɔŋ-Kɑnɑ tsɛt pɑk-ŋɡɔŋ-Ŋɡɑlilɛɛ, nɛ́ mbɔ́ŋkʉ̈ɔ́ Zɛbɛdɛ̂, mbɑ pɛcɔ́ ɡɑŋku-Yɛ́su pɛ́pɑ́.

ŊwɑꞋnɛ-Gɑŋntúu Yɛ́su Kɛlístɔ 12:17

Pyɛ̂ mɑꞋtɛ pɔ́ ńdɔk ńcú ŋɡɔ pɔ́p nɑ́Ꞌ. Pɔ́p nɑ́Ꞌ, ɑ zɛ nɛpɛ́ɛtɛ ɛ́sẅíi wɔ́p pɑ́Ꞌ Tsɑpʉɔ lɑ́Ꞌnɛ ŋ́ɡɛ lɑ́ ɑ cẅɛt ndɑ́tsɑ́ŋ, ḿbɛn ńcú mbɔ̌ pɔ́p ŋɡɔ: «Pʉʉ ɡʉ ńdɛꞋlɛ yɔ nu, mbɔ̌ Jɑ̂k mbɑ mbɔ̌ pɛcɔ́ pɔ́ɔpɛ́mɑ́, ńcú pɔ́Ꞌɔ, ńcẅɛt, ŋ́ɡʉ nɛ́ zʉꞋ ndɛꞋ.»

ŊwɑꞋnɛ-Gɑŋntúu Yɛ́su Kɛlístɔ 15:13

Pɔ́p pɛ́ɛtɛ tɛ ḿbɔ́tnɛ ńnɑ́ŋ, Jɑ̂k cú yɛ́ ŋɡɔ: «Pɔ́ɔpɛ́mɑ́ pɑ́ɑ, pʉʉ zẅíꞋlɛ nu yi mɔ ńcú.

ŊwɑꞋnɛ-Gɑŋntúu Yɛ́su Kɛlístɔ 2:14

Pyɛ̂ pɔ́p ɡɑŋntúu ntsɔ̌pmɔꞋ ɡɔ́ɔ ŋ́kɛ́ ńdɔ sɛ́. Pyɛ̂ lɔk kwɑꞋ ŋɡi tɛnnɛ ńcú mbɔ̌ lɑ́Ꞌ ŋɡɔ: «Pʉʉ pɑyúdɑ, tɛ mbɑ pʉɔ tsʉʉ pinɛ pɔ́p Yɛlúsɑlɛm lɔ́Ꞌnɛ, pʉʉ zẅíꞋlɛ, mɔ ɛ́sẅíi wʉ́ʉ nɛ́ yúu mi ɛ́ yɛ́tɛ́.»

ŊwɑꞋnɛ-Gɑŋntúu Yɛ́su Kɛlístɔ 2:38

Pyɛ̂ pʉ̈ɔt mbɔ̌ pɔ́p ŋɡɔ: «Pʉʉ kúpmɛ mɑt. Wɛ́t ŋu lɑ́ nǔu pʉʉ pɛ́m pɛ́ nuꞋ wɛ́ ŋki nǔu lík-Yɛ́su Kɛlístɔ. Nɛpɔ́ yi Sɛ́ ɡʉ ńdikŋɛ mɛnu kɛpɔŋ mɛ́ ŋ́ɡɑ́ mbɔ̌ wɛ́. Sɛ́ ɡɔ́ɔ ŋ́kɛ́ ŋ́ɡɑ́ Zẅikŋɛ Lɛ́ɛnɛ́nɛ mbɔ̌ pʉʉ.

ŊwɑꞋnɛ-Gɑŋntúu Yɛ́su Kɛlístɔ 20:8

Pɛk pɔ́ pɔ́Ꞌɔ, mbɔ pɛk cúꞋlɛ tsɛt lûmndɑ́ ẅi ɛ́ ndǔ ndɛ̂k wɛ tʉ́. Mbɔ pɛ́ lyɛt mɛkyɛꞋ ńtíktɛ ndɑ́ tɛ ɛ́ zɑ́ɑ zɑ́ɑnɛ.

ŊwɑꞋnɛ-Gɑŋntúu Yɛ́su Kɛlístɔ 4:13

Pʉɔ pinɛ pɔ́p kɑ nɑ́ŋnɛ sɛ́ ḿbɔ́ ŋ́ŋɑk wɔ́p, jʉ́ɔ ntɛ́ yi Pyɛ̂ pɔ́p Jɑ̂ŋ lɔknɛ ńcú nu kɛ́ pɔ́k ɛ́ kʉꞋnɛ wɔ́p, mbíꞋŋɡɔ pɔ́p kɑ pɔ́ ńjí ŋɡɔ pɔ́p pɔ pɛmɛɛ pʉɔ, mbɔ pɔ́p ŋkɑɑ kɛ́ ńzíꞋ sɛkút tɛꞋ pɔ́. Pɔ́p ɡɔ́ɔ ŋ́kɛ́ ńdii ŋɡɔ pɔ́p ɡɛ pɔ́ꞌɔ, mbíꞌŋɡɔ pɔ́p pɛ́ Yɛ́su kɑ pɔ́ ńtɛmtɛ ku ńnɛn.

ŊwɑꞋnɛ-Gɑŋntúu Yɛ́su Kɛlístɔ 4:19

Lɑ́ Pyɛ̂ pɔ́p Jɑ̂ŋ tsɔ́Ꞌ mbɔ̌ pɔ́p ŋɡɔ: «Yúu mi Sɛ́ sɛ́ ŋ́kɔŋ pɔ́ ŋɡɔ pɛ́ zúꞋ pɔ ntsu wʉ́ʉ kɛ wɛ́? Pʉʉ jʉ́ɔ yʉ́ʉ ŋɡɔ kʉ̈ɔ́?

1 Kɔlɛ̂ŋtɛ 15:7

A kɑ ɡɛ ḿbɑ́ɑtɛ ńnyɛt mbʉʉ yɛ́ mbɔ̌ Jɑ̂k ḿbɛn ńnyɛt mbɔ̌ ɡɑŋntúu pɛ́tsʉʉ.

Ŋɡɑlɑ̂t 1:19

ɑ kɑ́ pɔ́ ndɑꞋ jʉ́ pɔ́, mbɔ mɔ ŋkɑɑ pɛn ńjʉ́ɔ wɛcɔ́ ŋɡɑŋntúu-Yɛ́su wɛ ndɛꞋ pɔ́, ŋ kɑ pɛn ńjʉ́ɔ pɔ Jɑ̂k mɔ́ɔmɑ́ pɛ Tsɑpʉɔ.

Ŋɡɑlɑ̂t 2:9

Jɑ̂k, Pyɛ̂ mbɑ Jɑ̂ŋ, pʉɔ pi pɛ́ kɑ pɔ́ ńdíŋɛ wɔ́p pɑ́Ꞌ mɛntɔ́ɔ tsɛt cúꞋlɛ-pʉɔ-Kɛlístɔ lɑ́, ŋ kɑ pɔ́ tɛ ńjí ŋɡɔ Sɛ́ kɑ tsuŋnɛ ɛ́fɛ́ɛ yɔ fɑꞋ mbɔ̌ mɔ, ŋ́ɡɑ́ pɔ mbɔ̌ pɛk Pɑnɛpɑ́ɑshi, nɛlɔk ńdɛꞋlɛ ŋɡɔ pɛk pɛ́pɔ́p tɑ́Ꞌ ntsu nǔu fɑꞋ-Sɛ́. Pɔ́Ꞌɔ, pɛk ɡẅɛɛ nɛɡʉ tsɛtsɛt pʉɔ pí pɔ́p kɑ́ pɔ́ pɑyúdɑ pɔ́, ńcẅi Ŋkʉʉ Sʉ́Ꞌnɛ, pɔ́p ɡúu ŋ́ɡɛ Pyɛ̂ ɡẅɛɛ nɛɡʉ tsɛtsɛt pɑyúdɑ ńcẅi.

Jɑ̂k 1:1

A mɔ Jɑ̂k, mɔ ŋɡɑŋfɑꞋ-Sɛ́, mbɑ wɛ Tsɑpʉɔ Yɛ́su Kɛlístɔ. Ŋ ɡɑ́ yɔ ŋwɑꞋnɛ mbɔ̌ pʉʉ pɔ́ɔ-Sɛ́ pi pɔ́p nǔu mɛnjẅɛtndɑ́-pʉɔ-Islɑɛ̂l ntsɔ̌ppɑ́ nɛ́ nɛɡɛ́m, mbɔ pɔ́p kɑ sɑt mɔ́ zʉꞋ tsʉʉ ndǔmbí. N cɛꞋlɛ wʉ́ʉ.

2 Jɑ̂ŋ 1:1

Mɔ ẅí mɔ ńcẅɛ́ɛmbi tsɛt cúꞋlɛ-pʉɔ-Kɛlístɔ, ŋ ɡɑ́ yɔ ŋwɑꞋnɛ mbɔ̌ mɑ́ pɛ́ mbɔ́ŋkʉ̈ɔ́ ẅi Sɛ́ kɑ tsɔ́Ꞌnɛ. M bɛn ŋ́ɡɑ́ mbɑ mbɔ̌ mbɔ́ŋkʉ̈ɔ́ pɛ́, n tsuŋ ŋ́kɔŋ wʉ́ʉ pɛ́tsʉʉ, mbíꞋŋɡɔ pɛkŋɛ pɛtsʉʉ tɛmtɛ ńtʉ́ʉ nǔu nu nɛ́nẅín, ɛ́ kɑ́ pɔ́ ndɑꞋ wɑ́ɑ wi ŋ kɔŋnɛ wʉ́ʉ pɔ́, mbɑ wɔ̌ lɑ́ ẅi ɑ tʉ́ʉnɛ nǔu nu nɛ́nẅín pɛn ŋ́kɔŋ wʉ́ʉ ɡúu.

Jẅidɛ 1:1

Yɔ ŋwɑꞋnɛ fú mbɔ̌ mɔ Jẅidɛ, ŋu ẅi ɑ fɑꞋnɛ fɑꞋ-Yɛ́su Kɛlístɔ, ḿbɔ́ mɔ́ɔmɑ́ pɛ Jɑ̂k. Ŋ ŋwɑꞋnɛ yɔ ŋwɑꞋnɛ ŋ́ɡɑ́ mbɔ̌ pʉʉ pi Tɑ́t wɛkŋɛ Sɛ́ kɑ fúŋnɛ wʉ́ʉ nɛpɔ́ pʉɔ pɛ́ lɑ́. A kɔŋ wʉ́ʉ ḿbɔ́ ńdẅɛꞋ wʉ́ʉ ńdɔk ńzẅíꞋlɛ Yɛ́su Kɛlístɔ.