7 MbíꞋŋɡɔ pɔ́p cʉ́ɔ sɛ̂ndúŋ pɔ nɛlɔɔ fɑꞋ-Kɛlístɔ, ḿbɛn ŋ́kɛ́ mbɔɔ ḿbɔ́ ḿbɛ́m nɛcẅɛ́ɛ yúu mi ɛ́ fúnɛ mbɔ̌ pɑkɛ́jí Sɛ́ pɔ́.
«Pɔ́p ɡʉ ŋ́ɡɛ pɔ́Ꞌɔ nǔu pʉʉ mbíꞋŋɡɔ pʉʉ pʉɔ pɑ́ɑ, pɔ́p pɛn ŋ́kɛ́ ḿbɔɔ ḿbɔ́ ńjí ŋu ẅí ɑ kɑ túunɛ wɑ́ɑ pɔ́.»
«Mɔ ŋkɑɑ ŋkɑ́p-ŋu tsɑ́ɑ. Ḿbɔɔ tʉ́n-ŋɡɔ̂l tsɑ́ɑ. Ḿbɔɔ mɛndẅí-ŋu tsɑ́ɑ.
Ŋ kɑ pɔ́ ńnyɛt wʉ́ʉ ŋkɑ́ tsʉʉ ntɛ́ yi ɛ́ sɛ́ ḿbíkŋɛ ŋɡɔ pɛ́ fɑꞋ pɔ́Ꞌɔ, ńjí ŋɡɔ pɛ́ ɡʉ cẅɛ́lɛ́ pɑ kɛ́ yúu. Ɛ́ pɔŋ nɛkẅíitɛ nu yi kwɑꞋ Tsɑpʉɔ Yɛ́su kɑ cúnɛ ŋɡɔ: “Ŋu ɑ ɡɑ́nɛ yúu ɡẅɛɛ pɔ́ttú ńtsɑ ŋu ɑ cẅɛ́ɛnɛ.”»
Pɔ́p ɡɔ́ ɛ́fú tsɛt cúꞋlɛ-pɑsɑ́Ꞌ lɑ́Ꞌ ńcẅɛt, ńnɛn ńtsɑ́ɑtɛ tsɑ́ɑtɛ́nɛ. MbíꞋŋɡɔ Sɛ́ jʉ́ɔ ŋɡɔ pɔ́p kuꞋ nɛjʉ́ɔ ŋɡʉ̈ɔ́Ꞌ ntɛ́ nu-lík-Yɛ́su.
Pɑpɛ́m Yɛ́su pi pɔ́p kɑ sɑtnɛ zʉꞋ, ɡʉ zʉꞋ tsʉʉ tsɛt lɑ́Ꞌ, ńnɛn ńcẅi Ŋkʉʉ Sʉ́Ꞌnɛ ẅi Sɛ́ kɑ kɑꞋnɛ.
KwɑꞋ mɔ ŋ ɡʉ ńzɛɛ ŋ́ɡɛ ŋɡɔ, ɑ jí ndɛn ŋɡʉ̈ɔ́Ꞌ yi ɑ ɡʉ ńjʉ́ɔ ntɛ́ nu yɑ́ɑ.»
Yɑ́ɑ tsɔ́ꞋfɑꞋ pɑ́Ꞌɑ ḿbɔ́ kʉ̈ɔ́? Ɛ́ pɔ́ pɔ mɔ nɛcẅi Ŋkʉʉ Sʉ́Ꞌnɛ pɔ́ kɛ́ kɑ́ yúu, pɔ́ kɛ́ píkŋɛ yúu mi ŋ ɡẅɛɛnɛ nɛlɔk pɑ́Ꞌ mɔ ŋu ẅi ɑ cẅinɛ Ŋkʉʉ Sʉ́Ꞌnɛ lɑ́ ɡẅɛɛ nɛpíkŋɛ.
Pii yɑ́ɑ yi mɛcɔ́ mɛcúꞋlɛ pʉɔ-Kɛlístɔ kɑ jʉ́nɛ ńdɛɛ wʉ́ʉ ɛ́ kʉ̈ɔ́? Kɛ ɛ́ zɛɛ ḿbɔ́ pɔ pɑ́Ꞌ mɔ ŋkɑɑ ŋkɑ́p yʉ́ʉ cẅɛ́ɛ ɔɔ? Pʉʉ lɑɑ ńjʉ́ɔ ŋɡɔ ẅîwɑ́ nɛpɔ́ kɑ́ pɔ́ ńnɛn pɔ́. Pʉʉ likŋɛ ŋ́ɡɑ́ mbɔ̌ mɔ lɑ́.
Pɛk kɑ pɔ́ ŋ́ɡɔ ńcẅi Ŋkʉʉ Sʉ́Ꞌnɛ, mbɔɔ fɑꞋ pɔ pɑ́Ꞌ pɛ́ ɡʉ ńjí wɛ́k pɔ́, pɛk fɑꞋ pɔ pɑ́Ꞌ pɛ́ ɡʉ ńjí ŋɡɔ Yɛ́su Kɛlístɔ Tsɑpʉɔ. Pɛk tʉ́ʉ ḿbɔ́ pɔ pɑfɑꞋ fɑꞋ pi pɔ́p fɑꞋnɛ mbɔ̌ pʉʉ mbíꞋ Yɛ́su,
Ɛ́ yúu mi ɛ́ kɑ ɡɛnɛ lɑ Sɛ́ tsẅíkŋɛ wɛ́ nǔu zʉꞋ ɡwɛ́, ŋ́ɡɑ́ lík yi ɛ́ lɛɛnɛ mɛlík tsʉʉ mbɔ̌ wɛ́,
Ɛ́ ŋkɔ̂ɔnɛ ŋɡʉ̈ɔ́Ꞌ yi mɔ sɛ́ ńjʉ́ɔ nǔu tú yʉ́ʉ ɡɛ n tsɑ́ɑtɛ tsɑ́ɑtɛ́nɛ. Pɑ́Ꞌ Kɛlístɔ kɑ jʉ́ɔnɛ ŋɡʉ̈ɔ́Ꞌ lɑ́, mɔ sɛ́ ńjʉ́ɔ ŋɡʉ̈ɔ́Ꞌ ntɛ́ cúꞋlɛ yi ɛ́ mbʉʉ yɛ. Ŋ ɡɛ pɔ́Ꞌɔ ńdɔk ḿmikŋɛ fɑꞋ yɛ́.
Pɔ́Ꞌɔ lɑ́, pɛkŋɛ pʉɔ-Kɛlístɔ ɡẅɛɛ nɛcẅɛ́lɛ pɔ́ɔpɛ́mɑ́ pɑ́Ꞌ pîpɑ́, nɛpɔ́ yi pɛkŋɛ pɛpɔ́p ɡʉ ńdɔk ńtɛmtɛ ŋ́ɡɛ nu nɛ́nẅín sɑt zʉꞋ.
Pʉʉ sɛ́ ɛ́sɑ́Ꞌ tʉʉ. Pʉʉ kɑ jʉ́ɔ ŋɡʉ̈ɔ́Ꞌ ntɛ́ wɑ́ɑ, ŋ́kɛ́ ḿbɔɔ kɑ́ɑ.
