2 Kɔlɛ̂ŋtɛ 9:15 - Kɑɑ Fí

¹⁵ Pɔ́Ꞌɔ lɑ́, ɛ́ pɔŋ ŋɡɔ pɛkŋɛ ɡɑ́ pɑ́Ꞌlɑ́ mbɔ̌ Sɛ́, nǔu fuꞋ níinɛ kɛ́ fʉꞋ yi ɑ kɑ ɡɑ́nɛ mbɔ̌ pɛkŋɛ.

2 Kɔlɛ̂ŋtɛ 9:15 교차 참조

Lúkɑ́shi 2:14

«Gúꞌlɛ pɔ́ mbɔ̌ Sɛ́ tɛ tʉ́nɛ́pú, mbɔ́tnɛ pɔ́ mbɔ̌ pʉɔmɛsɔŋ ndǔ tsɛ́tsɑ́Ꞌ. Sɛ́ kɔŋ wɔ́p.»

Lúkɑ́shi 2:38

Yɛcɔ́ lɛ́Ꞌ ɑ tɔ́ ndɑ́-nɔŋpɔꞋ pɑ́Ꞌ ɑ lɔ ńzɛɛ ńtɔ́. Ŋ́ɡɔ kúu zúꞋu ŋkɑ́ ɛ̂yɑ́, mbɔ pɛ́ lɔk mɔ́ɔ ńtɔ́, ɑ jʉ́ɔ wɛ́, ŋ́ɡɛ́mtɛ Sɛ́, ŋ́ɡɔ́ɔ ŋ́kɛ́ ńzɛ nɛsẅíi nu nǔu wɔ mɔ́ɔ mbɔ̌ pʉɔ tsʉʉ pi pɔ́p kɑ pɔ́ ḿbyɛ́p lɛ́Ꞌ yinɛ Sɛ́ ŋ́ɡɛ ńdɑ́Ꞌ ńcẅɛ́ɛ Yɛlúsɑlɛm.

Jɑ̂ŋ 1:16

Ŋɡɑŋ kɑ kɛ́ ńtɔ́, ńdɔk pɑ́Ꞌ ɑ ɡẅɛɛnɛ pɔŋ tʉ́m, ŋ́ɡɑ́ fuꞋ níinɛ yɛkŋɛ pɛtsʉʉ tɛꞋ, ńcʉ ɛ́shɔtnɛ ńcʉ, mbíꞋŋɡɔ ɑ ɡẅɛɛ ŋkɔŋɛ tɛꞋ.

Jɑ̂ŋ 3:16

MbíꞋŋɡɔ ntɛ́ yi Sɛ́ kɑ lɔknɛ ŋ́kɔŋ píimbí pɔ́Ꞌɔ kɑ pɔ́ tɛ ɑ ɡɑ́ Mɔ́ɔ nɛ wɛ́mɔ́Ꞌ, nɛpɔ́ yi wɛ́t ŋu lɑ́ ẅi ɑ zɑ́pnɛ tʉ́m yɛ́ nǔu Mɔ́ɔ nɛ ɛ̂wɑ́, kɛ́ lɑ́Ꞌ ńtíi ndɔɔ kɛ́mɛ pɔ́, ɑ ɡʉ ńdɑ́Ꞌ ŋ́ɡẅɛɛ pɔ luk kɛ́mɛ.

Pʉɔ-Lɔ́mɑ 5:15

Lɑ́ ɛ́ lɑɑ ḿbɔ́ pɛ́ pɔɔ lɔk yúu mi ɛ́ fúnɛ nǔu mɛfɑɑnɛ-Adɑm ḿbɛ́ɛ fʉꞋ nǔu ndɛn fuꞋ yi Sɛ́ sɛ́ ŋ́ɡɑp mbɔ̌ pʉɔ pɔ níinɛ pɔ́, mɛfɑɑnɛ-tɑ́Ꞌ ŋu wɛ́mɔ́Ꞌ kɑ ɡɛ nɛvú kúu nǔu pʉɔ tsʉʉ tsʉʉ lɑ́, ntɛ́ yi Sɛ́ kɑ tsɑ́ɑnɛ pʉɔ ŋ́ɡɑ́ fuꞋ níinɛ yɔ́p pɔ́Ꞌɔ, pɛn ŋ́ɡɔ́ɔ ŋ́ɡúꞋ ńdɛɛ ẅîwɑ́ nɛpɔ́ tɛꞋ. FuꞋ yi ɛ́ kɑ fúnɛ nǔu tɑ́Ꞌ ŋu ẅi ɑ Yɛ́su Kɛlístɔ, Sɛ́ lɔk ŋ́ɡɑ́ fuꞋ níinɛ-pʉɔ tɛ ńzɑ́ɑ ɛ́ ɡẅɛɛ ndɛn tɛꞋ.

Pʉɔ-Lɔ́mɑ 6:23

mbíꞋŋɡɔ yúu mi nu kɛpɔŋ lɔknɛ ńtsɔ́ꞋfɑꞋ ntɛ́ fɑꞋ-ŋu, ɛ́ pɔ́ pɔ ŋɡɑŋ nɛpfú, lɑ́ fuꞋ yi Sɛ́ ɡɑ́nɛ mbɔ̌ ŋu pɔ níinɛ, ɛ́ pɔ́ pɑ́Ꞌ ŋɡɑŋ lɑtnɛ mbʉʉ yɛ nǔu Tsɑpʉɔ Yɛ́su Kɛlístɔ, ŋ́ɡẅɛɛ luk kɛ́mɛ.

Pʉɔ-Lɔ́mɑ 8:32

Jʉ́ ẅi ɑ ŋkɑɑ pɑ́ɑ kwɑꞋ Mɔ́ɔ nɛ nɛjʉ́ɔ ŋɡʉ̈ɔ́Ꞌ pɔ́, jʉ́ ẅi ɑ kɑ ɡɛnɛ pɛ́ jẅí wɛ́ mbíꞋ wɛkŋɛ pɛ́tsʉʉ, ɛ́ ɡʉ ŋ́ɡɛ pɑ́Ꞌ lɑ́ ɑ pɔɔ pɛn ŋ́ɡɑ́ pɔ fuꞋ níinɛ yɛkŋɛ ńdɔk pɔ jʉ́ mɔ́ɔ nɛ ŋ́ɡɑ́ mɛcɔ́ mɛyúu tsʉʉ mbɔ̌ pɛkŋɛ pɔ́ ɔɔ?

1 Kɔlɛ̂ŋtɛ 15:57

Lɑ́ pɛkŋɛ ɡɑ́ pɑ́Ꞌlɑ́ mbɔ̌ Sɛ́ ẅí ɑ ɡɛnɛ pɛkŋɛ lɛɛ nǔu Tsɑpʉɔ wɛkŋɛ Yɛ́su Kɛlístɔ, ŋ́ɡɛ pɛkŋɛ tsɑ nu kɛpɔŋ mbɑ nɛvú.

2 Kɔlɛ̂ŋtɛ 2:14

Lɑ́, pɛk ɡʉ ŋ́kɛ́ ŋ́ɡɑ́ pɔ pɑ́Ꞌlɑ́ mbɔ̌ Sɛ́, mbíꞋŋɡɔ pɛk lɑɑ ḿbɔ́ pɔ ɡɔ́ lɑ́, mbɔ ɑ ɡʉ ŋ́ɡɛ pɛk pɔ́ pɔ nǔu mɑ́nzɔŋ-Kɛlístɔ, mbɔ jʉ́ Kɛlístɔ jʉ́ ntsɔ. Jʉ́ Sɛ́ lɔk wɛ́k ŋ́ɡɛ pɛ́ jí Kɛlístɔ zʉꞋ tsʉʉ, pɑ́Ꞌ yúu mi pɛ́ tɔɔnɛ, jɑ́k kɔ́Ꞌ ɛ́sɑt zʉꞋ tsʉʉ lɑ́.

2 Kɔlɛ̂ŋtɛ 9:11

Ɛ́ ɡʉ ńdɛɛ pɔ́Ꞌɔ, pʉʉ ɡẅɛɛ yúu nɛlɔk ɛ́fɑꞋ mɛfɑꞋ-pɔŋtʉ́m ntɛ́ nɛ́ ntɛ́, ɛ́ lɛɛ pɔ́Ꞌɔ, pʉɔ tɛ ńzɑ́ɑ ɡɑ́ pɑ́Ꞌlɑ́ mbɔ̌ Sɛ́ tɛꞋ, nǔu nu yúu mi pʉʉ ɡɑ́nɛ pɛk ɡɑptɛ mbɔ̌ pɔ́p.

2 Kɔlɛ̂ŋtɛ 9:14

Nu yʉ́ʉ ɡʉ ŋ́kúu tʉ́m pɔ́p, pɔ́p nɑ́ŋ ḿbɔ́ ńcɛꞋlɛ Sɛ́ nǔu tú yʉ́ʉ, mbíꞋŋɡɔ pɔ́p jʉ́ɔ ŋɡɔ ɑ ɡɑ́ fuꞋ níinɛ yʉ́ʉ, pʉʉ ɡẅɛɛ tʉ́m sʉ́Ꞌnɛ tɛꞋ, lɑ́ mbɔ́ ńcẅɛ́lɛ pʉɔ pɑ́Ꞌɑ.

Ɛ́fɛ̂zɛ 5:20

Pʉʉ lɔk lík-Tsɑpʉɔ wɛkŋɛ Yɛ́su Kɛlístɔ ḿbɔ́ ŋ́ɡɛ́mtɛ Sɛ́ Tɑ́t ŋkɑ́ tsʉʉ, nǔu yúu tsʉʉ.

Jɑ̂k 1:17

Yúu mi ɛ́ pɔŋnɛ tɛꞋ, mbɑ tsɔ́ꞋfɑꞋ sʉ́Ꞌnɛ fú pɔ tʉ́nɛ́pú, mbɔ̌ Sɛ́ ẅi ɑ kɑ niitɛ́nɛ mɔ́nɛm pɔ́p pɛcʉ̈ɔ́Ꞌ-sɑŋ nɛfɑŋ. A kɑ́ kúpmɛ, ŋ́kɛ́ mbɔɔ nzɛ́nzʉ́ʉ ɡẅɛɛ.

Mɛnu ɛ́ ńdɑ́Ꞌ ńcẅɛt 4:9

Ɛ́ pɔ́ ŋɡɔŋ ŋkɑ́ tsʉʉ yi mɛyúumɛku mɔ́nɛ mɛ́nɛ́kwɑ sɛ́ ńzɔp, ńdɔk ŋ́ɡɑ́ nɛɡúꞋ, ńdɔk ŋ́ɡɑ́ mɛkuꞋ, ńdɔk ŋ́ɡɑ́ pɑ́Ꞌlɑ́ mbɔ̌ ŋu ẅí ɑ nɑ́ŋnɛ ndǔ kɔꞋ-nɛfɔɔ ḿbɔ́ pɔ zúꞋu mɛŋɡuꞋ mɛŋɡuꞋ,