2 Kɔlɛ̂ŋtɛ 9:10 - Kɑɑ Fí

¹⁰ Sɛ́ ẅí ɑ ɡɑ́nɛ mbiyúu mbɔ̌ ŋu ẅí ɑ pinɛ, ŋ́ɡɑ́ yúu pɛjʉ́ ɑ ŋ́kwɛ́t, ɑ ɡʉ ŋ́ɡɛ ŋ́kɛ́ ḿbɔ́ kẅiꞋ yúu pʉ́ʉ kẅiꞋnɛ, ɛ́ ɡɛ sɑ́ɑ, nɛpɔ́ yi pʉʉ ɡʉ ńdɔk pɔŋtʉ́m ŋ́kẅiꞋ ŋ́ɡɑ́ yúu mbɔ̌ pʉɔ.

2 Kɔlɛ̂ŋtɛ 9:10 교차 참조

Mɑtʉ̈ɔ 6:1

Yɛ́su pɛn ńcú ŋɡɔ: «Pʉʉ lɑɑ ḿbɔ́ ŋ́ɡʉ ŋ́ɡɛ yúu mi nɛpʉ́ʉ-Sɛ́ píkŋɛnɛ, pʉʉ lɑk tú yʉ́ʉ nɛɡɛ zʉꞋ lɑ́Ꞌ zúꞋu, nǔu ntɛ́ yi pɛ́ ɡʉ ḿbɔ́ ńdíŋɛ wʉ́ʉ. Pʉʉ lɑɑ ŋ́ɡɛ pɔ́Ꞌɔ, mbɔ Tɑ̌ɑ wʉʉ ẅí ɑ tʉ́nɛ́pú kɛ́ ɡɛ ńtsɔ́Ꞌ fɑꞋ yʉ́ʉ pɔ́.

2 Kɔlɛ̂ŋtɛ 9:12

Pʉʉ zɛɛ ńjí ŋɡɔ yɔ ntsup yi pʉʉ mɑꞋnɛ ɛ́ kɛ́ ɡɛ pʉɔ-Kɛlístɔ pi pɔ́p Yɛlúsɑlɛm pɔ́p ɡẅɛɛ yúu mi ɛ́ jɑ́knɛ mbɔ̌ pɔ́p ndɑꞋ pɔ́, ɛ́ ɡʉ ḿbɛn ŋ́ɡɛ pʉɔ kẅiꞋ ŋ́ɡɑ́ pɑ́Ꞌlɑ́ mbɔ̌ Sɛ́ tɛꞋ.

2 Kɔlɛ̂ŋtɛ 9:6

Pʉʉ jí ŋɡɔ ŋu lɑɑ ḿbi yúu ɛ́ pɔɔ zɑ́ɑ, mbɔ ɑ ɡʉ ńdɑ́Ꞌ ŋkɑ́ nɛlɑk yúu, ɑ lɑk ɛ́ pɔɔ zɑ́ɑ, ḿbi ɛ́ zɑ́ɑ, mbɔ ɛ́ ɡʉ ńdɑ́Ꞌ ŋkɑ́ nɛlɑk yúu, ɑ lɑk ɛ́ zɑ́ɑ.

Ŋɡɑlɑ̂t 3:5

Pɔ́Ꞌɔ lɑ́, ɛ́ pɔŋ ŋɡɔ pʉʉ pɛn ńjʉ́ɔ ŋɡɔ Sɛ́ sɛ́ ŋ́ɡɑ́ Zẅikŋɛ yɛ́ mbɔ̌ pʉʉ, ḿbɛn ḿbɔ́ ŋ́ɡɛ mɛnu mɑ̌ɑmɑɑnɛ tsɛtsɛt pʉʉ. Pʉʉ kwɑŋɛ ŋɡɔ ɑ ɡɛ pɔ́Ꞌɔ, mbíꞋŋɡɔ pʉʉ sɛ́ ŋ́ɡɛ yúu mi nɛpʉ́ʉ sɛ́ ḿbíkŋɛ kîi? Ŋɡɑ́ŋ, ɑ ɡɛ mbíꞋ pɔ ŋɡɔ pʉʉ kɑ zúꞋ Ŋkʉʉ Sʉ́Ꞌnɛ ńzɑ́p tʉ́m wʉ́ʉ nǔu.

Ɛ́fɛ̂zɛ 5:9

N cú pɔ́Ꞌɔ, mbíꞋŋɡɔ, pii nɛpɔ́ zʉꞋ fúknɛ ɛ́ nɛɡɛ mɛnu sʉ́Ꞌnɛ, ŋ́ɡɛ mɛnu mi ɛ́ mbi Sɛ́ ḿbɔ́ ndʉ́ŋndʉŋ, ńnɑ́ŋ tsɛt nu nɛ́nẅín.

Filipɛ 1:11

Yɛ́su ɡʉ ńcẅɛ́lɛ́ wʉ́ʉ nɛfɑꞋ pɔ mɛfɑꞋ sʉ́Ꞌnɛ, nɛlɔk ŋ́ɡúꞋlɛ Sɛ́, ŋ́kɑꞋ lík yɛ́.

Filipɛ 4:17

N cú pɑ́Ꞌɑ, ɛ́ pɔɔ pɔ́ pɔ ŋɡɔ mɔ sɛ́ ńdɔɔ pɔ yúu mi pɛ́ ɡʉ ńtúu ŋ́ɡɑ́ mbɔ̌ mɔ pɔ́. Mɔ sɛ́ ńtsɑ́ɑ pɔ ŋɡɔ Sɛ́ fú nǔu ńníꞋ mbɔ́tnɛ nǔu pʉʉ.

1 Tɛsɑlɔník 3:12

Pɛk pɛn ḿbɔ́ ńdɔ́ɔ ŋɡɔ Tsɑpʉɔ ɡɛ ŋkɔŋɛ yi pʉʉ ɡẅɛɛnɛ tsɛtsɛt pʉʉ, mbɑ yi pʉʉ ɡẅɛɛnɛ nǔu pɛcɔ́ pʉɔmɛsɔŋ tsʉʉ, ɛ́ kẅiꞋ kẅiꞋnɛ, ŋɡɔ ɑ ɡɛ ɛ́ pɔ́ pɑ́Ꞌ yi pɛk ɡẅɛɛnɛ nǔu pʉʉ,

1 Tɛsɑlɔník 4:10

Pʉʉ sɛ́ ḿbɛn ḿbɔ́ ŋ́kɔŋ pɔ́ɔpɛ́mɑ́ pi pɔ́p Mɑsɛndwɑn tsʉʉ. Pɔ́Ꞌɔ lɑ́, pɛk sɛ́ ńcú mbɔ̌ pʉʉ ŋɡɔ pʉʉ pɛn ŋ́kẅiꞋ ńdɔk ŋ́ɡʉ nɛ́ mbi.