2 Kɔlɛ̂ŋtɛ 8:10 - Kɑɑ Fí

¹⁰ Ŋ ɡʉ ŋkɔ̂ɔnɛ nɛsẅíi wʉ́ʉ nɛ́ yúu mi mɔ sɛ́ ŋ́kwɑŋɛ nǔu yɔ nu-ŋkɑ́p. Ɛ́ kɑ pɔ́ ŋɡuꞋlɑɑ m biitɛ ŋ́kwɑŋɛ ŋɡɔ mbɔ pɛ́ ɡɑ́ yúu ńdɔk ńcẅɛ́lɛ pʉɔ-Kɛlístɔ. Pʉʉ pɛn ḿbiitɛ nɛzɛ. Yúu mi pʉʉ lɑɑ ŋ́ɡɛ ŋkɔ̂ɔnɛ ɛ́ pɔŋ,

2 Kɔlɛ̂ŋtɛ 8:10 교차 참조

Mɑtʉ̈ɔ 10:42

Mɔ ɛ́sẅíi wʉ́ʉ, kwɑꞋ nɛ́nẅín, ŋu ɡɑ́ pɔ ndɑꞋ ntúꞋ-ŋki ẅí ɛ́ sɛ́ ŋ́ɡẅɛɛ mbɔ̌ mɔ́yúu mɔ́ɔ, ńdɔk pɑ́Ꞌ ẅîwɑ́ mɔ́ɔ ŋɡɑŋku wɑɑ ŋ́ɡɑ́, mbɔ yɛ́ tsɔ́ꞋfɑꞋ ŋ́ɡʉ ńdɑ́Ꞌ ḿbɛ́ pɔ́.

Jɑ̂ŋ 11:50

Pʉʉ kɑ́ jʉ́ɔ ŋɡɔ ɛ́ pɔŋ mbɔ̌ pʉʉ pɑ́Ꞌ ɛ́ lɑɑ ḿbɔ́ tɑ́Ꞌ ŋu wɛ́mɔ́Ꞌ pfú nǔu tú-lɑ́Ꞌ, ńtsɑ lɑ́Ꞌ tsʉʉ nɛpuu tɑ́kŋɛ pɔ́ kɛ?»

Jɑ̂ŋ 16:7

Lɑ́ ŋ kɛ́ ḿbɔ́ ɛ́sẅíi wʉ́ʉ pɑ́Ꞌnɛ pɔ nɛ́ nu nɛ́nẅín, ŋɡɔ ɛ́ nu sʉ́Ꞌnɛ mbɔ̌ pʉʉ ŋɡɔ ŋ ɡʉ. Ɛ́ mbíꞋŋɡɔ n dɑɑ mbɔɔ ɡʉ, mbɔ Ncẅɛ́ɛntɑ́ŋ wʉʉ kɛ́ tɔ́ ńtsɛ́t wʉ́ʉ pɔ́. Lɑ́ ŋ kɛ ḿbɔ́ tɛ ŋ́ɡʉ, mbɔ ŋ ɡʉ ńtɔ́ ńtúu wɛ́ ŋ́ɡɑ́ mbɔ̌ pʉʉ.

Jɑ̂ŋ 18:14

Jʉ́ Kɑyífɑ, pɔ́ ŋu ẅí ɑ kɑ cúnɛ mbɔ̌ pɛkɛ́m-Pʉɔ-Yúdɑ ŋɡɔ: «Mbi pɑ́Ꞌ ɛ́ lɑɑ ḿbɔ́ tɑ́Ꞌ ŋu pfú nǔu tú lɑ́Ꞌ»

1 Kɔlɛ̂ŋtɛ 10:23

Pɛcɔ́ pʉɔ tsɛtsɛt pʉʉ, ḿbɔ́ ńcú ŋɡɔ mbɔ ŋu ɡɛ kʉ̈ɔ́ lɑ́ pɔ́ kɛ́ pɔ́k nɛpʉ́ʉ. Ɛ́ nu lɑ́, yúu tsʉʉ kɑ́ cẅɛ́lɛ́ pɔ́. Ɛ́ nu ŋɡɔ ḿbɔ́ ŋu ɡɛ mbɑ kʉ̈ɔ́ lɑ́ pɔ́ kɛ́ pɔ́k nɛpʉ́ʉ, lɑ́ yúu tsʉʉ yi pɛ́ ɡɛnɛ kɑ́ cẅɛ́lɛ́ pʉɔ nɛkẅiꞋ ńzɑ́p tʉ́m nǔu Sɛ́ pɔ́.

1 Kɔlɛ̂ŋtɛ 16:2

Ɛ́ pɔŋ ŋɡɔ ɛ́ nɑ́ŋ ḿbɔ́ mbɑ wɛ́tɛ́ sɔ́ndii lɑ́, mbɑ wɛ́tɛ́ ŋu wʉʉ, ɡʉ nǔu yúu mi ɑ ɡẅɛɛnɛ, ńdʉŋtɛ ḿbɛ́ɛ yɛcɔ́ ndɛn-ŋkɑ́p nǔu, ńdẅɛꞋ ndɑ́ yɛ́, ńjí ŋɡɔ pɛ́ kɛ́ ɡɛ ńzẅíꞋlɛ tɛ n tɔ́ lɑ pɛ́ mɑꞋ ntsup pɔ́.

1 Kɔlɛ̂ŋtɛ 6:12

Pɛcɔ́ pʉɔ tsɛtsɛt pʉʉ, mbɑ wɔ̌ lɑ́ nǔu pɔ́p pɔ́ ńcú ŋɡɔ ɑ ŋ́ɡɛ yɛ́ kʉ̈ɔ́ lɑ́ ḿbɔ́ kɛ́ pɔ́k nɛpʉ́ʉ. Ɛ́ nu lɑ́ yúu tsʉʉ kɑ́ cẅɛ́lɛ́ pɔ́. Ɛ́ nu ŋɡɔ m bɔ́ ŋ́ɡɛ kʉ̈ɔ́ lɑ́ ḿbɔ́ kɛ́ pɔ́k nɛpʉ́ʉ. Lɑ́ m bɔ́ ŋ́kɛ́ mbɔɔ pɛ́m yɛcɔ́ yúu lɔk wɑ́ɑ ŋ́ɡɛ ŋkwɑɑ wɛ pɔ́.

1 Kɔlɛ̂ŋtɛ 7:25

Ɛ́ ɡʉ nǔu pʉɔ pi pɔ́p ŋkɑɑ zɔ́Ꞌ, mbɔ Tsɑpʉɔ kɑ kɛ́ ńcú nu yi mɔ ńcú mbɔ̌ pɔ́p. Lɑ́, mɔ ńcú pɑ́Ꞌ mɔ sɛ́ ŋ́kwɑŋɛ yɑ́ɑ nǔu nu yɔ́p, ńdɔk pɑ́Ꞌ mɔ ŋu ẅí Tsɑpʉɔ kɑ tsɑ́ɑnɛ mɛjʉ́ŋ mɑ́ɑ, ńdɔk wɑ́ɑ ŋ́ɡɛ ŋu ẅí m bɔ́ ńcú nu pɛ́ zúꞋ.

1 Kɔlɛ̂ŋtɛ 7:40

Lɑ́ ŋ kwɑŋɛ yɑ́ɑ ŋɡɔ ɑ lɑɑ ńnɑ́ŋ kɛ́ pɛn ńzɔ́Ꞌ, mbɔ ɑ ɡʉ ńzúꞋ sʉ́Ꞌnɛ tɛꞋ. M bɛn ḿbɔ́ ŋ́kwɑŋɛ ŋɡɔ Zẅikŋɛ-Sɛ́ nǔu mɔ ɡúu.

2 Kɔlɛ̂ŋtɛ 12:1

M bɛn ŋ́kẅiꞋ ŋ́ŋɑ́Ꞌlɛ ńdɔk ŋ́ɡʉ nɛ́ mbi? Ɛ́ kɑ́ cẅɛ́lɛ́ nɛɡɛ pɔ́Ꞌɔ pɔ́. Lɑ́ ŋ ɡʉ ŋ́kɛ́ ɛ́sẅíi wʉ́ʉ nɛ́ nu ŋkɔ̂ɔnɛ nǔu yúu mi Tsɑpʉɔ kɑ ŋíɛꞋnɛ mík mɑ́ɑ, n jʉ́ɔ mbɑ mi ŋ kɑ jʉ́ɔnɛ pɑ́Ꞌ ŋkɑ́ yi n dɛ́ njʉɔ lɑ́.

2 Kɔlɛ̂ŋtɛ 8:6

Ɛ́ yúu mi ɛ́ kɑ ɡɛnɛ pɛk PúꞋ mbɔ́ mbɔ̌ Titɛus ŋɡɔ ɑ ɡʉ lɑ́Ꞌ pʉʉ, ŋ́ɡɛ yɔ fɑꞋ-pɔŋtʉ́m yi ɑ kɑ ɡɛnɛ pʉʉ jí, ɛ́ mɛkŋɛ ńdẅiklɛ.

2 Kɔlɛ̂ŋtɛ 8:8

Ŋ kɑ́ pɔ́ ńcú pɑ́Ꞌɑ ńdɔk ńcú pɔ yɛcɔ́ nu yi pʉʉ ɡʉ ŋ́ɡɛ pɔ́. Ɛ sẅíi wʉ́ʉ pɔ pɑ́Ꞌ mɛcɔ́ mɛcúꞋlɛ-pʉɔ-Kɛlístɔ sɛ́ zɑŋɛ mbʉʉ ŋ́ɡɛ pɔ́Ꞌɔ, ńdɔk ŋ́ɡɑ́ wʉ́ʉ nɛ́ shʉ́ nɛɡɛ pɛ́ jí ŋɡɔ pʉʉ ɡẅɛɛ ŋkɔŋɛ tɛ ɛ́sẅíi nu.

2 Kɔlɛ̂ŋtɛ 9:2

MbíꞋŋɡɔ mɔ sɛ́ ńjí ŋɡɔ pʉʉ ɡẅɛɛ pɔŋtʉ́m nǔu yɔ nu, lɑ́ mbɔ ŋ kɑ lɔk nu yʉ́ʉ ŋ́kɑꞋmɛ mbi pʉɔ-Kɛlístɔ pi pɔ́p Mɑsɛndwɑn. Ŋ kɑ sẅíi wɔ́p ŋɡɔ pʉɔ-Kɛlístɔ pi pɔ́p nǔu pɑk-ŋɡɔŋ-Akɑ̂y, tʉ́ʉ nɛɡɑ́ yúu tɛ ɛ́fú ŋɡuꞋlɑɑ. Wʉʉ nɛzɑŋɛ mbʉʉ ŋ́ɡɑ́ yúu kɑ ɡɛ nɛzɑ́ɑ pʉɔ nǔu pɔ́p ɡẅɛɛ pɔŋtʉ́m nɛɡɑ́ yɔ́p yúu.

Filipɛ 4:17

N cú pɑ́Ꞌɑ, ɛ́ pɔɔ pɔ́ pɔ ŋɡɔ mɔ sɛ́ ńdɔɔ pɔ yúu mi pɛ́ ɡʉ ńtúu ŋ́ɡɑ́ mbɔ̌ mɔ pɔ́. Mɔ sɛ́ ńtsɑ́ɑ pɔ ŋɡɔ Sɛ́ fú nǔu ńníꞋ mbɔ́tnɛ nǔu pʉʉ.

Ɛ́bɛlʉʉ 13:16

Kɔɔ pʉʉ likŋɛ nɛɡɛ nu sʉ́Ꞌnɛ mbɑ nɛlɔk yúu mi pʉʉ ɡẅɛɛnɛ ńcẅɛ́lɛ pʉɔ, mbíꞋŋɡɔ nɛɡɛ mîmɑ́ mɛnu ɛ́ lii-pɔꞋ yi ɛ́ pɔŋnɛ Sɛ́.