2 Kɔlɛ̂ŋtɛ 6:5 - Kɑɑ Fí

⁵ kɛ pɔ ŋkɑ́ yi pɛ́ sɛ́ ńtswɑ́ɑ wɛ́k ɔɔ, kɛ pɔ ŋkɑ́ yi pɛ́ níꞋnɛ wɛ́k tsɑ́ŋ ɔɔ, kɛ pɔ ŋkɑ́ yi pɛ́ tsʉ́ʉnɛ́nɛ lɑ́Ꞌ ḿmɑꞋ nzʉʉ pɛk ɔɔ, kɛ nǔu ŋkɑ́ yi pɛk tʉ́ʉnɛ nǔu mɛfɑꞋ mi ɛ́ tɛn tɛnnɛ ɔɔ, kɛ nǔu ŋkɑ́ yi pɛk sɛ́ ńdɛ́ kɛ́ lɛ́ ɔɔ, mbɑ nǔu ŋkɑ́ yi pɛk sɛ́ ńnɑ́ŋ kɛ́ ŋ́kwɛ́t yúu.

2 Kɔlɛ̂ŋtɛ 6:5 교차 참조

Mɑtʉ̈ɔ 14:10

ŋ́ɡɔ́ɔ ŋ́kɛ́ ńtúu ŋu, ɑ ɡʉ ndɑ́tsɑ́ŋ, ńzɑ́Ꞌ tú-Jɑ̂ŋ,

Mɑtʉ̈ɔ 14:3

Ɛlɔ̂dɛ cú pɔ́Ꞌɔ, mbíꞋŋɡɔ ɑ kɑ ɡɛ pɛ́ ɡẅɛɛ Jɑ̂ŋ, ŋ́kút wɛ́ ńníꞋ wɛ́ ndɑ́tsɑ́ŋ, mɛlɑ́Ꞌ Ɛlɔ̂díyɑ ẅí ɑ m̄bɔ́nɛ nzwɛ́-Fílîp, mɔ́ɔmɑ́ pɛ́ Ɛlɔ̂dɛ ɛ̂wɑ́.

Mɑtʉ̈ɔ 9:15

Yɛ́su tsɔ́Ꞌ mbɔ̌ pɔ́p ŋɡɔ: «Tɛ ɛ́ lɑɑ ḿbɔ́ pɛ́ ɡʉ nɛlúŋ-ŋu, ɑ pɛ́t ńnɑ́ŋ nɑ́ŋnɛ pɛsúu pɛ́ pi pɛ́ lɑ́Ꞌnɛ ɛ́fúŋ nɑ́ŋ tsɛt nɛmʉk mɛlɑ́Ꞌ kʉ̈ɔ́? Lɑ́ pɛ́ ɡʉ ńdɑ́Ꞌ ɛ́fú mbɔ̌ pɔ́p yɛcɔ́ lɛ́Ꞌ ɛ́sɑꞋ wɛ́, pɔ́Ꞌɔ lɑ́, pɔ́p nɑ́ŋ nji ŋkɑ́ ɛ̂yɑ́.»

ŊwɑꞋnɛ-Gɑŋntúu Yɛ́su Kɛlístɔ 13:3

Pɔ́p zúꞋ pɔ́Ꞌɔ ŋ́kɔŋ ńnɑ́ŋ njí, ńcɛꞋlɛ Sɛ́ tɛ ḿbɔ́tnɛ ńnɑ́ŋ, ńzɑ́p mbɔ́ tú pɔ́p, ńnɑ́ wɔ́p pɔ́p ɡʉ.

ŊwɑꞋnɛ-Gɑŋntúu Yɛ́su Kɛlístɔ 14:19

Mbɑ pɔ́Ꞌɔ, pɛcɔ́ pɑyúdɑ ɡɔ́ɔ ŋ́ɡɛ ɛ́fú Antíyɔshɛ ẅí ɛ́ mbʉʉ Pisidîi, pɛcɔ́ fú tʉsɔŋ-Ikɔníyum, pɔ́p puu ńtɔ́ shɔt lɑ́Ꞌ tɛ pɔ́p tsʉ́Ꞌ ḿbɔ́ pɔ nǔu yɔp nzʉʉ. Pɔ́p pɛ́ pɔ́p lɔk mɛŋɡɔꞋ ńtɛ́mtɛ Pɔ̂l, tɛ ḿbɔ́ ŋ́kwɑŋɛ pɔ ŋɡɔ ɑ pfú, ɛ́shuŋ wɛ́ ńdɔk ɛ́fú tʉ́sɔŋ, ŋ́ɡʉ ḿmɛꞋ.

ŊwɑꞋnɛ-Gɑŋntúu Yɛ́su Kɛlístɔ 14:23

Tsɛt mɛtʉ́sɔŋ mɔ, zʉꞋ cúlɛ-pʉɔ-Kɛlístɔ zúꞋu pɔ́p tsɔ́Ꞌ pʉɔ pí pɔ́p ɡʉ ńcẅɛ́ɛ mbi tsɛt yîyɑ́ cúlɛ-pʉɔ-Kɛlístɔ. Tɛ ɛ́ kuꞋ, pɔ́p kɔŋ kɔŋnɛ, ńdʉꞋ yúu pɛjʉ́, ńcɛꞋlɛ Tsɑpʉɔ Sɛ́, ŋ́ɡɔ́ɔ ŋ́kɛ́ fɛ́ɛ wɔ́p mbɔ̌ Tsɑpʉɔ ẅi pɔ́p pɛ́mnɛ nu yɛ́.

ŊwɑꞋnɛ-Gɑŋntúu Yɛ́su Kɛlístɔ 17:5

Lɑ́ pɑyúdɑ pinɛ pɔ́p lʉꞋnɛ jʉ́ɔ pɔ́Ꞌɔ, ŋ́kɔ́Ꞌ lɔ́ŋ, ŋ́ɡʉ mɛtú-ndúŋ-ńcúꞋlɛ pɑ kɛ́ kúu nǔu nu, pɔ́p pɛ́ pɔ́p kuutɛ lɑ́Ꞌ, ḿmɑꞋ vɑꞋ tʉ́sɔŋ. Pɔ́p ɡʉ ndɑ́-Jɑ́sɔŋ nɛlɔɔ Pɔ̂l pɔ́p Sílɑs pɑ́Ꞌ pɔ́p ɡʉ ŋ́ɡẅɛɛ wɔ́p ŋ́ɡʉ tík wɔ́p mbi lɑ́Ꞌ,

ŊwɑꞋnɛ-Gɑŋntúu Yɛ́su Kɛlístɔ 20:31

Pʉʉ pɑ́ɑ nɛmɛꞋ ku. Pʉʉ kẅíitɛ ŋɡɔ ŋ kɑ lɔk ŋɡuꞋ yɛ́tɑ́t, ɛ́ pɔ́ pɔ nɛtúꞋ, ḿbɔ́ pɔ nɛnɛm, m bɔ́ ŋ́ɡɑ́ ntík mbɔ̌ mbɑ wɔ̌ lɑ́ tsɛtsɛt pʉʉ kɛ́ kɑ́ɑ. Tɛ ŋ́ɡɔ ŋ́ɡɑ́, ḿbɔ́ ńdɑɑ.

ŊwɑꞋnɛ-Gɑŋntúu Yɛ́su Kɛlístɔ 23:10

Pɛ́ ɡɑ́Ꞌ nɛzɔŋ. Tɑ́tndɑ́-pɛtɑ́tndɑ́-ntsɔ-Lɔ́mɑ jʉ́ɔ ḿbɔ́k, ŋɡɔ pɔ́p ɡʉ ńcitɛ Pɔ̂l mɛkɛm mɛkɛm, ńcú mbɔ̌ pɑlʉ̈ɔ́Ꞌntsɔ ŋɡɔ pɔ́p fɛ́Ꞌnɛ ḿpfúu, ŋ́ɡɛ pɛ́ lɔk Pɔ̂l ɛ́fú zʉꞋ yi pɛ́ ŋɑknɛ ntsɑŋ zúꞋu ńcẅɛt, ŋɡɔ pɔ́p lɔk wɛ́ ŋ́ɡʉ tsɛt mɑ́mɑ́ ŋkɑ́Ꞌ-pɑlʉ̈ɔ́Ꞌntsɔ.

ŊwɑꞋnɛ-Gɑŋntúu Yɛ́su Kɛlístɔ 23:35

Ŋɡɔ́mnɑɑ cú mbɔ̌ wɛ́ ŋɡɔ: «Ŋ ɡʉ zẅíꞋlɛ tɛ pʉɔ pi pɔ́p fɛnnɛ wú tɔ́ lɑ́ m bíkŋɛ wú nɛ́ nu,» ńcú pɔ́Ꞌɔ, ńcú ŋɡɔ pɛ́ ɡʉ ńdẅɛꞋ Pɔ̂l ntɔ́Ꞌ-mpfú fɔɔ Ɛlɔ̂dɛ.

ŊwɑꞋnɛ-Gɑŋntúu Yɛ́su Kɛlístɔ 24:27

ḿbɔ́ ŋ́ɡɛ pɔ pɔ́Ꞌɔ, tɛ ɛ́ ɡɔ́ ḿbɔ́ ŋɡuꞋ yɛ́pɑ́, pɛ́ lɔk ŋɡɔ́mnɑɑ Pɔlsíyus Fɛstus ŋ́kúp Fɛlɛshi. Pɑ́Ꞌ Fɛlɛshi kɑ pɔ́ ŋ́kɔŋ nɛɡɛ yúu mi ɛ́ ɡʉ ḿbɔŋ pɑyúdɑ lɑ́, ɑ nɑ́ Pɔ̂l pɔ ndɑ́tsɑ́ŋ.

ŊwɑꞋnɛ-Gɑŋntúu Yɛ́su Kɛlístɔ 26:10

Ɛ́ yúu mi ŋ kɑ ɡɛnɛ tʉ́sɔŋ-Yɛlúsɑlɛm. Ŋ kɑ ɡẅɛɛ pʉɔ-Yɛ́su tɛ pɔ́p zɑ́ɑ zɑ́ɑnɛ, ḿmɑꞋ ndɑ́tsɑ́ŋ, ńzɛɛ ŋ́ɡɔ ŋ́ɡɛ pɔ́Ꞌɔ, pɛtɑ́tndɑ́-pɑnɔŋpɔꞋ zɛɛnɛ ḿbɔ́ ńtúu wɑ́ɑ nɛ́ mɛŋwɑꞋnɛ. Pɛ́ pɔ́ tɛ ḿbɔ́ ŋ́ɡʉ ńjẅítɛ wɔ́p n zɑ́p wɑɑ ntsu nǔu.

ŊwɑꞋnɛ-Gɑŋntúu Yɛ́su Kɛlístɔ 26:29

Pɔ̂l tsɔ́Ꞌ mbɔ̌ wɛ́ ŋɡɔ: «Kɛ pɛ́ ɡʉ ńdɔk pɔ nu yi ɛ́ sɑk sɑknɛ ɔɔ, kɛ pɔ mi ɛ́ túꞌ tuꞋnɛ ɔɔ, mbɔ yɑ́ɑ yúu mi n dɑ́Ꞌ ńdɔ́ɔ mbɔ̌ Sɛ́ pɔ́ pɔ ŋɡɔ: Nɑɑ kɛ́mɑꞋ tɛ mbɑ pʉʉ pɛ́tsʉʉ pi pʉʉ sɛ́ ńzúꞋ nu yí n cúnɛ lɔ́Ꞌnɛ, pʉʉ tsʉ́Ꞌ pɑ́Ꞌ mɔ. Tɛ mɛcɛ̂n mɔnɛ, pɔɔ nǔu pʉʉ pɔ́.»

ŊwɑꞋnɛ-Gɑŋntúu Yɛ́su Kɛlístɔ 28:30

Pɔ̂l nɑ́ŋ nɑŋnɛ ŋɡuꞋ yɛ́pɑ́, tsɛt ndɑ́ yi ɑ kɑ cẅɛ́ɛnɛ ḿbɔ́ ḿbíi. Wɛ́t ŋu lɑ́ ẅi ɑ kɔŋnɛ nɛjʉ́ɔ wɛ́, tɔ́ zúꞋu, pɔ́pmɛ́ sẅiŋɛ.

ŊwɑꞋnɛ-Gɑŋntúu Yɛ́su Kɛlístɔ 5:18

Pɔ́p pɛpɔ́p túu pʉɔ, pɔ́p ɡẅɛɛ ɡɑŋntúu ńníꞋ wɔ́p ndɑ́tsɑ́ŋ yi pɛ́ kɑ pɔ́ ńníꞋ ɡɑŋtsɑ́ŋ tsʉʉ zúꞋu.

1 Kɔlɛ̂ŋtɛ 15:10

Ɛ́ kɑ kɛ́ ńdɛɛ pɔ nǔu pɑ́Ꞌ Sɛ́ ɡɑ́nɛ fuꞋ níinɛ yɑ́ɑ, ńnɑ́ŋ ńcẅɛ́lɛ wɑ́ɑ lɑ́ n tsʉ́Ꞌ yúu mi mɔ yɛ́tɛ́ lɑɑ. Yîyɑ́ ntɛ́ nɛɡɑ́ fuꞋ níinɛ yɑ́ɑ ŋkɑɑ lɛɛ níinɛ pɔ́, ɛ fɑꞋ fɑꞋ ńdɛɛ pɛcɔ́ ɡɑŋntúu, lɑ́ mɔ kɑ́nɛ pɔ́ ńdɔk mɑ́ɑ mɛtʉʉ ɛ́fɑꞋ pɔ́. Sɛ́ cẅɛ́lɛ́nɛ wɑ́ɑ ŋ́ɡɑ́ mɛtʉʉ n dɔk ɛ́fɑꞋ.

1 Kɔlɛ̂ŋtɛ 4:11

Nji júk nɛzɑ́ŋ wɛ́k. Gɑ́k yɛ́k júk ɛ́shí. Ndẅí mɑꞋnɛ pɔɔ ɡú pɔ́. Pɛ́ júk pɔ nɛtswɑ́ɑ wɛ́k. Wɛcɔ́ nɛpɔ́ ẅi mbɔ pɛk pɔ́tnɛ ńnɑ́ŋ tɑ́Ꞌ zʉꞋ pɔɔ ɡú pɔ́.

1 Kɔlɛ̂ŋtɛ 7:5

Kɔɔ ŋu mbɛ́ɛnɛ lʉꞋ nu mbɔ̌ nzwɛ́ wɛ, kɔɔ mɑŋɡɛ́ kɛ́ ńdʉꞋnɛ yɛ́ mbɔ̌ ndúu mɛ. Ɛ́ lɑɑ ḿbɔ́ pʉʉ ɡɛ pɔ́Ꞌɔ, pɔ nǔu mɔ́ɔ mɔ́ŋkɑ́ ẅi pʉʉ lɔknɛ tɑ́Ꞌ ntsu ńjʉ́ɔ ŋɡɔ pʉʉ ɡʉ ḿbúꞋ mbɔ́ mbɔ̌ Sɛ́, ḿbúꞋ mbɔ́ mbɔ̌ Sɛ́ tɛ ḿbɔ́tnɛ ńnɑ́ŋ, pʉʉ pɛn ńnɑ́ŋ tsɛt lɑ́ɑndɑ́ yʉ́ʉ pɑ́Ꞌ pʉʉ zɛɛnɛ ńnɑ́ŋ, ḿbɔ́k nɛpɔ́ yi ɛ́ lɑɑ ḿbɔ́ Sɑ́ttɑ lɔk pɑ́Ꞌ pʉʉ kɑ́ɑnɛ nɛɡẅɛɛtɛ mbʉʉ yʉ́ʉ ŋ́kwɑꞋnɛ wʉ́ʉ.

2 Kɔlɛ̂ŋtɛ 11:27

ńjúk ɛ́fɑꞋ mɛfɑꞋ mi ɛ́ tɛnnɛ tɛ ńzúꞋ ŋ́kɑ́ɑ tɛꞋ, ńjúk ńdɛ́ kɛ́ lɛ́. Nji júk ńzɑ́ŋ wɑ́ɑ, ɡɑ́k yɑ́ɑ júk ɛ́shí, ḿbɔ́ yɛcɔ́ ŋkɑ́, yúu pɛjʉ́ ḿmɛ mbɔ̌ mɔ, fɑ́k ɡɔ́ ŋ́kɔ́ wɑ́ɑ, mbɔ n jɑ́k ndẅí.

Ɛ́fɛ̂zɛ 3:1

Ɛ́ yúu mi ɛ́ ɡɛnɛ, mɔ Pɔ̂l ẅí mɔ ndɑ́tsɑ́ŋ mbíꞋŋɡɔ ɛ sɑ́Ꞌ nu-Yɛ́su Kɛlístɔ mbɔ̌ pʉʉ pi pʉʉ kɑ́ pɔ́ pɑyúdɑ pɔ́, mɔ sɛ́ ḿbúꞋ mbɔ́ mbɔ̌ Sɛ́ ŋkɑ́ tsʉʉ nǔu tú yʉ́ʉ.

Filipɛ 1:13

lɑ́ pɑlʉ̈ɔ́Ꞌntsɔ pi pɔ́p pyɛ́pnɛ njɛ́Ꞌ ŋɡɔ́mnɑɑ ŋ́ɡɛ pʉɔ tsʉʉ sɛ́ ńjí ŋɡɔ mɔ ndɑ́tsɑ́ŋ pɑ́Ꞌɑ ntɛ́ pɔ nu-Kɛlístɔ.

1 Tɛsɑlɔník 2:9

Pʉʉ kẅíitɛ pɑ́Ꞌ ɛ́ kɑ pɔ́nɛ ŋkɑ́ yi pɛk kɑ pɔ́ ńcẅi Ŋkʉʉ Sʉ́Ꞌnɛ mbɔ̌ pʉʉ lɑ́, pɛk pɛn ɛ́fɑꞋ tɛ ŋ́kɑ́ɑ, lɑ ŋ́ɡẅɛɛ yúu kwɛ́tnɛ. Pɛk kɑ pɔ́ ɛ́fɑꞋ nɛnɛm ɛ́fɑ́Ꞌ nɛtúꞋ. Pɛk ŋkɑɑ kɔŋ nɛtsʉ́Ꞌ piꞋ mbɔ̌ wɛcɔ́ ŋu wʉʉ pɔ́.

1 Timɔtɛ́ɛ 4:10

Yɔ yúu mi ɛ́ ɡɛnɛ pɛk fɑꞋ fɑꞋ-Sɛ́ tɛ ŋ́kíɛ ziꞋnɛ, ḿmɑꞋ ntsɔ. Pɛk fɑꞋ, ḿbɔ́ ńzẅíꞋlɛ mbɑ kʉ̈ɔ́ lɑ́ pɔ mbɔ̌ Sɛ́ ẅi ɑ ntʉʉ. Jʉ́ ɡɛnɛ pɑ́Ꞌ pʉɔmɛsɔŋ tsʉʉ ɡʉ ńduk, lɑ́ ŋu kɛ́ ŋ́ɡɔ́ ńduk, ɛ́fú pɔ nǔu pɑ́Ꞌ ɑ zɑ́pnɛ tʉ́m nǔu Yɛ́su.

2 Timɔtɛ́ɛ 1:8

Pɔ́Ꞌɔ lɑ́, kɔɔ ɔ kɔ́ sʉ́ʉ nɛcú yúu mi ɔ jínɛ nǔu Tsɑpʉɔ wɛkŋɛ. Kɔɔ ɔ kɔ́ sʉ́ʉ nɛcú ŋɡɔ ɔ jí wɑ́ɑ mbɑ pɑ́Ꞌ mɔ ndɑ́tsɑ́ŋ mbíꞋ wɛ́ lɑ́. Ńtsʉ́Ꞌ pɔ́Ꞌɔ, ɔ Pɛ́m yú pǔu tɛmtɛ ńjʉ́ɔ ŋɡʉ̈ɔ́Ꞌ, ńdɔk ŋ́ɡɛ Ŋkʉʉ Sʉ́Ꞌnɛ sɑt zʉꞋ, ɛ́sɑ́ŋ nǔu mɛtʉʉ mi Sɛ́ ɡɑ́nɛ mbɔ̌ pǔu.

2 Timɔtɛ́ɛ 2:9

N jʉ́ɔ ŋɡʉ̈ɔ́Ꞌ tɛ pɛ́ níꞋ wɑ́ɑ ndɑ́tsɑ́ŋ pɑ́Ꞌ ŋkɑ́ yi mɔ ŋu kɛpɔŋ lɑ́ pɑ́Ꞌɑ mbíꞋ pɔ Ŋkʉʉ Sʉ́Ꞌnɛ ɛ̂wɑ́. Lɑ́ pɛ́ kɑ́ níꞋ sẅiŋɛ-sɛ́ ndɑ́tsɑ́ŋ pɔ́.

2 Timɔtɛ́ɛ 4:5

Lɑ́ ŋ́ɡʉ nǔu ɡu, ɡɛ yú mbɑ kʉ̈ɔ́ lɑ́ ɛ́ kuꞋ kuꞋnɛ. Ŋɡʉ̈ɔ́Ꞌ kúu wú ɔ sʉk sʉknɛ. Kɛ́ ḿbɔ́ ɛ́fɑꞋ pɔ fɑꞋ yú yi ɛ́ nɛcẅi Ŋkʉʉ Sʉ́Ꞌnɛ-Sɛ́ mbɔ̌ pʉɔ. Ɛ́fɑꞋ fɑꞋ-Sɛ́ yi ɔ nǔu sʉ́Ꞌnɛ.

Ɛ́bɛlʉʉ 11:36

ḿbɛn ŋ́ɡʉ nǔu pɛcɔ́ pʉɔ, pɛ́ tɛ́m sʉ́ʉ nǔu pɔ́p, ńdɔk ŋɡwɑɑ ńtswɑ́ɑ wɔ́p, ńtɔ́ nǔu pɛcɔ́ pʉɔ pɛ́ pɔɔ ɡɛ pɔ ndɑꞋ pɔ́Ꞌɔ pɔ́, ḿbɛn ŋ́kút wɔ́p nɛ́ mɛcɛ̂n, ḿmɑꞋ wɔ́p ndɑ́tsɑ́ŋ,

Ɛ́bɛlʉʉ 13:17

Pʉʉ zúꞋ ntsu-pʉɔ pi pɔ́p tsiinɛnɛ wʉ́ʉ. Pʉʉ ɡɑ́ mbʉʉ sɛ́ mbi pɔ́p, mbíꞋŋɡɔ pɔ́p sɛ́ ńdíŋɛ wʉ́ʉ ŋɡɔŋ ŋkɑ́ tsʉʉ, ḿbɔ́ ńjí ŋɡɔ pɔ́p ɡʉ ńdɑ́Ꞌ ńtʉ́ʉ mbi Sɛ́ ḿbɛ́ɛtɛ ntɛ́ yi pɔ́p kɑ lɔknɛ ɛ́fɑꞋ tsɛtsɛt pʉʉ. Pɔ́Ꞌɔ lɑ́, pʉʉ ɡɛ nǔu ntɛ́ yi pɔ́p ɡʉ ɛ́fɑꞋ fɑꞋ yɔ́p nɛ́ tsɑ́ɑtɛ, tɛ pɔ́p pɔɔ pɔ́ tsẅii tsẅiinɛ pɔ́, mbíꞋŋɡɔ ɛ́ lɑɑ ḿbɔ́ pɔ́Ꞌɔ, pʉʉ pɔɔ lúꞋnɛ.

Ɛ́bɛlʉʉ 13:23

Pʉʉ jí ŋɡɔ pɛ́ tsɔ́Ꞌ mbɔ́ nǔu mɔ́ɔmɑ́ wɛkŋɛ Timɔtɛ̂ɛ. A lɑɑ fɛ́Ꞌnɛ ńtɔ́, mbɔ mɔ ŋ́ɡɛ ŋ́ɡɔ ńtɔ́ jʉ́ɔ wʉ́ʉ pɛknɛ́ pɔ́nɛ.

Mɛnu ɛ́ ńdɑ́Ꞌ ńcẅɛt 2:10

Ɛ́ nɛ́nẅín ŋɡɔ pʉʉ ɡʉ ńjʉ́ɔ ŋɡʉ̈ɔ́Ꞌ, lɑ́, kɔɔ pʉʉ kɛ́ ḿbɔ́k. Pʉʉ jí ŋɡɔ Sɑ́ttɑ ɡʉ ḿmɑꞋ pɛcɔ́ pʉɔ pʉ́ʉ ndɑ́tsɑ́ŋ nɛlɔk ŋ́kwɑꞋlɛ wʉ́ʉ ńjʉ́ɔ. Pʉʉ jʉ́ɔ ŋɡʉ̈ɔ́Ꞌ jʉ́ɔnɛ nǔu lɛ́Ꞌ lɑ́Ꞌ nɛɡɛ́m. Pʉʉ kɛ́ ńjí pɔ ndɑꞋ wɑ́ɑ, tɛ mbɑ pɑ́Ꞌ pɛ́ lɑɑ ḿbɔ́ ńjẅítɛ wʉ́ʉ ntɛ́ pɔ́Ꞌɔ. Mɔ, ŋ ɡʉ ńdɑ́Ꞌ ńtɔꞋ ŋɡúꞋ yʉʉ, ɛ́ pɔ́ pɑ́Ꞌ pʉʉ ɡʉ ńdɑ́Ꞌ ḿbɔ́ pɔ ɡú.