2 Kɔlɛ̂ŋtɛ 6:14 - Kɑɑ Fí

¹⁴ Kɔɔ pʉʉ pɑkɛzɑ́p tʉ́m nǔu Yɛ́su tɛmtɛ pɑꞋ ŋu pɔ́p wɛcɔ́ tɛmtɛnɛ ńnɛn tɑ́Ꞌ ku ŋ́ɡɛ tɑ́Ꞌ yúu lɑ́, ḿbɔ́ nu yi ɛ́ tʉ́ʉnɛ ndʉ́ŋndʉŋ pɔ́p yi ɛ́ kɑ́ tʉ́ʉ zɛɛ ńtɛmtɛ ku ńnɛn ŋɡɔ́ku? Mbɔ kyɛꞌ pɔ́p nzɛ́nzʉ́ʉ pɔ́ tɑ́Ꞌ zʉꞋ ŋɡɔ́ku?

2 Kɔlɛ̂ŋtɛ 6:14 교차 참조

Jɑ̂ŋ 7:7

Mbɔ pʉɔ-ndǔmbí pɔɔ wʉ́ʉ pɑɑ. Lɑ́ ŋ́ɡʉ nǔu mɔ, mbɔ pɔ́p pɑɑ wɑ́ɑ, mbíꞋŋɡɔ ŋ kɑ pɔ́ ɛ́sẅíi wɔ́p nɛ́ sẅíiŋɛ ŋɡɔ ŋɡɛnɛ nu yɔ́p kɑ́ pɔŋ.

ŊwɑꞋnɛ-Gɑŋntúu Yɛ́su Kɛlístɔ 4:23

Pɛ́ kɑ pɔ́ tɛ ńnɑ́ wɔ́p, Pyɛ̂ pɔ́p Jɑ̂ŋ ɡʉ ŋ́kẅɛ́ɛtɛ pʉɔ pɔ́p. Ḿbɛ́ɛtɛ mɛnu mí pɛtɑ́tndɑ́-pɑnɔŋpɔꞋ pɔ́p pɑsɑ́Ꞌlɑ́Ꞌ lɑ́Ꞌnɛ ńcú mbɔ̌ pɔ́p, ɛ́sẅíi wɔ́p.

1 Kɔlɛ̂ŋtɛ 10:21

Mbɔ pʉʉ pɔɔ pɔ́ pʉɔ pi pʉʉ nɔ́nɛ ntúꞋ-Tsɑpʉɔ, ḿbɛn ḿbɔ́ pʉɔ pi pɔ́p nɔ́nɛ yɛ́ mɛzẅikŋɛ kɛpɔŋ pɔ́. Mbɔ pʉʉ pɔɔ pɔ́ pʉɔ pi pʉʉ jʉ́nɛ yúupɛ́jʉ́-Tsɑpʉɔ, ḿbɛn ḿbɔ́ pʉɔ pi pɔ́p jʉ́nɛ yúupɛjʉ́-mɛzẅikŋɛ kɛpɔŋ pɔ́.

1 Kɔlɛ̂ŋtɛ 15:33

Kɔɔ pʉʉ pɛ́m pɛ́ fu wʉ́ʉ, pʉʉ mɑ́ɑ ńdikŋɛ ŋɡɔ tɑ́ɑ-kuꞋú kɛpɔŋ lɔ mbʉ́ʉpɛ cúꞋ?

1 Kɔlɛ̂ŋtɛ 5:9

Ŋ kɑ ńtúu ŋwɑꞋnɛ mbɔ̌ pʉʉ ńcú tsɛtú ŋɡɔ: «Pʉʉ pɑ́ɑ pɑ́Ꞌ pʉʉ pɛ́ pʉɔ pi pɔ́p jʉ́ɔnɛ mbɑ wɔ̌ lɑ́ pɔ́p pɛpɔ́p nɔɔ nɔɔnɛ tɛmtɛ nu.»

1 Kɔlɛ̂ŋtɛ 6:6

Lɑ́ ɛ́ tsɛtsɛt pʉʉ, ŋu-Kɛlístɔ lɔk wɛcɔ́ ŋ́ɡʉ zʉꞋ yi pɛ́ ŋɑknɛ mɛtsɑŋ zúꞋu, tɛ ɛ́ zɛɛ ḿbɔ́ pɔ mbi pʉɔ pi pɔ́p kɑ́ zɑ́p tʉ́m nǔu Kɛlístɔ pɔ́.

1 Kɔlɛ̂ŋtɛ 7:39

Ɛ́ ɡʉ nǔu mɑŋɡɛ́ ẅi ɑ zɔ́Ꞌnɛ ɑ kɛ́ ŋ́ɡẅɛɛ pɔ nɛlɑt mbʉʉ yɛ nǔu ndúu mɛ nǔu ŋkɑ́ yi ndúu mɛ pɛ́t ɡú. Ndúu mɛ kɛ́ ḿpfú, ɑ ɡẅɛɛ nɛzɔ́Ꞌ ŋu ẅi jʉ́ mɑŋɡɛ́ kɔŋnɛ. Nu pɔ́ pɔ ŋɡɔ ẅîwɑ́ ŋu mbɛ́ɛnɛ pɔ́ ŋu-Kɛlístɔ.

Filipɛ 2:15

nɛpɔ́ yi, yɛcɔ́ yúu mi pɛ́ ɡʉ ńdɑ́Ꞌ wʉ́ʉ nǔu kɛ́ pɔ́ ɡú pɔ́. Pʉʉ pɔ́ ndɛ́ɛnɛ lɛ́ɛnɛ́nɛ. Pʉʉ lɔk ḿbɔ́ ndǔ yɔ mbí, ḿbɔ́ pʉɔ-Sɛ́ pi yɛcɔ́ lɔ́Ꞌ kɑ́ pɔ́ nǔu pɔ́p pɔ́, ɛ́ lɔk ḿbɔ́ ŋɡɔ pʉʉ kyɛꞌ yi ɛ́ kyɛꞋnɛ zʉꞋ tsɛtsɛt yɔ nɔɔ-pʉɔ pi pɔ́p pɔ́ pɔ ɡɑŋcɔtnu, ḿbɛn ḿbɔ́ pɑsɑ́ŋ nu ŋkẅɛpmɛ ŋkẅɛpmɛ,

Jɑ̂k 4:4

Pʉʉ pɑlɑŋ nzʉʉ-pʉɔ. Pʉʉ kɑ́ pɔ́ ńjí ŋɡɔ ŋu ẅí ɑ súu-yúu-ndǔmbí, tsʉ́Ꞌ ḿbɔ́ pɔ ŋɡɑŋmbuu-Sɛ́ pɔ́ kɛ? Ŋu ẅí ɑ kɔŋnɛ yúu-ndǔmbí tsʉ́Ꞌ ḿbɔ́ pɔ ŋɡɑŋmbuu-Sɛ́.