2 Kɔlɛ̂ŋtɛ 6:1 - Kɑɑ Fí

¹ Pɑ́Ꞌ pɛkŋɛ pɛ́ Sɛ́ tɛmtɛ́nɛ ḿbɔ́ ɛ́fɑꞋ lɑ́, pɛk sɛ́ ńní mɛtʉʉ mʉ́ʉ ŋɡɔ kɔɔ pʉʉ ɡɛ nǔu ntɛ́ yi, nɛpɔ́ ẅi Sɛ́ tsɑ́ɑnɛ wʉ́ʉ, ŋ́ɡɑ́ fuꞋ níinɛ yʉ́ʉ, ɡʉ ńdɛɛ fɛ̌ɛ.

2 Kɔlɛ̂ŋtɛ 6:1 교차 참조

Mɑtʉ̈ɔ 23:37

Ŋkɑ́ kuꞋ Yɛ́su cú ŋɡɔ: «Pʉɔ-Yɛlúsɑlɛm, pʉɔ-Yɛlúsɑlɛm, pʉʉ ẅí pʉʉ jẅínɛ pɛŋɡɛ́mndʉ̈ɔ́Ꞌ-Sɛ́ jẅínɛ, ńdɔk mɛŋɡɔꞋ ńtɛ́m pʉɔ pínɛ Sɛ́ túunɛ wɔ́p mbɔ̌ pʉʉ ńjẅítɛ, ŋkɑ́ yɛsʉ́Ꞌʉ́ pɑ́Ꞌ n dɔɔnɛ nɛcúꞋlɛ wʉ́ʉ, pɑ́Ꞌ mɔ̂ŋɡɛ́p cúꞋlɛ pɔ́ɔ pɛ́ mɛpɑp yɛ́, pʉʉ kɛ́ ńdʉꞋ lʉꞋnɛ?

ŊwɑꞋnɛ-Gɑŋntúu Yɛ́su Kɛlístɔ 11:23

A ɡʉ tɛ ŋ́kúu zúꞋu, ńjʉ́ɔ yɛ́ pɑ́Ꞌ Sɛ́ líŋɛ́nɛ pʉɔ pi pɔ́ zɑ́pnɛ tʉ́m nǔu wɛ́ pɔ́Ꞌɔ, nu pɔŋ wɛ́ tɛꞋ. A níꞋ mɛtʉʉ mɔ́p pɛ́tsʉʉ, ŋɡɔ pɔ́p kɛ ńjí pɔ ndɑꞋ Tsɑpʉɔ, ḿbɛn ńcʉŋɛ pɔ nǔu wɛ́.

ŊwɑꞋnɛ-Gɑŋntúu Yɛ́su Kɛlístɔ 14:3

Tɛ ŋ́ɡɛ pɔ ŋɡɔ́ku lɑ́, Pɔ̂l pɔ́p Pɑnɛpɑ́ɑshi zɛ ńnɑ́ŋ Ikɔnyɔm, ńtík pɔ Tsɑpʉɔ mbi, ḿbɔ́ ńdɛɛ lɛɛnɛ ńcú mbɔ̌ pʉɔ ŋɡɔ Tsɑpʉɔ kɔŋ wɔ́p. Tsɑpʉɔ pɛn ḿbɔ́ ńdɛɛ nǔu mɛnu mɑ̌ɑmɑɑnɛ nɛ́ ŋkʉꞋnɛ mɛnu mi ɑ lɔknɛ wɔ́p ŋ́ɡɛ, ńnyɛt ŋɡɔ nu yí pɔ́p cúnɛ nǔu pɑ́Ꞌ Yɛ́su kɑ ɡɑ́nɛ fu níinɛ-pʉɔ, ɛ́ nɛ́nẅín.

Pʉɔ-Lɔ́mɑ 12:1

Pɔ́ɔpɛ́mɑ́ pɑ́ɑ, pɑ́Ꞌ Sɛ́ kɑ ńtsɑ́ɑ mɛjʉ́ŋ mɛkŋɛ lɑ́, mɔ sɛ́ ńcú mbɔ̌ pʉʉ ŋɡɔ pʉʉ ɡɑ́ mbʉʉ yʉʉ mbɔ̌ wɛ́ pɑ́Ꞌ yúu-pɔꞋ lɑ́, ńtsʉ́Ꞌ ńnɑ́ŋ ńzúꞋ pɔ mbɔ̌ wɛ́, ḿbɔ́ pɔ pʉɔ pɛ́ ndɑꞋ, ŋ́ɡɛ pɔ yúu mi ɛ́ ɡʉ ḿbɔŋ wɛ́. Nɛɡɛ pɔ́Ꞌɔ, ɛ́ nɛɡúꞋlɛ Sɛ́ nǔu ntɛ́ yi sʉ́Ꞌnɛ.

1 Kɔlɛ̂ŋtɛ 3:9

MbíꞋŋɡɔ pɛk tɛmtɛ ḿbɔ́ ɛ́fɑꞋ pɔ fɑꞋ-Sɛ́. Pʉʉ pɔ́ ŋkɑ́Ꞌ-Sɛ́, ḿbɛn ḿbɔ́ ndɑ́ yi Sɛ́ sɛ́ ŋ́kút.

2 Kɔlɛ̂ŋtɛ 10:1

Mɔ Pɔ̂l, ŋ ɡʉ ńdɔk pɑ́Ꞌ Yɛ́su Kɛlístɔ pɔ́tnɛ́nɛ tɛꞋ ḿbɛn ḿbɔ́ ŋɡɑŋ-pɔŋtʉ́m, ɛ́sẅíi wʉ́ʉ nɛ́ tɑ́Ꞌ nu. A kwɑꞋ mɔ pɔ̂l wɑ́ ẅí pɛ́ cúnɛ ŋɡɔ ŋkɑ́ yi mɔ tsɛtsɛt pʉʉ, n nẅɛɛ nẅɛɛnɛ, ŋ́kɛ́ ḿbɔ́ ŋkɑ́ yi ŋ ɡʉnɛ ŋɡɑ sɛsɑ, ńcú nu mbɔ̌ pʉʉ tsɛt ŋwɑꞋnɛ kɛ́ pɔ́k lɑ́.

Ŋɡɑlɑ̂t 2:21

Ŋ kɑ́ pɔ́ ŋ́ɡʉ ḿbɛ́m, nu sʉ́Ꞌnɛ yi Sɛ́ kɑ lɔknɛ ŋ́ɡɑ́ fuꞋ yɑ́ɑ lɛɛ níinɛ pɔ́. N cú, mbíꞋŋɡɔ ɛ́ lɑɑ ḿbɔ́ yi mbɔ ŋu lɛɛ nǔu nu nɛpʉ́ʉ lɑ Sɛ́ tsʉ́Ꞌ ńdíŋɛ wɛ́ pɔ pɑ́Ꞌ ŋu ẅí ɑ ndʉ́ŋndʉŋ, mbɔ ɛ́ lɔk ḿbɔ́ ŋɡɔ Kɛlístɔ kɑ pfú pɔ níinɛ.

Ŋɡɑlɑ̂t 3:4

Pʉʉ kwɑŋɛ ŋɡɔ mɛnu mi pʉʉ kɑ pɔ́ ńjʉ́ɔ, pʉʉ kɑ pɔ́ ńjʉ́ɔ pɔ níinɛ kîi?

1 Tɛsɑlɔník 3:5

Ɛ́ yúu mi ɛ́ kɑ ɡɛnɛ lɑ m bɔɔ pɛn ŋ́kuꞋ nɛzẅíꞋlɛ pɔ́, ńtsʉ́Ꞌ ńtúu Timɔtɛ̂ɛ, ŋɡɔ ɑ ɡʉ ńjʉ́ɔ pɑ́Ꞌ wʉʉ nɛzɑ́p tʉ́m nǔu Sɛ́ kɑ tsʉ́Ꞌnɛ ḿbɔ́ pɔ́Ꞌɔ, ŋ́ɡɔ ńtúu wɛ́, ḿbɔ́ ḿbɔ́k ŋɡɔ Sɑ́ttɑ kɑ tsʉ́Ꞌ ŋ́kwɑꞋlɛ wʉ́ʉ tɛ fɑꞋ yi pɛk kɑ fɑꞋnɛ lɛɛ níinɛ.

Tîtɛ 2:11

Ɛ́ pɑ́Ꞌ pʉɔ-Kɛlístɔ ɡẅɛɛnɛ nɛɡɛ, mbíꞋŋɡɔ Sɛ́ kɑ tsuŋ ńnyɛt mbɔ̌ pʉɔ ŋɡɔ ɑ ŋu-pɔŋtʉ́m, ŋ́kuꞋ nɛɡɛ ŋɡɔ pʉɔ tsʉʉ luk.

Ɛ́bɛlʉʉ 12:15

Pʉʉ pɑ́ɑ pɑ́Ꞌ ḿbɔ́ ŋu tɛ́m ŋkwɛn mbɔ̌ Sɛ́ ẅí ɑ sɛ́ ńdɔk nɛkɔŋ wɛkŋɛ ŋ́ɡɑ́ fuꞋ níinɛ yɛkŋɛ, ḿbɑ́ɑ ŋu wʉ́ʉ nɛshɔtnɛ, tɛ ŋ́ɡɛ mɛnu mɛ́, ńtsʉ́Ꞌ ŋɡẅɛnɛlɑŋ kɛpɔŋ, mbɔ ɑ ɡʉ ńnɔ́k pɛcɔ́ pʉɔ tsɛt cúꞋlɛ yʉ́ʉ, pʉɔ tɛ ńzɑ́ɑ ɡɛ pɑ́Ꞌ jʉ́.

Ɛ́bɛlʉʉ 12:25

Pɔ́Ꞌɔ lɑ́, pʉʉ pɑ́ɑ nɛlʉꞋ nɛzẅíꞋlɛ nu yi ɛ́ cẅɛtnɛ ntsu-ŋu ẅí ɑ sɛ́ ńcú nu mbɔ̌ pʉʉ, mbíꞋŋɡɔ ḿbɔ́ yi pɛ́ kɑ níꞋ ntsɑŋ tú-pʉɔ pi pɔ́p kɑ lʉꞋnɛ nɛzúꞋ nu yi Mɔ̌sɛ̂ɛ kɑ pɔ́ ndǔ tsɛ́tsɑ́Ꞌ ḿbɔ́ ŋ́kɑ́k nɛtúutɛ nɔ́p nǔu, mbɔ pɛkŋɛ lɑɑ tɛ́m ŋkwɛn mbɔ̌ Sɛ́ ẅí ɑ tʉ́nɛ́pú, ḿbɔ́ ɛ́sẅíi wɛkŋɛ nɛ nu, mbɔ ɛ́ ŋ́ɡɛ pɑ́Ꞌ lɑ́ pɛkŋɛ pɔɔ kúu pɔ ŋɡʉ̈ɔ́Ꞌ yi ɛ́ lɛɛ yîyɑ́ pɔ́.

Ɛ́bɛlʉʉ 4:1

Lɑ́ nɛpɔ́ ẅi Sɛ́ kɑ kɑꞋnɛ mɔ́fíitɛ ẅi ḿbɔ́ pʉɔ kúu tsɛtú pɛ́t pɔ ɡú. Pɑ́Ꞌ ẅîwɑ́ ŋkʉʉ pɛn ḿbɔ́ wɛkŋɛ lɑ́, pʉʉ pɑ́ɑ pɑ́Ꞌ ḿbɔ́ wɛcɔ́ tɑ́Ꞌ ŋu tsɛtsɛt pʉʉ lɑ́Ꞌ ḿbɔɔ tsɛtú kúu.

1 Pyɛ̂ 4:10

Mbɑ wɔ̌ lɑ́ lɔk yɛ́ pɔ́fɑꞋ yi Sɛ́ kɑ lɔknɛ ŋ́ɡɑ́ fuꞋ níinɛ yɛ́, ńcẅɛ́lɛ pɔ́ɔpɛ́mɑ́ pɛ́. Pʉʉ pɔ́ pɑ́Ꞌ ɡɑŋfɑꞋ sʉ́Ꞌnɛ pi pɔ́p sɛ́ ŋ́kúꞋlɛ pɔ́fɑꞋ ntɛ́ nɛ́ ntɛ́ yi Sɛ́ ɡɑ́nɛ mbɔ̌ pɔ́p pɑ́Ꞌ ɛ́ ɡʉ ńcẅɛ́lɛ́ pɛcɔ́ pʉɔ.