2 Kɔlɛ̂ŋtɛ 3:7 - Kɑɑ Fí

⁷ Pʉʉ pɛn ḿbɔ́ ńjí yʉ́ʉ pɑ́Ꞌ nu-nɛpʉ́ʉ kɑ pɔ́nɛ pɔ́Ꞌɔ. Pɛ́ kɑ ŋwɑꞋnɛ nǔu tɑ̌fɛlɛ́-ŋɡɔꞋ, ɛ́ ɡɛ pɛ́ pfú pfúnɛ. Tɛ mbɑ pɔ́Ꞌɔ, fɑꞋ nǔu nu-nɛpʉ́ʉ ɛ̂nɑ́, ɡẅɛɛ mɑ́mɑ́ nɛŋwɑ́ŋɛ, tɛ pɑíslɑyɛ̂l pɔɔ kuꞋ nɛlíŋɛ ẅîwɑ́ nɛŋwɑ́ŋɛ nǔu shʉ́-Mɔ̌sɛ̂ɛ pɔ́, mbɑ pɑ́Ꞌ ɑ ŋ́kɑɑ ńnɑ́ŋ pɔ́.

2 Kɔlɛ̂ŋtɛ 3:7 교차 참조

ŊwɑꞋnɛ-Gɑŋntúu Yɛ́su Kɛlístɔ 6:15

Pɑsɑ́Ꞌ lɑ́Ꞌ pinɛ pɔ́p ḿbɔ́nɛ ndɑ́ cúŋ pɛ́tsʉʉ ɡɔ́ɔ ŋ́kɛ́ ḿbɔ́ ńtík mík nǔu Ɛtiyɛ̂n, ŋ́ɡɔ ńjʉ́ɔ shʉ́ wɛ́ tsʉ́Ꞌ ḿbɔ́ pɔ pɑ́Ꞌ wɛ́ Cʉ̈ɔꞋ-Sɛ́ lɑ́.

Pʉɔ-Lɔ́mɑ 10:4

Kɛlístɔ kɑ zɛɛ ńtɔ́, ncẅɛtnɛ-ndɑ́ nɛpʉ́ʉ lɔk ḿbuutɛ. Pɔ́Ꞌɔ, ŋu zɑ́p tʉ́m nǔu Kɛlístɔ lɑ Sɛ́ tsʉ́Ꞌ ńdíŋɛ wɛ́ ɑ pɔ́ pɔ ndʉ́ŋndʉŋ mbi yɛ́.

Pʉɔ-Lɔ́mɑ 4:15

Nɛpʉ́ʉ zɛɛ ŋ́ɡɛ lɔ́ŋ-Sɛ́ zɑ́ŋ zɑ́ŋnɛ mbíꞋŋɡɔ pʉɔ kɑ́ pɔ́ ŋ́kúꞋlɛ pɔ́. Ɛ́ kɑ pɔ́ pɛ́Ꞌnɛ nɛpʉ́ʉ pɔɔ ɡú pɔ́, mbɔ pʉɔ kɑ́ fɑɑnɛ nɛpʉ́ʉ pɑ́Ꞌnɛ pɔ́.

Pʉɔ-Lɔ́mɑ 5:20

Lɑ́ ɛ́ pɛn ŋ́ɡʉ nǔu nɛpʉ́ʉ-Mɔ̌sɛ̂ɛ, mbɔ Sɛ́ kɑ pɔ́ ńzɑ́p nɛpɔ́ yi pʉɔ ɡʉ ŋ́ɡɛ ɛ́fú nǔu ńjʉ́ɔ ndɛn ẅi pɔ́p lɔknɛ ŋ́ɡɛ nu kɛpɔŋ pɔ́Ꞌɔ. Pɑ́Ꞌ mɛnu kɛpɔŋ sɛ́ ńzɑ́ɑ ŋɡɔ́ku lɑ́ Sɛ́ pɔ́ ńtsɑ́ɑ mɛjʉ́ŋ pʉɔ ŋ́ɡɑ́ fuꞋ níinɛ yɔ́p tɛ ńdɛɛ ntɛ́.

Pʉɔ-Lɔ́mɑ 7:10

m pfú. Ɛ́ pɔ́ pɔ́Ꞌɔ, mbɔ nɛpʉ́ʉ ni ɛ́ ńzɛɛnɛ ḿbɔ́ ŋ́ɡʉ ŋ́ɡɛ ŋu pɔ́ ɡú, mbɔ ɛ́ tsʉ́Ꞌ ńtɔ́ nǔu mɔ ńcɑklɛ wɑ́ɑ ńníꞋ pɔ nǔu nɛvú.

Pʉɔ-Lɔ́mɑ 7:22

Mɔ kwɑꞋ tsɛt tʉ́m mɔ, nɛpʉ́ʉ-Sɛ́ pɔŋ wɑ́ɑ tɛꞋ.

Pʉɔ-Lɔ́mɑ 7:5

Ɛ́ kɑ zɛɛ ḿbɔ́ ŋkɑ́ yi mbʉʉ yɛkŋɛ kɑ pɛ́tnɛ ɛ́sɑ́Ꞌ wɛkŋɛ, nɛtsɑ́ɑ nɛɡɛ nu yi ɛ́ kɑ́ pɔŋ pʉ́Ꞌtɛ mbʉʉ yɛkŋɛ, mbíꞋŋɡɔ nɛpʉ́ʉ tɔꞋ, ḿbɛn ŋ́kẅiꞋ ḿbʉ́Ꞌtɛ wɛkŋɛ, pɛkŋɛ fɑꞋ pɔ mɛfɑꞋ mi ɛ́ ɡʉ ɛ́fúŋ pɔ nɛvú ńníꞋ nǔu pɛkŋɛ.

1 Kɔlɛ̂ŋtɛ 13:10

A ɡʉ ŋ́kɛ́ ńdɑ́Ꞌ ḿbɔ́ tɛ ńnyɛt wɛkŋɛ nɛ́ yúu tsʉʉ, mɔ́ɔmɔ jínu-ŋkɔ̂ɔnɛ mɛ.

2 Kɔlɛ̂ŋtɛ 3:3

ḿbɔ́ pɛ́ lɔk pɔ mík ńjʉ́ɔ ŋɡɔ pʉʉ ŋwɑꞋnɛ yi Kɛlístɔ kɑ ŋwɑꞋnɛ́nɛ, ńtúu wɛ́k pɛk tɔ́ ŋ́ɡɑ́. A ŋkɑɑ lɔk pɔ ŋkɔŋ-ŋwɑꞋnɛ lɑ́ ŋ́ŋwɑꞋnɛ yîyɑ́ ŋwɑꞋnɛ pɔ́, ɛ́ kɑ pɔ́ ŋwɑꞋnɛ, ńdɛɛ pɔ nǔu Zẅikŋɛ-Sɛ́, jʉ́ Sɛ́ ẅi ɑ ɡú, ḿbɔ́ ntʉʉ. Ɛ́ ŋkɑɑ pɔ́ ŋwɑꞋnɛ nǔu pɛtɑ̌ɑfɛlɛ́-ŋɡɔꞋ pɔ́, ɑ kɑ ŋwɑꞋnɛ pɔ nǔu tʉ́m-pʉɔmɛsɔŋ.

2 Kɔlɛ̂ŋtɛ 3:6

Jʉ́ kɑ ɡɛnɛ pɛk kuꞋ nɛpɔ́ pɑfɑꞋ fɑꞋ, nǔu kɑɑ yɛ́ fí. Yîyɑ́ kɑɑ kɑ́ pɔ́ fú pɔ nǔu nɛpʉ́ʉ ni pɛ́ kɑ ŋwɑꞋnɛ́nɛ pɔ́, ɛ́ fú pɔ nǔu Zẅikŋɛ-Sɛ́. Nɛpʉ́ʉ ni pɛ́ kɑ ŋwɑꞋnɛ́nɛ, ɛ́ ɡɛ ŋu pfú pfúnɛ, Zẅikŋɛ ɡɛ ŋu pɔ́ pɔ ɡú.

2 Kɔlɛ̂ŋtɛ 3:8

Pɑ́Ꞌ ɛ́ kɑ pɔ́ pɔ́Ꞌɔ lɑ́, ɛ́ ɡʉ ŋ́ɡɛ pɑ́Ꞌ lɑ́ fɑꞋ nǔu nu-Zẅikŋɛ Lɛ́ɛnɛ́nɛ, pɔɔ ɡɑ́ nɛŋwɑ́ŋɛ tɛ ńdɛɛ ẅîwɑ́ pɔ́ ɔɔ?

Ŋɡɑlɑ̂t 3:10

Sɛ́ zɛɛ ńníꞋ pɔ ndɔɔ tú-pʉɔ pi pɔ́p lɔknɛ nɛcú ŋɡɔ pɔ́p ɡẅɛɛnɛ nɛpʉ́ʉ ńdɔk ŋ́ɡɛ yɔ́p mbɑ kʉ̈ɔ́lɑ́, mbíꞋŋɡɔ ŋwɑꞋnɛ-Sɛ́ cú ŋɡɔ: Ŋu lɑɑ mbɔɔ kúꞋlɛ nɛpʉ́ʉ pɔ tsʉʉ pɔ́, ḿbɔ́ ŋɡɔŋ ŋkɑ́ tsʉʉ ḿbɔɔ ŋ́ɡɛ pɔ yúu mi ɛ́ tsɛt ŋwɑꞋnɛ-nɛpʉ́ʉ pɔ́, mbɔ ŋɡɑŋ tíi ndɔɔ.

Ŋɡɑlɑ̂t 3:21

Pɑ́Ꞌ ɛ́ pɑ́Ꞌnɛ lɑɑ ɛ́ lɔk ḿbɔ́ ŋɡɔ nɛpʉ́ʉ-Sɛ́ kɑ pík yúu mi ɑ kɑ kɑꞋnɛ kíi? Ŋɡɑ́ŋ ɛ́ kɑ́ pɔ́ pɔ́Ꞌɔ pɔ́. Ɛ́ kɑ pɔ́ pɛ́Ꞌnɛ ḿbɔ́ nu nǔu nɛcɔ́ nɛpʉ́ʉ ni mbɔ ɛ́ ɡɛ pʉɔmɛsɔŋ pɔ́ ɡú, mbɔ ɛ́ lɑɑ ḿbɔ́ ŋu lɔk pɑ́Ꞌ ɑ ɡẅɛɛnɛ nɛpʉ́ʉ, ŋ́kuꞋ ŋu ẅí ɑ mbi Sɛ́ ḿbɔ́ ndʉ́ŋndʉŋ.

Ɛ́bɛlʉʉ 12:18

Ɛ́ ɡʉ nǔu yʉʉ ntɛ́ nɛlɔk kẅɛ́Ꞌlɛ mbɑɑtɛ Sɛ́, mbɔ ɛ́ kɑ́ pɔ́ pɑ́Ꞌ yɛ́ pɑíslɑyɛ̂l mbʉʉ nɛŋkɔ́Ꞌ-Sinɑyi yi ɛ́ pɔ́ pɔ yɛ́ ndǔ tsɛ́tsɑ́Ꞌ pɔ́. Pɔ́p kɑ jʉ́ɔ múk pɑ́Ꞌ ɛ́ kʉ́nɛ, ńjʉ́ɔ zʉꞋ sʉ́ʉ, nzɛ́nzʉ́ʉ vu, ńzúꞋ fɛ́m tsʉ́Ꞌnɛ,

Ɛ́bɛlʉʉ 3:3

Ɛ́ zɛɛ ŋ́ɡɔ ḿbɔ́ wɛ nɛɡúꞋ ẅí pɛ́ kɑ ɡɑ́nɛ lɛɛ wɛ Mɔ̌sɛ̂ɛ, mbíꞋŋɡɔ ŋu kút ndɑ́ pɛ́ ɡʉ̈ɔꞋtɛ ŋɡɑŋ ńdɛɛ ndɑ́ yi ɑ kútnɛ.

Ɛ́bɛlʉʉ 9:4

Ɛ́ pɔ́ tsɛt ẅîwɑ́ lûm, nɛkɛlɛmúk tʉ́ʉ tsɛtú, mbɔ pɛ́ kɑ lɔk tʉ́n-ŋɡɔ̂l ńniitɛ, pɛ́ tɔɔ lǐi-pɔꞋ ndǔ, ŋkɔp-kɑɑ yi Sɛ́ pɔ́p pʉɔ kɑ ɡwɑtnɛ tʉ́ʉ yɛ́ tsɛtú, mbɔ pɛ́ kɑ lɔk pɔ tʉ́n-ŋɡɔ̂l ńdɔk shʉŋ mɛnzɛm tsʉʉ, wɛcɔ́ mɔ́yúu tsɛ́Ꞌ yi pɛ́ kɑ pɛn ńdɔk pɔ tʉ́n-ŋɡɔ̂l ńniitɛ tʉ́ʉ tsɛt yîyɑ́ ŋkɔp nɛ́ mɑ̂ɑnɛ tsɛtú, ntẅí-Alɔŋ yi pɛtɔ̌ɔtɔ̌ɔ kɑ lɑ́Ꞌ ńcẅɛɛtɛ nǔu pɛn ńnɔɔ tsɛtú, pɛtɑ̌ɑfɛlɛ́-ŋɡɔꞋ pi pɛ́ kɑ ŋwɑꞋnɛ nu-kɑɑ yi Sɛ́ pɔ́p pʉɔ pɛ́ kɑ ɡwɑtnɛ pɛn ḿbɔ́ tsɛtú.