2 Kɔlɛ̂ŋtɛ 13:11 - Kɑɑ Fí

¹¹ Ɛ́ nǔu ŋkɔ̂ɔnɛ pɔ́ɔpɛ́mɑ́ pɑ́ɑ, pʉʉ ńnɑ́ŋ nɛ́ tsɑ́ɑtɛ. Pʉʉ pɔ́ ńdɔɔ shʉ́ pɑ́Ꞌ yɛcɔ́ lɔ́Ꞌ kɛ́ ɡɛ ḿbɔ́ tsɛtsɛt pʉʉ pɔ́. Pʉʉ pɔ́ ńní mɛtʉʉ-mɛmbʉʉ mʉ́ʉ. Pʉʉ sɛ́ ŋ́ɡẅɛɛ tɑ́Ꞌ ntsu, ńnɑ́ŋ nɛ́ mbɔ́tnɛ, ɛ́ lɛɛ pɔ́Ꞌɔ, Sɛ́, jʉ́ ẅi ɑ ɡẅɛɛnɛ ŋkɔŋɛ pɔ́p mbɔ́tnɛ pɔ́ tsɛtsɛt pʉʉ.

2 Kɔlɛ̂ŋtɛ 13:11 교차 참조

Mɑtʉ̈ɔ 1:23

«Pɛ́ ɡʉ ńdɑ́Ꞌ ŋ́ɡɔ́ ńjʉ́ɔ, mɔ́ɔŋɡɔɔ pɛ́t kɛ́ jí ŋu mbɛ́ɛnɛ ḿbɔ́ shǔutɛ, ḿbí mɔ́ɔ mbɛ́ɛnɛ, pɛ́ cẅi lík yɛ́ ŋɡɔ Ɛmɑ́nwɛ̂l, ɛ́ lɔk ńcú ŋɡɔ Sɛ́ tsɛtsɛt pɛkŋɛ.»

Mɑtʉ̈ɔ 5:48

Pɔ́Ꞌɔ lɑ́, pʉʉ pɔ́ pɑ kɛ́ lɔ́Ꞌ, pɑ́Ꞌ Tɑ̌ɑ wʉʉ ẅí ɑ tʉ́nɛ́pú kɛ́ lɔ́Ꞌ.»

Mɑ́lɛ́kúshi 10:49

Yɛ́su tʉ́ʉ ńcú ŋɡɔ: «Pʉʉ fúŋ wɛ́.» Pɔ́p cú mbɔ̌ fʉmík ŋɡɔ: «Sɑ́Ꞌ tʉʉ ńdɔ sɛ́, ɑ sɛ́ ɛ́fúŋ wú.»

Mɑ́lɛ́kúshi 9:50

Ŋɡwɑ́ŋ sɛ́ ḿbɔ́ yúu sʉ́Ꞌnɛ lɑ́, ɛ́ lɑɑ ḿbɔ́ tɛ ḿbɔɔ ḿbɛ́t ńdʉʉ pɔ́ pɛ́ pɛn ńdɔk kʉ̈ɔ́ ŋ́ɡɛ lɑ́ ɛ́ pɛn ńdʉʉ? Ɛ́ pɔŋ ŋɡɔ kwɑꞋ ŋɡwɑ́ŋ sʉ́Ꞌnɛ pɔ́ lɔ́ŋ pʉʉ, pɔ́Ꞌɔ, mbɔ́tnɛ pɔ́ tsɛtsɛt pʉʉ.

Lúkɑ́shi 9:61

Wɛcɔ́ ŋu pɛn ńcú mbɔ̌ Yɛ́su ŋɡɔ: «Tɑ̌ɑ wɛk, ŋ ɡɛ ńcʉ́ɔ nzʉʉ ɡu. Lɑ́, tsʉ́Ꞌ n zɛɛ ŋ́ɡʉ ńdɛɛmɛ pʉɔ tsɛ́nndɑ́ yɛk lɑ́ ńtɔ́.»

Jɑ̂ŋ 17:23

M bɔ́ nɛ́ pɔ́p, ɔ pɔ́ nɛ́ mɔ. Pɔ́p ɡẅɛɛ tɑ́Ꞌ ntsu. Pʉɔ ndǔmbí ɡɔ́ɔ ŋ́kɛ́ ńjí ŋɡɔ ɔ kɑ túu wɑ́ɑ, ḿbɛn ńjí ŋɡɔ ɔ kɔŋ pʉɔ pɔ pɑ́Ꞌ ɔ kɔŋnɛ wɑ́ɑ.

ŊwɑꞋnɛ-Gɑŋntúu Yɛ́su Kɛlístɔ 15:29

Pʉʉ pɑ́ɑ nɛkwɛ́t pfuꞋ-mbɑp yi pɛ́ lɔknɛ ńnɔŋ pɔꞋ. Pʉʉ pɑ́ɑ nɛkwɛ́t mbɑp-nɑɑ ẅí pɛ́ fɛ́mɛ wɛ́ fɛ́mɛ́nɛ. Pʉʉ pɑ́ɑ mbɑ nɛkwɛ́t mɛci nɛ́ɛnɛ. Pʉʉ pɑ́ɑ nɛcẅɛꞋnɛ mbɑ wɔ̌ lɑ́ pʉʉ pɛpɔ́p nɔɔ nɔɔnɛ. Pʉʉ lɑɑ ńzúꞋ ntsu wɛk nǔu mɔnɛ mɛnu ŋ́kúꞋlɛ, mbɔ pʉʉ ɡɛ sʉ́Ꞌnɛ. Pɛk pɔ́ɔpɛ́mɑ́ pʉ́ʉ, pɛk cɛꞋlɛ wʉ́ʉ.»

ŊwɑꞋnɛ-Gɑŋntúu Yɛ́su Kɛlístɔ 18:21

Lɑ́ ŋ́ɡɔ ńdɛɛmɛ wɔ́p ńcú mbɔ̌ pɔ́p ŋɡɔ: «Sɛ́ lɑɑ ḿbɛ́m, mbɔ mɔ ńtɑ́ɑ lɑ́ ḿbɛn ńtɔ́ njɛ́Ꞌ pʉʉ.» A cú pɑ́Ꞌɑ, ŋ́ɡɔ́ɔ ŋ́kɛ́ ŋ́ɡʉ ŋ́kúu kɑnúꞋ, ɛ́fú Ɛ́fɛ̂zɛ ŋ́ɡʉ.

ŊwɑꞋnɛ-Gɑŋntúu Yɛ́su Kɛlístɔ 23:30

Pɛ́ pɛn ńtɔ́ ɛ́sẅíi wɑ́ɑ ɡúu ŋɡɔ pɛcɔ́ pɑyúdɑ ɡɛ tɑ́Ꞌ ntsu ŋ́kɑɑ nɛjẅí ŋu ɛ̂wɑ́. Ɛ́ yúu mi ɛ́ ɡɛnɛ, ŋ ɡɔ́ɔ ńtúu wɛ́ ŋ́ɡɑ́ mbɔ̌ ɡu kɛ́ lɑ́ɑtɛ. M bíkŋɛ mbɔ̌ pʉɔ pi pɔ́p fɛnnɛ wɛ́ ŋɡɔ pɔ́p ɡʉ ɛ́fɛn ntsɑŋ pɔ kwɑꞋ mbɔ̌ ɡu.»

Pʉɔ-Lɔ́mɑ 12:16

Pʉʉ ɡẅɛɛ tɑ́Ꞌ ntsu tsɛtsɛt pʉʉ, kɔɔ pʉʉ tsɑ́ɑ pɔ mɛntsu-fɑꞋ-pɛlʉ́m, pʉʉ pɛ́m nɛɡɛ mɛfɑꞋ mi ɛ́ kuꞋ kuꞋnɛ, kɔɔ pʉʉ kwɑŋɛ ŋɡɔ pʉʉ jí nu.

Pʉɔ-Lɔ́mɑ 12:18

Mbɑ yɛ́tɛ́ nu lɑ́ lɑɑ ḿbɔ́ sɛ́, tɛ shʉ́ pɔ́ mbɔ̌ ɡu, ɔ ɡɛ pɔ pɑ́Ꞌ pʉʉ pɛ́ pʉɔ tsʉʉ ɡʉ ńnɑ́ŋ nɛ́ mbɔ́tnɛ.

Pʉɔ-Lɔ́mɑ 14:19

Pɔ́Ꞌɔ lɑ́, pɛkŋɛ lɔɔ yúu mi ɛ́ ɡʉ ŋ́ɡɛ pɛkŋɛ nɑ́ŋ nɛ́ mɔ́fíitɛ, ḿbɛn ŋ́kẅiꞋ ńtɔ́ɔtɛ mɛmbʉʉ mɛkŋɛ nǔu nɛzɑ́p tʉ́m nǔu Sɛ́.

Pʉɔ-Lɔ́mɑ 15:13

Pɔ́Ꞌɔ, mɔ sɛ́ ńtsɑ́ɑ ŋɡɔ Sɛ́ ẅí jʉ́ ɡɛnɛ lɑ pɛ́ nɑ́ŋ ḿbɔ́ ńzẅíꞋlɛ yúu, ɑ lɛɛ nǔu pɑ́Ꞌ pʉʉ zɑ́pnɛ tʉ́m nǔu wɛ́, ŋ́ɡɛ tsɑ́ɑtɛ pɔ́p mɔ́fíitɛ jʉ́ tʉ́m yʉ́ʉ, ńjí ŋɡɔ Zẅikŋɛ Lɛ́ɛnɛ́nɛ ɡʉ ńdɔk mɛtʉʉ mɛ́ ŋ́ɡɛ pʉʉ pɔ́ kwɑꞋ pɑnɑ́ŋ ńzẅíꞋlɛ yúu mi Sɛ́ kɑ kɑ́Ꞌnɛ.

Pʉɔ-Lɔ́mɑ 15:33

Ɛ́ pɔŋ ŋɡɔ Sɛ́ ẅí ɑ ɡɑ́nɛ mɔ́fíitɛ pɔ́ ḿbɔ́ nɛ́ pʉʉ pɛtsʉʉ. Ɛ́ pɔ́Ꞌɔ.

Pʉɔ-Lɔ́mɑ 16:20

Pʉʉ lɑɑ ŋ́ɡɛ pɑ́Ꞌɑ, mbɔ Sɛ́ ẅí ɑ ɡɑ́nɛ mɔ́fíitɛ, ɡʉ ḿmɑꞋ Sɑ́ttɑ sɛ́, pʉʉ lɔk mɛku ńnʉŋtɛ wɛ́. Tsɑpʉɔ wɛkŋɛ Yɛ́su Kɛlístɔ pɔ́ ḿbɔ́ nɛ́ pʉʉ.

1 Kɔlɛ̂ŋtɛ 1:10

Pɔ́ɔpɛ́mɑ́, n dɔk lík-Tsɑpʉɔ wɛkŋɛ Yɛ́su Kɛlístɔ ńcú mbɔ̌ pʉʉ ŋɡɔ: «Pʉʉ ɡẅɛɛ tɑ́Ꞌ ntsu, ŋɡɔ kɔɔ fɑkŋɛ pɔ́ tsɛtsɛt pʉʉ, ŋɡɔ pʉʉ ɡẅɛɛ tɑ́Ꞌ ntɛ́ nɛsɑ́ŋ nu, ŋ́ɡẅɛɛ tɑ́Ꞌ kwɑŋɛ.

2 Kɔlɛ̂ŋtɛ 1:4

A tɔ́ɔtɛ wɛkŋɛ ŋɡɔŋ ŋkɑ́ tsʉʉ yi pɛkŋɛ tsɛt ŋɡʉ̈ɔ́Ꞌ nɛpɔ́ yi pɛkŋɛ ɡúu ɡʉ ŋ́kuꞋ nɛtɔ́ɔtɛ pɛcɔ́ pʉɔ pi pɔ́p tsɛt ŋɡʉ̈ɔ́Ꞌ, ńtsʉ́Ꞌ nɛtɔ́ɔtɛ wɔ́p ńtɔ́ɔtɛ nǔu ntɛ́ yi Sɛ́ kɑ tɔ́ɔtɛ́nɛ wɛkŋɛ.

2 Kɔlɛ̂ŋtɛ 13:9

Pʉʉ lɑɑ ḿbɔ́ nǔu sɛ̂ndúŋ-Sɛ́, ḿbɔ́ pɛntʉʉ-pʉɔ, pɛk pɔ́ yɛ́k nǔu, ḿbɔ́ pɔ pɛpɔ́t pʉɔ, mbɔ nu ɡʉ ḿbɔŋ wɛ́k pɔŋnɛ. Ɛ́ yúu mi ɛ́ ɡɛnɛ pɛk pɔ́ tɛ ḿbɔ́ ńcɛꞋlɛ Sɛ́, ńdɔ́ɔ ŋɡɔ ɑ ɡɛ pʉʉ ńnɛn pɔ nǔu sɛ̂ndúŋ wɛ́ tɛ ńdẅiklɛ.

Ɛ́fɛ̂zɛ 4:12

A kɑ zɑ́pnɛ pîpɑ́ pʉɔ nɛpɔ́ yi pɔ́p ɡʉ cẅɛ́lɛ́ pʉɔ-Kɛlístɔ nɛfɑꞋ fɑꞋ-Sɛ́, cúꞋlɛ-pʉɔ-Kɛlístɔ yi ɛ́ mbɑp mbʉʉ yɛ́, kẅiꞋ ŋ́ɡʉ nɛ́ mbi.

Ɛ́fɛ̂zɛ 4:3

Pʉʉ sɑ́Ꞌ tʉʉ nɛ́ kɛ́ ŋ́ɡẅɛɛ pɔ tɑ́Ꞌ ntsu ẅí ɛ́ fúnɛ mbɔ̌ Zẅikŋɛ-Sɛ́, yɛ́tɛ́ sɛ́nɛ́ ŋ́ɡɔ́ ŋ́ɡɑ́ mbɔ́tnɛ mbɔ̌ pʉɔ, ŋ́ɡɑ́ wɔ́p nɛ́ tɑ́Ꞌ ntsu.

Ɛ́fɛ̂zɛ 6:23

Sɛ́ Tɑ́t, mbɑ Tsɑpʉɔ Yɛ́su Kɛlístɔ níꞋ mɔ́fíitɛ tsɛt tʉ́m pɔ́ɔpɛ́mɑ́ pi pɔ́p sɛ́ ŋ́ɡẅɛɛ ŋkɔŋɛ, ḿbɔ́ ńzɑ́p tʉ́m pɔ nǔu Sɛ́.

Filipɛ 1:27

Yúu ɡwɛ́ yi pʉʉ ɡẅɛɛnɛ nɛɡɛ ɛ́ ŋɡɔ, pʉʉ nɛn pɔ pɑ́Ꞌ Ŋkʉʉ Sʉ́Ꞌnɛ-Yɛ́su Kɛlístɔ sɛ́ ḿbíkŋɛ. Nǔu ntɛ́ yi n dɑɑ ńtɔ́ ńjʉ́ɔ wʉ́ʉ, ńzɛɛ mbɔɔ tɔ́, ŋ kɛ́ ḿbɔ́ ńzúꞋ pɔ pɑ́Ꞌ pɛ́ cúnɛ ŋɡɔ pʉʉ pɛ́t ŋ́ɡẅɛɛ pɔ tɑ́Ꞌ ntsu, ḿbɔ́ ńdɔk pɔ tɑ́Ꞌ tʉ́m ńdʉ̈ɔ́Ꞌ ntsɔ-pɛ́mtʉ́m, nɛpɔ́ yi pʉʉ ɡʉ ńdɑt mbʉʉ yʉʉ nǔu nu yi pʉʉ kɑ pɛ́mnɛ, yi ɛ́ fúnɛ nǔu Ŋkʉʉ Sʉ́Ꞌnɛ.

Filipɛ 3:16

Nu ɡwɛ́ pɔ ŋɡɔ, zʉꞋ yi pɛkŋɛ ɡʉ tɛ ŋ́kúu zúꞋu lɑɑ, pɛkŋɛ tɛmtɛ kɛ́ ŋ́ɡʉ pɔ nɛ́ mbi.

Filipɛ 4:2

M búꞋ mbɔ́ mbɔ̌ Ɛvɔdí pɔ́p Sɛŋtish ŋɡɔ pɔ́p pɔ́ tɑ́Ꞌ ntsu mbíꞋŋɡɔ pɔ́p pɛ́tsʉʉ pɔ́ pɔ pʉɔ-Tsɑpʉɔ.

Filipɛ 4:4

Ŋ ɡʉ ńcú mbɔ̌ pʉʉ ŋɡɔ tʉ́m yʉ́ʉ nɑ́ŋ ńtsɑ́ɑtɛ tsɑ́ɑtɛ́nɛ, mbíꞋŋɡɔ pʉʉ pʉɔ-Tsɑpʉɔ. M bɛn ńzɛ́plɛ ńcú mbɔ̌ pʉʉ ŋɡɔ, tʉ́m yʉ́ʉ nɑ́ŋ ńtsɑ́ɑtɛ tsɑ́ɑtɛ́nɛ.

Filipɛ 4:9

Kʉ̈ɔ́ lɑ́ yi ŋ kɑ zíꞋnɛ wʉ́ʉ, kʉ̈ɔ́ lɑ́ yi pʉʉ kɑ zúꞋnɛ ntsu mɔ, kʉ̈ɔ́ lɑ́ yi pʉʉ kɑ jʉ́ɔnɛ ŋ ɡɛ, pʉʉ ɡɛ pɔ́Ꞌɔ pɛ́ jʉ́ɔ. Sɛ́ ẅí ɑ ɡɑ́nɛ mɔ́fíitɛ pɔ́ mbɔ̌ pʉʉ.

1 Tɛsɑlɔník 3:10

Ɛ́ ɡʉ nǔu ŋkɑ́ yi pɛk sɛ́ ḿbúꞋ mbɔ́ mbɔ̌ Sɛ́, nɛnɛm, kɛ nɛtúꞋ ɔɔ, pɛk lɑɑ mbɔ̌ wɛ́ tɛꞋ, ŋɡɔ ɑ ɡɛ pɛk pɛn ńjʉ́ɔ mɛshʉ́ mʉ́ʉ, pɛk pɛn ŋ́ɡɑ́ wʉ́ʉ nɛ́ yúu mi ɛ́ sɛ́ ńjɑ́k nǔu wʉʉ nɛzɑ́p tʉ́m nǔu wɛ́.

1 Tɛsɑlɔník 4:1

Pɔ́ɔpɛ́mɑ́, nu yi pɛk ɡʉ ńdɔk ńdẅiklɛ ɛ́ pɔ́ pɔ ŋɡɔ pɛk kɑ sẅíi wʉ́ʉ nɛ́ ntɛ́ yi ɛ́ lɑɑ ḿbɔ́ pʉʉ lɔk ńnɑ́ŋ pɔ́Ꞌɔ, nu yʉ́ʉ pɔŋ Sɛ́. Ɛ́ ɡʉ ŋ́ɡɛ pɑ́Ꞌ lɑ́ pʉʉ pɔ́ ńnɑ́ŋ pɔ pɔ́Ꞌɔ. Lɑ́ pɛk pɛn ḿbɔ́ ḿbíkŋɛ mbɔ̌ pʉʉ, tɛ ḿbúꞋ pɔ mbɔ́ nǔu lík-Tsɑpʉɔ Yɛ́su ŋɡɔ, pʉʉ ɡɛ pɔ pɔ́Ꞌɔ, ńdɔk ŋ́ɡʉ nɛ́ mbi.

1 Tɛsɑlɔník 4:18

Pɔ́Ꞌɔ lɑ́ pʉʉ nɑ́ŋ ńdɔk sẅiŋɛ yɔ, ɛ́shɔtnɛ ńtík mɛmbʉʉ mʉ́ʉ.

1 Tɛsɑlɔník 5:13

Pʉʉ ɡɛ mɛkuꞋ mɔ́p sʉ́Ꞌnɛ, ŋ́kɔŋ wɔ́p tɛꞋ, ntɛ́ túfɑꞋ yi pɔ́p nǔu, ḿbɑ́ɑ cʉ́ɔk tsɛtsɛt pʉʉ.

1 Tɛsɑlɔník 5:16

Pʉʉ pɔ́ ńtsɑ́ɑtɛ tsɑ́ɑtɛ́nɛ ŋkɑ́ tsʉʉ.

1 Tɛsɑlɔník 5:23

Pɛk sɛ́ ńdɔ́ɔ ŋɡɔ Sɛ́ nɛ́ tú yɛ́, ẅi ɑ Sɛ́-mbɔ́tnɛ, ɑ ɡɛ pʉʉ pɔ́ pʉɔ pɛ́ tɛ ńdẅiklɛ, ŋɡɔ ɑ pyɛ́p zẅikŋɛ yʉ́ʉ, ḿbyɛ́p tʉ́m yʉ́ʉ, ḿbyɛ́p mbʉʉ yʉʉ, ɛ́ ɡɛ ḿbɔ́ lɛ́Ꞌ yi Tsɑpʉɔ wɛkŋɛ Yɛ́su Kɛlístɔ ɡʉ ŋ́ɡɛ ńtɔ́, pʉʉ pɔ́ kɛ́ sɑ̌ɑ lɔ́Ꞌ nǔu pʉʉ.

2 Tɛsɑlɔník 2:16

Tɑ̌ɑ wɛkŋɛ Sɛ́ kɑ kɔŋ wɛkŋɛ, ńdɔk ŋ́ɡɑ́ fuꞋ fɛ̌ɛ yɛkŋɛ, ńní mɛtʉʉ mʉ́kŋɛ nǔu ntɛ́ yi ɛ́ ŋ́ɡʉ ńdɑ́Ꞌ ḿmɛ pɔ́, ḿbɛn ŋ́ɡɛ pɛkŋɛ nɑ́ŋ ḿbɔ́ ńzẅíꞋlɛ yúu sʉ́Ꞌnɛ yi ɑ kɑ kɑꞋnɛ mbɔ̌ pʉɔ pɛ́. Pɔ́Ꞌɔ, pɛk sɛ́ ńdɔ́ɔ mbɔ̌ wɛ́ mbɑ mbɔ̌ Tsɑpʉɔ wɛkŋɛ Yɛ́su Kɛlístɔ ŋɡɔ:

2 Tɛsɑlɔník 3:1

Pɔ́ɔpɛ́mɑ́, nu yi pɛk ɡʉ ńdɔk ńdẅiklɛ, ɛ́ pɔ́ pɔ ŋɡɔ pʉʉ cɛꞋlɛ Sɛ́ nǔu tú yɛ́k, lɑ sẅiŋɛ-tsɑpʉɔ kẅiꞋ ɛ́sɑt zʉꞋ, ḿbɔ́ yúu-mɛkuꞋ pɑ́Ꞌ ɛ́ njɛ́Ꞌ pʉʉ ḿbɔ́ lɑ́.

2 Tɛsɑlɔník 3:16

Tsɑpʉɔ ẅí ɑ níꞋnɛ mɔ́fíitɛ tʉ́m-pʉɔ, kwɑꞋ jʉ́ nɛ́ túmbʉʉ yɛ́ sɛ́ nɛ ńníꞋ mɔ́fíitɛ tʉ́m pʉʉ ŋkɑ́ tsʉʉ, nǔu mɛshʉ́ tsʉʉ. Tsɑpʉɔ pɔ́ ḿbɔ́ nɛ́ pʉʉ pɛtsʉʉ.

2 Timɔtɛ́ɛ 2:22

Kʉɔ mɛyúu kɛpɔŋ mi ŋɡwɑsuu tsɑ́ɑnɛ nɛɡɛ. Pʉʉ pɛ pʉɔ pi pɔ́p fúŋnɛ Tsɑpʉɔ nɛ́ tʉ́m lɛ́ɛnɛ́nɛ lɔɔ nu yi ɛ́ tʉ́ʉnɛ ndʉ́ŋndʉŋ, ńzɑ́p tʉ́m nǔu Sɛ́, ŋ́kɔŋ pʉɔmɛsɔŋ, ńnɑ́ŋ nɛ́ mbɔ́tnɛ.

Ɛ́bɛlʉʉ 12:14

Pʉʉ lɔɔ pɑ́Ꞌ pʉʉ pɛ́ pʉɔ tsʉʉ ɡʉ ńnɑ́ŋ nɛ́ mbɔ́tnɛ. Pʉʉ lɔɔ mbɑ pɑ́Ꞌ pʉʉ ɡʉ ŋ́ɡɛ yúu mi Sɛ́ kɛ́ jʉ́ɔ lɔ́Ꞌ nǔu pɔ́. MbíꞋŋɡɔ ŋu lɑɑ ŋ́ɡɛ yúu mi Sɛ́ ɡʉ jʉ́ɔ lɔ́Ꞌ nǔu, mbɔ ŋɡɑŋ ńdɑ́Ꞌ ńjʉ́ɔ Tsɑpʉɔ pɔ́.

Ɛ́bɛlʉʉ 13:20

Sɛ́ ẅí mbɔ́tnɛ fúnɛ mbɔ̌ wɛ́, ɑ kɑ ɡɛ Yɛ́su, Tsɑpʉɔ wɛkŋɛ fú lɑ́Ꞌ-pɛpfú ŋ́kɔ́Ꞌ. Jʉ́ Tsɑpʉɔ wɛkŋɛ kɑ lɔk pɑ́Ꞌ ɑ tswɛtnɛ mɛci mɛ́, Sɛ́ lɔk ŋ́ɡwɑt kɑɑ yi ɛ́ kɛ́ lɑ́Ꞌ ḿmɛ pɔ́, ńtsʉ́Ꞌ mbyɛ́p mbí wɛ ɡwɛ́, pɑ́Ꞌ ɑ ɡʉ ḿbyɛ́p njinjɔ yɛ́.

Jɑ̂k 1:4

Lɑ́, ɛ́ pɔŋ ŋɡɔ nɛtɛntɛ ɛ̂wɑ́ fɑꞋ yɛ́ fɑꞋ tɛ ḿmɛkŋɛ, ńjí ŋɡɔ pʉʉ ɡʉ ńtsʉ́Ꞌ pɛlʉ́m, ŋ́kẅiꞋ ŋ́ɡẅɛɛ mɛtʉʉ, yɛcɔ́ yúu pɔɔ jɑ́k nǔu pʉʉ pɔ́.

1 Pyɛ̂ 3:11

Ɛ́ pɔŋ ŋɡɔ ɑ lʉ́ɔꞋ nu kɛpɔŋ, ŋ́ɡɛ pɔ nu sʉ́Ꞌnɛ, ńdɔɔ mbɔ́tnɛ, ńcʉŋɛ nzʉʉ yɛ́.

1 Pyɛ̂ 3:8

Mɔ ŋ́ɡɔ́ ńdẅiklɛ, ńcú ŋkɔ̂ɔnɛ mbɔ̌ pʉɔ tsʉʉ ŋɡɔ, pʉʉ ɡẅɛɛ tɑ́Ꞌ ntsu, ŋu wʉʉ jʉ́ɔ nu-ŋu pɑ́Ꞌ yɛ́, ḿbɔ́ ŋɡɑŋ tsɑ́ɑ mɛjʉ́ŋ, ŋ́ɡẅɛɛ ŋkɔŋɛ tsɛtsɛt pɔ́ɔpɛ́mɑ́, ŋ́ɡɑ́ mbʉʉ sɛ́.

1 Pyɛ̂ 5:10

Ŋɡʉ̈ɔ́Ꞌ yʉʉ ɡʉ nɑꞋ ńnɑ́ŋ pɔ mɔ́zʉꞋ, Sɛ́ ẅi mbɑ yɛ́tɛ́ nu sʉ́Ꞌnɛ lɑ́ fú pɔ mbɔ̌ wɛ́, jʉ́ ẅí ɑ kɑ lɛɛnɛ nǔu Yɛ́su Kɛlístɔ ɛ́fúŋ wʉ́ʉ pɑ́Ꞌ pʉʉ ɡʉ ḿbɔ́ yʉ́ʉ tsɛt nɛɡúꞋ wɛ ẅí ndẅiklɛ kɑ́ pɔ́ ɡú pɔ́, ɡʉ ɛ́fú pɔ́Ꞌɔ, ŋ́ɡɛ yɛcɔ́ yúu pɔɔ pɛn ńjɑ́k nǔu pʉʉ pɔ́, ńtẅí fufuꞋ wʉʉ, pʉʉ tɛntɛ, pɛ́ pɔɔ pɛn ŋ́kuꞋ nɛtsʉ́ʉ wʉ́ʉ tɛ ḿmɑꞋ sɛ́ pɔ́.

Mɛnu ɛ́ ńdɑ́Ꞌ ńcẅɛt 22:21

Mbɔ́tnɛ-Tsɑpʉɔ Yɛ́su pɔ́ ḿbɔ́ nɛ́ pʉʉ pɛtsʉʉ!