2 Kɔlɛ̂ŋtɛ 12:21 - Kɑɑ Fí

²¹ Mɔ sɛ́ ḿbɛn ḿbɔ́ ḿbɔ́k nɛɡɛ ḿbɛn ńtɔ́ tɛ ŋ́kúu lɑ́Ꞌ pʉʉ, Sɛ́ wɑɑ pɛn ŋ́kɔk ndɛn wɑ́ɑ mbi pʉʉ tɛ líkcɔ́ ŋ ɡẅɛɛ nɛlɑɑ mbíꞋ pʉɔ tɛ ńzɑ́ɑ pi pɔ́p tsɛtsɛt pʉʉ, mbɔ pɔ́p kɑ pɔ́ ŋ́ɡɛ mɛnu kɛpɔŋ, pɔ́p ŋkɑɑ mɔ́ mɑt wɔ́p kúpmɛ, pɔ́p ŋkɑɑ mɔ́ cẅɛt nǔu mɛnu-ndǔmbí mɔ́p pɔ́, ŋ́kɛ́ mbɔɔ nu mpfuꞋ yɔ́p mɛꞋ, ŋ́kɛ́ ḿbɔ́ ŋ́kẅiꞋ ŋ́ɡɛ pɔ mɛnu kɛpɔŋ ntɛ́ nɛ́ ntɛ́ kɛ́ ɡẅɛɛtɛ mbʉʉ yɔp.

2 Kɔlɛ̂ŋtɛ 12:21 교차 참조

Pʉɔ-Lɔ́mɑ 13:13

Pɛkŋɛ ɡẅɛɛ tsẅɛ́ sʉ́Ꞌnɛ nǔu pɑ́Ꞌ ɛ́ sɛ́ ḿbíkŋɛ ŋɡɔ pɛ́ ɡẅɛɛ pɔ́Ꞌɔ, ŋkɑ́ yi zʉꞋ sɛ́ ɛ́fúk, ḿbɑ́ɑ nɛkwɛ́t yúu kɛ nɛ́ nɔ́ mɛluꞋ pɔ́ nɛ́ ɡɛɡʉʉ, ḿbɑ́ɑ nɛ́ puutɛ mbɑ wɔ̌ lɑ́ pɛkŋɛ pɛpɔ́p nɔɔ nɔɔnɛ, ḿbɑ́ɑ yúu mi sʉ́ʉ ɡʉ kɔ́ wɛkŋɛ nǔu, ḿbɑ́ɑ nɛtɑ́k mɛfɛꞋ, ḿbɑ́ɑ kɛ́ɡʉ̈ɔꞋ.

Pʉɔ-Lɔ́mɑ 9:2

Yîyɑ́ nu ɛ́ ŋɡɔ n nɑ́ŋ kwɑꞋ nɛ́ nɛmʉk, ḿbɛn ḿbɔ́ ńzúꞋ kɛ́kɑ́ŋ tʉ́m mɔ ŋkɑ́ tsʉʉ mbi pɔ́ɔpɛ́mɑ́ pɑ́ɑ pɑyúdɑ.

1 Kɔlɛ̂ŋtɛ 5:1

Pɛ́ sɛ́ ńzúꞋ pɛ́ pɔ́ ɡɔ́ lɑ́ ɛ́sẅíi ŋɡɔ ɛ́ tsɛtsɛt pʉʉ, wɛcɔ́ ŋu pɔ́ ɡú ɛ́fʉꞋ yɛcɔ́ ntɛ́ mɛnu tɛꞋ, yîyɑ́ ntɛ́ tsẅɛ́ pɛ́k pɛknɛ tɛ pɑkɛ́jí Sɛ́ zɛɛ mbɔɔ pɔ́Ꞌɔ ɡɛ. Mɔ sɛ́ ńzúꞋ ŋɡɔ wɛcɔ́ ŋu tsɛtsɛt pʉʉ ḿbɔ́ ɑ tíi nzwɛ́-tɑ́t wɛ.

2 Kɔlɛ̂ŋtɛ 10:6

Pɔ́Ꞌɔ lɑ́, pʉʉ sɑ́Ꞌ tʉʉ, ńtsʉ́Ꞌ ńzúꞋ pɔ ndɑꞋ ntsu-Kɛlístɔ nǔu kʉ̈ɔ́ lɑ́, ḿbɔ́ ńjí ŋɡɔ ŋu lɑɑ ŋ́kɛ́ ńtʉʉ tú tʉʉnɛ, ḿbɔ́ pɔ wɔ̌ lɑ́, mbɔ pɛk tʉ́ʉ nɛníꞋ ŋɡʉ̈ɔ́Ꞌ tú yɛ́.

2 Kɔlɛ̂ŋtɛ 12:7

Pɑ́Ꞌ ŋ kɑ jʉ́ɔnɛ mɛnu mɑ̌ɑmɑɑnɛ lɑ́, Sɛ́ jʉ́ɔ ŋɡɔ ŋ ɡɔ ḿbɔ́ ńdɔk ŋ́ŋɑ́Ꞌlɛ, ḿbɛ́m mɑ́ntúu-Sɑ́ttɑ ńnɑ́ŋ ńtswɑ́ɑ wɑ́ɑ, ɛ́ pɔ́ ŋɡʉ̈ɔ́Ꞌ yi ɛ́ kɑ kúunɛ nǔu mɔ pɑꞋ nzɔ́ŋ yi ɛ́ lɛ́Ꞌnɛ nǔu mɔ ḿbɔ́ ńnɑ́ŋ ŋ́ɡɑ́ɑnɛ wɑ́ɑ lɑ́, pɔ́Ꞌɔ, nɛpɔ́ yi ŋ kɛ́ kɑꞋmɛ pɔ́,

2 Kɔlɛ̂ŋtɛ 13:2

Mɔ zɑ́Ꞌnɛ njí ŋkɔ̂ɔnɛ, ḿbɛn ńcú nu mbɔ̌ pʉɔ pi pɔ́p kɑ ɡɔ́ ḿbɔ́ mɛcɔ́ mɛku, mbɔ pɔ́p ɡɛ mɛnu kɛpɔŋ mbɑ mbɔ̌ pʉɔ tsʉʉ. Ɛ́ nǔu lɔ́Ꞌnɛ, ŋ kɑ́ pɔ́ tsɛtsɛt pʉʉ pɔ́, lɑ́ mɔ ŋ́kẅíitɛ wʉ́ʉ nɛ́ nu yi ŋ kɑ cúnɛ mbɔ̌ pʉʉ ŋkɑ́ yi ŋ kɑ tɔ́nɛ lɑ́Ꞌ pʉʉ nǔu mbɑ́ɑtɛ yɛ́pɑ́. Ŋ kɑ cú ŋɡɔ ŋ ɡʉ ŋ́ɡɛ ńtɔ́, ńníꞋ ntsɑŋ tú-pʉɔ tsʉʉ pi pɔ́p fɑɑnɛ́nɛ nu.

2 Kɔlɛ̂ŋtɛ 8:24

Pɔ́p pɛ́pɔ́p lɑɑ ńtɔ́, pʉʉ ɡɛ tɛ pɔ́p jí ŋɡɔ pʉʉ sɛ́ ŋ́kɔŋ wɔ́p tɛ ɛ́sẅíi nu. MɛcúꞋlɛ-pʉɔ-Kɛlístɔ ɡɔ́ɔ ŋ́kɛ́ ńjí ŋɡɔ pɛk lɔk nu yʉ́ʉ ŋ́kɑꞋtɛ mbi pɔ́p pɑꞋnɛ tɛ ɛ́sẅíi nu.

Ŋɡɑlɑ̂t 5:19

Pɛ́ sɛ́ ńtsuŋ ńjí mɛnu mi mbʉʉ-ŋumɛsɔŋ tsʉ́ʉnɛ́nɛ wɛ́ ɑ fɑɑnɛ, nu pɑ́Ꞌ nɛfúŋ pɑŋɡɛ́ kɛ nɛlɔɔ mbɛ́ɛnɛ ɔɔ, nu pɑ́Ꞌ nɛɡɛ mɛnu ntsɛ́llɛ́, nu pɑ́Ꞌ ŋu nɛtík tʉ́m yɛ́ pɔ nǔu nu-mpfuꞋ.

Kɔlɔsíyɛ̂ŋ 3:5

Pɑ́Ꞌ ɛ́ pɔ́Ꞌɔ lɑ́, pʉʉ jẅí mɑt kɛpɔŋ wɛ ndǔ tsɛ́tsɑ́Ꞌ ẅí ɛ́ nǔu pʉʉ. Pɛ́ cú yúu pɑ́Ꞌ mbɛ́ɛnɛ nɛfúŋ pɑŋɡɛ́, pɑŋɡɛ́ nɛlɔɔ mbɛ́ɛnɛ, yúu pɑ́Ꞌ nu-mpfuꞋ, yúu pɑ́Ꞌ tʉ́m-ŋu nɛnɑ́ŋ ɛ́shí, pɑ́Ꞌ nɛɡẅɛɛ yɛcɔ́ ntɛ́ nɛtsɑ́ɑ yúu, pɑ́Ꞌ nɛtík tʉ́m nǔu yúu, mbíꞋŋɡɔ nɛtík tʉ́m nǔu yúu, ɛ́ pɛn ḿbɔ́ pɔ yɛcɔ́ ntɛ́ nɛɡúꞋlɛ yúu ŋɡɔ ɛ́ Sɛ́.

Ɛ́bɛlʉʉ 13:4

Ɛ́ pɔŋ ŋɡɔ lɑ́ɑndɑ́ pɔ́ mbɔ̌ pʉɔ tsʉʉ ḿbɔ́ yúu mɛkuꞋ, ŋu mbɛ́ɛnɛ jí ndɑꞋ nzwɛ́ wɛ, mɑŋɡɛ́ jí ndɑꞋ ndúu mɛ, Sɛ́ ɡʉ ńzɛɛ ńdɑ́Ꞌ ŋ́ŋɑk pʉɔ pi pɔ́p puutɛnɛ mbɑ wɔ̌ lɑ́ pɔ́p pɛpɔ́p nɔɔ nɔɔnɛ, mbɑ pɑɡɛ ɡɑ́ɑ.

2 Pyɛ̂ 2:18

Pɔ́p lɔk yúu mi pɔ́p zíꞋnɛ pʉɔ ŋ́ŋɑ́Ꞌlɛ, lɑ́ ɛ́ pɔ́ pɔ fɑ́k fɛ̌ɛ yi ɛ́ zɔtnɛ. Pɔ́p cú mbɔ̌ pʉɔ ŋɡɔ mbɔ ŋu ɡɛ kʉ̈ɔ́ lɑ́ yi ŋumɛsɔŋ tsɑ́ɑnɛ, lɑ́ ɛ́ pɔ́ nu sʉ́ʉ. Pɔ́p lɔk pɔ́Ꞌɔ, ɛ́shuŋ pʉɔ pi pɔ́p kɑ pɛ́t ńcẅɛt tsɛtsɛt pʉɔ pi pɔ́p nǔu sɛ̂ndúŋ kɛpɔŋ,

Jẅidɛ 1:23

Pʉʉ fú tsɛt múk ńcẅɛɛtɛ wɔ́p, pɔ́p luk. Pɛcɔ́ pʉɔ pɛn ḿbɔ́ ɡú pi pʉʉ ɡʉ ḿbɛn ńtsɑ́ɑ mɛjʉ́ŋ mɔ́p, ŋ́ɡɔ́ ńtsɑ́ɑ, ḿbɔ́ ḿbɑ́ɑ yʉʉ mbʉʉ. Pʉʉ pɑ́ɑ mbɑ mɛndẅí mɔ́p pɑ́Ꞌ ntsɛ́llɛ́-mɛnu kɛpɔŋ ɡɔ́ ŋ́kúu nǔu ɛ́fú nǔu yúu mi mbʉʉ yɔp tsɑ́ɑnɛ.

Jẅidɛ 1:7

Pʉʉ pɛn ŋ́kẅíitɛ nu tʉ́sɔŋ-Sɔdɔ̂m mbɑ yɛ́ Ŋɡɔmɔ̂ɔ, tɛ mbɑ yɛ́ mɛcɔ́ mɛtʉ́sɔŋ mi pɔ́p pɛpɔ́p kɑ ɡẅɛɛnɛ nɛpɑt. Pʉɔ-mɛtʉ́sɔŋ ɛ̂mɑ́ kɑ nɛn nǔu sɛ̂ndúŋ-ɡɑ́ɑ pɑ́Ꞌ pɛcʉ̈ɔ́Ꞌ-Sɛ́ ɛ̂pɑ́. Ḿbɔ́ ńdɔɔ nɛnɔɔ nɛ́ pɛcʉ̈ɔ́Ꞌ-Sɛ́ ɛ́ pɔɔ ḿbíkŋɛ pɔ́. Ɛ́ nǔu ŋkɔ̂ɔnɛ mbɔ Sɛ́ níꞋ pʉɔ-tʉ́sɔŋ ɛ̂pɑ́ tsɛt múk ẅi ɛ́ kɛ́ lɑ́Ꞌ ḿbɛ́ pɔ́. Ɛ́ lɔk ńcú nu mbɔ̌ mbɑ wɔ̌ lɑ́.

Mɛnu ɛ́ ńdɑ́Ꞌ ńcẅɛt 21:8

Lɑ́ ŋ́kɛ́ ŋ́ɡʉ nǔu pɛntsɔ̌ɔ, mbɑ nǔu pɑpɛ́m ḿbɛn ńdʉꞋ, mbɑ nǔu pɑɡɛ mɛnu ndǔmbí, mbɑ nǔu pɑjẅítɛ pʉɔ, mbɑ nǔu pɑɡɛ mɛnu-ɡɑp, mbɑ nǔu pɑɡẅɛɛ mɛkɑŋ, mbɑ nǔu pɑɡúꞋlɛ yúu ŋɡɔ ɛ́ mɛsɛ́, ŋ́ɡɛ ɡɑŋcɔtnu tsʉʉ, mbɔ yɔ́p yúu mi pɛ́ ɡʉ ŋ́ɡɛ ńdɔk ńtsɔ́Ꞌ fɑꞋ yɔ́p ɛ́ pɑ́Ꞌ pɛ́ ɡʉ ŋ́ɡɛ ḿmɑꞋ wɔ́p tsɛt nɛpʉ́-múk mɛɡʉ̈ɔꞋlɛ, ɛ́ lɔk ḿbɔ́ nɛpfú ŋkɑ́ yɛ́pɑ́.»

Mɛnu ɛ́ ńdɑ́Ꞌ ńcẅɛt 22:15

Lɑ́ ŋ́kɛ́ ŋ́ɡʉ nǔu pɑɡɛ mɛnu pɑ́Ꞌ mvú, ɛ́ pɑɡẅɛɛ mɛkɑŋ, ɛ́ pɑɡɛ mɛnu mpfuꞋ, ɛ́ pɑjẅítɛ pʉɔ, ɛ́ pɑɡúꞋlɛ yúu ŋɡɔ ɛ́ mɛsɛ́, ḿbɔ́ mbɑ wɔ̌ lɑ́ ẅi ɑ kɔŋnɛ cɔtnu, tɛ ɛ́sẅíi yɛ́ pɔ cɔtnu, pɛɡɑŋ ɡɔ́ŋ nzɛmpíi.

Mɛnu ɛ́ ńdɑ́Ꞌ ńcẅɛt 22:20

Ŋu ẅi ɑ sɛ́ ńniitɛ ńcú mɔnɛ mɛnu, cú ŋɡɔ: KwɑꞋ nɛ́nẅín, mɔ ŋ ɡʉ fɛ́Ꞌnɛ ńtɔ́. Ɛ́ pɔ́Ꞌɔ. Tɔ́ mbɑ̌ɑ Tsɑpʉɔ Yɛ́su.