2 Kɔlɛ̂ŋtɛ 11:12 - Kɑɑ Fí

¹² Ɛ́ yúu mi mɔ sɛ́ ŋ́ɡɛ, ŋ ɡʉ ḿbɛn ŋ́kẅiꞋ ŋ́ɡɛ pɔ pɔ́Ꞌɔ, ńdɔk ŋ́ɡʉ nɛ́ mbi, ńjí ŋɡɔ ŋ ɡʉ ńdɔk ńzɑ́Ꞌ mɛku-pʉɔ pi pɔ́p sɛ́ ńdɔɔ mbɛ̌tntɑ́ŋ nɛlɔk ŋ́kɑꞋmɛ ńcú ŋɡɔ pɛkŋɛ pɛ́pɔ́p fɑꞋ pɔ tɑ́Ꞌ ntɛ́.

2 Kɔlɛ̂ŋtɛ 11:12 교차 참조

Mɑtʉ̈ɔ 26:16

A cẅɛ́ɛ, ńzɛ nɛlɔɔ shʉ́ pɑ́Ꞌ ɑ ɡʉ ɛ́fɛn Yɛ́su mbɔ̌ pɔ́p.

1 Kɔlɛ̂ŋtɛ 5:6

Ɛ́ kɑ́ pɔŋ ŋɡɔ pʉʉ ŋɑ́Ꞌlɛ nɛ́ yîyɑ́ ntɛ́ nu tsɛtsɛt pʉʉ pɔ́. Pʉʉ kɑ pɔ́ ńjí ŋɡɔ mɔ́zʉꞋ fɛntɛ ɡɛnɛ fɑlîn tsɛpnɛ kɔ́Ꞌ pɔ́ kɛ?

1 Kɔlɛ̂ŋtɛ 9:12

Ɛ́ lɑɑ ḿbɔ́ yi pɛcɔ́ pʉɔ sɛ́ ńcẅɛ́ɛ yúu mbɔ̌ pʉʉ, mbɔ pɛk zɛɛnɛ mbɔɔ ɡẅɛɛ nɛpiitɛ ńcẅɛ́ɛ pɔ́ ɔɔ? Tɛ mbɑ pɔ́Ꞌɔ, pɛk ŋkɑɑ kɛ́ ńcẅɛ́ɛ pɔ́. Tɛ ńtsʉ́Ꞌ pɔ́Ꞌɔ, mbɔ pɛk sɛ́ ɛ́sʉk nǔu mbɑ kʉ̈ɔ́ lɑ́ sʉknɛ, ḿbɔ́k nɛɡɛ yúu mi ɛ́ ɡʉ ńtɔꞋ pʉɔ nɛzúꞋ Ŋkʉʉ Sʉ́Ꞌnɛ-Kɛlístɔ.

2 Kɔlɛ̂ŋtɛ 1:17

ńjí ŋɡɔ ŋ kɑ pɔ́ ŋ́kɔŋ nɛɡɛ pɔ́Ꞌɔ, ńdɔk ḿmɑꞋ pɔ kwɑŋɛ kíi? Kɛ pʉʉ kwɑŋɛ ŋɡɔ n tsʉ́Ꞌ nɛcú nu yi ŋ ɡʉ ŋ́ɡɛ, ńdɔk pɔ jínu-ŋumɛsɔŋ ńcú, tɛ ɛ́ pɔ́ ŋɡɔ m bɔ́ n cú nu, ḿbɛn ŋ́kúpmɛ?

2 Kɔlɛ̂ŋtɛ 10:17

Pɛ́ kɛ́ ŋ́kẅíitɛ pɑ́Ꞌ pɛ́ kɑ ŋwɑꞋnɛnɛ tsɛt ŋwɑꞋnɛ-Sɛ́ ŋɡɔ: «Ŋu lɑɑ ḿbɔ́ ŋ́kɔŋ nɛkɑꞋmɛ, ɑ lɔk pɔ yúu mi Tsɑpʉɔ ɡɛnɛ ńdɔk ŋ́kɑꞋmɛ».

2 Kɔlɛ̂ŋtɛ 11:18

Pʉɔ tɛ ńzɑ́ɑ sɛ́ ńdɔk pɔ yúu mi ɛ́ pɔ́ pɔ yɛ pʉɔmɛsɔŋ ŋ́kɑꞋmɛ, pɔ́Ꞌɔ lɑ́, ŋ ɡʉ kɑꞋmɛ yɑ́ɑ.

2 Kɔlɛ̂ŋtɛ 11:9

Ŋ kɑ pɔ́ lɑ́Ꞌ pʉʉ, ɛ́ pɔ́ ŋkɑ́ n jɑ́knɛ yúu, m bɔɔ cẅɛ́ɛ yúu mbɔ̌ wɛcɔ́ ŋu wʉ́ʉ pɔ́. Pɔ́ɔpɛ́mɑ́ pi pɔ́p kɑ fúnɛ Mɑsɛndwɑn kɑ ɡɑ́ kʉ̈ɔ́ lɑ́ yi ɛ́ kɑ pɔ́ ńjɑ́k mbɔ̌ mɔ. Ɛ́ kɑ ɡʉ nǔu kʉ̈ɔ́ lɑ́, m bɔɔ pɛ́m nɛpɔ́ piꞋ mbɔ̌ wɛcɔ́ ŋu wʉ́ʉ pɔ́, ŋ́kɛ́ mbɔɔ lɑ́Ꞌ yɛcɔ́ lɛ́Ꞌ lɑ ḿbɔ́ piꞋ mbɔ̌ wɛcɔ́ ŋu wʉ́ʉ pɔ́.

2 Kɔlɛ̂ŋtɛ 5:12

Pɛk kɑ́ pɔ́ pɑ́Ꞌɑ lɑ ḿbɛn ḿbɔ́ ńdɔɔ nɛsẅíi wʉ́ʉ nɛ́ pʉɔ pi pɛk pɛ́tɛ́ pɔ́, pɛk ɡɑ́ wʉ́ʉ pɔ nɛ́ shʉ́ pɑ́Ꞌ ḿbɔ́ pʉʉ kwɑŋɛ wɛ́k, nu yɛ́k pɔŋ wʉ́ʉ pɔŋnɛ. Ɛ́ lɛɛ pɔ́Ꞌɔ, pʉʉ jí nɛtsɔ́Ꞌ nu mbɔ̌ pʉɔ pi pɔ́p sɛ́ ńdɔk yúu mi ɛ́ pɔ́ pɔ nzɛmpíi ŋ́ŋɑ́Ꞌlɛ, lɑ́ mbɔ pɔ́p ḿbɔ́ ŋ́ɡʉ ńdɔk pɔ mi ɛ́ pɔ́ pɔ tsɛt tʉ́m pɔ́p ŋ́ŋɑ́Ꞌlɛ.

Ŋɡɑlɑ̂t 1:7

Ŋ kɑ́ pɔ́ ńdɔk ńcú ŋɡɔ yɛcɔ́ Ŋkʉʉ sʉ́Ꞌnɛ pɛn ḿbɔ́ ɡú pɔ́, pɛcɔ́ pʉɔ sɛ́ ḿbɔ́ ḿbúunɛ tú yʉ́ʉ, ḿbɔ́ ńdɔɔ nɛkúpmɛ Ŋkʉʉ Sʉ́Ꞌnɛ-Kɛlístɔ.

1 Timɔtɛ́ɛ 5:14

Ɛ́ yúu mi ɛ́ ɡɛnɛ lɑ n jʉ́ɔ ŋɡɔ ɛ́ pɔŋ ŋɡɔ pɛpfúk pi pɔ́p pɛ́t mbɔ́ŋkʉ̈ɔ́ pɔ́p zɔ́Ꞌ, ḿbí mbɔ́ŋkʉ̈ɔ́, ńniitɛ mɛndɑ́ mɔ́p, ɛ́ lɛɛ pɔ́Ꞌɔ, pɛɡɑŋmbuu pɛkŋɛ pɔɔ ɡẅɛɛ shʉ́ nɛcú nu nǔu pɛkŋɛ pɔ́.