2 Kɔlɛ̂ŋtɛ 10:5 - Kɑɑ Fí

⁵ Pɛk sɛ́ ńnyɛt ŋɡɔ mɛsẅíŋɛ mi pʉɔ lɔknɛ ŋ́ŋɑ́Ꞌlɛ, ɛ́ pɔ́ ńtɔꞋ pʉɔ nɛjí nu-Sɛ́, ɛ́ kɑ́ pɔ́ yɛcɔ́ nu pɔ́, ɛ́sɑ́Ꞌ tʉʉ ŋ́kúpmɛ yúu mi pʉɔ ɡẅɛɛnɛ tʉ́m pɔ́p, ŋ́ɡɛ pîpɑ́ pʉɔ tsʉ́Ꞌ ńzúꞋ pɔ ntsu-Kɛlístɔ.

2 Kɔlɛ̂ŋtɛ 10:5 교차 참조

Mɑtʉ̈ɔ 15:19

MbíꞋŋɡɔ mɛkwɑŋɛ kɛpɔŋ zɛɛ ńcẅɛt pɔ tsɛt tʉ́m-ŋu, mîmɑ́ tsʉ́ʉnɛ́nɛ ŋu ɑ jẅí wɛcɔ́, ŋ́ɡɛ ɡɑp, mbɛ́ɛnɛ lɔɔ pɑŋɡɛ́, pɑŋɡɛ́ lɔɔ mbɛ́ɛnɛ, ɑ jʉ̈ɔ, ńcɔt nu zʉꞋ yí pɛ́ ŋɑknɛ mɛtsɑŋ zúꞋu, ŋ́ɡúunɛ ŋu.

Lúkɑ́shi 1:51

A nyɛt mɛtʉʉ mɛ́, ŋ́ɡɛ pɛmɑ́mɑ́ mɛnu. A sɑt pɑnyɛt mbʉʉ.

Pʉɔ-Lɔ́mɑ 1:21

Pɔ́p jí Sɛ́, lɑ́ pɔ́p kɑ́ pɔ́ ŋ́ɡúꞋlɛ wɛ́ pɔ́, ŋ́ɡɛ́mtɛ wɛ́ pɑ́Ꞌ ɛ́ sɛ́ ḿbíkŋɛ ŋɡɔ pɛ́ ɡɛ nǔu Sɛ́ pɔ́. Tɛ ńtsʉ́Ꞌ pɔ́Ꞌɔ, mbɔ jínu yɔ́p kɑ fúklɛ wɔ́p pɔ́p fɑɑnɛ ndúŋ, tʉ́m yɔ́p yi ɛ́ ɡẅɛɛ pɔ ɡʉɡʉʉ jínu ɡɛ pɔ́p vu tsɛt nzɛ́nzʉ́ʉ.

Pʉɔ-Lɔ́mɑ 1:5

Sɛ́ kɑ lɛɛ pɔ nǔu jʉ́ Kɛlístɔ ŋ́ɡɑ́ fuꞋ níinɛ yɑ́ɑ, ńdɔk wɑ́ɑ ŋ́ɡɛ ŋɡɑŋntúu-Yɛ́su Kɛlístɔ nɛpɔ́ yi mɔ ŋ́ɡʉ ɛ́sẅíi nu-Sɛ́, tsɛt mɛŋɡɔŋ tsʉʉ. Pʉɔ zɑ́p tʉ́m nǔu wɛ́, ńzúꞋ ntsu wɛ́, ɛ́ lɛɛ pɔ́Ꞌɔ, pɔ́p ɡɑ́ mɛkuꞋ mbɔ̌ Yɛ́su Kɛlístɔ.

Pʉɔ-Lɔ́mɑ 16:26

Ɛ́ pɛn ḿbɔ́ ŋkɔ̂ɔnɛ, mbɔ ɛ́ cẅɛt mɔ́ mɑ́ntɑ́ɑ. Pɑ́Ꞌ Sɛ́ kɑ cúnɛ lɑ́, pɛ́ ŋkɔ̂ɔnɛ ḿbɔ́ ɛ́fú nǔu yúu mi pɑcẅiŋkʉʉ-Sɛ́ kɑ ŋwɑꞋnɛ́nɛ, ḿbɔ́ ɛ́sɑ́Ꞌ nɛpɔ́ yi pʉɔ pi pɔ́p kɑ́ pɔ́ pɑyúdɑ pɔ́ ɡʉ ńjí Kɛlístɔ, ńzɑ́p tʉ́m nǔu wɛ́, ńzúꞋ ntsu wɛ́.

Pʉɔ-Lɔ́mɑ 7:23

Lɑ́ ɛ́ ɡʉ tsɛt mbʉʉ yɑɑ, n jʉ́ɔ nɛcɔ́ nɛpʉ́ʉ pɔ́ ɡú, ni ɛ́ nɑ́ŋnɛ ńdɔk ntsɔ ḿmɑꞋ nɛpʉ́ʉ ni jínu yɑ́ɑ tsuŋnɛ ḿbɛ́m, ŋ́ɡɛ n tsʉ́Ꞌ ŋɡɑŋtsɑ́ŋ-nɛpʉ́ʉ nu kɛpɔŋ ni ɛ́ kɑ jʉ́ mɔ́ wɑ́ɑ.

1 Kɔlɛ̂ŋtɛ 1:19

Sɛ́ kɑ zɛɛ ńcú tsɛt ŋwɑꞋnɛ yɛ́ ŋɡɔ: «Mɔ ŋ́ɡɛ ɛ́sɑt jínu-pɑjínu, ḿbík jínu-pʉɔ pi jínu yɔ́p ɡú.»

1 Kɔlɛ̂ŋtɛ 3:19

MbíꞋŋɡɔ nu yi ɛ́ tsɛt yɔ ndǔmbí ḿbɔ́ jínu, ɛ́ mbi Sɛ́ ḿbɔ́ pɔ mɛnu-pɛpɑ́lɛ. ŊwɑꞋnɛ-Sɛ́ zɛɛ ńcú ŋɡɔ: «Sɛ́ lɔk pɔ ɡwɑk-njínu ńdɔk ŋ́ɡẅɛɛ wɛ́».

2 Kɔlɛ̂ŋtɛ 11:20

Pʉɔ sɛ́ ńdɔk wʉ́ʉ ŋ́ɡɛ pɛkwɑɑ pɔ́p, pʉʉ ɛ́fɑꞋ pɔ́p jʉ́, pɔ́p sɛ́ ńjɔ yúu pʉ́ʉ, ḿbɔ́ ńnɔt wʉ́ʉ, ńtɔ́ pɔ́ nɛɡʉ̈ɔꞋ pʉʉ, pʉʉ pɛ́m pɛ́mnɛ.

2 Kɔlɛ̂ŋtɛ 9:13

Pɔ́p ɡʉ ńjí ndɛn yɔ fɑꞋ, ŋ́ɡúꞋlɛ Sɛ́ nǔu pɑ́Ꞌ pʉʉ sɛ́ ńtík ku nǔu nu yi Ŋkʉʉ Sʉ́Ꞌnɛ-Kɛlístɔ sɛ́ ńcú. Pɔ́p ɡʉ ḿbɛn ŋ́ɡúꞋlɛ Sɛ́ nǔu pɑ́Ꞌ pʉʉ lɔknɛ pɔŋtʉ́m, ŋ́ɡɑ́ yúu mbɔ̌ pɔ́p tɛ mbɑ pɛcɔ́ pʉɔ.

Filipɛ 4:7

Pʉʉ ɡʉ ŋ́ɡɛ pɔ́Ꞌɔ, Sɛ́ ɡɑ́ mɔ́fíitɛ ẅi ŋumɛsɔŋ kɑ́ jí pɑ́Ꞌ ɛ́ pɔ́nɛ pɔ́ mbɔ̌ pʉʉ. Ẅîwɑ́ mɔ́fíitɛ pyɛ́pnɛ mɛtʉ́m mʉ́ʉ, kwɑŋɛ yʉ́ʉ tʉ́ʉ pɔ nǔu Yɛ́su Kɛlístɔ.

2 Tɛsɑlɔník 2:4

A ɡʉ ńdɑ́Ꞌ cẅɛt ńtʉ́ʉ, ŋ́ɡɔ́ɔ ŋ́kɛ́ ńzɛ nɛtɔꞋ pʉɔ ŋɡɔ kɔɔ pɔ́p pɛn ŋ́ɡúꞋlɛ yɛcɔ́ yúu tɛ mbɑ Sɛ́, ɛ́ pɔ́ ńcú ŋɡɔ jʉ́ lɛɛnɛ wɔ́p pɛ́tsʉʉ, ɑ ŋ́kúu mbɑ tsɛt zʉꞋ Sɛ́ nɑ́ŋnɛ, cú ŋɡɔ jʉ́ pɔ́nɛ Sɛ́.

2 Tɛsɑlɔník 2:8

Jʉ́ fɔɔ-mɛnu kɛpɔŋ ɡɔ́ɔ ŋ́kɛ́ ńcẅɛt. A jʉ́ ẅi Tsɑpʉɔ Yɛ́su ɡʉ ńdɑ́ fɑ́k zwɛ́t-ntsu wɛ́ nǔu wɛ́ ɑ pfú, ntɛ́ yi Yɛ́su lɔknɛ ńtɔ́, ɡɛ ɑ mɛ.

Ɛ́bɛlʉʉ 4:12

Sẅiŋɛ-sɛ́ tɛntɛ sʉ́Ꞌnɛ lɑ ńtsuŋ ɛ́fɑꞋ mɛfɑꞋ, tú yɛ́ shẅítnɛ tɛ ńdɛɛ mbɑ yɛ́ mbɑ yɛ́tɛ́ ntɛ́ níi-ntsɔ lɑ́ yi ɛ́ ɡẅɛɛnɛ mɛɡʉ́ŋ mɛ́mbɑ́, ɛ́ sɔ́ ŋ́kúu nǔu ŋu kúunɛ tɛ ńdɛɛ nǔu zʉꞋ yi zẅikŋɛ-ŋɡɑŋ pɔ́p tʉ́m yɛ́, zʉꞋ kwɑŋɛ yɛ́ zúꞋu, tɛmtɛ́nɛ, tɛ ńdɛɛ nǔu zʉꞋ yi mɛzuŋ-mbʉʉ-ŋɡɑŋ pɔ́p mɛfɔ́ɔ mi ɛ́ tsɛt mɛtsẅíi mɛ́ zúꞋu. Ɛ́ ŋɑk ŋu nǔu yúu mi ŋɡɑŋ sɛ́ ńtsɑ́ɑ mbɑ nǔu yi ɑ sɛ́ ŋ́kwɑŋɛ tʉ́m wɛ́.

Ɛ́bɛlʉʉ 5:9

ḿbɛn ńzúꞋ tɛ ŋ́kuꞋ ŋu ẅí ḿbɔ́ ɑ ɡɛ pʉɔ pi pɔ́p zúꞋnɛ ntsu wɛ́ tɛmtɛ ńduk ndɑꞋ ndɑꞋ.

1 Pyɛ̂ 1:2

Sɛ́ Tɑ́t kɑ tsɔ́Ꞌ wʉ́ʉ, ɛ́ pɔ́ pɑ́Ꞌ ɑ kɑ lɑ́Ꞌnɛ ńzɑ́Ꞌ njí ńzɑ́p, ḿbɛn ńdɛɛ nǔu Zẅikŋɛ yɛ́ ŋ́ɡɛ pʉʉ tsʉ́Ꞌ pʉɔ pɛ́, nɛpɔ́ yi pʉʉ ɡʉ ńzúꞋ ntsu-Yɛ́su Kɛlístɔ, ɑ lɔk mɛci mɛ́ ɛ́suk wʉ́ʉ. Sɛ́ pɔ́ mbɔ̌ pʉʉ, ŋ́ɡɑ́ mɔ́fíitɛ mbɔ̌ pʉʉ tɛ ɛ́ zɑ́ɑ zɑ́ɑnɛ.

1 Pyɛ̂ 1:22

Pʉʉ kɑ lɔk nɛpɛ́m nu yi ɛ́ nɛ́nẅín, ɛ́suk tʉ́m yʉ́ʉ. Nɛpɔ́ yi pʉʉ ɡʉ ŋ́kɔŋ pɔ́ɔpɛ́mɑ́ pʉ́ʉ pi pʉʉ pɛpɔ́p zɑ́pnɛ tʉ́m nǔu Sɛ́, ŋ́kɔŋ wɔ́p tɛ ɛ́sẅíi nu. Pɔ́Ꞌɔ lɑ́, pʉʉ ɡẅɛɛ kwɑꞋ ŋkɔŋɛ tsɛtsɛt pʉʉ, ŋu kɔŋ mɔ́ɔmɑ́ wɛ nɛ́ tʉ́m yɛ́ tsʉʉ.