2 Kɔlɛ̂ŋtɛ 1:17 - Kɑɑ Fí

¹⁷ ńjí ŋɡɔ ŋ kɑ pɔ́ ŋ́kɔŋ nɛɡɛ pɔ́Ꞌɔ, ńdɔk ḿmɑꞋ pɔ kwɑŋɛ kíi? Kɛ pʉʉ kwɑŋɛ ŋɡɔ n tsʉ́Ꞌ nɛcú nu yi ŋ ɡʉ ŋ́ɡɛ, ńdɔk pɔ jínu-ŋumɛsɔŋ ńcú, tɛ ɛ́ pɔ́ ŋɡɔ m bɔ́ n cú nu, ḿbɛn ŋ́kúpmɛ?

2 Kɔlɛ̂ŋtɛ 1:17 교차 참조

Mɑtʉ̈ɔ 1:19

Ndúu mɛ Yɔsɛ̂p pɔ́ ŋu nɛ́nẅín lɑ́, ŋ́kɛ́ ḿbɔɔ ḿbɔ́ ŋ́kɔŋ nɛcẅɛt nǔu wɛ́ tsɛtsɛt lɑ́Ꞌ pɔ́, pɔ́Ꞌɔ ḿbɔ́ ŋ́kwɑŋɛ pɔ pɑ́Ꞌ ɑ ɡʉ ńdʉꞋnɛ wɛ́ pɔ tsɛt ntsɛm tɛ ŋu pɔɔ jí,

Mɑtʉ̈ɔ 5:37

Ɔ́ɔŋ wʉʉ pɔ́ pɔ Ɔ́ɔŋ, ŋɡɑ́ŋ wʉʉ pɔ́ pɔ ŋɡɑ́ŋ, yi pɛ́ kẅiꞋnɛ nǔu fú mbɔ̌ Sɑttɑ.

Jɑ̂ŋ 8:15

Pʉʉ ŋɑk pʉɔ pɔ nǔu ntɛ́ yɛ́ pʉɔmɛsɔŋ. Ɛ́ ɡʉ nǔu mɔ, mbɔ n dɔɔ ŋ́ŋɑk ŋu pɔ́.

2 Kɔlɛ̂ŋtɛ 1:12

Ɛ́ ɡʉ nǔu wɛk nɛnɑ́ŋ tsɛtsɛt pʉɔmɛsɔŋ, ḿbɔ́ yɛ́k yúu mi pɛk lɔknɛ ŋ́kɑꞋmɛ ɛ́ pɑ́Ꞌ pɛk ɡɛ pɔ yúu mi ɛ́ fúnɛ mbɔ̌ Sɛ́. Pɛk kɑ́ pɔ́ ɛ́fúklɛ wɛcɔ́ ŋu pɔ́, pɛk pɑsẅíi pʉɔ nɛ́ nu nɛ́ tʉ́m Lɛ́ɛnɛ́nɛ, mbʉʉ yɛk nɑŋnɛ ɛ́sẅíi wɛ́k pɔ́Ꞌɔ. Ɛ́ pɑ́Ꞌ pɛk kɑ ɡɛnɛ tsɛtsɛt pʉʉ. Pɛk ŋkɑɑ kɛ́ ńdɔk pɔ jínu-pʉɔmɛsɔŋ lɑ ńdɔk ńnɑ́ŋ pɔ́Ꞌɔ pɔ́. Pɛk kɑ lɔk pɔ pɑ́Ꞌ Sɛ́ sɛ́ ŋ́ɡɑ́ fuꞋ níinɛ yɛ́k, ńcẅɛ́lɛ wɛ́k.

2 Kɔlɛ̂ŋtɛ 11:18

Pʉɔ tɛ ńzɑ́ɑ sɛ́ ńdɔk pɔ yúu mi ɛ́ pɔ́ pɔ yɛ pʉɔmɛsɔŋ ŋ́kɑꞋmɛ, pɔ́Ꞌɔ lɑ́, ŋ ɡʉ kɑꞋmɛ yɑ́ɑ.

Ŋɡɑlɑ̂t 1:16

A kɑ pɛn ńnɑ́ŋ tɛ ńjʉ́ɔ ŋɡɔ ɑ ɡʉ ŋ́ɡɛ n jí Mɔ́ɔ nɛ, nɛpɔ́ yi mɔ ŋ́ɡʉ ńcẅi Ŋkʉʉ ẅí ɛ́ líŋɛ́nɛ Mɔ́ɔ nɛ ɛ̂wɑ́ mbɔ̌ pʉɔ pi pɔ́p kɑ́ pɔ́ pɑyúdɑ pɔ́. N jʉ́ɔ Mɔ́ɔ nɛ ɛ̂wɑ́, mbɔɔ pɛn ḿbíkŋɛ ŋu nɛ́ yɛcɔ́ nu pɔ́.

Ŋɡɑlɑ̂t 2:2

Ŋ kɑ pɔ́ ŋ́ɡʉ zúꞋu, mbíꞋŋɡɔ Sɛ́ kɑ cúnɛ ŋɡɔ ŋ ɡʉ zúꞋu. Ŋ kɑ tɔ́ zúꞋu, ŋ́kyɛ́Ꞌtɛ Ŋkʉʉ Sʉ́Ꞌnɛ ẅí n cẅinɛ mbɔ̌ pʉɔ pí pɔ́p kɑ́ pɔ́ pɑyúdɑ pɔ́, ɛ́sẅíi pʉɔ pi pɛ́ kɑ pɔ́ ńdíŋɛ wɔ́p ŋɡɔ pɔ́p pɛlʉ́m. Pɛk pɛpɔ́p nɑ́ŋ pɔ zʉꞋ tsʉʉ lɑ ŋ kyɛ́Ꞌtɛ ɛ́sẅíi wɔ́p. Pɔ́Ꞌɔ, mbíꞋŋɡɔ ŋ kɑ kɛ́ ḿbɔɔ ŋ́kɔŋ ŋɡɔ fɑꞋ yi ŋ kɑ fɑꞋnɛ mbɑ yi mɔ ḿbɔ́ ɛ́fɑꞋ lɛɛ níinɛ pɔ́.

1 Tɛsɑlɔník 2:18

Ɛ́ nɛ́nẅín ŋɡɔ pɛk kɑ kɔŋ nɛpɛn ńtɔ́ lɑ́Ꞌ pʉʉ, kwɑꞋ mɔ Pɔ̂l, n dɔɔ mɛshʉ́ mɛku tɛ ńzɑ́ɑ lɑ́ Sɑ́ttɑ kɛ́ ńtɑɑtɛ wɛ́k tɑɑtɛ́nɛ.

Jɑ̂k 5:12

Pɔ́ɔpɛ́mɑ́ pɑ́ɑ, ɛ́ lɑɑ ḿbɔ́ pɔ nu kʉ̈ɔ́ ɔɔ, kɔɔ pʉʉ cú nu tɛ ŋ́kɑɑ. Kɔɔ pʉʉ lɔk nɛpú ŋ́kɑɑ nu, kɔɔ pʉʉ lɔk tsɛ́tsɑ́Ꞌ ŋ́kɑɑ. Ɛ́ pɔŋ ŋɡɔ wʉʉ ɔ́ɔŋ pɔ́ pɔ ɔ́ɔŋ, wʉʉ ŋɡɑ́ŋ pɔ́ pɔ ŋɡɑ́ŋ. Ɛ́ lɛɛ pɔ́Ꞌɔ, lɑ Sɛ́ pɔɔ ɡɛ ŋɡɔ pʉʉ vu ntsɑŋ pɔ́.