2 Kɔlɛ̂ŋtɛ 1:15 - Kɑɑ Fí

¹⁵ Ŋ kɑ pɔ́ ńjí ŋɡɔ ɛ́ ɡʉ ḿbɔ́ pɔ pɔ́Ꞌɔ. Ɛ́ yúu mi ɛ́ kɑ ɡɛnɛ lɑ́ n dɔɔ nɛpiitɛ ńdɛɛ njɛ́Ꞌ pʉʉ, lɑ ŋ́ɡɛ ḿbɛn ńdɛɛ, ńjí ŋɡɔ ŋ ɡʉ ŋ́ɡɛ pʉʉ tsɑ́ɑtɛ tsɑ́ɑtɛ́nɛ ŋkɑ́ yɛ́pɑ́.

2 Kɔlɛ̂ŋtɛ 1:15 교차 참조

Mɑtʉ̈ɔ 1:19

Ndúu mɛ Yɔsɛ̂p pɔ́ ŋu nɛ́nẅín lɑ́, ŋ́kɛ́ ḿbɔɔ ḿbɔ́ ŋ́kɔŋ nɛcẅɛt nǔu wɛ́ tsɛtsɛt lɑ́Ꞌ pɔ́, pɔ́Ꞌɔ ḿbɔ́ ŋ́kwɑŋɛ pɔ pɑ́Ꞌ ɑ ɡʉ ńdʉꞋnɛ wɛ́ pɔ tsɛt ntsɛm tɛ ŋu pɔɔ jí,

Pʉɔ-Lɔ́mɑ 1:11

MbíꞋŋɡɔ mɔ sɛ́ ńtsuŋ ńtsɑ́ɑ nɛtɔ́ ńjʉ́ɔ wʉ́ʉ, nɛpɔ́ yi ŋ ɡʉ ŋ́ɡɛ Zẅikŋɛ Lɛ́ɛnɛ́nɛ ɡɑ́ fuꞋ níinɛ yʉ́ʉ, mɛtʉ́m mʉ́ʉ kẅiꞋ ńtɛntɛ. Pʉʉ lɔk pɔ́Ꞌɔ ŋ́kẅiꞋ ńtɛntɛ.

Pʉɔ-Lɔ́mɑ 15:29

M bɛn ḿbɔ́ ńjí ŋɡɔ mɔ ŋ́ɡɛ ńtɔ́, Sɛ́ lɛɛ nǔu mɔ, ńníꞋ mbɔ́tnɛ nǔu pʉʉ tɛꞋ.

1 Kɔlɛ̂ŋtɛ 11:34

Nji lɑɑ ḿbɔ́ ńzɑ́ŋ ŋu, ɑ ɡɔ́ ɛ́fú njɛ́Ꞌ yɛ́, ḿbiitɛ ńjʉ́ yúu, nɛpɔ́ yi pʉʉ kɛ́ ɡʉ zʉꞋ yi pʉʉ cúꞋlɛ́nɛ zúꞋu, ɛ́fúŋ pɔ ntsɑŋ yi Sɛ́ ɡʉ ŋ́ŋɑk wʉ́ʉ ŋɑknɛ pɔ́. Ɛ́ ɡʉ nǔu mɛcɔ́ mɛnu, mbɔ mɔ ŋ́ɡɛ ńtɔ́ lɑ niitɛ.

1 Kɔlɛ̂ŋtɛ 16:7

Ŋ kɑ́ pɔ́ ŋ́kɔŋ nɛɡɔ́ ńjʉ́ɔ wʉ́ʉ ŋkɔ̂ɔnɛ, ḿbɔ́ ńdɛɛ lɛɛnɛ pɔ́. Tsɑpʉɔ lɑɑ ḿbɛ́m, mbɔ pɛkŋɛ ɡʉ ńnɑ́Ꞌ ńnɑ́ŋ.

1 Kɔlɛ̂ŋtɛ 4:19

Lɑ́ Tsɑpʉɔ lɑɑ ḿbɛ́m, mbɔ mɔ ŋ́ɡɛ fɛ́Ꞌnɛ ńtɔ́ ńjʉ́ɔ wʉ́ʉ. Ńtɔ́ pɔ́Ꞌɔ, mbɔɔ líŋɛ nu pɔ ndɑꞋ nǔu sẅiŋɛ yi pɔ́p niitɛ́nɛ ńcú mbɔ̌ lɑ́Ꞌ pɔ́, m bɛn ńjí yúu mi pîpɑ́ ɡɑŋ-ŋɑ́Ꞌlɛ kuꞋ nɛɡɛ.

2 Kɔlɛ̂ŋtɛ 12:14

Ɛ́ pʉ́ɔlɑɑ yi mɔ sɛ́ ŋ́kwɑŋɛ nɛtɔ́ lɑ́Ꞌ pʉʉ nǔu mbɑ́ɑtɛ yɛ́tɑ́t lɑɑ. Lɑ́ mɔ ńtɔ́, pʉʉ kɛ́ ḿbɔɔ wɛcɔ́ pɛ́ tú mɔ tɑ́ŋ, mbíꞋŋɡɔ ŋ kɑ́ pɔ́ ńtɔ́ lɔɔ yúu pʉ́ʉ pɔ́, n tɔ́ pɔ lɔɔ wʉ́ʉ. Ɛ́ zɛɛ ḿbɔ́ pɑꞋnɛ, ɡɛ́ɡɛ́ mbɔ́ŋkʉ̈ɔ́ kɑ́ ɡẅɛɛ nɛlɛp ŋkɑ́p ŋ́ɡɑ́ mbɔ̌ pɛtɑ́t pɔ́p pɔ́, pɛtɑ́t-pɔ́ɔ ɡẅɛɛnɛ nɛlɛp ŋkɑ́p ŋ́ɡɑ́ mbɔ̌ mbɔ́ŋkʉ̈ɔ́ pɔ́p.

2 Kɔlɛ̂ŋtɛ 6:1

Pɑ́Ꞌ pɛkŋɛ pɛ́ Sɛ́ tɛmtɛ́nɛ ḿbɔ́ ɛ́fɑꞋ lɑ́, pɛk sɛ́ ńní mɛtʉʉ mʉ́ʉ ŋɡɔ kɔɔ pʉʉ ɡɛ nǔu ntɛ́ yi, nɛpɔ́ ẅi Sɛ́ tsɑ́ɑnɛ wʉ́ʉ, ŋ́ɡɑ́ fuꞋ níinɛ yʉ́ʉ, ɡʉ ńdɛɛ fɛ̌ɛ.