5 Lɑ́ pɔ́p ɡʉ ŋ́ɡɛ ńtʉ́ʉ mbi Sɛ́ ẅí ɑ tʉ́ʉnɛ pɑ́Ꞌ ɑ ɡʉ ńzɑ́Ꞌ ntsɑŋ-pʉɔ ntʉʉ pɔ́p pɛpfúsɛ́, ḿbɛ́ɛtɛ ntsu wɔ́p nǔu ŋɡɛnɛ mɛnu mɔ́p.
Ɛ sẅíi wʉ́ʉ: «Ɛ́ ɡʉ ńdɑ́Ꞌ lɛ́Ꞌ yi Sɛ́ ńzɑ́Ꞌ mɛtsɑŋ-pʉɔmɛsɔŋ, ẅîwɑ́ ŋu ɡẅɛɛ nɛpɛ́ɛtɛ mɛɡɛɡʉʉ sẅiŋɛ mí ɛ́ kɑ cẅɛtnɛ ntsu wɛ́.
A fúŋ wɛ́ ḿbíkŋɛ wɛ́ ŋɡɔ: «N zúꞋ pɛ́ cú ŋɡɔ ɔ tsʉ́Ꞌ ŋ́ɡɛ pɔ ŋ́ɡɔ ku lɑ́ɑ? Pɔ́tnɛ ɛ́sɑ́ŋ yúu pi ŋ kɑ níꞋnɛ mbɔ̌ wu ɛ́sẅíi wɑ́ɑ. Mɔ, ŋ kɑ́ pɛn ŋ́kɔŋ ŋɡɔ ɔ líŋɛ mɛyúu mɑ́ɑ pɔ́.»
A kɑ pɛn ńtúu wɛ́k ŋɡɔ pɛk ɡʉ ɛ́sɑ́Ꞌ Ŋkʉʉ Sʉ́Ꞌnɛ ẅi Sɛ́ kɑ kɑꞋnɛ mbɔ̌ lɑ́Ꞌ, ŋ́ɡɛ pɔ́p jí ŋɡɔ jʉ́ Yɛ́su kwɑꞋ ŋu ẅí Sɛ́ kɑ tsɔ́Ꞌnɛ ŋɡɔ ɑ zɑ́Ꞌ ntsɑŋ-pʉɔ ntʉʉ pɔ́p pɛpfú sɛ́.
Ɛ́ zɛɛ ŋ́ɡɔ ḿbɔ́ pɔ́Ꞌɔ, mbɔ Sɛ́ zɑ́p lɛ́Ꞌ yi ɑ ɡʉ ńdɑ́Ꞌ ńdɔk ŋu ẅí ɑ kɑ tsɔ́Ꞌnɛ wɛ́, ŋ́ŋɑk mbí, ŋ́kɛ́ ŋ́ŋɑk pɔ nǔu ntɛ́ yi ɛ́ ndʉ́ŋndʉŋ. A kɑ zẅíimɛ ŋɡɑŋ nǔu nɛvú nɛlɔk ńnyɛt mbɔ̌ pʉɔtsʉʉ ŋɡɔ ɑ ɡʉ ńdɑ́Ꞌ ŋ́ɡɛ pɔ́Ꞌɔ.»
Kɛlístɔ kɑ zɛɛ ḿpfú ḿbɛn ńzẅíimɛ nɛpɔ́ yi ɑ ɡʉ ḿbɔ́ Tsɑpʉɔ pɛpfú mbɑ wɛ pʉɔ pi pɔ́p ntʉʉ.
N tʉ́ʉ mbi Sɛ́ mbɑ mbi Yɛ́su Kɛlístɔ wi ɑ tsʉ́Ꞌ ńtɔ́ tɔ́nɛ nɛzɑ́Ꞌ ntsɑŋ yɔ́p pʉɔ ntʉʉ mbɑ yɔ́p pɛpfú, ɛ́fú nǔu pɑ́Ꞌ ɑ ɡʉ ŋ́ɡɛ ńtɔ́ ńnɔŋ nɛfɔɔ nɛ́, n tʉ́ʉ mbi pɔ́p ńcú mbɔ̌ ɡu ŋɡɔ:
Pɔ́ɔpɛ́mɑ́ pɑ́ɑ, pʉʉ pɑ́ɑ nɛɡẅɛɛ sẅíitɛ tsɛtsɛt pʉʉ, ńjí ŋɡɔ Sɛ́ kɛ́ ɡɛ ńcú ŋɡɔ pʉʉ vu ntsɑŋ pɔ́, nzɑ́Ꞌmɛntsɑŋ tɔ́ tɛ ńtʉ́ʉ ntsundɑ́.
