1 Pyɛ̂ 4:11 - Kɑɑ Fí

¹¹ Pɔ́fɑꞋ-ŋu lɑɑ ḿbɔ́ nɛcú nu-Sɛ́, ɑ cú pɔ yi ɛ́ fúnɛ mbɔ̌ Sɛ́. Yɛ ŋu pɔ́ nɛfɑꞋ mɛfɑꞋ tsɛt cúꞋlɛ, ɑ lɔk pɔ mɛtʉʉ mi Sɛ́ ɡɑ́nɛ mbɔ̌ wɛ́ ńdɔk ɛ́fɑꞋ. Pʉʉ ɡɛ pɑ́Ꞌɑ ńjí ŋɡɔ pɛ́ ɡʉ ńdɛɛ nǔu Yɛ́su Kɛlístɔ, ŋ́ɡúꞋlɛ Sɛ́ nǔu mbɑ kʉ̈ɔ́ lɑ́, jʉ́ ẅi mɛtʉʉ tsʉʉ, mbɑ nɛsɑ́Ꞌ mbí mbɔ̌ wɛ́ nǔu mɛŋɡuꞋ mɛŋɡuꞋ. Ɛ́ pɔ́Ꞌɔ.

1 Pyɛ̂ 4:11 교차 참조

Mɑtʉ̈ɔ 6:13

Kɔɔ nɑ́ wɛk pɛk kúu tsɛt ŋkwɑꞋnɛ, cẅɛ́ɛ wɛ́k mbɔ̌ Sɑ́ttɑ. MbíꞋŋɡɔ ɡu pɔ́nɛ fɔɔ, mɛtʉʉ tsʉʉ pɛn ḿbɔ́ pɔ mú, pɛ́ sɛ́ ŋ́ɡúꞋlɛ pɔ ndɑꞋ wú mɛŋɡuꞋ mɛŋɡuꞋ. Ɛ́ pɔ́Ꞌɔ.»

Jɑ̂ŋ 13:31

Jẅidɑ pɔ́ tɛ ɛ́fú ndɑ́ ńcẅɛt, Yɛ́su cú ŋɡɔ: «Ɛ́ ŋkɔ̂ɔnɛ pɑ́Ꞌnɛ, pɛ́ ɡɑ́ nɛɡúꞋ mbɔ̌ Mɔ́ɔ-Ŋu. Mɔ́ɔ-Ŋu kɑ ɡɑ́ nɛɡúꞋ mbɔ̌ Sɛ́.

ŊwɑꞋnɛ-Gɑŋntúu Yɛ́su Kɛlístɔ 7:38

Mɔ̌sɛ̂ɛ pɛnnɛ ḿbɔ́ ŋu ẅí ɑ ḿbɔ́nɛ ŋkɑ́ yi pɛmɑ́ŋɡɑpnjẅɛt pɛkŋɛ kɑ cúꞋlɛ́nɛ kɔ̂ŋtɛt m̄bɔ́ ńtʉ́ʉ tsɛtsɛt Cʉ̈ɔꞋ-Sɛ́ pɔ́p mɑ̂ɑŋɡɑpnjẅɛt wɛkŋɛ. Cʉ̈ɔꞋ-Sɛ́ sẅiŋɛ mbɔ̌ wɛ ḿbɔ́ ńníꞋ nu mbɔ̌ wɛ́ ndǔ nɛŋkɔ́Ꞌ Sinɑyi. KwɑꞋ jʉ́ Mɔ̌sɛ̂ɛ kɑ cẅɛ́ɛ sẅiŋɛ ɛ̂yɑ́ yi ɛ́ ɡɛnɛ pɛ́ pɔ́ ɡú nɛɡɑ́ mbɔ̌ pɛkŋɛ.

Pʉɔ-Lɔ́mɑ 11:36

Mbɑ kʉ̈ɔ́ lɑ́ zɛɛ ɛ́fú pɔ mbɔ̌ wɛ́. Mbɑ kʉ̈ɔ́ lɑ́ ɡɔ́ ḿbɔ́ ɡú jʉ́ ɡɛnɛ lɑ ɛ́ pɔ́ ɡú, ɑ pɛn ḿbɔ́ pɔ jʉ́. Pɛ́ ɡúꞋlɛ wɛ́, mɛŋɡuꞋ mɛŋɡuꞋ. Ɛ́ pɔ́Ꞌɔ.

Pʉɔ-Lɔ́mɑ 12:3

Ŋ ɡʉ ɛ́fú nǔu pɑ́Ꞌ Sɛ́ kɑ tsʉ́Ꞌ nɛɡɑ́ fuꞋ níinɛ yɑ́ɑ, ńtík wɑ́ɑ nǔu zʉꞋ ɡwɛ́, ńcú mbɔ̌ mbɑ wɔ̌ lɑ́ tsɛtsɛt pʉʉ ŋɡɔ: Kɔɔ ŋu kwɑŋɛ ŋɡɔ ɑ yúu kɛ́ pɔ́ yi ɑ yɛ́tɛ́. Ŋu ɡẅɛɛ yi kwɑŋɛ ɛ́ kuꞋ kuꞋnɛ. Ŋu kúꞋlɛ pɔ yɛ́ fɑꞋ yi Sɛ́ kɑ ɡɑ́nɛ, ŋ́ɡɔ́ ŋ́ɡɑ́, ɛ́fú nǔu pɑ́Ꞌ ɑ zɑ́pnɛ tʉ́m nǔu Kɛlístɔ.

Pʉɔ-Lɔ́mɑ 16:27

Sɛ́ jínɛ nu zɛ́nɛ jʉ́. Pɛkŋɛ lɛɛ nǔu Yɛ́su Kɛlístɔ ŋ́ɡúꞋlɛ wɛ́ nǔu mɛŋɡuꞋ mɛŋɡuꞋ. Ɛ́ pɔ́Ꞌɔ.

Pʉɔ-Lɔ́mɑ 3:2

Pii kɛ́ ḿbɔ́ ɡú tɛꞋ, mɛshʉ́ mɛshʉ́ nǔu nɛpɔ́ ŋu-Pɑyúdɑ. Nduŋmbi pɔ́ pɑ́Ꞌ Sɛ́ kɑ ɡɑ́nɛ sẅiŋɛ yɛ́ pɔ mbɔ̌ pɑyúdɑ.

1 Kɔlɛ̂ŋtɛ 10:31

Ŋ ɡʉ ńcú yɑ́ɑ ŋɡɔ, pʉʉ lɑɑ ḿbɔ́ ńjʉ́ pɔ yúu, kɛ ḿbɔ́ ńnɔ́ pɔ mɛluꞋ ɔɔ, kɛ ḿbɔ́ ŋ́ɡɛ pɔ kʉ̈ɔ́ ɔɔ, pʉʉ ɡɛ mîmɑ́ mɛyúu tsʉʉ pɔ nǔu ntɛ́ yi pɛ́ ɡʉ ŋ́ɡúꞋlɛ Sɛ́.

1 Kɔlɛ̂ŋtɛ 12:4

Pɔ́fɑꞋ yi Zẅikŋɛ Lɛ́ɛnɛ́nɛ lɔknɛ ŋ́ɡɑ́ fuꞋ níinɛ-ŋu, ɛ́ mɛntɛ́ mɛntɛ́, lɑ́ Zẅikŋɛ Lɛ́ɛnɛ́nɛ yi ɛ́ ɡɑ́nɛ fuꞋ níinɛ ɛ̂yɑ́ kɛ́ ḿbɔ́ pɔ wɛ́mɔ́Ꞌ.

1 Kɔlɛ̂ŋtɛ 3:10

Sɛ́ kɑ ɡɑ́ fuꞋ níinɛ yɑ́ɑ, mɔ nɔŋnɛ cʉ́ndɑ́ pɑ́Ꞌ ŋɡɑŋ-nɛɡwɛlɛ wɛ sʉ́Ꞌnɛ. Ŋ kɑ nɔŋnɛ cʉ́ndɑ́, wɛcɔ́ ŋu sɛ́ ńdɔk fɑꞋ ŋ́ɡʉ mbi. A sɛ́ ŋ́kút ndɑ́ ndǔ. Lɑ́ mbɑ wɔ̌ lɑ́ lɑk tú yɛ́ nǔu ntɛ́ yi ɑ lɔknɛ ŋ́kút ndɑ́ ndǔ.

1 Kɔlɛ̂ŋtɛ 6:20

Sɛ́ kɑ ɡɑ́nɛ yúu ńdɔk ɛ́fú ndɑ́-kwɑɑ ńtsúꞋ wʉ́ʉ. Pʉʉ kɛ́ ńdɔk pɔ mbʉʉ yʉʉ ŋ́ɡɑ́ mɛkuꞋ mbɔ̌ Sɛ́.

2 Kɔlɛ̂ŋtɛ 2:17

Lɑ́Ꞌ pɛk kɑ pɔ́ pɑ́Ꞌ pɛcɔ́ pʉɔ tɛ ńzɑ́ɑ pi pɔ́p lɔknɛ sẅiŋɛ-sɛ́ ŋ́ɡɛ yɔ́p yúu mɛntɑ́ɑ pɔ́, pɛk ɛ́sẅíi yɛ́k pɔ nɛ́ tʉ́m Lɛ́ɛnɛ́nɛ, ḿbɔ́ pɔ pʉɔ pi Sɛ́ kɑ túunɛ. Pɛk pɔ́ ɛ́sẅíi, Sɛ́ pɔ́ ńjʉ́ɔ wɛ́k pɛk pɛn ńdɑt mbʉʉ nǔu Kɛlístɔ.

2 Kɔlɛ̂ŋtɛ 9:13

Pɔ́p ɡʉ ńjí ndɛn yɔ fɑꞋ, ŋ́ɡúꞋlɛ Sɛ́ nǔu pɑ́Ꞌ pʉʉ sɛ́ ńtík ku nǔu nu yi Ŋkʉʉ Sʉ́Ꞌnɛ-Kɛlístɔ sɛ́ ńcú. Pɔ́p ɡʉ ḿbɛn ŋ́ɡúꞋlɛ Sɛ́ nǔu pɑ́Ꞌ pʉʉ lɔknɛ pɔŋtʉ́m, ŋ́ɡɑ́ yúu mbɔ̌ pɔ́p tɛ mbɑ pɛcɔ́ pʉɔ.

Ɛ́fɛ̂zɛ 1:19

Mɔ sɛ́ ḿbɛn ḿbúꞋ mbɔ́ mbɔ̌ wɛ́ ŋɡɔ ɑ ɡɛ pʉʉ jí ŋɡɔ mɛtʉʉ mɛ́ ɡúꞋ ńdɛɛ mɛtʉʉ tsʉʉ, mbɑ ŋɡɔ ɑ ɡɛ pʉʉ jí pɑ́Ꞌ mîmɑ́ mɛtʉʉ tɔ́ɔtɛ́nɛ wɛkŋɛ pɑzɑ́p tʉ́m nǔu wɛ́ pɔ́Ꞌɔ.

Ɛ́fɛ̂zɛ 4:29

ḿbɑ́ɑ mbɑ tɑ́Ꞌ sẅiŋɛ kɛpɔŋ nɛcẅɛt ntsu pʉʉ. Pʉʉ cú pɔ nu yi ɛ́ ɡʉ cẅɛ́lɛ́ nǔu yîyɑ́ ŋkɑ́, ɛ́ pɔ́ pɔ sẅiŋɛ sʉ́Ꞌnɛ yi ɛ́ ɡʉ cẅɛ́lɛ́ pɛcɔ́ pʉɔ pɔ́p nɛkẅiꞋ ńzɑ́p tʉ́m nǔu Sɛ́. Pʉʉ cú pɔ nu yi ɛ́ ɡʉ cẅɛ́lɛ́ mbɑ wɔ̌ lɑ́ nǔu pʉɔ pi pɔ́p sɛ́ ńzẅíꞋlɛ.

Ɛ́fɛ̂zɛ 5:20

Pʉʉ lɔk lík-Tsɑpʉɔ wɛkŋɛ Yɛ́su Kɛlístɔ ḿbɔ́ ŋ́ɡɛ́mtɛ Sɛ́ Tɑ́t ŋkɑ́ tsʉʉ, nǔu yúu tsʉʉ.

Ɛ́fɛ̂zɛ 6:10

Ndẅiknzʉʉ nu yi mɔ ɛ́sẅíi wʉ́ʉ, ɛ́ pɔ́ pɔ ŋɡɔ: Pɑ́Ꞌ pʉʉ lɑtnɛ mbʉʉ nǔu Tsɑpʉɔ lɑ́, pʉʉ cẅɛ́ɛ mɛtʉʉ mbɔ̌ wɛ́. A ŋɡɑŋ mɛtʉʉ tsʉʉ. Pʉʉ cẅɛ́ɛ mɛtʉʉ mbɔ̌ wɛ́.

Filipɛ 1:11

Yɛ́su ɡʉ ńcẅɛ́lɛ́ wʉ́ʉ nɛfɑꞋ pɔ mɛfɑꞋ sʉ́Ꞌnɛ, nɛlɔk ŋ́ɡúꞋlɛ Sɛ́, ŋ́kɑꞋ lík yɛ́.

Filipɛ 2:11

Ɛ́ pɛn ḿbɔ́ ḿbíkŋɛ ŋɡɔ mbɑ wɔ̌ lɑ́ ɛ́sɑ́Ꞌ ŋɡɔ Yɛ́su Kɛlístɔ Tsɑpʉɔ. Pɛ́ ɡʉ ńcú pɔ́Ꞌɔ, ɛ́ lɔk ŋ́ɡɑ́ mɛkuꞋ mbɔ̌ Sɛ́ Tɑ́t.

Kɔlɔsíyɛ̂ŋ 4:6

Pʉʉ pɔ́ ŋkɑ́ tsʉʉ ŋ́ɡẅɛɛ pɔ ntsu-ŋɡwɑ́ŋ, ńcú pɔ nu yi ɛ́ ɡʉ ńcẅɛ́lɛ́, ńtsɔ́Ꞌ nu mbɔ̌ ŋu pɔ pɑ́Ꞌ ɛ́ zɛɛ ḿbɔŋ ŋɡɔ pɛ́ tsɔ́Ꞌ.

1 Tɛsɑlɔník 2:4

Pɛk ńcú pɔ nu yi Sɛ́ sɛ́ ŋ́kɔŋ ŋɡɔ pɛk cú, mbíꞋŋɡɔ ɑ kɑ kwɑꞋnɛ wɛ́k tɛ ńjʉ́ɔ ŋɡɔ pɛk kuꞋ nɛcẅi Ŋkʉʉ sʉ́Ꞌnɛ yɛ́. Pɔ́Ꞌɔ lɑ́ pɛk pɔɔ ńcú nu pɔ nǔu ntɛ́ yi pʉɔ ɡʉ ŋ́kɔŋ wɛ́k pɔ́, pɛk cú nu pɔ nǔu ntɛ́ yi Sɛ́ ɡʉ ŋ́kɔŋ wɛ́k, jʉ́ ẅi ɑ líŋɛ́nɛ tʉ́m yɛ́k.

1 Timɔtɛ́ɛ 1:17

MɛkuꞋ pɔ́p ɡúꞋlɛ ńdɑ́Ꞌ ḿbɔ́ mɛŋɡuꞋ mɛŋɡuꞋ, pɔ mbɔ̌ fɔɔ ẅí ɑ ɡʉ ńdɑ́Ꞌ ḿbɔ́ pɔ ɡú. Jʉ́ ẅí ɑ ndɑ́Ꞌ Sɛ́, ḿbɔ́ kɛpfú, ḿbɔ́ ẅi pɛ́ kɑ́ pɔ́ ńjʉ́ɔ wɛ́ nɛ́ lík pɔ́. Ɛ́ pɔ́Ꞌɔ.

1 Timɔtɛ́ɛ 6:16

A ndɑꞋ jʉ́ zɛ́nɛjʉ́ ẅi ɑ kɛpfú. A ńnɑ́ŋ nǔu zʉꞋ yi ɛ́ ŋwɑŋɛ́nɛ tɛ ḿbɔ́ ŋumɛsɔŋ pɔɔ kẅɛ́Ꞌlɛ tɛ ḿbɑ́ɑtɛ zúꞋu pɔ́. Ŋu ŋkɑɑ mɔ́ zɛɛ ńjʉ́ɔ wɛ́ pɔ́, ḿbɔ́ ŋu pɔɔ kuꞋ nɛjʉ́ɔ wɛ́ pɔ́. Ɛ́ pɔŋ ŋɡɔ mɛkuꞋ mɛ́ mbɑ nɛfɔɔ nɛ́ lɑ́Ꞌ ḿbɔ́ pɔ ɡú. Ɛ́ pɔ́Ꞌɔ.

Tîtɛ 2:1

Lɑ́ ŋ́ɡʉ nǔu ɡu, kɛ́ ḿbɔ́ ńzíꞋ pʉɔ pɔ nɛ́ yúu mi ɛ́ puutɛ́nɛ pɔ nǔu nu nɛ́nẅín yi pɛ́ zíꞋnɛ pʉɔ nǔu Yɛ́su Kɛlístɔ.

Tîtɛ 2:15

Mɔnɛ mɛnu mi ɔ ɡẅɛɛ nɛ kɛ́ ńcú mbɔ̌ pʉɔ cúnɛ, ŋ́ɡɔ́ ńcú nɛlɔk nɛníꞋ mɛtʉʉ mɔ́p, nɛlɔk ńnyɛt ŋu nɛ́ yúu mi ɑ fɑɑnɛ́nɛ, ńdɔk pɔ mɛtʉʉ-Sɛ́. Kɔɔ ŋu ɡwɑ́k wú!

Ɛ́bɛlʉʉ 13:7

Pʉʉ kẅíitɛ pʉɔ pi pɔ́p kɑ piitɛ ńtsɑ wʉ́ʉ nǔu sɛ̂ndúŋ-Sɛ́, pʉɔ pi pɔ́p kɑ sẅíinɛ wʉ́ʉ nɛ́ nu-Sɛ́, ŋ́kẅíitɛ ntɛ́ yi pɔ́p kɑ lɔknɛ ńnɑ́ŋ tɛ ńdɑ́Ꞌ ḿpfú, pʉʉ pɛ́ɛ fʉꞋ nǔu yɔp ntɛ́ nɛzɑ́p tʉ́m nǔu Sɛ́.

Ɛ́bɛlʉʉ 5:12

Pʉʉ ḿbɔ́ ŋ́ɡʉ ḿbɔ́ ŋkɔ̂ɔnɛ ńtsʉ́Ꞌ ḿbɔ́ pɔ pɑzíꞋ pʉɔ nɛ́ nu-Sɛ́. Lɑ́ pʉʉ pɛn ḿbɔ́ ńtsɑ́ɑ ŋɡɔ pɛ́ pɛn ńzíꞋ wʉ́ʉ nɛ́ mɛnu mi pɛ́ piitɛ́nɛ nǔu nɛzíꞋ ŋu nɛ́ nu-Sɛ́. Ɛ́ pɔ́ pɔ́nɛ tɛ pʉʉ pɛ́t ńtsɑ́ɑ pɔ nɛpʉ́ʉ, lɑ́ mbɔ pʉʉ lɑ́Ꞌ ḿbɔ́ ŋ́ɡʉ ńtsʉ́Ꞌ ńtsɑ́ɑ pɔ yúupɛ́jʉ́ pi ɛ́ sɛ́ ńtɛntɛ.

Jɑ̂k 1:19

Pɔ́ɔpɛ́mɑ́ pɑ́ɑ pɛtʉʉndɛn, pʉʉ jí ŋɡɔ ɛ́ pɔŋ mbɔ̌ ŋu nɛjí nɛzẅíꞋlɛ nu yi pɛ́ cúnɛ, ḿbɛn ńcú yɛ́ nu ɛ́ kuꞋ kuꞋnɛ, ŋ́kɛ́ mbɔɔ fɛ́Ꞌnɛ ńzɑ́ŋ lɔ́ŋ pɔ́,

Jɑ̂k 1:26

Ŋu lɑɑ ḿbɔ́ ŋ́kwɑŋɛ ŋɡɔ ɑ nǔu nu-Sɛ́, ntsu wɛ́ pɛn mbɔɔ pɔŋ, mbɔ ɑ fʉ́klɛ túmbʉʉ yɛ́. Wɛ nɛpɔ́ nǔu nu-Sɛ́ pɔ́ pɔ fɛ̌ɛ.

1 Pyɛ̂ 2:12

Pʉʉ ɡẅɛɛ tsẅɛ́ sʉ́Ꞌnɛ tsɛtsɛt pɑkɛ́jí nu-Sɛ́, tɛ ḿbɔ́ yi pɔ́p lɑɑ ḿbɔ́ ɛ́sẅíitɛ kɛpɔŋ nǔu lík yʉ́ʉ, pɔ́p jʉ́ɔ mɛnu sʉ́Ꞌnɛ mi pʉʉ sɛ́ ŋ́ɡɛ, ŋ́ɡúꞋlɛ lík-Sɛ́ ŋkɑ́ yi Sɛ́ ɡʉ ŋ́ɡɛ ńtɔ́ ńcú nu mbɔ̌ pɔ́p.

1 Pyɛ̂ 2:5

Ɛ́ pɔŋ ŋɡɔ pʉʉ ɡúu pi pʉʉ ɡẅɛɛnɛ kwɑꞋ luk, pʉʉ pɛ́m, Sɛ́ lɔk wʉ́ʉ ŋ́ɡɛ mɛŋɡɔꞋ, ńdɔk ŋ́kút ndɑ́-Zẅikŋɛ Lɛ́ɛnɛ́nɛ. Pʉʉ pɔ́ tsɛtú ḿbɔ́ pɑnɔŋpɔꞋ pi Sɛ́ kɑ tsɔ́Ꞌnɛ, pi pɔ́p ɡʉ ńdɛɛtɛ nzʉʉ Yɛ́su Kɛlístɔ, ńnɔŋ pɔꞋ ẅí ɛ́ pɔŋnɛ Sɛ́.

1 Pyɛ̂ 4:10

Mbɑ wɔ̌ lɑ́ lɔk yɛ́ pɔ́fɑꞋ yi Sɛ́ kɑ lɔknɛ ŋ́ɡɑ́ fuꞋ níinɛ yɛ́, ńcẅɛ́lɛ pɔ́ɔpɛ́mɑ́ pɛ́. Pʉʉ pɔ́ pɑ́Ꞌ ɡɑŋfɑꞋ sʉ́Ꞌnɛ pi pɔ́p sɛ́ ŋ́kúꞋlɛ pɔ́fɑꞋ ntɛ́ nɛ́ ntɛ́ yi Sɛ́ ɡɑ́nɛ mbɔ̌ pɔ́p pɑ́Ꞌ ɛ́ ɡʉ ńcẅɛ́lɛ́ pɛcɔ́ pʉɔ.

1 Pyɛ̂ 4:16

Lɑ́ ḿbɔ́ yi ŋu lɑɑ ŋ́ɡɔ́ ńjʉ́ɔ ŋɡʉ̈ɔ́Ꞌ, ɛ́ pɔ́ ŋɡɔ ɑ ŋu-Kɛlístɔ, kɔɔ ŋɡɑŋ kɔ́ sʉ́ʉ. Tɛ ńtsʉ́Ꞌ pɔ́Ꞌɔ, ɑ ɡúꞋlɛ pɔ Sɛ́ mbíꞋ lík-Kɛlístɔ yi ɑ ɡẅɛɛnɛ.

1 Pyɛ̂ 5:11

Jʉ́ ɡẅɛɛnɛ nɛsɑ́Ꞌ mbí nǔu mɛŋɡuꞋ mɛŋɡuꞋ. Ɛ́ pɔ́Ꞌɔ.

Jẅidɛ 1:25

ŋu ɛ̂wɑ́ pɔ́nɛ ndɑꞋ Sɛ́. A kɑ lɔk Tsɑpʉɔ wɛkŋɛ Yɛ́su Kɛlístɔ ŋ́ɡɛ pɛkŋɛ luk. Pɛ́ ɡúꞌlɛ pɔ wɛ́, jʉ́ ɡẅɛɛnɛ nɛɡúꞋ, jʉ́ ɡẅɛɛnɛ mɛtʉʉ, jʉ́ sɑ́Ꞌnɛ pʉɔ, pɑ́Ꞌ ɑ kɑ lɑ́Ꞌnɛ ńzɛ, ɛ́ kɛ́ ḿbɔ́ pɔ pɔ́Ꞌɔ, tɛ ŋ́kúu ŋkɔ̂ɔnɛ, ɛ́ ńdɑ́Ꞌ ḿbɔ́ pɔ pɔ́Ꞌɔ, nǔu mɛŋɡuꞋ mɛŋɡuꞋ. Ɛ́ pɔ́Ꞌɔ.