4 Ɛ́ pɔŋ ŋɡɔ yʉ́ʉ kẅii-mbʉʉ fú pɔ tsɛt tʉ́m pʉʉ. Yîyɑ́ ɛ́ kẅii-mbʉʉ yí ɛ́ ɡʉ ńdɑ́Ꞌ ńjúk nɑ́ŋ nɑ́ŋnɛ, ɛ́ pɔ́ nɛpɔ́tnɛ pɔ́tnɛnɛ kɛ́ lɔɔ fɛꞋ. Ɛ́ mbɔ̌ Sɛ́ ḿbɔ́ mɑ́mɑ́ kẅii.
Pʉʉ tíi mbɑɑndyɔŋ-piꞋ yɑ́ɑ ńzɑ́p mbʉ̈ɔꞋ pʉʉ, ḿbɛn ḿbɛ́m ŋɡɔ n zíꞋ wʉ́ʉ pɑ́Ꞌ pʉʉ ɡʉ ŋ́ɡɛ, mbíꞌŋɡɔ m bɔ́tnɛ, tʉ́m yɑ́ɑ pɛn ŋ́kɛ́ mbɔɔ cʉ́ɔk. Ŋ ɡʉ ŋ́ɡɑ́ zʉꞋ yí pʉʉ ɡʉ fíitɛ tʉ́m yʉ́ʉ zúꞋu.
pʉʉ cú mbɔ̌ pʉɔ pí pɔ́p tsɛt tʉ́sɔŋ-Syɔ́ŋ ŋɡɔ: «Pɔ́p líŋɛ ńjʉ́ɔ pɑ́Ꞌ fɔɔ wɔp sɛ́ ńtɔ́ nɛ́ nɛjɔ́ŋ pɔ́p, ḿbɔ́ ŋɡɑŋ-mbɔ́tnɛ, ńnɑ́ŋ ndǔ njɑkɑ́ɑshi, ɑ pɔ́ mɔ́ɔ njɑkɑ́ɑshi.»
Ŋu-Fɑlísɑy, ɔ fʉmík, ɔ lɑɑ ḿbiitɛ ńtuk tsɛt ntúꞋ, tɛ ɛ́ lɛ́ɛnɛ, mbɔ nzɛmpíi ɡʉ ḿbɑ́ɑtɛ ńdɛ́ɛnɛ.
Pɛpɔ́ttú pʉɔ pinɛ pɔ́p kɑ́ ɡɛ ɡɑꞋɡɑꞋ pɔ́, mbíꞋŋɡɔ pɔ́p ɡʉ ŋ́ɡɛ ńjʉ́ ŋɡɔŋ.
Pʉʉ pɛɡɛɡʉʉ! NdɑꞋ ŋɡɔ Sɛ́ ẅi ɑ kɑ niitɛ́nɛ nzɛmpíi jʉ́ kɑ pɛnnɛ ńniitɛ tsɛt mbʉʉ mbɑ wɔ̌ lɑ́?
A cú mbɔ̌ pɔ́p ŋɡɔ: «Pʉʉ pɑ́ ẅi pʉʉ júknɛ ɛ́fúklɛ pʉɔ ŋɡɔ pʉʉ pʉɔ sʉ́Ꞌnɛ, lɑ́, Sɛ́ kɛ́ ḿbɔ́ ńjí pɑꞋ tʉ́m yʉ́ʉ pɔ́nɛ. Pʉʉ jí ŋɡɔ: Nu yi pʉɔmɛsɔŋ jʉ́ɔnɛ ŋɡɔ ɛ́ nu tɛꞋ, ɛ́ mbi Sɛ́ ḿbɔ́ nu-sʉ́ʉ.»
Pɔ́p nɑ́ nɛɡúꞋlɛ Sɛ́ ẅí ɑ ɡẅɛɛnɛ nɛɡúꞋ, ḿbɔ́ kɛ́ pfú, ńtsʉ́Ꞌ ŋ́ɡúꞋlɛ pɔ yúu níinɛ, mɛyúu mi ɛ́ fínɛ ŋumɛsɔŋ ẅí ɑ ḿpfú, fí pɛshʉ́ŋ, pɛcɔ́ fí mɛyúumɛku mi ɛ́ ɡẅɛɛnɛ mɛku mɛ́nɛ́kwɑ, pɛcɔ́ fí mɛyúumɛku mi ɛ́ shuŋnɛ nɛpɛm nɔ́p pɔ sɛ́.
Lɑ́ kwɑꞋ ŋu-Pɑyúdɑ, ŋu-Sɛ́, ɑ pɔ́ pɔ ŋu ẅí pɛ́ kɑ púꞋnɛ wɛ́ pɔ tsɛt tʉ́m yɛ́. Ɛ́ pɔ́ nɛpúꞋ ẅí Zẅikŋɛ-Sɛ́ ɡɛnɛ, tɛ ɛ́ pɔɔ pɔ́ pɔ ẅí ɛ́ fúnɛ nǔu pɑ́Ꞌ pɛ́ kɑ ŋwɑꞋnɛ́nɛ tsɛt nɛpʉ́ʉ pɔ́. Jʉ́ pɔ́nɛ ŋu ẅí Sɛ́ ɡɑ́nɛ mɛkuꞋ mɛ́ tɛ pʉɔmɛsɔŋ pɔɔnɛ ɡɑ́.
Kɔɔ pɛkŋɛ likŋɛ ŋɡɔ: Pɛ́ kɑ tɛmtɛ Kɛlístɔ nɛ ndɛn ŋu ẅí ɑ kɑ pɔ́ nǔu pɛkŋɛ ŋ́kẅii nǔu tʉ́ mbɑ́ŋtɛ pɑ́ŋtɛ́nɛ, nɛpɔ́ yi mɛtʉʉ yúu mi ɛ́ kɑ pɔ́ nǔu pɛkŋɛ, ńtsʉ́ʉnɛ wɛkŋɛ pɛkŋɛ ɡɛ nu kɛpɔŋ, ɛ́ ɡʉ ḿmɛ pɛkŋɛ pɔɔ pɛn ḿbɔ́ pɛkwɑɑ-nu kɛpɔŋ pɔ́.
Mɔ kwɑꞋ tsɛt tʉ́m mɔ, nɛpʉ́ʉ-Sɛ́ pɔŋ wɑ́ɑ tɛꞋ.
Mɔ Pɔ̂l, ŋ ɡʉ ńdɔk pɑ́Ꞌ Yɛ́su Kɛlístɔ pɔ́tnɛ́nɛ tɛꞋ ḿbɛn ḿbɔ́ ŋɡɑŋ-pɔŋtʉ́m, ɛ́sẅíi wʉ́ʉ nɛ́ tɑ́Ꞌ nu. A kwɑꞋ mɔ pɔ̂l wɑ́ ẅí pɛ́ cúnɛ ŋɡɔ ŋkɑ́ yi mɔ tsɛtsɛt pʉʉ, n nẅɛɛ nẅɛɛnɛ, ŋ́kɛ́ ḿbɔ́ ŋkɑ́ yi ŋ ɡʉnɛ ŋɡɑ sɛsɑ, ńcú nu mbɔ̌ pʉʉ tsɛt ŋwɑꞋnɛ kɛ́ pɔ́k lɑ́.
Ɛ́ yúu mi ɛ́ ɡɛnɛ pɛk pɔɔ kɑ́ɑ, mbʉʉ yɛk sɛ́ ńzɛɛ ŋ́kẅiꞋ ŋ́kɑ́ɑ kɑ́ɑnɛ lɑ́, tʉ́m yɛ́k pɔ́ tsɛtú ḿbɔ́ suutɛ suutɛ́nɛ lɛ́Ꞌ tsʉʉ.
ḿbɔ́ nɛpɔ́tnɛ, ḿbɔ́ nɛkúꞋlɛ mbʉʉ. Ɛ́ kwɑꞋ nɛ́nẅín, nɛpʉ́ʉ kɑ́ lʉꞋ mɔnɛ mɛyúu pɔ́.
Pʉʉ kɔk mbʉʉ yʉʉ ŋ́ɡɑ́ Sɛ́, ḿbɔ́ pʉɔ pɔ́tnɛ́nɛ, ŋ́ɡẅɛɛ kɔkmbʉʉ. Ńdɛɛ nǔu kɔŋɛ yi ɛ́ tsɛtsɛt pʉʉ, ḿmɛꞋ zɑ́ŋ lɔ́ŋ.
Sɛ́ kɑ kɔŋ wʉ́ʉ, ńtsɔ́Ꞌ wʉ́ʉ, ńdɔk ŋ́ɡɛ pʉɔ pɛ́. Pɔ́Ꞌɔ lɑ́, pʉʉ pɛ́ɛ tsẅɛ́ fí ḿmɑꞋ, ńtsɑ́ɑ mɛjʉ́ŋ pɛcɔ́ pʉɔ tɛꞋ, ŋ́ɡẅɛɛ pɔŋtʉ́m, ŋ́ɡɑ́ mbʉʉ sɛ́, ḿbɔ́ ŋɡɑŋ-mbɔ́tnɛ, ŋ́ɡẅɛɛ sʉk tʉ́m.
Pʉʉ jí ŋɡɔ ɛ́ nǔu mɛnu ndǔmbí, mbɔ pʉʉ kɑ pfú mɔ́. Wʉʉ nɛpɔ́, mbɔ̌ Kɛlístɔ nɛjɔ́ŋ Sɛ́, pɛ́ kɑ́ pɔ́ ńjʉ́ɔ pɑ́Ꞌ ɛ́ pɔ́nɛ pɔ́.
Pʉʉ sɑ́Ꞌ tʉʉ, ńnɑ́ŋ kɛ́ cʉ́ɔk tsɛtsɛt pʉʉ, ŋu wʉ́ʉ cú nu pɔ nǔu nu yí ɛ́ sɛ́ ńdíŋɛ wɛ́. Pʉʉ lɔk mɛlɑ́ɑ-mbɔ́ mʉ́ʉ ɛ́fɑꞋ lɑ ńjʉ́ pɑ́Ꞌ pɛk kɑ cúnɛ ŋɡɔ pʉʉ ɡɛ lɑ́,
Pɛk lɔk lík-Tsɑpʉɔ Yɛ́su Kɛlístɔ ńcú mbɔ̌ pîpɑ́ pʉɔ tɛ ńdɔk ńtík wɔ́p tíknɛ ŋɡɔ pɔ́p pɔ́tnɛ ɛ́fɑ́Ꞌ fɑꞋ, ńjʉ́ yúu pɛjʉ́ pi pɔ́p fɑꞋnɛ.
Pɛ́ sɛ́ ḿbúꞋ mbɔ́ mbɔ̌ Sɛ́ nǔu tú-pɛfɔɔ, tɛ mbɑ nǔu tú pɛcɔ́ pʉɔ pi pɔ́p sɑ́Ꞌnɛ lɑ́Ꞌ. Nɛpɔ́ yi pɛkŋɛ ɡʉ ńnɑ́ŋ sʉ́Ꞌnɛ, lɑ́Ꞌ yɛkŋɛ pɔ́ lɑ́Ꞌ mbɔ́tnɛ. Pɛkŋɛ pɔ́ pʉɔ pi pɔ́p ɡɛnɛ yúu mi ɛ́ pɔŋnɛ Sɛ́, ŋ́ɡẅɛɛ tsẅɛ́ ẅi ɛ́ ɡẅɛɛnɛ mɛkuꞋ.
A ɡẅɛɛ nɛlɔk mbɔ́tnɛ ńdɛꞋlɛ yúu mbɔ̌ pʉɔ pi ɑ cúnɛ nu pɔ́p kúp pɔ shʉ́-nu yîyɑ́. Líkcɔ́ Sɛ́ ɡʉ ŋ́ɡɑ́ shʉ́ mbɔ̌ pîpɑ́ pʉɔ pɔ́p kúpmɛ yɔp ntɛ́ nɛsɑ́ŋ nu, ɛ́fú pɔ́Ꞌɔ, ńjí nu yi ɛ́ nɛ́nẅín,
Cú mbɔ̌ pɔ́p ŋɡɔ kɔɔ pɔ́p cú nu kɛpɔŋ mbɔ̌ ŋu, ŋɡɔ pɔ́p pɑ́ɑ mɛfɛꞋ, ḿbɔ́ pʉɔ mbɔ́tnɛ pɔ́tnɛ́nɛ, ńnɑ́ŋ ŋ́ɡɑ́ mɛkuꞋ mbɑ wɔ̌ lɑ́.
Pɔ́Ꞌɔ lɑ́, pʉʉ mɛꞋ mɛnu-ndǔmbí tsʉʉ, ḿmɛꞋ mɑt ẅí ɛ́ fúnɛ nǔu shíshí tʉ́m. Pʉʉ nɔɔ sɛ́ mbi Sɛ́, ḿbɛ́m sẅiŋɛ yi ɑ kɑ pinɛ tsɛt tʉ́m pʉʉ. Ɛ́ mbíꞋŋɡɔ ɛ́ kuꞋ nɛɡɛ pʉʉ luk.
Pɛ́ kɑ zɛɛ ḿbí wʉ́ʉ nɛpí wɛ fí, tɛ ɛ́ kɑ́ pɔ́ pɔ nɛpí wɛ ŋumɛsɔŋ ẅí ɑ ḿpfú pɔ́. Ɛ́ pɔ́ pɔ ẅi ɛ́ fúnɛ nǔu mbiyúu mi ɛ́ kɛ́ lɑ́Ꞌ ḿpfú pɔ́, yîyɑ́ mbiyúu pɔ́ sẅiŋɛ-sɛ́ yi ɛ́ ɡɑ́nɛ kwɑꞋ luk, ḿbɔ́ yi ɛ́ ɡʉ ńdɑ́Ꞌ ḿbɔ́ pɔ ɡú.
Tɛ ńtsʉ́Ꞌ pɔ́Ꞌɔ, pʉʉ pɔ́ tsɛt tʉ́m pʉʉ, ḿbɔ́ ŋ́ɡɑ́ pɔ mɛkuꞋ-Kɛlístɔ ŋɡɔ jʉ́ pɔ́nɛ Ndɛ wʉʉ. Pʉʉ pɔ́ ŋkɑ́ tsʉʉ ńtʉ́ʉ pɔ pɑ́Ꞌ ŋu lɑɑ píkŋɛ wʉ́ʉ ŋɡɔ mɛlɑ́Ꞌ kʉ̈ɔ́ pʉʉ tík kwɑŋɛ yʉ́ʉ nǔu Kɛlístɔ ɔɔ, pʉʉ kyɛ́Ꞌtɛ ɛ́sẅíi ŋɡɑŋ.
