1 Pyɛ̂ 3:10 - Kɑɑ Fí

¹⁰ Pɛ́ kɑ zɛɛ ŋ́ŋwɑꞋnɛ tsɛt ŋwɑꞋnɛ-Sɛ́ ŋɡɔ: Ŋu lɑɑ ḿbɔ́ ŋ́kɔŋ nɛnɑ́ŋ sʉ́Ꞌnɛ, ḿbɛn ŋ́ɡẅɛɛ mɛlɛ́Ꞌlɑ́Ꞌ sʉ́Ꞌnɛ, ɛ́ pɔŋ ŋɡɔ ŋɡɑŋ shɔt lʉ́m yɛ́ lɑ ńcú nu, ḿbɔ́k nu kɛpɔŋ, ḿbɑ́ɑ ntsu wɛ́, ḿbɔ́k cɔtnu.

1 Pyɛ̂ 3:10 교차 참조

Mɑtʉ̈ɔ 19:17

Yɛ́su píkŋɛ wɛ́ ŋɡɔ: «Mɛlɑ́Ꞌ kʉ̈ɔ́ ɔ píkŋɛ wɑ́ɑ nɛ́ nu nǔu yúu mi ɛ́ pɔŋnɛ? Ŋu sʉ́Ꞌnɛ pɔ́ pɔ wɛ́mɔ́Ꞌ. Ɔ lɑɑ ḿbɔ́ ŋ́kɔŋ ŋɡɔ pʉʉ Sɛ́ pɔ́nɛ, ɔ ɡẅɛɛ mɛnɛpʉ́ʉ mɛ́.»

Mɑ́lɛ́kúshi 8:35

Ŋu ẅi ɑ ɡʉ zɛɛ ńdɔɔ nɛpɑ́ɑ yɛ́ luk pɔ́nɛ ŋu ẅi ɑ ɡʉ ḿbɛ́ yɛ́ luk ɛ̂yɑ́. Lɑ́ ŋu ẅí ɑ ḿbɛ́ yɛ́ luk mɛlɑ́Ꞌ wɑ́ɑ mbɑ mɛlɑ́Ꞌ Ŋkʉʉ Sʉ́Ꞌnɛ yi ɑ ɡʉ nɛcẅi, mbɔ ɑ ɡʉ ńdɑ́Ꞌ ḿbɔ́ ɡú.

Jɑ̂ŋ 1:47

Yɛ́su jʉ́ɔ pɑ́Ꞌ Nɑtɑnɑyɛ̂l sɛ́ ńtɔ́, ńcú nu nǔu wɛ́ ŋɡɔ: «Yɔ kwɑꞋ mɔ́ɔ-Íslɑyɛ̂l ẅí nu ŋkʉŋkʉ kɑ́ pɔ́ nǔu wɛ́ pɔ́.»

Jɑ̂ŋ 12:25

Ŋu lɑɑ ŋ́kɔŋ wɛ nɛpɔ́, mbɔ ɑ ɡʉ ḿbɛ́ nɛpɔ́ ɛ̂wɑ́. Ŋu kɛ́ ŋ́ɡwɑ́k nu nǔu wɛ nɛpɔ́ ndǔ yɔ mbí, mbɔ ɑ ɡʉ ńdɑ́Ꞌ ŋ́ɡẅɛɛ luk kɛ́ mɛ.

Jɑ̂k 1:26

Ŋu lɑɑ ḿbɔ́ ŋ́kwɑŋɛ ŋɡɔ ɑ nǔu nu-Sɛ́, ntsu wɛ́ pɛn mbɔɔ pɔŋ, mbɔ ɑ fʉ́klɛ túmbʉʉ yɛ́. Wɛ nɛpɔ́ nǔu nu-Sɛ́ pɔ́ pɔ fɛ̌ɛ.

1 Pyɛ̂ 2:1

Pɔ́Ꞌɔ lɑ́, pʉʉ mɛꞋ mɛnu kɛpɔŋ tsʉʉ, kɔɔ pʉʉ pɛn ɛ́fúklɛ pʉɔ, kɔɔ pʉʉ pɛn ḿbɔ́ pɛŋkɔŋmík, kɔɔ pʉʉ pɛn ŋ́ɡẅɛɛ kɛ́ɡʉ̈ɔꞋ nǔu yúu-pʉɔ, kɔɔ pʉʉ pɛn sẅíitɛ nǔu pʉɔ.

1 Pyɛ̂ 2:22

Jʉ́ Kɛlístɔ ŋ́kɑɑ kɛ́ ŋ́ɡɛ yɛcɔ́ nu kɛpɔŋ pɔ́, ŋ́kɛ́ mbɔɔ sẅíi cɔtnu pɔ́.

Mɛnu ɛ́ ńdɑ́Ꞌ ńcẅɛt 14:5

mbɔ pɛ́ ŋkɑɑ mɔ́ zúꞋ cɔtnu cẅɛt ntsu pɔ́p pɔ́, lɔ́Ꞌ yɔ́p pɔɔ ɡú pɔ́.