1 Pyɛ̂ 2:5 - Kɑɑ Fí

⁵ Ɛ́ pɔŋ ŋɡɔ pʉʉ ɡúu pi pʉʉ ɡẅɛɛnɛ kwɑꞋ luk, pʉʉ pɛ́m, Sɛ́ lɔk wʉ́ʉ ŋ́ɡɛ mɛŋɡɔꞋ, ńdɔk ŋ́kút ndɑ́-Zẅikŋɛ Lɛ́ɛnɛ́nɛ. Pʉʉ pɔ́ tsɛtú ḿbɔ́ pɑnɔŋpɔꞋ pi Sɛ́ kɑ tsɔ́Ꞌnɛ, pi pɔ́p ɡʉ ńdɛɛtɛ nzʉʉ Yɛ́su Kɛlístɔ, ńnɔŋ pɔꞋ ẅí ɛ́ pɔŋnɛ Sɛ́.

1 Pyɛ̂ 2:5 교차 참조

Pʉɔ-Lɔ́mɑ 12:1

Pɔ́ɔpɛ́mɑ́ pɑ́ɑ, pɑ́Ꞌ Sɛ́ kɑ ńtsɑ́ɑ mɛjʉ́ŋ mɛkŋɛ lɑ́, mɔ sɛ́ ńcú mbɔ̌ pʉʉ ŋɡɔ pʉʉ ɡɑ́ mbʉʉ yʉʉ mbɔ̌ wɛ́ pɑ́Ꞌ yúu-pɔꞋ lɑ́, ńtsʉ́Ꞌ ńnɑ́ŋ ńzúꞋ pɔ mbɔ̌ wɛ́, ḿbɔ́ pɔ pʉɔ pɛ́ ndɑꞋ, ŋ́ɡɛ pɔ yúu mi ɛ́ ɡʉ ḿbɔŋ wɛ́. Nɛɡɛ pɔ́Ꞌɔ, ɛ́ nɛɡúꞋlɛ Sɛ́ nǔu ntɛ́ yi sʉ́Ꞌnɛ.

Pʉɔ-Lɔ́mɑ 15:16

ńdɔk wɑ́ɑ ŋ́ɡɛ ŋu ẅí ɑ ɡʉ ḿbɔ́ ɛ́fɑꞋ fɑꞋ-Yɛ́su Kɛlístɔ tsɛtsɛt pʉɔ pi pɔ́p kɑ́ pɔ́ pɑyúdɑ pɔ́. A kɑ tsɔ́Ꞌnɛ wɑ́ɑ nɛpɔ́ yi ŋ ɡʉ ńtsʉ́Ꞌ ńcẅi pɔ Ŋkʉʉ Sʉ́Ꞌnɛ mbɔ̌ pɔ́p, Zẅikŋɛ Lɛ́ɛnɛ́nɛ lɔk wɔ́p ŋ́ɡɛ pʉɔ-Sɛ́, mɔ ŋ́ɡɑ́ wɔ́p mbɔ̌ Sɛ́, pɔ́p pɔ́ pɑ́Ꞌ yúu pɔꞋ yi ɛ́ pɔŋnɛ Sɛ́.

1 Kɔlɛ̂ŋtɛ 3:16

Pʉʉ kɑ pɔ́ ńjí ŋɡɔ pʉʉ pɑ́Ꞌɑ ḿbɔ́ ndɑ́-nɔŋpɔꞋ, Zẅikŋɛ-Sɛ́ pɔ́ tsẅɛ́ tsɛtú pɔ́ ɔɔ?

1 Kɔlɛ̂ŋtɛ 3:9

MbíꞋŋɡɔ pɛk tɛmtɛ ḿbɔ́ ɛ́fɑꞋ pɔ fɑꞋ-Sɛ́. Pʉʉ pɔ́ ŋkɑ́Ꞌ-Sɛ́, ḿbɛn ḿbɔ́ ndɑ́ yi Sɛ́ sɛ́ ŋ́kút.

1 Kɔlɛ̂ŋtɛ 6:19

Pʉʉ kɑ́ pɔ́ ńjí ŋɡɔ mbʉʉ yʉʉ ndɑ́-Zẅikŋɛ Lɛ́ɛnɛ́nɛ pɔ́ kíi? Yîyɑ́ Zẅikŋɛ tsẅɛ́ tsɛtú, mbɔ Sɛ́ kɑ ɡɑ́nɛ mbɔ̌ pʉʉ. Pʉʉ pɔɔnɛ ɡẅɛɛ túmbʉʉ yʉ́ʉ pɔ́.

2 Kɔlɛ̂ŋtɛ 6:16

Mbɔ pɛ́ lɔk ndɑ́-nɔŋpɔꞋ-Sɛ́ pɔ́p yúu mi pɛ́ ɡúꞋlɛ ŋɡɔ ɛ́ mɛsɛ́ ńdɔk ɛ́fúŋ tɑ́Ꞌ yúu ŋɡɔ́ku? Pɛkŋɛ zɛɛ ḿbɔ́ ndɑ́-nɔŋpɔꞋ-Sɛ́ ẅi ɑ ḿbɔ́ ńcú mbɔ̌ pɔ́p, pɑ́Ꞌ kwɑꞋ jʉ́ kɑ cúnɛ ŋɡɔ: Mɔ, ŋ ɡʉ ŋ́ɡɛ ńtsʉ́Ꞌ ńnɑ́ŋ pɔ tsɛtsɛt pɔ́p, ḿbɔ́ nɛn tsɛtsɛt pɔ́p. Mɔ ŋ́ɡɛ ḿbɔ́ Sɛ́ wɔp, pɔ́p pɔ́ pʉɔ pɑ́ɑ.

Ŋɡɑlɑ̂t 6:10

Pɔ́Ꞌɔ lɑ́, pɛkŋɛ lɑɑ ḿbɛ́t ŋ́ɡẅɛɛ shʉ́, pɛkŋɛ ɡɛ nu sʉ́Ꞌnɛ mbɔ̌ pʉɔ tsʉʉ, ńtsuŋ ŋ́ɡɛ pɔ mbɔ̌ pɔ́ɔpɛ́mɑ́ pi pɛkŋɛ pɛpɔ́p zɑ́pnɛ tʉ́m nǔu Kɛlístɔ.

Filipɛ 1:11

Yɛ́su ɡʉ ńcẅɛ́lɛ́ wʉ́ʉ nɛfɑꞋ pɔ mɛfɑꞋ sʉ́Ꞌnɛ, nɛlɔk ŋ́ɡúꞋlɛ Sɛ́, ŋ́kɑꞋ lík yɛ́.

Filipɛ 2:17

Wʉ́ʉ nɛzɑ́p tʉ́m nǔu Yɛ́su ɛ́ pɑ́Ꞌ yúu-pɔꞋ yi pʉʉ nɔŋnɛ mbi Sɛ́ lɑ́, ḿbɔ́ yi pɛ́ lɑɑ ńjẅí wɑ́ɑ, mbɔ ɛ́ lɔk ḿbɔ́ pɑ́Ꞌ wɑ́ɑ pɔꞋ ẅí n nɔŋnɛ mbi Sɛ́. Ɛ́ tɔ́ ḿbɔ́ pɔ́Ꞌɔ, mbɔ mɔ pɔ́ttú, mbɔ pɛkŋɛ ɡʉ ńtɛmtɛ ńtsɑ́ɑtɛ.

Filipɛ 4:18

Ɛ́ ɡʉ nǔu yúu mi pʉʉ kɑ túunɛ ŋ́ɡɑ́ mbɔ̌ mɔ, mbɔ ŋ kɑ jʉ́ɔ. Ŋ ɡẅɛɛ yúu ŋkɔ̂ɔnɛ tɛ ɛ́ zɑ́ɑ tɛꞋ. N jʉ́ɔ yúu ɛ̂mɑ́ yi Ɛpɑfɔlɔdit lɔknɛ ńtɔ́. Ŋ kɑ́ pɛn ḿbɔ́ ńjɑ́k yɛcɔ́ yúu pɔ́. Yúu ɛ̂mɑ́ pɔŋ wɑ́ɑ tɛꞋ, ḿbɔ́ pɔ pɑ́Ꞌ yúu-pɔꞋ yi pɛ́ lɑɑ ńnɔŋ mbi Sɛ́, ɛ́ pɔŋ wɛ́ tɛꞋ lɑ́.

Kɔlɔsíyɛ̂ŋ 3:17

Pʉʉ lɑɑ ḿbɔ́ ŋ́ɡɛ pɔ kʉ̈ɔ́ ɔɔ, kɛ ɛ́sẅíi pɔ kʉ̈ɔ́ lɑ́, pʉʉ tík pɔ lík-Tsɑpʉɔ Yɛ́su mbi, ḿbɔ́ ŋ́ɡɑ́ pɑ́Ꞌlɑ́ mbɔ̌ Tɑ́t wɛkŋɛ Sɛ́, ńdɛɛ nǔu Yɛ́su.

1 Timɔtɛ́ɛ 3:15

nɛpɔ́ yi n dɑɑ mbɔɔ fɛ́Ꞌnɛ ńtɔ́ pɔ́, ɔ fúŋ yɔ ŋwɑꞋnɛ, ńzúꞋ pɑ́Ꞌ pʉɔ-Sɛ́ ɡẅɛɛnɛ nɛnɛn pɔ́Ꞌɔ, tsɛt cúꞋlɛ-pɔ́ɔ-Sɛ́. Yîyɑ́ cúꞋlɛ pɔ́ yi pʉɔ-Sɛ́ ẅi ɑ ntʉʉ. CúꞋlɛ ɛ̂yɑ́ tík ntɔ́ɔ nǔu nu nɛ́nẅín pɑ́Ꞌ ntɔ́ɔ-ndɑ́.

Ɛ́bɛlʉʉ 3:6

Lɑ́ ɛ́ ɡʉ nǔu Kɛlístɔ, ɑ jí yɛ́ pɔ ndɑꞋ yúu mi Sɛ́ kɑ cúnɛ ŋɡɔ ɛ́ ŋ́ɡɛ mbɔ́ ɡú, ḿbɔ́ mɔ́ɔ-ndɑ́, ẅí pɛ́ kɑ tíknɛ wɛ́ pɑ́Ꞌ ɑ ɡʉ ɛ́sɑ́Ꞌ pʉɔ-Sɛ́. Pʉɔ-Sɛ́ lɔk ḿbɔ́ pɔ wɛkŋɛ, pɑ́Ꞌ pɛkŋɛ lɑɑ ŋ́kúꞋlɛ yúu mi pɛkŋɛ kɑ pɛ́mnɛ tɛ pɛkŋɛ pɔɔ ḿmʉꞋlɛ, ḿbɛn ńnɑ́ŋ ḿbɔ́ ńdɔk pɔ kɑꞋmɛ ńzẅíꞋlɛ yúu mi Sɛ́ kɑ kɑꞋnɛ mbɔ̌ pɛkŋɛ.

1 Pyɛ̂ 2:9

Lɑ́ ŋ́ɡʉ nǔu pʉʉ, mbɔ pʉʉ njẅɛt-pʉɔ pi Sɛ́ kɑ kɑŋnɛ, ḿbɔ́ pɑnɔŋpɔꞋ-fɔɔ wɛ ɡwɛ́, ḿbɔ́ lɑ́Ꞌ yi ɛ́ yɛ́, ḿbɔ́ pʉɔ pi ɑ kɑ tsúꞋnɛ wɔ́p pɔ́p pɔ́ pɛ́, pɑ́Ꞌ pɔ́p ŋ́ɡɛ ŋ́ɡʉ ɛ́sẅíi mɛmɑ́ mɛnu mi ɑ kɑ ɡɛnɛ, jʉ́ ẅí ɑ kɑ fúnɛ tsɛt nzɛ́nzʉ́ʉ ńcẅɛɛtɛ wʉ́ʉ, ńníꞋ wʉ́ʉ nǔu zʉꞋ fúknɛ yi kyɛꞌ sʉ́Ꞌnɛ yɛ́ zúꞋu.

1 Pyɛ̂ 4:11

Pɔ́fɑꞋ-ŋu lɑɑ ḿbɔ́ nɛcú nu-Sɛ́, ɑ cú pɔ yi ɛ́ fúnɛ mbɔ̌ Sɛ́. Yɛ ŋu pɔ́ nɛfɑꞋ mɛfɑꞋ tsɛt cúꞋlɛ, ɑ lɔk pɔ mɛtʉʉ mi Sɛ́ ɡɑ́nɛ mbɔ̌ wɛ́ ńdɔk ɛ́fɑꞋ. Pʉʉ ɡɛ pɑ́Ꞌɑ ńjí ŋɡɔ pɛ́ ɡʉ ńdɛɛ nǔu Yɛ́su Kɛlístɔ, ŋ́ɡúꞋlɛ Sɛ́ nǔu mbɑ kʉ̈ɔ́ lɑ́, jʉ́ ẅi mɛtʉʉ tsʉʉ, mbɑ nɛsɑ́Ꞌ mbí mbɔ̌ wɛ́ nǔu mɛŋɡuꞋ mɛŋɡuꞋ. Ɛ́ pɔ́Ꞌɔ.

1 Pyɛ̂ 4:17

Ŋkɑ́ pɑ́Ꞌɑ, mbɔ ɛ́ kuꞋ pɑ́Ꞌ Sɛ́ ɡʉ ńzɑ́Ꞌ ntsɑŋ-pʉɔmɛsɔŋ, ɑ ɡʉ ńzɛ pɔ nǔu pʉɔ pɛ́. A lɑɑ ńzɛ nǔu pɛkŋɛ, mbɔ ɛ́ ɡʉ ńtsʉ́Ꞌ nɛlẅiklɛ ɛ́ pɔ́ ŋɡɔ́ku nǔu pʉɔ pi pɔ́p kɑ́ kɔŋ nɛpɛ́m Ŋkʉʉ Sʉ́Ꞌnɛ-Sɛ́ pɔ́ ɔɔ?

Mɛnu ɛ́ ńdɑ́Ꞌ ńcẅɛt 1:6

A kɑ lɔk wɛkŋɛ ŋ́ɡɛ pʉɔ pi pɔ́p tsɛt nu-nɛfɔɔ-Sɛ́, ḿbɛn ńdɔk wɛkŋɛ ŋ́ɡɛ pɑnɔŋpɔꞋ pɑ́Ꞌ pɛkŋɛ ɡʉ ɛ́fɑꞋ mbɔ̌ Tɑ̌ɑ wɛ Sɛ́. Nɛɡúꞌ mbɑ mɛtʉʉ ńdɑ́Ꞌ ḿbɔ́ pɔ mbɔ̌ jʉ́ Yɛ́su Kɛlístɔ nǔu mɛŋɡuꞋ mɛŋɡuꞋ. Ɛ́ pɔ́ꞌɔ.

Mɛnu ɛ́ ńdɑ́Ꞌ ńcẅɛt 20:6

Pɛpɔ́ttú, pʉɔ pí pɔ́p ɡʉ zẅíimɛ nǔu nɛvú nǔu nduŋmbi nɛzẅíimɛ, ɛ́ pʉɔ pí pɔ́p kwɑꞋ pɛ́ Sɛ́. Nɛvú wɛ mbɑ́ɑtɛ yɛ́pɑ́ pɔɔ pɛn ŋ́kuꞋ nɛɡẅɛɛ wɔ́p pɔ́. Pɔ́p ɡʉ ŋ́ɡɛ ḿbɔ́ pɑnɔŋpɔꞋ-Sɛ́, mbɑ pɛ́ Kɛlístɔ, pɔ́p pɛ́ Kɛlístɔ sɑ́Ꞌ mbí nǔu ŋɡuꞋ ntsɑ́Ꞌ.

Mɛnu ɛ́ ńdɑ́Ꞌ ńcẅɛt 3:12

Ŋu ẅí ɑ ɡʉ ńdʉ̈ɔ́Ꞌ ntsɔ tɛ ńdɛɛ nu kɛpɔŋ, ŋ ɡʉ ŋ́ɡɛ ńdɔk ŋɡɑŋ tík ntɔ́ɔ nǔu zʉꞋ-nɔŋpɔꞋ-Sɛ́ wɑɑ, ŋɡɑŋ pɔɔ lɑ́Ꞌ ɛ́fú zúꞋu, ŋ́ɡʉ nǔu yɛcɔ́ zʉꞋ pɔ́. Ŋ ɡʉ ŋ́ɡɛ ŋ́ŋwɑꞋnɛ lík-Sɛ́ wɑɑ nǔu ŋɡɑŋ, ḿbɛn ŋ́ŋwɑꞋnɛ lík-tʉ́sɔŋ-Sɛ́ wɑɑ nǔu ŋɡɑŋ. Yîyɑ́ tʉ́sɔŋ pɔ́ Yɛlúsɑlɛm yɛ fí yi ɛ́ fúnɛ tʉ́nɛ́pú, nɛjɔ́ŋ Sɛ́ wɑɑ, ńcúŋ. Ŋ ɡʉ ḿbɛn ŋ́ŋwɑꞋnɛ mbɑ lík yɑ́ɑ yi fí nǔu ŋɡɑŋ.

Mɛnu ɛ́ ńdɑ́Ꞌ ńcẅɛt 5:10

Ɔ kɑ lɔk wɔ́p ŋ́ɡɛ pʉɔ pi pɔ́p tsɛt nu-nɛfɔɔ-Sɛ́, ḿbɛn ńdɔk wɔ́p ŋ́ɡɛ pɑnɔŋpɔꞋ pɑ́Ꞌ pɔ́p ɡʉ ɛ́fɑꞋ mbɔ̌ Sɛ́ wɛkŋɛ, mbɑ pɑ́Ꞌ pɔ́p ɡʉ ŋ́ɡɛ ɛ́sɑ́Ꞌ pʉɔ ndǔ tsɛ́tsɑ́Ꞌ.