1 Pyɛ̂ 2:12 - Kɑɑ Fí

¹² Pʉʉ ɡẅɛɛ tsẅɛ́ sʉ́Ꞌnɛ tsɛtsɛt pɑkɛ́jí nu-Sɛ́, tɛ ḿbɔ́ yi pɔ́p lɑɑ ḿbɔ́ ɛ́sẅíitɛ kɛpɔŋ nǔu lík yʉ́ʉ, pɔ́p jʉ́ɔ mɛnu sʉ́Ꞌnɛ mi pʉʉ sɛ́ ŋ́ɡɛ, ŋ́ɡúꞋlɛ lík-Sɛ́ ŋkɑ́ yi Sɛ́ ɡʉ ŋ́ɡɛ ńtɔ́ ńcú nu mbɔ̌ pɔ́p.

1 Pyɛ̂ 2:12 교차 참조

Mɑtʉ̈ɔ 10:25

Pɑ́Ꞌ pɛ́ piitɛ́nɛ ɛ́fúŋ ŋɡɑŋndɑ́ ŋɡɔ: Bɛlzɛbûl, pɛ́ ɡʉ ŋ́kúu nǔu pʉɔ-ndɑ́ pɛ́, lɑ ńnɑ́ kɛ́ fúŋ wɔ́p pɔ́Ꞌɔ, kɛkʉ̈ɔ́? Yúu mi ɛ́ ɡɛnɛ cícɑ, yîyɑ́ yúu ɡʉ ńdɑ́Ꞌ ŋ́ɡɛ ŋu ẅí ɑ sɛ́ ńzíꞋ nu yɛ́, ḿbɔ́ yi kʉ̈ɔ́ lɑ́ ɡɛ tɑ̌ɑ pɛ́ ŋkwɑɑ lɑ́, mbɔ yîyɑ́ yúu ɡʉ ḿbɛn ńdɑ́Ꞌ ŋ́ɡɛ ŋkwɑɑ ɡúu.

Mɑtʉ̈ɔ 5:11

Pʉʉ pɛpɔ́ttú nǔu ŋkɑ́ yi pɛ́ ɡʉ ḿbɔ́ ńzɔɔtɛ wʉ́ʉ, ḿbɔ́ ńzɑ́Ꞌ ku yʉ́ʉ, ńtík sɔ́ɔ ntɛ́ nɛ́ ntɛ́ tú pʉʉ mɛlɑ́Ꞌ wɑ́ɑ.

Mɑtʉ̈ɔ 5:16

Ɛ́ pɔ́Ꞌɔ lɑ ɛ́ píkŋɛ ŋɡɔ pʉʉ pɔ́ kyɛꞌ-pʉɔmɛsɔŋ tɛ pɔ́p jʉ́ɔ nu sʉ́Ꞌnɛ yi pʉʉ sɛ́ ŋ́ɡɛ, ŋ́ɡúꞋlɛ Tɑ̌ɑ wʉʉ ẅí ɑ tʉ́nɛ́pú.

Mɑtʉ̈ɔ 9:8

Lɑ́Ꞌ jʉ́ɔ yɔ nu ḿbɔ́k Sɛ́, ŋ́ɡúꞋlɛ wɛ́ nǔu pɑ́Ꞌ ɑ ɡɑ́nɛ yɔ ntɛ́ mɛtʉʉ mbɔ̌ pʉɔmɛsɔŋ.

Lúkɑ́shi 1:68

«Mbɔ́tnɛ mbɔ̌ Tsɑpʉɔ Sɛ́ pɑ Íslɑɛ̂l, pɑ́Ꞌ ɑ tɔ́nɛ ńcẅɛ́lɛ́ pʉɔ pɛ́, ńtsúꞋ wɔ́p ndɑ́-kwɑɑ.

Lúkɑ́shi 19:44

Pɔ́p ɡʉ ŋ́ɡɛ ńtɔ́, ŋ́ɡɔꞋ wʉ́ʉ, pɔ́p pɔ́ɔ pʉ́ʉ tsʉʉ, ḿbɛn ɛ́sɑt tʉ́sɔŋ yʉ́ʉ tɛ ḿbɔɔ nɑ́ ŋɡɔꞋ pɛn ńzɑ́pmɛ nǔu yɛcɔ́ pɔ́. Ɛ́ zɛɛ ḿbɔ́ pɔ́Ꞌɔ, mbíꞋŋɡɔ pʉʉ kɑ muŋɛ ŋkɑ́ yi Sɛ́ ńtɔ́ nɛɡɛ nu sʉ́Ꞌnɛ nǔu pʉʉ.

Lúkɑ́shi 6:22

Pʉʉ pɛpɔ́ttú, nǔu ŋkɑ́ yi pʉʉ cʉ́ɔ nzʉʉ mɔ́ɔ-ŋu, pɛ́ pɛn ḿbɔ́ ḿbɑɑ wʉʉ, ḿbɔ́ ŋ́kʉ́ʉnɛ wʉ́ʉ, ḿbɔ́ ńzɔɔtɛ wʉ́ʉ, ḿbɔ́ ḿbʉ́ʉpɛ lík yʉ́ʉ.

Jɑ̂ŋ 13:31

Jẅidɑ pɔ́ tɛ ɛ́fú ndɑ́ ńcẅɛt, Yɛ́su cú ŋɡɔ: «Ɛ́ ŋkɔ̂ɔnɛ pɑ́Ꞌnɛ, pɛ́ ɡɑ́ nɛɡúꞋ mbɔ̌ Mɔ́ɔ-Ŋu. Mɔ́ɔ-Ŋu kɑ ɡɑ́ nɛɡúꞋ mbɔ̌ Sɛ́.

ŊwɑꞋnɛ-Gɑŋntúu Yɛ́su Kɛlístɔ 15:14

Símɔ lɔ sɛ́ nɛkẅíitɛ wɛkŋɛ nɛ́ nu yí Sɛ́ kɑ ɡɛnɛ nǔu pʉɔ pí pɔ́p kɑ́ pɔ́ pɑyúdɑ pɔ́. Yîyɑ́ nu pɔ́ ŋɡɔ tɛ ɛ́fú nzɛnɛ, Sɛ́ zɑ́p ŋɡɔ ɑ ɡʉ ŋ́ɡʉ tsɛtsɛt pʉɔ pí pɔ́p kɑ́ pɔ́ pɑyúdɑ pɔ́, ńtsɔ́Ꞌ pʉɔ ńdɔk ŋ́ɡɛ pʉɔ pí pɔ́p pɛ́.»

ŊwɑꞋnɛ-Gɑŋntúu Yɛ́su Kɛlístɔ 24:13

Mɛnu mɑ́ mi pʉɔ tíknɛ tú mɔ lɑ́, pɛ́ lɑɑ ŋɡɔ pɛɡɑŋ pɛ́ɛtɛ pɔ́p pɔɔ jí nɛpɛ́ɛtɛ pɔ́.

ŊwɑꞋnɛ-Gɑŋntúu Yɛ́su Kɛlístɔ 25:7

Pɔ̂l tɔ́, Pɑyúdɑ cúŋ ɛ́fú Yɛlúsɑlɛm ńtɔ́, ńtʉ̈ɔ́Ꞌlɛ wɛ́ ńníꞋ sɔŋ, ńtík mɛnu mi ɛ́ tɛn tɛnnɛ tú wɛ́ tɛ ɛ́ zɑ́ɑ zɑ́ɑnɛ. Ŋu wɔp ẅi ɑ ɡʉ ŋ́kɛ́ ḿbɛ́ɛtɛ tɛ mɛtú cẅɛt kɛ́ ḿbɔɔ ɡú pɔ́.

ŊwɑꞋnɛ-Gɑŋntúu Yɛ́su Kɛlístɔ 28:22

Lɑ́ pɛk sɛ́ ŋ́kɔŋ ŋɡɔ ɔ tsuŋ ŋ́kyɛ́Ꞌtɛ yúu mi ɛ́ lɔ́ŋ wu ɛ́sẅíi wɛ́k. Pɛk cú pɑ́Ꞌɑ lɑ́ ŋ́kɛ́ ńzɛɛ ḿbɔ́ ńjí ŋɡɔ pɛ́ mbɑ ɡɔ́ lɑ́, ɛ́sẅíŋɛ pɔ kɛpɔŋ nǔu pɑfɑk mbʉʉ pi ɔ nǔu lɑ́.

Pʉɔ-Lɔ́mɑ 12:17

Kɔɔ pʉʉ tsɔ́Ꞌ pɛn nu kɛpɔŋ ŋ́ɡɑ́ nu kɛpɔŋ. Tɛ ńtsʉ́Ꞌ pɔ́Ꞌɔ, pʉʉ lɔɔ shʉ́ ŋ́ɡɛ pɔ nu yi mbɑ wɔ̌ lɑ́ ɡʉ ńjʉ́ɔ ḿbɛ́m ŋɡɔ ɛ́ pɔŋ.

Pʉɔ-Lɔ́mɑ 13:13

Pɛkŋɛ ɡẅɛɛ tsẅɛ́ sʉ́Ꞌnɛ nǔu pɑ́Ꞌ ɛ́ sɛ́ ḿbíkŋɛ ŋɡɔ pɛ́ ɡẅɛɛ pɔ́Ꞌɔ, ŋkɑ́ yi zʉꞋ sɛ́ ɛ́fúk, ḿbɑ́ɑ nɛkwɛ́t yúu kɛ nɛ́ nɔ́ mɛluꞋ pɔ́ nɛ́ ɡɛɡʉʉ, ḿbɑ́ɑ nɛ́ puutɛ mbɑ wɔ̌ lɑ́ pɛkŋɛ pɛpɔ́p nɔɔ nɔɔnɛ, ḿbɑ́ɑ yúu mi sʉ́ʉ ɡʉ kɔ́ wɛkŋɛ nǔu, ḿbɑ́ɑ nɛtɑ́k mɛfɛꞋ, ḿbɑ́ɑ kɛ́ɡʉ̈ɔꞋ.

Pʉɔ-Lɔ́mɑ 14:18

Ŋu lɑɑ ɛ́fɑꞋ fɑꞋ-Kɛlístɔ nɛ́ yɔ ntɛ́, mbɔ nu yɛ́ ɡʉ ḿbɔŋ Sɛ́, pʉɔmɛsɔŋ pɛn ŋ́ɡɑ́ mɛkuꞋ ŋɡɑŋ.

Pʉɔ-Lɔ́mɑ 15:9

Kɛlístɔ kɑ pɔ́ ḿbɛn ńtɔ́ nɛpɔ́ yi pʉɔ pi pɔ́p kɑ́ pɔ́ pɑyúdɑ pɔ́ ɡʉ ŋ́ɡúꞋlɛ Sɛ́ mbíꞋ pɔŋtʉ́m yɛ́ nǔu pɔ́p. Ɛ́ zɛɛ ŋ́ɡɔ ḿbɔ́ ŋwɑꞋnɛ-Sɛ́ cú ŋɡɔ: «Ɛ́ yúu mi ɛ́ ɡʉ ŋ́ɡɛ n tʉ́ʉ tsɛtsɛt pʉɔ pi pɔ́p kɑ́ pɔ́ pɑyúdɑ pɔ́ ŋ́ɡúꞋlɛ wú ḿbɛn ńzɔp ŋ́ɡúꞋlɛ lík yú.»

1 Kɔlɛ̂ŋtɛ 14:25

Yúu mi ɛ́ ńzɛɛnɛ ḿbɔ́ tsɛt tʉ́m yɛ́ yi lʉɔmɛ́nɛ, cẅɛt mɑ́ntɑ́ɑ, ɑ kẅíꞋlɛ sɛ́, ɛ́sɔp shʉ́ wɛ́ sɛ́, ŋ́ɡɔ ḿbɔ́ ŋ́ɡúꞋlɛ Sɛ́, ḿbɔ́ ńcú ŋɡɔ: «Ɛ́ nɛ́nẅín Sɛ́ tsuŋ ḿbɔ́ tsɛtsɛt pʉʉ.»

2 Kɔlɛ̂ŋtɛ 1:12

Ɛ́ ɡʉ nǔu wɛk nɛnɑ́ŋ tsɛtsɛt pʉɔmɛsɔŋ, ḿbɔ́ yɛ́k yúu mi pɛk lɔknɛ ŋ́kɑꞋmɛ ɛ́ pɑ́Ꞌ pɛk ɡɛ pɔ yúu mi ɛ́ fúnɛ mbɔ̌ Sɛ́. Pɛk kɑ́ pɔ́ ɛ́fúklɛ wɛcɔ́ ŋu pɔ́, pɛk pɑsẅíi pʉɔ nɛ́ nu nɛ́ tʉ́m Lɛ́ɛnɛ́nɛ, mbʉʉ yɛk nɑŋnɛ ɛ́sẅíi wɛ́k pɔ́Ꞌɔ. Ɛ́ pɑ́Ꞌ pɛk kɑ ɡɛnɛ tsɛtsɛt pʉʉ. Pɛk ŋkɑɑ kɛ́ ńdɔk pɔ jínu-pʉɔmɛsɔŋ lɑ ńdɔk ńnɑ́ŋ pɔ́Ꞌɔ pɔ́. Pɛk kɑ lɔk pɔ pɑ́Ꞌ Sɛ́ sɛ́ ŋ́ɡɑ́ fuꞋ níinɛ yɛ́k, ńcẅɛ́lɛ wɛ́k.

2 Kɔlɛ̂ŋtɛ 13:7

Pɛk sɛ́ ḿbúꞋ mbɔ́ mbɔ̌ Sɛ́ ŋɡɔ ɑ cẅɛ́lɛ́ wʉ́ʉ tɛ pʉʉ pɔɔ ɡɛ sɑ̌ɑ nu kɛpɔŋ pɔ́. Ŋ kɑ́ pɔ́ ńdɔk ńdɔɔ pɔ́Ꞌɔ, pɔ nɛɡɛ lɑ́ pʉʉ jʉ́ɔ ŋɡɔ pɛk ɡɑŋntúu-Yɛ́su Kɛlístɔ pɔ́. Pɛk tsɑ́ɑ pɔ ndɑꞋ ŋɡɔ pʉʉ ɡɛ nu sʉ́Ꞌnɛ tɛ mbɑ pɑ́Ꞌ fɑꞋ yɛ́k ɡʉ ḿbɔ́ pɔ pɑꞋ fɑꞋ yi pɛ́ ɡwɑ́k ɡwɑ́knɛ.

2 Kɔlɛ̂ŋtɛ 8:21

Pɛk sɛ́ ńtsɑ́ɑ nɛɡɛ yúu mi ɛ́ kɛ́ pɔŋ pɔ ndɑꞋ Sɛ́ pɔ́, pɛk sɛ́ ńtsɑ́ɑ nɛɡɛ yi ɛ́ ɡʉ ḿbɛn ḿbɔŋ mbɑ pʉɔmɛsɔŋ.

Ɛ́fɛ̂zɛ 2:3

Pɛkŋɛ pɛtsʉʉ kɑ zɛɛ ḿbɔ́ pɔ pɑ́Ꞌ pɔ́p, ḿbɔ́ ŋ́ɡɛ pɔ yúu mi tʉ́m-ŋumɛsɔŋ sɛ́ ńtsɑ́ɑ, mɛyúu mi tʉ́m-ŋumɛsɔŋ pɔ́p kwɑŋɛ yɛ́ tʉ́ʉnɛ nǔu, mbɔ pɛ́ kɑ pí wɛkŋɛ pɛkŋɛ pɔ́ pɔ pʉɔ pi Sɛ́ sɛ́ ńzɑ́ŋ lɔ́ŋ nǔu pɔ́p pɑ́Ꞌ ɑ sɛ́ ńzɑ́ŋ lɔ́ŋ nǔu pɛcɔ́ pʉɔ.

Ɛ́fɛ̂zɛ 4:22

mbɔ ɛ́ sɛ́ ḿbíkŋɛ ŋɡɔ pʉʉ cẅɛt nǔu ndwɛn mɑt ẅí pɛ́ kɑ lɔknɛ ḿbí wʉ́ʉ, ndʉ́ŋndʉŋ pɑ́Ꞌ ŋu ɛ́sɔt ndwɛn ndẅí nǔu wɛ́ ḿmɛꞋ lɑ́. Ẅîwɑ́ mɑt ɛ́ ẅí ɑ ḿbɔ́ ńdɛɛ nǔu mɛyúu kɛpɔŋ mi ɑ ḿbɔ́ ńtsɑ́ɑ, ŋ́kẅiꞋ ḿbʉ́k pʉ́knɛ. Mîmɑ́ mɛyúu kɛpɔŋ pɔ́ mi ɛ́ ɛ́fúklɛ́nɛ ŋu fúklɛ́nɛ.

Filipɛ 1:27

Yúu ɡwɛ́ yi pʉʉ ɡẅɛɛnɛ nɛɡɛ ɛ́ ŋɡɔ, pʉʉ nɛn pɔ pɑ́Ꞌ Ŋkʉʉ Sʉ́Ꞌnɛ-Yɛ́su Kɛlístɔ sɛ́ ḿbíkŋɛ. Nǔu ntɛ́ yi n dɑɑ ńtɔ́ ńjʉ́ɔ wʉ́ʉ, ńzɛɛ mbɔɔ tɔ́, ŋ kɛ́ ḿbɔ́ ńzúꞋ pɔ pɑ́Ꞌ pɛ́ cúnɛ ŋɡɔ pʉʉ pɛ́t ŋ́ɡẅɛɛ pɔ tɑ́Ꞌ ntsu, ḿbɔ́ ńdɔk pɔ tɑ́Ꞌ tʉ́m ńdʉ̈ɔ́Ꞌ ntsɔ-pɛ́mtʉ́m, nɛpɔ́ yi pʉʉ ɡʉ ńdɑt mbʉʉ yʉʉ nǔu nu yi pʉʉ kɑ pɛ́mnɛ, yi ɛ́ fúnɛ nǔu Ŋkʉʉ Sʉ́Ꞌnɛ.

Filipɛ 4:8

Pɔ́ɔpɛ́mɑ́ pɑ́ɑ, nu yi m bɔ́ ńdɔk ńcɔ́kŋɛ ɛ́ ŋɡɔ, kwɑŋɛ yʉ́ʉ ńnɑ́ŋ ńtʉ́ʉ pɔ nǔu mɛnu sʉ́Ꞌnɛ mi pʉɔ tɛ ńzɑ́ɑ ɡʉ̈ɔꞋtɛ́nɛ, ńtʉ́ʉ nǔu nu nɛ́nẅín, nǔu nu yi ɛ́ tʉ́ʉnɛ ndʉ́ŋndʉŋ, nǔu nu kɛ́ lɔ́Ꞌ, nǔu mɛnu mi ɛ́ mɛ́ mɛkuꞋ, nǔu mɛnu mi pɛ́ ɡɛ pʉɔ ɡɑ́ pɑ́Ꞌlɑ́, mɛnu mi ɛ́ cẅɛ́lɛ́nɛ, nǔu mɛnu mi pɛ́ sɛntɛ ŋu nǔu.

1 Tɛsɑlɔník 4:12

ńjí ŋɡɔ pʉɔ pi pɔ́p kɑ́ pɔ́ pʉɔ-Kɛlístɔ pɔ́, ɡʉ ńjʉ́ɔ pɔ́Ꞌɔ, ŋ́ɡʉ̈ɔꞋtɛ yʉʉ ntɛ́ nɛnɑ́ŋ. Pʉʉ pɛn ŋ́kɛ́ mbɔɔ tsʉ́Ꞌ piꞋ mbɔ̌ wɛcɔ́ ŋu pɔ́.

1 Timɔtɛ́ɛ 2:2

Pɛ́ sɛ́ ḿbúꞋ mbɔ́ mbɔ̌ Sɛ́ nǔu tú-pɛfɔɔ, tɛ mbɑ nǔu tú pɛcɔ́ pʉɔ pi pɔ́p sɑ́Ꞌnɛ lɑ́Ꞌ. Nɛpɔ́ yi pɛkŋɛ ɡʉ ńnɑ́ŋ sʉ́Ꞌnɛ, lɑ́Ꞌ yɛkŋɛ pɔ́ lɑ́Ꞌ mbɔ́tnɛ. Pɛkŋɛ pɔ́ pʉɔ pi pɔ́p ɡɛnɛ yúu mi ɛ́ pɔŋnɛ Sɛ́, ŋ́ɡẅɛɛ tsẅɛ́ ẅi ɛ́ ɡẅɛɛnɛ mɛkuꞋ.

1 Timɔtɛ́ɛ 4:12

Pɛ́ ŋ́ɡʉ ŋ́ɡwɑ́k wú mbíꞋŋɡɔ ɔ mɔ́ɔ pɔ́. Sɑ́Ꞌ tʉʉ tɛ pʉɔ-Kɛlístɔ pɛ́ɛ fʉꞋ nǔu ɡu. Ɛ́ lɛɛ nǔu sẅiŋɛ yú, nǔu nɛnnɛ mú, nǔu yú ntɛ́ nɛkɔŋ ŋumɛsɔŋ, nǔu yú ntɛ́ nɛzɑ́p tʉ́m nǔu Sɛ́, nǔu wu nɛpɑ́ɑ kwɑŋɛ yi ḿbɔ́ ɛ́ pʉ́ʉpɛ wú.

1 Timɔtɛ́ɛ 5:10

Ɛ́ píkŋɛ ŋɡɔ ɑ pɔ́ ẅí pʉɔ sɛ́ ḿbɛ́m wɛ́ mbíꞋ mɛfɑꞋ sʉ́Ꞌnɛ mɛ́, ɑ pɔ́ ẅi ɑ cúꞋlɛ́nɛ mbɔ́ŋkʉ̈ɔ́ pɛ́ sʉ́Ꞌnɛ, ḿbɔ́ ẅi ɑ ŋ́kúkŋɛ́nɛ pɛɡʉʉ njɛ́Ꞌ yɛ́, ẅí ɑ ɛ́suknɛ mɛku-pʉɔ-Kɛlístɔ, ḿbɔ́ ẅi ɑ ńcẅɛ́lɛ́nɛ pɛɡɑŋŋɡʉ̈ɔ́Ꞌ, ḿbɛn ḿbɔ́ ẅi ɑ ɡɛnɛ pɔ nu sʉ́Ꞌnɛ.

Ɛ́bɛlʉʉ 13:18

Pʉʉ kɛ́ ḿbɔ́ ḿbúꞋ mbɔ́ mbɔ̌ Sɛ́, ḿbúꞋ mbɔ́ nǔu tú yɛ́k. Pɛk tsuŋ ḿbɔ́ ńzúꞋ ŋɡɔ mbʉʉ yɛk kɑ́ pɔ́ ńtswɑ́ɑ wɛ́k nǔu yɛcɔ́ nu pɔ́, mbíꞋŋɡɔ pɛk sɛ́ ńtsɑ́ɑ nɛpɔ́ yi kʉ̈ɔ́ lɑɑnɛ ńtʉ́ʉ sɛ́, pɛk ɡɛ pɔ yúu mi ɛ́ sɛ́ ḿbíkŋɛ.

Ɛ́bɛlʉʉ 13:5

Kɔɔ pʉʉ kɔŋ ŋkɑ́p kɔŋnɛ tɛ ɛ́ tsʉ́Ꞌ ɛ́sɑ́Ꞌ wʉ́ʉ ɛ́sɑ́nɛ, pʉʉ tsɑ́ɑtɛ tsɑ́ɑtɛ́nɛ nǔu kʉ̈ɔ́ lɑ́ yi pʉʉ ɡẅɛɛnɛ, mbíꞋŋɡɔ Sɛ́ kɑ cú mbɔ̌ ŋumɛsɔŋ ŋɡɔ: «Ŋ kɛ́ lɑ́Ꞌ ḿmɛꞋ wú pɔ́, ŋ́kɛ́ ḿbɔɔ ńnɑ́ kɛ́ pɔ́ ńdíŋɛ wú pɔ́».

Jɑ̂k 3:13

Ŋu lɑɑ ḿbɔ́ tsɛtsɛt pʉʉ, ḿbɔ́ ŋ́kwɑŋɛ ŋɡɔ ɑ ɡẅɛɛ jínu, ḿbɛn ŋ́ɡẅɛɛ kwɑŋɛ nu, ɑ lɔk tswɛ́ sʉ́Ꞌnɛ yɛ́ ńnyɛt, ḿbɛn ńdɔk mɛfɑꞋ mi ɛ́ nyɛtnɛ ŋɡɔ ɑ ŋu ḿbɔ́tnɛ pɔ́tnɛ́nɛ ḿbɔ́ njínu, ńnyɛt.

1 Pyɛ̂ 2:15

Ɛ́ yúu mi Sɛ́ kɔŋnɛ ŋɡɔ pʉʉ ɡɛ, ńjí ŋɡɔ pʉʉ ɡʉ ńdɔk nɛɡɛ nu sʉ́Ꞌnɛ, ńjʉ́ɔꞋ ntsu-pɛɡɛɡʉʉ pi pɔ́p lʉꞋnɛ nu-Sɛ́, pɔ́p pɔɔ pɛn ɛ́sẅíitɛ nǔu pʉʉ pɔ́.

1 Pyɛ̂ 3:16

Pʉʉ tsʉ́Ꞌ nɛsẅíi wɛ́ ńdɔk pɔ ndɑ̌ɑ ndɑɑ, ńdɔk mɛkuꞋ. Ɛ́ pɔŋ ŋɡɔ kɔɔ ɛ́ ɡɔ́ ḿbɔ́ mbʉʉ yʉʉ pɔ́ ńtswɑ́ɑ wʉ́ʉ nǔu yɛcɔ́ yúu, lɑ ɛ́ lɛɛ pɔ́Ꞌɔ, ḿbɔ́ yi pʉɔ lɑɑ ḿbɔ́ ńtík sɔ́ɔ tú pʉʉ, ɛ́fú nǔu pɑ́Ꞌ pɔ́p sɛ́ ńzɔɔtɛ nɛnɑ́ŋ wʉʉ wɛ pʉɔ-Kɛlístɔ ẅi ɛ́ pɔŋnɛ, sʉ́ʉ kɔ́ wɔ́p.

1 Pyɛ̂ 4:11

Pɔ́fɑꞋ-ŋu lɑɑ ḿbɔ́ nɛcú nu-Sɛ́, ɑ cú pɔ yi ɛ́ fúnɛ mbɔ̌ Sɛ́. Yɛ ŋu pɔ́ nɛfɑꞋ mɛfɑꞋ tsɛt cúꞋlɛ, ɑ lɔk pɔ mɛtʉʉ mi Sɛ́ ɡɑ́nɛ mbɔ̌ wɛ́ ńdɔk ɛ́fɑꞋ. Pʉʉ ɡɛ pɑ́Ꞌɑ ńjí ŋɡɔ pɛ́ ɡʉ ńdɛɛ nǔu Yɛ́su Kɛlístɔ, ŋ́ɡúꞋlɛ Sɛ́ nǔu mbɑ kʉ̈ɔ́ lɑ́, jʉ́ ẅi mɛtʉʉ tsʉʉ, mbɑ nɛsɑ́Ꞌ mbí mbɔ̌ wɛ́ nǔu mɛŋɡuꞋ mɛŋɡuꞋ. Ɛ́ pɔ́Ꞌɔ.

2 Pyɛ̂ 3:11

Pɑ́Ꞌ yúu ɛ̂pɑ́ ɡʉ ŋ́ɡɛ ḿmɛ lɑɑ, ɛ́ lɔk ɛ́sẅíi wʉ́ʉ nɛ́ ntɛ́ yi ɛ́ pɔ́ŋnɛ ŋɡɔ pʉʉ nɑ́ŋ pɔ́Ꞌɔ. Ɛ́ sɛ́ ḿbíkŋɛ ŋɡɔ pʉʉ nɑ́ŋ pɔ nǔu ntɛ́ yi Sɛ́ sɛ́ ŋ́kɔŋ, ńjí pɔ ndɑꞋ wɛ́,