1 Pyɛ̂ 2:11 - Kɑɑ Fí

¹¹ Pɛsúu pɑ́ɑ pɛ́ tʉʉndɛn, pʉʉ ndǔ tsɛ́tsɑ́Ꞌ zɑ́Ꞌnɛ ḿbɔ́ pɔ pɑlɛɛndúŋ, ḿbɛn ḿbɔ́ pɔ pɛɡʉʉ. Yúu mi ɛ́ ɡɛnɛ m bɔ́ ɛ́sẅíi wʉ́ʉ ŋɡɔ kɔɔ pʉʉ nɑ́ tɛ mbʉʉ yʉʉ tsʉ́ʉnɛ wʉ́ʉ nɛɡɛ yúu mi ɛ́ ŋ́kɔŋnɛ, mbíꞋŋɡɔ ɛ́ pɔ́Ꞌɔ, ḿbɔ́ ńdʉ̈ɔꞋ tʉ́m yʉ́ʉ nɛ́ ntsɔ.

1 Pyɛ̂ 2:11 교차 참조

Lúkɑ́shi 21:34

Pʉʉ lɑk tú yʉ́ʉ nǔu nɛtsʉ́Ꞌ ńjúk ŋ́kwɛ́t pɔ yúu, ńnɔ́ mɛluꞋ tɛ ḿbɑ́, ḿbɔ́ ḿmʉk mɛnu nji nji ndǔ mbí, ḿbɔ́k jínu yʉ́ʉ nɛpɛ́, lɛ́Ꞌ lɑ́Ꞌ Mɔ́ɔ-Ŋu ɡɔ́ ńtɔ́, pʉʉ pɔɔ ḿbɔ́ ḿbyɛ́p wɛ́ pɔ́,

ŊwɑꞋnɛ-Gɑŋntúu Yɛ́su Kɛlístɔ 15:20

Lɑ́, ɛ́ pɔŋ ŋɡɔ pɛkŋɛ ŋwɑꞋnɛ pɔ ndɑꞋ ŋwɑꞋnɛ ńdɔk ńcú mbɔ̌ pɔ́p ŋɡɔ: Pɔ́p pɑ́ɑ nɛkwɛ́t pfuꞋ-mbɑp yi pɛ́ lɔknɛ ńnɔŋ pɔꞋ. Ŋɡɔ pɔ́p pɑ́ɑ nɛkwɛ́t mbɑp-nɑɑ ẅí pɛ́ fɛ́mɛ wɛ́ fɛ́mɛ́nɛ. Ŋɡɔ pɔ́p pɑ́ɑ mbɑ nɛkwɛ́t mɛci nɛ́ɛnɛ. Ŋɡɔ pɔ́p pɑ́ɑ nɛcẅɛꞋnɛ mbɑ wɔ̌ lɑ́ pɔ́p pɛ́pɔ́p nɔɔ nɔɔnɛ.

ŊwɑꞋnɛ-Gɑŋntúu Yɛ́su Kɛlístɔ 15:29

Pʉʉ pɑ́ɑ nɛkwɛ́t pfuꞋ-mbɑp yi pɛ́ lɔknɛ ńnɔŋ pɔꞋ. Pʉʉ pɑ́ɑ nɛkwɛ́t mbɑp-nɑɑ ẅí pɛ́ fɛ́mɛ wɛ́ fɛ́mɛ́nɛ. Pʉʉ pɑ́ɑ mbɑ nɛkwɛ́t mɛci nɛ́ɛnɛ. Pʉʉ pɑ́ɑ nɛcẅɛꞋnɛ mbɑ wɔ̌ lɑ́ pʉʉ pɛpɔ́p nɔɔ nɔɔnɛ. Pʉʉ lɑɑ ńzúꞋ ntsu wɛk nǔu mɔnɛ mɛnu ŋ́kúꞋlɛ, mbɔ pʉʉ ɡɛ sʉ́Ꞌnɛ. Pɛk pɔ́ɔpɛ́mɑ́ pʉ́ʉ, pɛk cɛꞋlɛ wʉ́ʉ.»

Pʉɔ-Lɔ́mɑ 12:1

Pɔ́ɔpɛ́mɑ́ pɑ́ɑ, pɑ́Ꞌ Sɛ́ kɑ ńtsɑ́ɑ mɛjʉ́ŋ mɛkŋɛ lɑ́, mɔ sɛ́ ńcú mbɔ̌ pʉʉ ŋɡɔ pʉʉ ɡɑ́ mbʉʉ yʉʉ mbɔ̌ wɛ́ pɑ́Ꞌ yúu-pɔꞋ lɑ́, ńtsʉ́Ꞌ ńnɑ́ŋ ńzúꞋ pɔ mbɔ̌ wɛ́, ḿbɔ́ pɔ pʉɔ pɛ́ ndɑꞋ, ŋ́ɡɛ pɔ yúu mi ɛ́ ɡʉ ḿbɔŋ wɛ́. Nɛɡɛ pɔ́Ꞌɔ, ɛ́ nɛɡúꞋlɛ Sɛ́ nǔu ntɛ́ yi sʉ́Ꞌnɛ.

Pʉɔ-Lɔ́mɑ 7:23

Lɑ́ ɛ́ ɡʉ tsɛt mbʉʉ yɑɑ, n jʉ́ɔ nɛcɔ́ nɛpʉ́ʉ pɔ́ ɡú, ni ɛ́ nɑ́ŋnɛ ńdɔk ntsɔ ḿmɑꞋ nɛpʉ́ʉ ni jínu yɑ́ɑ tsuŋnɛ ḿbɛ́m, ŋ́ɡɛ n tsʉ́Ꞌ ŋɡɑŋtsɑ́ŋ-nɛpʉ́ʉ nu kɛpɔŋ ni ɛ́ kɑ jʉ́ mɔ́ wɑ́ɑ.

Pʉɔ-Lɔ́mɑ 8:13

Pʉʉ lɑɑ ńnɑ́ŋ nǔu ntɛ́ yi mbʉʉ yʉʉ sɛ́ ɛ́sẅíi wʉ́ʉ, mbɔ pʉʉ ɡʉ ḿpfútɛ, lɑ́ ŋ́kɛ́ ḿbɔ́ yi pʉʉ lɑɑ ńdɔk mɛtʉʉ-Zẅikŋɛ-Sɛ́ ḿbík mɑt kɛpɔŋ ẅi ɛ́ fúnɛ nǔu mbʉʉ, mbɔ pʉʉ ɡʉ ḿbɔ́ ɡú.

2 Kɔlɛ̂ŋtɛ 5:20

Pɛk lɔk pɑ́Ꞌɑ ḿbɔ́ pɛmɑ́ntúu-Kɛlístɔ lɑ ńcú nu. Ɛ́ pɑ́Ꞌɑ ńdɔk ḿbɔ́ ŋɡɔ Sɛ́ ɛ̂wɑ́ fúŋnɛ pʉɔ. Pɛk lɔk lík-Kɛlístɔ, ḿbúꞋ mbɔ́ ŋɡɔ pʉɔ pɛ́m Sɛ́ ŋ́ɡɛ pɔ́p pɛpɔ́p pɛn ḿbɔ́ sʉ́Ꞌnɛ.

2 Kɔlɛ̂ŋtɛ 6:1

Pɑ́Ꞌ pɛkŋɛ pɛ́ Sɛ́ tɛmtɛ́nɛ ḿbɔ́ ɛ́fɑꞋ lɑ́, pɛk sɛ́ ńní mɛtʉʉ mʉ́ʉ ŋɡɔ kɔɔ pʉʉ ɡɛ nǔu ntɛ́ yi, nɛpɔ́ ẅi Sɛ́ tsɑ́ɑnɛ wʉ́ʉ, ŋ́ɡɑ́ fuꞋ níinɛ yʉ́ʉ, ɡʉ ńdɛɛ fɛ̌ɛ.

2 Kɔlɛ̂ŋtɛ 7:1

Pɔ́ɔpɛ́mɑ́ pɑ́ɑ pɛ́ tʉʉndɛn, pɑ́Ꞌ Sɛ́ kɑ kɑꞋnɛ mɔnɛ mɛnu mbɔ̌ pɛkŋɛ lɑ́, ɛ́ sɛ́ ḿbíkŋɛ ŋɡɔ kwɑꞋ pɛkŋɛ nɛ́ tú yɛkŋɛ kʉ̈ɔ́ mɛnu mi ɛ́ kɑ́ pɔŋ Sɛ́ pɔ́, mi pɛ́ ɡɛ ɡɛnɛ, tɛ mbɑ mi pɛ́ kwɑŋɛ kwɑŋɛ́nɛ, ŋ́kẅiꞋ ńdɔk nɛpɔ́ kɛ́ lɔ́Ꞌ ŋ́ɡʉ nɛ́ mbi tɛ ńdẅiklɛ, ŋ́ɡɔ ŋ́ɡɛ, ḿbɔ́ ḿbɔ́k Sɛ́.

Ŋɡɑlɑ̂t 5:24

Pʉɔ pi pɔ́p pɛ́ Yɛ́su Kɛlístɔ kɑ ḿmɛꞋnɛ yúu kɛpɔŋ yi ɛ́ pɔŋnɛ mbʉʉ yɔp, pɔ́p minɛ mbʉʉ ɛ̂yɑ́ tsɑ́ɑnɛ, lɑ ɛ́ pɔ́ pɑ́Ꞌ ŋkɑ́ yi pɔ́p kɑ kẅii mbʉʉ ɛ̂yɑ́ nǔu tʉ́ mbɑ́ŋtɛ pɑ́ŋtɛ́nɛ lɑ́.

Ɛ́fɛ̂zɛ 2:19

Ɛ́ lɛɛ pɔ́Ꞌɔ, pʉʉ pɔɔ pɛ́t ḿbɔ́ pɛɡʉʉ pɔ́, ŋ́kɛ́ mbɔɔ pɛn ḿbɔ́ pɔ pʉɔ pi pɔ́p lɛɛ lɛɛnɛ pɔ́. Pʉʉ lɔk ḿbɔ́ yʉ́ʉ pʉɔ-lɑ́Ꞌ pɑ́Ꞌ pɛcɔ́ pʉɔ pi pɔ́p pʉɔ-Sɛ́. Pʉʉ lɔk ḿbɔ́ nǔu tsɛ́nndɑ́-Sɛ́.

Ɛ́fɛ̂zɛ 4:1

Mɔ ẅí mɔ ndɑ́tsɑ́ŋ mbíꞋ nu-Tsɑpʉɔ Yɛ́su Kɛlístɔ, ŋ ɡʉ ɛ́fú nǔu mɛnu mi ɛ sẅíinɛ wʉ́ʉ, ḿbíkŋɛ ŋɡɔ pʉʉ ɡɔ́ ŋ́ɡɛ yʉ́ʉ mbɑ kʉ̈ɔ́ lɑ́, ŋ́kẅíitɛ ŋɡɔ Sɛ́ kɑ fúŋnɛ wʉ́ʉ ŋɡɔ pʉʉ pɔ́ pʉɔ pɛ́.

2 Timɔtɛ́ɛ 2:22

Kʉɔ mɛyúu kɛpɔŋ mi ŋɡwɑsuu tsɑ́ɑnɛ nɛɡɛ. Pʉʉ pɛ pʉɔ pi pɔ́p fúŋnɛ Tsɑpʉɔ nɛ́ tʉ́m lɛ́ɛnɛ́nɛ lɔɔ nu yi ɛ́ tʉ́ʉnɛ ndʉ́ŋndʉŋ, ńzɑ́p tʉ́m nǔu Sɛ́, ŋ́kɔŋ pʉɔmɛsɔŋ, ńnɑ́ŋ nɛ́ mbɔ́tnɛ.

Ɛ́bɛlʉʉ 11:13

Pɔ́p pɛtsʉʉ kɑ ɡɔ́ ḿpfútɛ ḿbɔ́ ńzɑ́p tʉ́m yɔ́p pɔ nǔu Sɛ́, ŋ́kɛ́ ḿbɛ́t pɔ kɛ́ ɡẅɛɛ yúu mi Sɛ́ kɑ kɑꞋnɛ mbɔ̌ pɔ́p. Lɑ́ pɔ́p kɑ kɛ́ ńtʉ́ʉ ńjʉ́ɔ ɛ́ pɛ́t ŋɡɑ sɛsɑ, nu pɔŋ wɔ́p tɛꞋ, pɔ́p sɑ́ɑnɛ sɑ́ɑnɛ́nɛ ńcú ŋɡɔ pɔ́p ndǔ tsɛ́tsɑ́Ꞌ ḿbɔ́ pɔ pɛɡʉʉ, ḿbɛn ḿbɔ́ pɔ nɛɡwɑ́.

Ɛ́bɛlʉʉ 6:9

Pɔ́ɔpɛ́mɑ́ pɛk pɛ́ tʉʉndɛn, pɛk kɛ́ ńcú pɑ́Ꞌɑ ḿbɔ́ ńjí kwɑꞋ sʉ́Ꞌnɛ ŋɡɔ pʉʉ nǔu sɛ̂ndúŋ wɛ sʉ́Ꞌnɛ ɛ́ pɔ́ ẅí pɛ́ lɛɛnɛ nǔu ńduk.

Jɑ̂k 4:1

Mɛntsu mɛntsu pɑ́Ꞌɑ ɛ́fú ɡɔ́ tsɛtsɛt pʉʉ? Mɛlɑ́Ꞌ ɛ́fú ɡɔ́ tsɛtsɛt pʉʉ? Ŋ kwɑŋɛ ŋɡɔ ɛ́ fú nǔu yʉʉ ntɛ́ nɛtsɑ́ɑ yúu mi ɛ́ tsɛt tʉ́m yʉ́ʉ tsʉ́ʉnɛ́nɛ wʉ́ʉ.

1 Pyɛ̂ 1:1

A mɔ Pyɛ̂, ŋɡɑŋntúu-Yɛ́su Kɛlístɔ, ŋ ɡɑ́ yɔ ŋwɑꞋnɛ mbɔ̌ pʉʉ pí Sɛ́ kɑ tsɔ́Ꞌnɛ wʉ́ʉ, pʉʉ kɑ sɑt mɔ́ zʉꞋ, ŋ́ɡʉ ḿbɔ́ tsɛt ŋɡɔŋ Pɔŋnɛ, tsɛt wɛ Ŋɡɑlɑ̂t, tsɛt wɛ Kɑpɑdɔ̂s, tsɛt wɛ Azîi, mbɑ tsɛt wɛ Mbitinî. Pʉʉ tsɛt mɛŋɡɔŋ ɛ̂mɑ́ ḿbɔ́ pɛɡʉʉ.

1 Pyɛ̂ 1:17

Pʉʉ ɡʉ ŋkɑ́ tsʉʉ yi pʉʉ cɛꞋlɛ́nɛ Sɛ́, yi pʉʉ fúŋnɛ Sɛ́ ŋɡɔ Tɑ́t wʉ́ʉ, ńdɔk mɛlɛ́Ꞌ lɑ́Ꞌ mi pʉʉ pɛ́tnɛ ŋ́ɡẅɛɛ ndǔ yɔ mbí, ńnyɛt tsɛt wʉʉ nɛnɑ́ŋ ŋɡɔ pʉʉ sɛ́ ŋ́ɡɑ́ mɛkuꞋ mɛ́. A ŋu ẅí ɑ zɑ́Ꞌnɛ ntsɑŋ-pʉɔmɛsɔŋ kɛ́ ɡẅɛɛ tɔŋ, ɛ́fú pɔ nǔu yúu mi ŋu ɡɛnɛ lɑ ńzɑ́Ꞌ ntsɑŋ-ŋɡɑŋ.

1 Pyɛ̂ 4:12

Pɛsúu pɑ́ɑ pɛ́ tʉʉndɛn, pʉʉ tsɛt múk ḿbɔ́ ńjʉ́ɔ ŋɡʉ̈ɔ́Ꞌ. Kɔɔ pʉʉ jʉ́ɔ ɛ́ kʉꞋnɛ wʉ́ʉ, ɛ́ kɑ́ pɔ́ yɛcɔ́ nu fí pɔ́. Pɛ́ ɡʉ ɛ́fú nǔu ńjí yúu mi pʉʉ yɛ́tɛ́.

1 Pyɛ̂ 4:2

Pɔ́Ꞌɔ lɑ́, pʉʉ ɡʉ nǔu mɛlɛ́Ꞌlɑ́Ꞌ mi pʉʉ pɛ́tnɛ ŋ́ɡẅɛɛ ndǔ tsɛ́tsɑ́Ꞌ, ŋ́ɡɛ pɔ yúu mi Sɛ́ sɛ́ ŋ́kɔŋ, kɔɔ pʉʉ ɡɛ yúu mi mbʉʉ-ŋu tsʉ́ʉnɛ́nɛ wɛ́ ɑ ɡɛ.

2 Pyɛ̂ 3:1

Pɛsúu pɑ́ɑ pɛ́ tʉʉndɛn, mɔ pɑ́Ꞌɑ ńdɔk ŋ́ɡɑ́ ŋwɑꞋnɛ mbɔ̌ pʉʉ ŋkɑ́ yɛ́pɑ́. Ɛ́ tsɛt mɛŋwɑꞋnɛ ɛ̂mɑ́, m bɔ́ ńdɔɔ nɛkẅíitɛ wʉ́ʉ nɛ́ yúu mi pʉʉ kɑ zíꞋnɛ, ńdɔk pɔ́Ꞌɔ, ḿbʉ́Ꞌtɛ jínu yʉ́ʉ ŋɡɔ ɛ́ kwɑŋɛ nu ndʉ́ŋndʉŋ.