1 Pyɛ̂ 2:1 - Kɑɑ Fí

¹ Pɔ́Ꞌɔ lɑ́, pʉʉ mɛꞋ mɛnu kɛpɔŋ tsʉʉ, kɔɔ pʉʉ pɛn ɛ́fúklɛ pʉɔ, kɔɔ pʉʉ pɛn ḿbɔ́ pɛŋkɔŋmík, kɔɔ pʉʉ pɛn ŋ́ɡẅɛɛ kɛ́ɡʉ̈ɔꞋ nǔu yúu-pʉɔ, kɔɔ pʉʉ pɛn sẅíitɛ nǔu pʉɔ.

1 Pyɛ̂ 2:1 교차 참조

Mɑtʉ̈ɔ 15:7

Pʉʉ pɑŋkɔŋ-mík! Ɛsɑ̌yɑ Ŋɡɛ́mndʉ̈ɔ́Ꞌ-Sɛ́, kɑ pɔ́ fɑ́ɑ ńcú pɛꞋnɛ sẅíinu, pɑ́Ꞌ ɑ kɑ cúnɛ nǔu mɑt-lɑ́Ꞌ wʉʉ ŋɡɔ Sɛ́ cú ŋɡɔ:

Mɑtʉ̈ɔ 23:28

Ɛ́ pɛn ḿbɔ́ pɔ ndʉ́ŋndʉŋ pɑ́Ꞌ pʉʉ pɔ́nɛ yʉ́ʉ ɡúu, ŋ́ɡɛ pʉʉ pɔ́ mbi-pʉɔmɛsɔŋ, ḿbɔ́ pʉɔ-Sɛ́ tɛꞋ, lɑ́ ḿbɔ́ pɑŋkɔŋmík, kwɑŋɛ kɛpɔŋ pɔ́ tʉ́m pʉʉ tɛ ńdúu.

Mɑtʉ̈ɔ 24:51

ńtɔ́, ńníꞋ ŋɡʉ̈ɔ́Ꞌ tú yɛ́ tɛꞋ, ńzuŋ wɛ́, ɑ ɡʉ nɛ́ zʉꞋ yi pɛ́ zuŋnɛ pɛŋkɔŋmík ŋ́ɡɑ́ zúꞋu, ńnɑ́ŋ zúꞋu ḿbɔ́ ńdɑɑ, ḿbɔ́ ŋ́kwɛ́t mɛsɔŋ.

Mɑtʉ̈ɔ 7:5

Ŋkɔŋmík! Piitɛ ńcẅɛɛtɛ kɛm-yúu mi ɛ́ lík ɡu, tɛ ḿbɔ́ ńtsuŋ ńjʉ́ɔ zʉꞋ lɑ́ ŋ́kuꞋ nɛcẅɛɛtɛ ŋɡʉɔ-píi tsɛt lík-mɔ́ɔmɑ́ wu.

Mɑ́lɛ́kúshi 12:15

Yɛ́su jʉ́ɔ pɑꞋ pɔ́p pɔ́ pɔ pɑŋkɔŋmík, ńtsɔ́Ꞌ mbɔ̌ pɔ́p ŋɡɔ: «Pʉʉ ŋ́kwɑꞋlɛ wɑ́ɑ mɛlɑ́Ꞌ kʉ̈ɔ́? Pʉʉ lɔk pɑk-ŋkɑ́p ńtɔ́ ńnyɛt wɑ́ɑ.»

Lúkɑ́shi 11:44

Ndɔ́ɔ tú pʉʉ, pʉʉ fí mɛshi kɛ́ mɛlii mi ŋu lɑɑ ńnɛn ndǔ, mbɔ ɑ ɡɛ ńdutnɛ kɛ́ jí, ńtíi lɔ́Ꞌ.

Lúkɑ́shi 12:1

Yɛ́su pɔ́ sẅiŋɛ pɔ́Ꞌɔ, lɑ́Ꞌ pɔ́ ŋ́kẅiꞋ ŋ́kɔ́Ꞌ ńtɔ́ nɛjɔ́ŋ wɛ́, zʉꞋ fyɛ́tnɛ fyɛ́tnɛ́nɛ tɛ pɛ́ pɔ́ ńnʉŋtɛ mɛku pʉɔ. A ɡɔ́ cú nu mbɔ̌ lɑ́Ꞌ, ḿbiitɛ ńcú mbɔ̌ ɡɑŋku pɛ́ ŋɡɔ: «Pʉʉ lɑk tú yʉ́ʉ, ḿbɑ́ɑ fɛntɛ pʉɔ-Fɑlísɑy, kɔɔ pʉʉ tsʉ́Ꞌ ɡɑŋmɛfʉ́klɛ pɑ́Ꞌ pɔ́p.

Lúkɑ́shi 6:42

Mbɔ ɔ ŋ́ɡɛ pɑ́Ꞌ, lɑ ńcú mbɔ̌ mɔ́ɔmɑ́ wu ŋɡɔ: “Mɔ́ɔmɑ́, tsʉ́Ꞌ n cẅɛɛtɛ ŋɡʉɔ-píi yi ɛ́ lík yú lɑ́”, ŋ́ɡɔ cú ŋkɑ́ yîyɑ́ ḿbɔɔ pɔ́ ńjʉ́ɔ kɛ́m-yúu mi ɛ́ nɔɔnɛ nǔu lík yú pɔ́ ɔɔ? Ɔ ŋɡɑŋcɔtnu! Piitɛ ńcẅɛɛtɛ kɛm yúu mi ɛ́ lík ɡu, tɛ ḿbɔ́ ńtsuŋ ńjʉ́ɔ zʉꞋ lɑ́ ŋ́kuꞋ nɛcẅɛɛtɛ ŋɡʉɔ-píi tsɛt lík mɔ́ɔmɑ́ wu!»

Jɑ̂ŋ 1:47

Yɛ́su jʉ́ɔ pɑ́Ꞌ Nɑtɑnɑyɛ̂l sɛ́ ńtɔ́, ńcú nu nǔu wɛ́ ŋɡɔ: «Yɔ kwɑꞋ mɔ́ɔ-Íslɑyɛ̂l ẅí nu ŋkʉŋkʉ kɑ́ pɔ́ nǔu wɛ́ pɔ́.»

Pʉɔ-Lɔ́mɑ 1:29

Mɛnu mi Sɛ́ sɛ́ ḿbɔɔ ŋ́kɔŋ pɔ́ jʉ́ wɔ́p, pɔ́p ɡɛ mɛnu kɛpɔŋ, ŋ́ɡẅɛɛ kɛ́ɡʉ̈ɔꞋ, ḿbɔ́ pʉɔ ńcʉ̈ɔ́k lɔ́ŋ, nɛjʉ́ɔ yúu-ŋu ŋ́kɔ́Ꞌ lɔ́ŋ nǔu jʉ́ wɔ́p, pɔ́p jẅítɛ pʉɔ, ńnɑ́ŋ ńtɑ́k pɔ mɛfɛꞋ, ŋ́ɡẅɛɛ fúklɛ, kʉ̈ɔ́ lɑ́ sɑ́Ꞌ tú pɔ́p ɔɔ pɔ́p ɡɛ ɡɛnɛ, ńzɑ́p mɛnu tú-pʉɔ,

1 Kɔlɛ̂ŋtɛ 14:20

Pɔ́ɔpɛ́mɑ́ pɑ́ɑ, kɔɔ pʉʉ tsʉ́Ꞌ nɛsɑ́ŋ nu, ɛ́sɑ́ŋ pɑ́Ꞌ mbɔ́ŋkʉ̈ɔ́ lɑ́. Pʉʉ ɡʉ nǔu nu kɛpɔŋ ḿbɔ́ pɔ pɛɡɛɡʉʉ. Lɑ́ ŋ́ɡʉ nǔu nɛsɑ́ŋ nu, ńnyɛt ŋɡɔ pʉʉ tsʉklɛ.

1 Kɔlɛ̂ŋtɛ 5:8

Pɔ́Ꞌɔ lɑ́, pɛkŋɛ jʉ́ ndínɑ-pɑ́skɑ nɛ́ mbɛlɛ̂ɛt kɛ́ fɛntɛ, nɛ́ tʉ́m lɛ́ɛnɛ́nɛ, tʉ́m yi ɛ́ sẅíinɛ nu nɛ́nẅín. Kɔɔ pɛkŋɛ ŋ́kwɛ́t mbɛlɛ̂ɛt yi pɛ́ lɔknɛ fɛntɛ-ndwɛn mɑt ńdɔk ńniitɛ, mbɑ mɛfɑꞋ kɛpɔŋ, ḿbɛn ḿbɔ́ yɛ́ nu kɛpɔŋ.

2 Kɔlɛ̂ŋtɛ 12:20

N zɛɛ ḿbɔ́ ḿbɔ́k pɑꞋ m bɔ́ ŋɡɔ ńtɔ́ lɑ́Ꞌ pʉʉ, ńjʉ́ɔ pʉʉ pɔɔ pɔ́ nǔu ntɛ́ yi mɔ sɛ́ ŋ́kɔŋ pɔ́. Mɔ yɑ́ɑ ɡúu mbɔɔ pɔ́ nǔu ntɛ́ yi pʉʉ sɛ́ ŋ́kɔŋ pɔ́. Mɔ sɛ́ ḿbɔ́k ŋɡɔ mbɔ ŋ ɡɔ́ ńtɔ́ mɛntsu mɛntsu pɔ́ tsɛtsɛt pʉʉ, kɛ́ɡʉ̈ɔꞋ pɔ́ zúꞋu, cʉ́ɔk pɔ́ zúꞋu, nɛzɔŋ zʉꞋ pɔ́ zúꞋu, nɛkẅíi ŋu kɛpɔŋ pɔ́ zúꞋu, sẅíitɛ pɔ́ zúꞋu, ŋɑ́Ꞌlɛ mbʉʉ pɔ́ zúꞋu, ntɑ́kŋɛ pɔ́ zúꞋu.

Ɛ́fɛ̂zɛ 4:31

Pʉʉ cẅɛɛtɛ yúu mi ɛ́ tʉ́m pʉʉ ŋ́ɡɛ ntsu wʉ́ʉ pʉ́k, ńcẅɛɛtɛ zɑ́Ꞌ ŋkwɑɑ, ńcẅɛɛtɛ zɑ́ŋ lɔ́ŋ, kɔɔ pʉʉ pɛn ńtɑ́k mɛfɛꞋ, kɔɔ pʉʉ kɔ́ɔmɛ ntsu, pʉʉ mɛꞋ fʉꞋnɛ ntɛ́ nɛ́ ntɛ́,

1 Tɛsɑlɔník 2:3

Nu yi pɛk zɛɛ ḿbɔ́ ɛ́sẅíi pʉɔ, ɛ́ kɑ́ pɔ́ nu yi ɛ́ ɡwɑ́ŋɛnɛ pɔ́, pɛk ŋ́kɑɑ ɡẅɛɛ kwɑŋɛ kɛpɔŋ pɔ́, ŋ́kɛ́ ḿbɔɔ tɑ́ɑ pɔ mɛzúŋ pɔ́.

1 Timɔtɛ́ɛ 3:11

Ɛ́ pɛn ḿbíkŋɛ ŋɡɔ pɛzwɛ́ pɔ́p pɛn ŋ́ɡẅɛɛ mɛkuꞋ, kɔɔ pɔ́p pɔ́ pɑzɑ́p sɔ́ɔ, kɔɔ pɔ́p ɡɛ yɛcɔ́ yúu tɛ ɛ́ lɛɛ, ḿbɔ́ pʉɔ pi ɛ́ lɑɑ ḿbɔ́ pɔ́p ɡɛ mbɑ kʉ̈ɔ́ lɑ́ yi pɛ́ níꞋnɛ mbɔ̌ pɔ́p tɛ pɛ́ pɔɔ lɔ́Ꞌ nǔu jʉ́ɔ.

Tîtɛ 2:3

Ɛ́ ndʉ́ŋndʉŋ pɑ́Ꞌ ɔ ɡʉ ńzíꞋ mbɔ̌ pɛlʉ́m pɑŋɡɛ́ ŋɡɔ pɔ́p ɡẅɛɛ mɑt ẅi ɛ́ pɔŋnɛ Sɛ́, ŋɡɔ kɔɔ pɔ́p sẅíitɛ nǔu mɛlík-pʉɔ, ŋɡɔ kɔɔ pɔ́p mɑꞋ mbʉʉ yɔp nǔu mɛluꞋ. Ɛ́ píkŋɛ ŋɡɔ pɔ́p zíꞋ pʉɔ nɛ́ mɑt sʉ́Ꞌnɛ,

Ɛ́bɛlʉʉ 12:1

Ɛ́ ɡʉ nǔu pɛkŋɛ, pʉɔ ɛ̂pɑ́ pɛtsʉʉ tʉ̈ɔ́Ꞌlɛ wɛkŋɛ ńníꞋ sɔŋ, ḿbɔ́ ńnyɛt wɛkŋɛ nɛ́ sɛ̂ndúŋ. Pɔ́Ꞌɔ lɑ́, pɛkŋɛ ńtsʉ́ʉ mbɑ kʉ̈ɔ́ lɑ́ yi ɛ́ sɛ́ ńtɑɑtɛ wɛkŋɛ ḿmɛꞋ, kɛ́ likŋɛ mɛnu kɛpɔŋ mí ɛ́ ɡẅɛɛnɛ wɛkŋɛ tɛ ńtsɑ ńtsʉ́Ꞌ mɑt. Pɛkŋɛ mɛꞋ, ńtɑ́ɑmɛ yɛkŋɛ ndʉ́ɔlɛ́ yi Sɛ́ cúnɛ ŋɡɔ mbɔ pɛkŋɛ tɑ́ɑmɛ. Pɛkŋɛ pɔ́ tɛ ḿbɔ́ ŋ́kʉɔ kɔɔ pɛkŋɛ kɑ́ɑ.

Jɑ̂k 1:21

Pɔ́Ꞌɔ lɑ́, pʉʉ mɛꞋ mɛnu-ndǔmbí tsʉʉ, ḿmɛꞋ mɑt ẅí ɛ́ fúnɛ nǔu shíshí tʉ́m. Pʉʉ nɔɔ sɛ́ mbi Sɛ́, ḿbɛ́m sẅiŋɛ yi ɑ kɑ pinɛ tsɛt tʉ́m pʉʉ. Ɛ́ mbíꞋŋɡɔ ɛ́ kuꞋ nɛɡɛ pʉʉ luk.

Jɑ̂k 3:14

Lɑ́ ŋ́kɛ́ ḿbɔ́ yi pʉʉ lɑɑ ŋ́ɡẅɛɛ kɛ́ ɡʉ̈ɔꞋ ẅi ɛ́ kɑ ɡɑ́Ꞌ mɔ́ mbɑ nyɛt mbʉʉ tsɛt tʉ́m pʉʉ, kɔɔ pʉʉ pɛn ŋ́ŋɑ́Ꞌlɛ ŋɡɔ pʉʉ pɑjínu, kɔɔ pʉʉ lɔk cɔtnu, ḿbík nu nɛ́nẅín.

Jɑ̂k 4:11

Pɔ́ɔpɛ́mɑ́ pɑ́ɑ, kɔɔ sẅíitɛ pɔ́ tsɛtsɛt pʉʉ. Ŋu lɑɑ ɛ́sẅíitɛ nǔu mɔ́ɔmɑ́ wɛ, kɛ ńtɔ́ pɔ lɔ́Ꞌ yɛ́ ɔɔ, mbɔ ɑ sẅíitɛ pɔ nǔu nɛpʉ́ʉ, ḿbɛn ńtɔ́ pɔ lɔ́Ꞌ-nɛpʉ́ʉ. Ŋu lɑɑ ŋ́kɛ́ ńtɔ́ lɔ́Ꞌ nɛpʉ́ʉ, mbɔ ɑ kɑ́ pɛn ḿbɔ́ ŋu ẅí ɑ ɡẅɛɛnɛ nɛpʉ́ʉ pɔ́, ɑ tsʉ́Ꞌ ńtɔ́ lɔ́Ꞌ nɛpʉ́ʉ tɔ́nɛ.

Jɑ̂k 4:5

Pʉʉ kwɑŋɛ ŋɡɔ ŋwɑꞋnɛ-Sɛ́ cú ŋɡɔ: Sɛ́ kɑ́ pɛ́m ŋɡɔ pɛkŋɛ nɑ́ wɛcɔ́ ŋu jʉ́ zʉꞋ-zẅikŋɛ yi ɑ kɑ níꞋnɛ nǔu pɛkŋɛ pɔ́ pɛ́Ꞌɛ, ḿmɛɛ, mɛɛnɛ ńcú kii?

Jɑ̂k 5:9

Pɔ́ɔpɛ́mɑ́ pɑ́ɑ, pʉʉ pɑ́ɑ nɛɡẅɛɛ sẅíitɛ tsɛtsɛt pʉʉ, ńjí ŋɡɔ Sɛ́ kɛ́ ɡɛ ńcú ŋɡɔ pʉʉ vu ntsɑŋ pɔ́, nzɑ́Ꞌmɛntsɑŋ tɔ́ tɛ ńtʉ́ʉ ntsundɑ́.

1 Pyɛ̂ 2:16

Pʉʉ lɔk mɑt wʉʉ ḿbɔ́ pɑ́Ꞌ pʉɔ pi pɛ́ kɑ cẅɛɛtɛ́nɛ wɔ́p ndɑ́-kwɑɑ. Lɑ́, kɔɔ ẅîwɑ́ nɛpɔ́ kɛ́ ńtsʉ́Ꞌ mbɔ̌ pʉʉ ḿbɔ́ ŋkwɑ́ yi pʉʉ ɡʉ ńdɔk ńdʉɔ mɛnu kɛpɔŋ. Pʉʉ lɔk mɑt wʉʉ ḿbɔ́ pɔ pɛkwɑɑ-Sɛ́.

1 Pyɛ̂ 2:22

Jʉ́ Kɛlístɔ ŋ́kɑɑ kɛ́ ŋ́ɡɛ yɛcɔ́ nu kɛpɔŋ pɔ́, ŋ́kɛ́ mbɔɔ sẅíi cɔtnu pɔ́.

1 Pyɛ̂ 3:10

Pɛ́ kɑ zɛɛ ŋ́ŋwɑꞋnɛ tsɛt ŋwɑꞋnɛ-Sɛ́ ŋɡɔ: Ŋu lɑɑ ḿbɔ́ ŋ́kɔŋ nɛnɑ́ŋ sʉ́Ꞌnɛ, ḿbɛn ŋ́ɡẅɛɛ mɛlɛ́Ꞌlɑ́Ꞌ sʉ́Ꞌnɛ, ɛ́ pɔŋ ŋɡɔ ŋɡɑŋ shɔt lʉ́m yɛ́ lɑ ńcú nu, ḿbɔ́k nu kɛpɔŋ, ḿbɑ́ɑ ntsu wɛ́, ḿbɔ́k cɔtnu.

1 Pyɛ̂ 4:2

Pɔ́Ꞌɔ lɑ́, pʉʉ ɡʉ nǔu mɛlɛ́Ꞌlɑ́Ꞌ mi pʉʉ pɛ́tnɛ ŋ́ɡẅɛɛ ndǔ tsɛ́tsɑ́Ꞌ, ŋ́ɡɛ pɔ yúu mi Sɛ́ sɛ́ ŋ́kɔŋ, kɔɔ pʉʉ ɡɛ yúu mi mbʉʉ-ŋu tsʉ́ʉnɛ́nɛ wɛ́ ɑ ɡɛ.

1 Pyɛ̂ 4:4

Ɛ́ pɛn ḿbɔ́ nǔu ŋkɔ̂ɔnɛ pɑkɛ́jí Sɛ́ tsʉ́Ꞌ ńjʉ́ɔ yʉʉ ntɛ́ ḿmɑɑ mɑɑnɛ, mbíꞋŋɡɔ pʉʉ pɛ́pɔ́p kɑ́ pɛ́t ńtɛmtɛ ku ńnɛn nɛɡɛ mɛnu mi pɔ́p ɡɛnɛ ɛ́ pɔ́ pɔ mɛnu sʉ́ʉ pɔ́. Pɔ́p kɛ ńtsʉ́Ꞌ ńzɔɔtɛ wʉ́ʉ zɔɔtɛnɛ.

Mɛnu ɛ́ ńdɑ́Ꞌ ńcẅɛt 14:5

mbɔ pɛ́ ŋkɑɑ mɔ́ zúꞋ cɔtnu cẅɛt ntsu pɔ́p pɔ́, lɔ́Ꞌ yɔ́p pɔɔ ɡú pɔ́.