1 Pyɛ̂ 1:7 - Kɑɑ Fí

⁷ Ŋɡʉ̈ɔ́Ꞌ kúu wʉ́ʉ nɛpɔ́ yi pɛ́ ɡʉ ńjʉ́ɔ ŋɡɔ pʉʉ tsuŋ ńzɑ́p tʉ́m nǔu Sɛ́. Tʉ́n-ŋɡɔ̂l yi ɛ́ ŋ́ɡʉ ńdɑ́Ꞌ ḿbɔ́ pɔ ɡú pɔ́, pɛ́ tsʉ́Ꞌ nɛzẅíꞋ, ńtɔɔ múk, ntsɛ́llɛ́ cẅɛt nǔu. Ɛ́ ndʉ́ŋndʉŋ pɑ́Ꞌ wʉʉ nɛzɑ́p tʉ́m nǔu Sɛ́ ẅí ɑ yúu tʉʉndɛn ńdɛɛ tʉ́n-ŋɡɔ̂l, ɡʉ ńdɛɛ pɔ nǔu pɑ́Ꞌ ŋɡʉ̈ɔ́Ꞌ mɛntɛ́ mɛntɛ́ yi ɛ́ sɛ́ ŋ́kúu wʉ́ʉ, ɡʉ ḿbɔ́ ńzẅíꞋ wʉ́ʉ ɡúu, lɑ́ ńdɔk ńnyɛt ŋɡɔ ɛ́ tɛntɛ. Ɛ́ lɛɛ pɔ́Ꞌɔ, pʉʉ lɑ́Ꞌ lɛ́Ꞌ yi Yɛ́su Kɛlístɔ tɔ́nɛ, pɛ́ ɡɑ́ tsɔ́ꞋfɑꞋ yʉ́ʉ, ńníꞋ wʉ́ʉ tsɛt nɛɡúꞋ, ŋ́ɡɛ mɛkuꞋ mʉ́ʉ.

1 Pyɛ̂ 1:7 교차 참조

Mɑtʉ̈ɔ 19:28

Yɛ́su pʉ̈ɔt ŋɡɔ: «Tsʉ́Ꞌnɛ ɛ sẅíi wʉ́ʉ, kwɑꞋ nɛ́nẅín, pɛ́ ɡʉ ńdɑ́Ꞌ ŋ́kúu tsɛt ŋɡɔŋ fí, Mɔ́ɔ-Ŋu nɑ́ŋ ndǔ kɔꞋ-nɛfɔɔ nɛ́ ni ɛ́ ɡẅɛɛ nɛɡúꞋ, pʉʉ pʉɔ ntsɔ̌ppɑ́ nɛ́ nɛɡɛ́m pi pʉʉ kɑ cʉ́ɔnɛ nzʉʉ mɔ, pɛn ńnɑ́ŋ yʉ́ʉ ndǔ mɛkɔꞋ ntsɔ̌ppɑ́ nɛ́ nɛɡɛ́m, ŋ́ŋɑk pʉɔ-Íslɑyɛ̂l, njẅɛtndɑ́ ntsɔ̌ppɑ́ nɛ́ nɛɡɛ́m.»

Mɑtʉ̈ɔ 25:21

Tɑ́t wɛ cú mbɔ̌ wɛ́ ŋɡɔ: «Ɛ́ pɔŋ, ɔ ŋɡɑŋfɑꞋ sʉ́Ꞌnɛ, ɔ kɑ ɡɛ yúu mi ŋ kɑ pɔ́ ńzẅíꞋlɛ mbɔ̌ ɡu, pɑ́Ꞌ ɔ kɑ pɑ́ɑnɛ mɔ́ɔ mɔ́yúu sʉ́Ꞌnɛ lɑ́, ŋ ɡʉ ńníꞋ yúu mbɔ̌ ɡu tɛꞋ. Tɔ́ pûu tsɑ́ɑtɛ.»

Mɑtʉ̈ɔ 25:23

Tɑ́t wɛ cú mbɔ̌ wɛ́ ŋɡɔ: «Ɛ́ pɔŋ, ɔ ŋɡɑŋfɑꞋ sʉ́Ꞌnɛ, ɔ kɑ ɡɛ yúu mi ŋ kɑ pɔ́ ńzẅíꞋlɛ mbɔ̌ ɡu, pɑ́Ꞌ ɔ kɑ pɑ́ɑnɛ mɔ́ɔ mɔ́yúu sʉ́Ꞌnɛ lɑ́, ŋ ɡʉ ńníꞋ yúu mbɔ̌ ɡu tɛꞋ. Tɔ́ pûu tsɑ́ɑtɛ.»

Lúkɑ́shi 12:33

Pʉʉ fɛn yúu mi pʉʉ ɡẅɛɛnɛ, ŋ́ɡɑ́ ŋkɑ́p mbɔ̌ pɛkɛyúu, ńdɔk ŋ́ɡẅɛɛ pɔ́ɔpɑɑ-ŋkɑ́p pi ḿbɔ́ ɛ́ pɔɔ tɔ́ktɛ, ńdɔk ńdẅɛꞋ fuꞋ yʉ́ʉ nɛjɔ́ŋ Sɛ́. Ɛ́ zʉꞋ yi ɛ́ lɑɑ ḿbɔ́ zúꞋu, ɛ́ pɔɔ mɛ, pɛtsɔ́ŋ pɔɔ kuꞋ nɛjɔ pɔ́, shʉ́ɔꞋŋɡɔ́Ꞌ pɔɔ kuꞋ nɛjʉ́ pɔ́.

Lúkɑ́shi 17:30

Ɛ́ ŋ́ɡɛ ḿbɛn ḿbɔ́ pɔ pɔ́Ꞌɔ, nǔu lɛ́Ꞌ yi Mɔ́ɔ-ŋu ɡʉ ńdɑ́Ꞌ ḿvukŋɛ vukŋɛnɛ ńtɔ́.

Jɑ̂ŋ 12:26

Ŋu lɑɑ ḿbɔ́ ɛ́fɑꞋ mbɔ̌ mɔ, ɑ cʉ́ɔ nzʉʉ mɔ. ZʉꞋ yí ŋ ɡʉnɛ zúꞋu lɑ́, ŋɡɑŋfɑꞋ wɑɑ ɡʉ ḿbɔ́ yɛ́ zúꞋu. Ŋu lɑɑ ḿbɔ́ ɛ́fɑꞋ mbɔ̌ mɔ, mbɔ Tɑ̌ɑ mɔ ɡʉ ŋ́ɡɛ ŋ́ɡɑ́ mɛkuꞋ mɛ́.

Jɑ̂ŋ 5:44

Mbɔ pʉʉ zɑ́p tʉ́m nǔu mɔ ŋɡɔ́ku? Pʉʉ lɔɔ pɔ ŋɡɔ ŋumɛsɔŋ ɡɑ́nɛ nɛŋwɑ́ŋɛ wɛcɔ́, pʉʉ kɑ́ lɔɔ ŋɡɔ Sɛ́ zɛ́nɛ́jʉ́ ɡɑ́nɛ nɛŋwɑ́ŋɛ wʉʉ pɔ́, ɑ ndɑꞋ jʉ́ ḿbɔ́ Sɛ́.

ŊwɑꞋnɛ-Gɑŋntúu Yɛ́su Kɛlístɔ 8:20

Lɑ́ Pyɛ̂ cú mbɔ̌ wɛ́ ŋɡɔ: «Tɛ pʉʉ ŋkɑ́p yu yîyɑ́ lɑkŋɛ, mbíꞋŋɡɔ ɔ pɑꞋnɛ ŋ́kwɑŋɛ ŋɡɔ ɛ́ lɑɑ ḿbɔ́ ɔ lɔk ŋkɑ́p ńzúu yúu mi Sɛ́ ɡɑ́nɛ mbɔ̌ pʉɔ níinɛ.

Pʉɔ-Lɔ́mɑ 2:10

Ŋ́kɛ́ ŋ́ɡʉ nǔu ŋu ẅí ɑ ɡɛnɛ nu sʉ́Ꞌnɛ, mbɔ Sɛ́ ŋ́ɡɑ́ nɛɡúꞋ mbɔ̌ wɛ́, ŋ́ɡɑ́ mɛkuꞋ mbɔ̌ wɛ́, ḿbɛn ŋ́ɡɑ́ mbɔ́tnɛ, ńtsʉ́Ꞌ nɛɡɑ́, ńzɛ nǔu ŋu-Pɑyúdɑ ḿbɑ́ɑtɛ ŋ́ɡɑ́ mbɔ̌ ŋu ẅí ɑ kɑ́ pɔ́ ŋu-Pɑyúdɑ pɔ́,

Pʉɔ-Lɔ́mɑ 2:29

Lɑ́ kwɑꞋ ŋu-Pɑyúdɑ, ŋu-Sɛ́, ɑ pɔ́ pɔ ŋu ẅí pɛ́ kɑ púꞋnɛ wɛ́ pɔ tsɛt tʉ́m yɛ́. Ɛ́ pɔ́ nɛpúꞋ ẅí Zẅikŋɛ-Sɛ́ ɡɛnɛ, tɛ ɛ́ pɔɔ pɔ́ pɔ ẅí ɛ́ fúnɛ nǔu pɑ́Ꞌ pɛ́ kɑ ŋwɑꞋnɛ́nɛ tsɛt nɛpʉ́ʉ pɔ́. Jʉ́ pɔ́nɛ ŋu ẅí Sɛ́ ɡɑ́nɛ mɛkuꞋ mɛ́ tɛ pʉɔmɛsɔŋ pɔɔnɛ ɡɑ́.

Pʉɔ-Lɔ́mɑ 2:7

ŋ́ɡɑ́ luk kɛ́mɛ mbɔ̌ pʉɔ pi pɔ́p kɑ lɔknɛ nɛɡɛ nu sʉ́Ꞌnɛ kɛ́ kɑ́ɑ, ḿbɔ́ ńtsɑ́ɑ ŋɡɔ Sɛ́ ɡɑ́nɛ wɔ́p nɛɡúꞋ, ŋ́ɡɑ́ mɔ́p mɛkuꞋ, ŋ́ɡɛ pɔ́p pɔ́ tsɛt luk yí pɛ́ kɛ́ pɛn ḿpfú nǔu pɔ́.

Pʉɔ-Lɔ́mɑ 8:19

Kʉ̈ɔ́ lɑ́ yi Sɛ́ kɑ niitɛ́nɛ zɛɛ ḿbɔ́ ńzẅíꞋlɛ tɛꞋ nɛjʉ́ɔ ŋkɑ́ yi Sɛ́ ɡʉ ŋ́ɡɛ pɛ́ jʉ́ɔ nɛɡúꞋ pʉɔ-pɛ́.

1 Kɔlɛ̂ŋtɛ 3:13

Mbɔ ɛ́ kɑ pɔ́ yɛcɔ́ lɔ́Ꞌ pɔ́. FɑꞋ-mbɑ wɔ̌ lɑ́ ɡʉ ńdɑ́Ꞌ ńcẅɛt mɑ́ntɑ́ɑ. Pɛ́ ɡʉ ńdɑ́Ꞌ ńjʉ́ɔ nǔu lɛ́Ꞌ yi pɛ́ ŋɑknɛ mɛtsɑŋ. MbíꞋŋɡɔ múk ɡʉ ńdɑ́Ꞌ ńdɛɛ nǔu fɑꞋ mbɑ wɔ̌ lɑ́ tɛ pɛ́ jʉ́ɔ pɑ́Ꞌ ɛ́ zúꞋu ḿbɔ́ pɔ́Ꞌɔ.

1 Kɔlɛ̂ŋtɛ 4:5

N dɔk pɔ́Ꞌɔ, ɛ́sẅíi wʉ́ʉ ŋɡɔ kɔɔ pʉʉ zɑ́Ꞌ njí ńcú nu nǔu fɑꞋ-ŋu kɛ́ pɔ́ yi ŋkɑ́ kuꞋ. Kɛ́ pɔ́ yi Tsɑpʉɔ tɔ́ mɔ́. Jʉ́ ŋ́ɡɛnɛ ŋ́kyɛꞋ mbɑ kʉ̈ɔ́ lɑ́ yi ɛ́ tsɛt nzɛ́nzʉ́ʉ. A ŋ́ɡɛ ŋ́ɡɛ pɛ́ jʉ́ɔ mɛŋkwɑŋɛ mi ɛ́ tsɛt mɛtʉ́m-pʉɔ. Pɔ́Ꞌɔ lɑ́, Sɛ́ kɛ́ ŋ́ɡɑ́ tsɔ́ꞋfɑꞋ mbɑ wɔ̌ lɑ́ nǔu ntɛ́ yi ɛ́ sɛ́ ḿbíkŋɛ ŋɡɔ ŋɡɑŋ ɡẅɛɛ.

Jɑ̂k 1:12

Pɔ́ttú, ŋu ẅí ŋɡʉ̈ɔ́Ꞌ kúunɛ wɛ́ ɑ tɛntɛ tɛntɛ́nɛ, mbíꞋ pɑ́Ꞌ ŋɡʉ̈ɔ́Ꞌ kúunɛ wɛ́ ɑ tɛntɛ tɛntɛnɛ lɑ́, Sɛ́ ɡʉ ńtɔꞋ ŋɡúꞋ tú yɛ́. Ɛ́ lɔk ḿbɔ́ luk kɛ́ mɛ yí ɑ kɑ kɑꞋnɛ mbɔ̌ mbɑ wɔ̌ lɑ́ ẅi ɑ ŋ́kɔŋnɛ yɛ́ Sɛ́.

1 Pyɛ̂ 1:13

Pɔ́Ꞌɔ, jínu yʉ́ʉ tʉ́ʉ pɔ nǔu nɛɡɛ yúu nǔu ntɛ́ yɛ́ pʉɔ-Sɛ́, kɔɔ pʉʉ pɛ́ jínu, pʉʉ nɑ́ŋ ḿbɔ́ ńniitɛ ńzẅíꞋlɛ fuꞋ yi Sɛ́ ŋ́ɡɛ ŋ́ɡɑ́ mbɔ̌ pʉʉ, nǔu ŋkɑ́ yi Yɛ́su Kɛlístɔ ɡʉ ŋ́ɡɛ ńtɔ́.

1 Pyɛ̂ 1:5

ɛ́ yúu yʉ́ʉ, pʉʉ pʉɔ pi Sɛ́ sɛ́ ńdɔk mɛtʉʉ mɛ́ ḿbyɛ́p wʉ́ʉ, ɛ́ pɔ́ pɑ́Ꞌ pʉʉ sɛ́ ńzɑ́p tʉ́m nǔu wɛ́. Jʉ́ pyɛ́pnɛ wʉ́ʉ pɑ́Ꞌ pʉʉ ɡʉ ŋ́ɡɛ ŋ́ɡẅɛɛ luk yi ɛ́ ɡʉ ńdɑ́Ꞌ ndẅiknzʉʉ lɛ́Ꞌ ŋ́ɡɛ pɛ́ jʉ́ɔ.

1 Pyɛ̂ 2:4

Pʉʉ kẅɛ́Ꞌlɛ mbʉʉ yʉʉ ńtɔ́ nɛ́ nɛjɔ́ŋ wɛ́, jʉ́ ɡɑ́nɛ kwɑꞋ luk. A ŋɡɔꞋ yi ŋwɑꞋnɛ-Sɛ́ cúnɛ ŋɡɔ pʉɔmɛsɔŋ kɑ mɛꞋnɛ, lɑ Sɛ́ kɑŋ wɛ́, ɛ́ pɔ́ yúu tʉʉndɛn mbɔ̌ wɛ́.

1 Pyɛ̂ 2:7

Ɛ́ mbɔ̌ pʉʉ pɑzɑ́p tʉ́m nǔu wɛ́, ḿbɔ́ yúu mɛkuꞋ. Lɑ́ ŋ́ɡʉ nǔu pʉɔ pi pɔ́p kɑ́ pɔ́ ńzɑ́p tʉ́m nǔu yîyɑ́ ŋɡɔꞋ pɔ́, mbɔ pɛ́ kɑ ŋwɑꞋnɛ ŋɡɔ: «ŊɡɔꞋ yi pɑpɔ́ɔndɑ́ kɑ mɛꞋnɛ kɑ tsʉ́Ꞌ mɔ́ ŋɡɔꞋ-nɛlẅí-ndɑ́.

1 Pyɛ̂ 4:12

Pɛsúu pɑ́ɑ pɛ́ tʉʉndɛn, pʉʉ tsɛt múk ḿbɔ́ ńjʉ́ɔ ŋɡʉ̈ɔ́Ꞌ. Kɔɔ pʉʉ jʉ́ɔ ɛ́ kʉꞋnɛ wʉ́ʉ, ɛ́ kɑ́ pɔ́ yɛcɔ́ nu fí pɔ́. Pɛ́ ɡʉ ɛ́fú nǔu ńjí yúu mi pʉʉ yɛ́tɛ́.

1 Pyɛ̂ 4:13

Pʉʉ tsʉ́Ꞌ ńtsɑ́ɑtɛ tsɑ́ɑtɛ́nɛ mbíꞋŋɡɔ pʉʉ sɛ́ ńjʉ́ɔ yʉʉ ŋɡʉ̈ɔ́Ꞌ pɑ́Ꞌ Kɛlístɔ, ɛ́ lɛɛ pɔ́Ꞌɔ, pʉʉ ɡɛ ḿbɔ́ tɛ ńjʉ́ɔ nɛɡúꞋ wɛ ḿbɛn ŋ́ɡẅɛɛ yʉ́ʉ mɑ́mɑ́ tsɑ́ɑtɛ.

1 Pyɛ̂ 5:1

N cú yɔ nu ŋkɔ̂ɔnɛ nɛlɔk ńtík pɑcẅɛ́ɛmbi pi pɔ́p tsɛt cúꞋlɛ yʉ́ʉ, mɔ yɑ́ɑ ńcẅɛ́ɛmbi pɑ́Ꞌ pɔ́p, mbɔ Kɛlístɔ kɑ ɡɔ́ ḿbɔ́ ńjʉ́ɔ ŋɡʉ̈ɔ́Ꞌ, n tʉ́ʉ zúꞋu. Mɔ ŋ́ɡɛ ŋ́ɡẅɛɛ yɑ́ɑ zʉꞋ tsɛt nɛɡúꞋ ẅi Sɛ́ ɡʉ ŋ́ɡɛ ŋ́ɡɛ ɛ́ cẅɛt.

2 Pyɛ̂ 1:1

A mɔ Símɔ̂ŋ Pyɛ̂, ŋu ẅí ɑ fɑꞋnɛ fɑꞋ-Yɛ́su Kɛlístɔ, ḿbɛn ḿbɔ́ ŋɡɑŋntúu wɛ. Ŋ ɡɑ́ yɔ ŋwɑꞋnɛ mbɔ̌ pʉʉ pi pʉʉ kɑ zɑ́pnɛ tʉ́m yʉ́ʉ nǔu Yɛ́su Kɛlístɔ pɑ́Ꞌ pɛk yɛ́k. Nɛzɑ́p tʉ́m nǔu Yɛ́su Kɛlístɔ, ɛ́ yúu tʉʉndɛn mbɔ̌ pʉʉ mbɑ mbɔ̌ pɛk ɡúu. Yɛ́su Kɛlístɔ kwɑꞋ jʉ́ kɑ ɡɛnɛ pɔ́Ꞌɔ mbɔ̌ pɛkŋɛ, mbíꞋŋɡɔ ɑ ɡɛ yúu nǔu mbɑ wɔ̌ lɑ́ pɔ ndʉ́ŋndʉŋ. A Sɛ́ wɛkŋɛ, ḿbɔ́ ŋu ẅí ɑ ɡɛnɛ pɛkŋɛ luk.

2 Pyɛ̂ 1:4

Ɛ́ kɑ fú pɔ́Ꞌɔ, ɑ ɡɑ́ mɛyúu tʉʉndɛn mbɔ̌ pɛkŋɛ, ɛ́ pɔ́ mi ɛ́ ńcẅɛ́lɛ́ wɛkŋɛ tɛꞋ, ḿbɔ́ yi ɑ kɑ kɑꞋnɛ, ŋ́ɡɑ́ pɔ́Ꞌɔ, nɛpɔ́ yi pɛkŋɛ ɡʉ ńdɛɛtɛ nǔu mîmɑ́ mɛyúu, ŋ́kuꞋ nɛkʉɔ mɛnu-ntsɛ́llɛ́ mi ɛ́ tsɛt yɔ mbí, ɛ́fú nǔu yúu mi mbʉʉ yɛkŋɛ tsʉ́ʉnɛ́nɛ wɛkŋɛ nɛɡɛ, kʉɔ pɔ́Ꞌɔ, ńtsʉ́Ꞌ ŋ́ɡẅɛɛ pɔ tsẅɛ́ wɛ jʉ́ Sɛ́.

2 Pyɛ̂ 3:14

Pɛsúu pɑ́ɑ pɛ́ tʉʉndɛn, ɛ́ yúu mi ɛ́ ɡɛnɛ, pʉʉ pɔ́ ńzẅíꞋlɛ yîyɑ́ lɛ́Ꞌlɑ́Ꞌ, ɛ́sɑ́Ꞌ tʉʉ ńnɑ́ŋ kɛ́ lɔ́Ꞌ. Pʉʉ pɔɔ ɡɛ yɛcɔ́ yúu mi Sɛ́ ɡʉ ŋ́kɑkŋɛ wʉ́ʉ nǔu pɔ́, pʉʉ pɛpɔ́p pɛn ḿbɔ́ kɛ́ cʉ́ɔk.

Jẅidɛ 1:24

Gúꞌlɛ pɔ́ mbɔ̌ ŋu ẅí ɑ kuꞋ nɛtʉ̈ɔ́Ꞌlɛ wʉ́ʉ tɛ pʉʉ pɔɔ vu, jʉ́ ẅi ɑ kuꞋ nɛɡɛ pʉʉ cẅɛt ńtʉ́ʉ nǔu zʉꞋ-nɛɡúꞋ yi kwɑꞋ jʉ́ ɑ zúꞋu tɛ lɔ́Ꞌ pɔɔ nǔu pʉʉ pɔ́, ḿbɔ́ ńtsɑ́ɑtɛ tsɑ́ɑtɛ́nɛ,

Mɛnu ɛ́ ńdɑ́Ꞌ ńcẅɛt 1:7

Pʉʉ kɛ́ ńjí ŋɡɔ ɑ sɛ́ ńtɔ́. A ɡʉ ńdɑ́Ꞌ ńtɔ́ pɔ tsɛt mɛlɑ́ɑ. Mbɑ wɔ̌ lɑ́ ɡʉ ńdɑ́Ꞌ ńzɑ́p lík nǔu wɛ́, tɛ mbɑ pʉɔ pi pɔ́p kɑ sɔpnɛ ɡúŋ ŋɡíi yɛ́. Pʉɔ ŋɡɔŋ nɛ́ ŋɡɔŋ ndǔ tsɛ́tsɑ́Ꞌ ɡʉ ńdɑ́Ꞌ ńzẅík ŋɡɔ́ɔ, ŋ́kʉ́ɔꞋ nɛvú ntɛ́ wɛ́. Ɔ́ɔŋ ɛ́ ɡʉ ńdɑ́Ꞌ ḿbɔ́ pɔ pɔ́Ꞌɔ, tɛ yúu pɔɔ nǔu kúpmɛ. Ɛ́ pɔ́ꞌɔ.

Mɛnu ɛ́ ńdɑ́Ꞌ ńcẅɛt 2:10

Ɛ́ nɛ́nẅín ŋɡɔ pʉʉ ɡʉ ńjʉ́ɔ ŋɡʉ̈ɔ́Ꞌ, lɑ́, kɔɔ pʉʉ kɛ́ ḿbɔ́k. Pʉʉ jí ŋɡɔ Sɑ́ttɑ ɡʉ ḿmɑꞋ pɛcɔ́ pʉɔ pʉ́ʉ ndɑ́tsɑ́ŋ nɛlɔk ŋ́kwɑꞋlɛ wʉ́ʉ ńjʉ́ɔ. Pʉʉ jʉ́ɔ ŋɡʉ̈ɔ́Ꞌ jʉ́ɔnɛ nǔu lɛ́Ꞌ lɑ́Ꞌ nɛɡɛ́m. Pʉʉ kɛ́ ńjí pɔ ndɑꞋ wɑ́ɑ, tɛ mbɑ pɑ́Ꞌ pɛ́ lɑɑ ḿbɔ́ ńjẅítɛ wʉ́ʉ ntɛ́ pɔ́Ꞌɔ. Mɔ, ŋ ɡʉ ńdɑ́Ꞌ ńtɔꞋ ŋɡúꞋ yʉʉ, ɛ́ pɔ́ pɑ́Ꞌ pʉʉ ɡʉ ńdɑ́Ꞌ ḿbɔ́ pɔ ɡú.

Mɛnu ɛ́ ńdɑ́Ꞌ ńcẅɛt 3:10

Pɑ́Ꞌ pʉʉ kɑ ɡẅɛɛnɛ sẅiŋɛ yɑ́ɑ tɛ ḿbɔɔ kɑ́ɑ lɑ́, mɔ yɑ́ɑ ŋ ɡʉ ŋ́ɡɛ ńtʉ̈ɔ́Ꞌlɛ wʉ́ʉ nǔu ŋkɑ́ yi ŋɡʉ̈ɔ́Ꞌ ɡʉ ŋ́ɡɛ ńtɔ́ ndǔ yɔ mbí tsʉʉ, ŋ́kwɑꞋlɛ pʉɔmɛsɔŋ pi pɔ́p ndǔ tsɛ́tsɑ́Ꞌ.

Mɛnu ɛ́ ńdɑ́Ꞌ ńcẅɛt 3:18

ŋ ɡʉ ŋ́kɛ́ ɛ́sẅíi wú ŋɡɔ ɔ tɔ́ mbɔ̌ mɔ, ńzúu tʉ́n-ŋɡɔ̂l yi pɛ́ kɑ lɔk mɔ́ múk ńcẅɛɛtɛ lɔ́Ꞌ ndǔmbí yɔ tsʉʉ, ŋ́ɡɔ́ɔ ŋ́kɛ́ ḿbɔ́ ŋɡɑŋyúu ŋkɔ̂ɔnɛ, ḿbɛn ńzúu mɛfúfú ndẅí mbɔ̌ mɔ, ńjí ŋɡɔ ɔ ɡʉ ŋ́ɡẅɛɛ ndẅí yi ɔ ɡʉ mɑꞋ, sʉ́ʉ pɔɔ pɛn ŋ́kɔ́ wú ŋɡɔ ɔ tʉ́ʉ kɛ́ zẅík ndẅí pɔ́. Ɔ ɡʉ ḿbɛn ńzúu fumík mbɔ̌ mɔ, ńníꞋ nǔu mík mú nɛpɔ́ yi ɔ ɡʉ jʉ́ɔ zʉꞋ.