1 Pyɛ̂ 1:10 - Kɑɑ Fí

¹⁰ Pɑcẅiŋkʉʉ-Sɛ́ kɑ cúnɛ nu nǔu ntɛ́ yi Sɛ́ kɑ niitɛ́nɛ ńzɑ́p pɑ́Ꞌ ɑ ɡʉ ńdɑ́Ꞌ ŋ́ɡɑ́ fuꞋ yʉ́ʉ pɔ́Ꞌɔ, pɔ́p kɑ fɑꞋ, ńtúŋtɛ ḿbíkŋɛ pɑ́Ꞌ ɛ́ ɡʉ ńdɑ́Ꞌ ńdɛɛ pɔ́Ꞌɔ, lɑ Sɛ́ ɡɛ pʉɔ luk.

1 Pyɛ̂ 1:10 교차 참조

Mɑtʉ̈ɔ 13:17

Lɑ́ ŋ kɛ́ ɛ́sẅíi wʉ́ʉ, kwɑꞋ nɛ́nẅín, pɛŋɡɛ́mndʉ̈ɔ́Ꞌ-Sɛ́ tɛ ńzɑ́ɑ, mbɑ pɛcɔ́ pɑzúꞋnɛ Sɛ́ kɑ tsɑ́ɑ nɛjʉ́ɔ mɛnu mí pʉʉ jʉ́ɔnɛ lɑɑ tɛꞋ, mbɔɔ jʉ́ɔ, ńtsɑ́ɑ nɛzúꞋ mɛnu mí pʉʉ zúꞋnɛ lɑɑ, mbɔɔ zúꞋ.

Mɑtʉ̈ɔ 26:24

Mɔ́ɔ-Ŋu ɡʉ ḿpfú, ɛ́ pɔ́ pɑ́Ꞌ pɛ́ kɑ cúnɛ tsɛt ŋwɑꞋnɛ-Sɛ́, lɑ́, pʉ́ktú ŋu ẅí ɑ ɛ́fɛn wɛ́. Mbi pɑ́Ꞌ pɛ́ ŋ́kɑɑ ŋ́ɡʉ ḿbí wɛ́ pɔ́.

Lúkɑ́shi 10:24

Lɑ́ ŋ kɛ ɛ́sẅíi wʉ́ʉ, nɛzɑ́ɑ pɛŋɡɛ́mndʉ̈ɔꞋ-Sɛ́, mbɑ pɛfɔɔ kɑ ńtsɑ́ɑ nɛjʉ́ɔ mɛnu mi pʉʉ jʉ́ɔnɛ lɑɑ tɛꞋ, lɑ́ ḿbɔɔ jʉ́ɔ, ńtsɑ́ɑ nɛzúꞋ mɛnu mi pʉʉ sɛ́ ńzúꞋ lɑɑ, lɑ́ ḿbɔɔ zúꞋ.»

Lúkɑ́shi 24:44

A kɑ kwɛ́t tɛ ḿmɛk, ńcú mbɔ̌ pɔ́p ŋɡɔ: «Pʉʉ jʉ́ɔ yúu mi ŋ kɑ pɔ́ ɛ́sẅíi wʉ́ʉ, ŋkɑ́ yi pɛkŋɛ kɑ pɛ́tnɛ ńjúk. Ŋ kɑ sẅíi wʉ́ʉ ŋɡɔ ɛ́ sɛ́ ḿbíkŋɛ ŋɡɔ yɛ́t kʉ̈ɔ́ lɑ́ yi pɛ́ kɑ ŋwɑꞋnɛnɛ nǔu mɔ lɑ́ puutɛ. Mɛnu ɛ̂mɑ́ tsʉʉ tsʉʉ mi ɛ́ tsɛt ŋwɑꞋnɛ-Mɔ̌sɛ̂ɛ, mbɑ tsɛt yi pɛŋɡɛ́mndʉ̈ɔ́Ꞌ-Sɛ́ pɔ́p yi mɛzɔpŋki.»

Jɑ̂ŋ 5:39

Pʉʉ mɔɔ ŋwɑꞋnɛ ndɛn kɑɑ-Sɛ́ tɛꞋ, mbíꞋŋɡɔ pʉʉ sɛ́ ŋ́kwɑŋɛ ŋɡɔ pʉʉ ɡʉ ńdɛɛ nǔu ŋ́ɡẅɛɛ luk kɛ́mɛ. Yɛ́tɛ kɛ́ nɛ cú ŋu ẅí mɔ jʉ́ pɔ́!

Jɑ̂ŋ 7:52

Lɑ́ pɛcɔ́ pʉɔ tsɔ́Ꞌ mbɔ̌ wɛ́ ŋɡɔ: «Ɔ yú ŋu-Ŋɡɑlilɛɛ kɛkʉ̈ɔ́? Ɔ lɑɑ ńdɔɔ sʉ́Ꞌnɛ, mbɔ ɔ ɡʉ ńjʉ́ɔ ŋɡɔ wɛcɔ́ ŋɡɛ́mndʉ̈ɔ́Ꞌ-Sɛ́ ŋkɑɑ mɔ́ cẅɛt Ŋɡɑlilɛɛ pɔ́.»

ŊwɑꞋnɛ-Gɑŋntúu Yɛ́su Kɛlístɔ 10:43

Jʉ́ zɛɛnɛ ḿbɔ́ ŋu ẅí pɛŋɡɛ́mndʉ̈ɔ́Ꞌ-Sɛ́ pɛtsʉʉ kɑ pɔ́ ńdɛꞋlɛ, pɑ́Ꞌ pɔ́p kɑ pɔ́ ńcú ŋɡɔ mbɑ wɔ̌ lɑ́ ẅi ɑ zɑ́pnɛ tʉ́m yɛ́ nǔu Yɛ́su, Sɛ́ ɡʉ ńdikŋɛ mɛnu kɛpɔŋ-ŋɡɑŋ ŋ́ɡɑ́ mbɔ̌ wɛ́, ntɛ́ wɛ́.

ŊwɑꞋnɛ-Gɑŋntúu Yɛ́su Kɛlístɔ 17:11

Pɑyúdɑ pinɛ pɔ́p nǔu yîyɑ́ tʉ́sɔŋ ɡẅɛɛ tʉ́m sʉ́Ꞌnɛ ńdɛɛ pinɛ pɔ́p Tɛsɑlɔnik. Pɔ́p pɛ́m sẅíŋɛ-Pɔ̂l pɔ́p Sílɑs nɛ́ tʉ́m sʉ́Ꞌnɛ, ḿbɔ́ lɛ́Ꞌ tsʉʉ, ḿbɔ́ ɛ́fúŋ ŋwɑꞋnɛ-Sɛ́, ńtúŋtɛ nu ŋ́ɡɑ́ nǔu, ńdɔɔ nɛjí kɛ nu yi pɔ́p sẅíinɛ wɔ́p, ɛ́ pɔ́Ꞌɔ ɔɔ.

ŊwɑꞋnɛ-Gɑŋntúu Yɛ́su Kɛlístɔ 28:23

Pɑyúdɑ cú pɔ́Ꞌɔ, pɔ́p pɛ́ Pɔ̂l tɑ́ŋ lɛ́Ꞌ yi pɔ́p pɛpɔ́p ɡʉ ŋ́ɡɛ ḿbɛn ḿbuutɛ. Lɛ́Ꞌ ɛ̂yɑ́ ɡɛ ŋ́kuꞋ, pɔ́p pɛn ńtɔ́, ŋ́kẅɛ́ɛtɛ wɛ́ zʉꞋ yi ɑ nɑ́ŋnɛ zúꞋu, ŋ́ɡɔ ńtɔ́ yîyɑ́ ku ńzɑ́ɑ tɛꞋ. Pɔ̂l kyɛ́Ꞌtɛ nu-nɛfɔɔ-Sɛ́ ɛ́sẅíi wɔ́p tɛ ɛ́fú mbɑꞋmbɑꞋɑ́ ŋ́kúu ntsuŋkẅɛ́Ꞌ, ńdɔɔ shʉ́ nɛɡɛ tɛ pɔ́p niitɛ ńjí ŋu ẅí Yɛ́su jʉ́, ḿbɔ́ ńcẅɛɛtɛ mɛnu tsɛt mɛŋwɑꞋnɛ nɛpʉ́ʉ-Mɔ̌sɛ̂ɛ mbɑ tsɛt mɛŋwɑꞋnɛ -pɛŋɡɛ́mndʉ̈ɔ́Ꞌ-Sɛ́.

ŊwɑꞋnɛ-Gɑŋntúu Yɛ́su Kɛlístɔ 7:52

Sẅíinɛ wɑ́ɑ nɛ lík-Ŋɡɛ́mndʉ̈ɔ́Ꞌ-Sɛ́ ẅi pɛtɑ̌ɑ ŋkɑɑ wɛ́ kʉʉnɛ. Pɔ́p kɑ jẅítɛ pʉɔ pi pɔ́p kɑ zɑ́Ꞌnɛ njí ḿbɔ́ ḿbʉ́ ŋɡɔ ŋu ẅí ɑ ndʉ́ŋndʉŋ zɛ́nɛjʉ́ ɡʉnɛ ŋ́ɡɛ ńtɔ́. Ŋu ndʉ́ŋndʉŋ ɛ̂wɑ́ ɑ Yɛ́su, ɑ kɑ kɛ́ mɔ́ ńtɔ́, pʉʉ wɔ jẅí wɛ́.

Ɛ́bɛlʉʉ 11:13

Pɔ́p pɛtsʉʉ kɑ ɡɔ́ ḿpfútɛ ḿbɔ́ ńzɑ́p tʉ́m yɔ́p pɔ nǔu Sɛ́, ŋ́kɛ́ ḿbɛ́t pɔ kɛ́ ɡẅɛɛ yúu mi Sɛ́ kɑ kɑꞋnɛ mbɔ̌ pɔ́p. Lɑ́ pɔ́p kɑ kɛ́ ńtʉ́ʉ ńjʉ́ɔ ɛ́ pɛ́t ŋɡɑ sɛsɑ, nu pɔŋ wɔ́p tɛꞋ, pɔ́p sɑ́ɑnɛ sɑ́ɑnɛ́nɛ ńcú ŋɡɔ pɔ́p ndǔ tsɛ́tsɑ́Ꞌ ḿbɔ́ pɔ pɛɡʉʉ, ḿbɛn ḿbɔ́ pɔ nɛɡwɑ́.

Ɛ́bɛlʉʉ 11:40

Pɔ́Ꞌɔ mbíꞋŋɡɔ Sɛ́ kɑ kwɑŋɛ yɛcɔ́ nu ńzɑ́p, ɛ́ pɔ́ yi sʉ́Ꞌnɛ mbɔ̌ pɛkŋɛ tɛꞋ. A kɑ pɔ́ ŋ́kɔŋ ŋɡɔ pɛkŋɛ pɛpɔ́p tɛmtɛ ḿbɔ́ pɛ́tsʉʉ, lɑ ɑ ɡɛ pɛkŋɛ pɛpɔ́p kuꞋ pʉɔ pɛ́ pɔ tɑ́Ꞌ ŋkɑ́.

1 Pyɛ̂ 1:11

Pɔ́p kɑ sɑ́Ꞌ tʉʉ nɛjí fʉꞋ-njí, mbɑ yúu mi ɛ́ ɡʉ ńdɑ́Ꞌ ńdɛɛ lɑ yúu mi Zẅikŋɛ-Kɛlístɔ kɑ pɔ́ ńdɛꞋlɛ wɔ́p ɡɛ. Yîyɑ́ Zẅikŋɛ yi ɛ́ kɑ pɔ́ nǔu pɔ́p, kɑ zɛɛ ńzɑ́Ꞌ njí ḿbɔ́ ńdɛꞋlɛ wɔ́p nɛ́ ŋɡʉ̈ɔ́Ꞌ yi Kɛlístɔ ɡʉ ŋ́ɡɛ ńjʉ́ɔ tɛ mbɑ nɛɡúꞋ ẅi ɛ́ ɡʉ ńdɑ́Ꞌ ḿbɑ́ɑtɛ ŋɡʉ̈ɔ́Ꞌ yɛ́ ɛ̂yɑ́.

1 Pyɛ̂ 1:13

Pɔ́Ꞌɔ, jínu yʉ́ʉ tʉ́ʉ pɔ nǔu nɛɡɛ yúu nǔu ntɛ́ yɛ́ pʉɔ-Sɛ́, kɔɔ pʉʉ pɛ́ jínu, pʉʉ nɑ́ŋ ḿbɔ́ ńniitɛ ńzẅíꞋlɛ fuꞋ yi Sɛ́ ŋ́ɡɛ ŋ́ɡɑ́ mbɔ̌ pʉʉ, nǔu ŋkɑ́ yi Yɛ́su Kɛlístɔ ɡʉ ŋ́ɡɛ ńtɔ́.