1 Jɑ̂ŋ 5:18 - Kɑɑ Fí

¹⁸ Pɛkŋɛ sɛ́ ńjí ŋɡɔ ŋu pɔ́ tɛ ńtsʉ́Ꞌ mɔ́ɔ-Sɛ́, mbɔɔ pɛn ńnɑ́ŋ ɛ́fɑɑnɛ nu fɑɑnɛ́nɛ pɔ́, mbíꞋŋɡɔ mɔ́ɔ-Sɛ́ sɛ́ ńtík wɛ́, ŋu kɛpɔŋ pɔɔ ɡẅɛɛ shʉ́ nɛzɑ́p pɔ́ nǔu wɛ́ pɔ́.

1 Jɑ̂ŋ 5:18 교차 참조

Mɑtʉ̈ɔ 5:37

Ɔ́ɔŋ wʉʉ pɔ́ pɔ Ɔ́ɔŋ, ŋɡɑ́ŋ wʉʉ pɔ́ pɔ ŋɡɑ́ŋ, yi pɛ́ kẅiꞋnɛ nǔu fú mbɔ̌ Sɑttɑ.

Mɑtʉ̈ɔ 6:13

Kɔɔ nɑ́ wɛk pɛk kúu tsɛt ŋkwɑꞋnɛ, cẅɛ́ɛ wɛ́k mbɔ̌ Sɑ́ttɑ. MbíꞋŋɡɔ ɡu pɔ́nɛ fɔɔ, mɛtʉʉ tsʉʉ pɛn ḿbɔ́ pɔ mú, pɛ́ sɛ́ ŋ́ɡúꞋlɛ pɔ ndɑꞋ wú mɛŋɡuꞋ mɛŋɡuꞋ. Ɛ́ pɔ́Ꞌɔ.»

Jɑ̂ŋ 1:13

Nɛpɔ́ pʉɔ-Sɛ́, pɔɔ pɔ́ nǔu nɛkɔŋ wɛ ŋumɛsɔŋ pɔ́. Nɛpɔ́ pʉɔ-Sɛ́, Sɛ́ kɔŋnɛ yîyɑ́ ntɛ́ nɛpí.

Jɑ̂ŋ 14:30

«Tɛ fúnɛ ŋkɔ̂ɔnɛ pɛkŋɛ kɛ́ pɛn ŋ́ɡɛ ɛ́sẅíŋɛ pɔ́. Ɛ́ mbíꞋŋɡɔ fɔɔ ẅí ɑ sɑ́Ꞌnɛ yɔ píimbí sɛ́ ńtɔ́. A kɑ́ ɡẅɛɛ shʉ́ nɛɡɛ yúu nǔu mɔ pɔ́.»

Jɑ̂ŋ 15:4

«Pʉʉ lɑtnɛ nǔu mɔ, pɑ́Ꞌ n dɑtnɛ́nɛ yɑ́ɑ nǔu pʉʉ! Pɔ́tʉ́ lɑɑ mbɔɔ lɑtnɛ nǔu nɛtsɛ́n-tʉ́ pɔ́, mbɔ ɛ́ kɛ́ kuꞋ nɛzɛ́m mɛntɑ́ɑ pɔ́. Ɛ́ ndʉ́ŋndʉŋ pɑ́Ꞌ pʉʉ lɑɑ mbɔɔ tɛmtɛ nǔu mɔ pɔ́, pʉʉ pɔɔ kuꞋ nɛɡɛ yɛcɔ́ yúu tɛ ɛ́ pɔŋ pɔ́.»

Jɑ̂ŋ 15:7

«Pʉʉ lɑɑ ńdɑtnɛ mbʉʉ yʉʉ nǔu mɔ, sẅiŋɛ yɑ́ɑ pɔ́ tsɛt tʉ́m pʉʉ, pʉʉ lɔ́ɔ yúu mi pʉʉ kɔŋnɛ, mbɔ pɛ́ ɡʉ ŋ́ɡɑ́ yîyɑ́ yúu mbɔ̌ pʉʉ.»

Jɑ̂ŋ 15:9

«Pɑ́Ꞌ Tɑ̌ɑ mɔ kɔŋnɛ wɑ́ɑ lɑ́, mbɑ mɔ yɑ́ɑ, ŋ kɔŋ wʉ́ʉ. Pʉʉ lɑt mbʉʉ yʉʉ nǔu mɔ nǔu ntɛ́ yi ŋ ɡʉ ŋ́kɛ́ ḿbɔ́ ŋ́kɔŋ wʉ́ʉ kɔŋnɛ.»

ŊwɑꞋnɛ-Gɑŋntúu Yɛ́su Kɛlístɔ 11:23

A ɡʉ tɛ ŋ́kúu zúꞋu, ńjʉ́ɔ yɛ́ pɑ́Ꞌ Sɛ́ líŋɛ́nɛ pʉɔ pi pɔ́ zɑ́pnɛ tʉ́m nǔu wɛ́ pɔ́Ꞌɔ, nu pɔŋ wɛ́ tɛꞋ. A níꞋ mɛtʉʉ mɔ́p pɛ́tsʉʉ, ŋɡɔ pɔ́p kɛ ńjí pɔ ndɑꞋ Tsɑpʉɔ, ḿbɛn ńcʉŋɛ pɔ nǔu wɛ́.

Jɑ̂k 1:18

Jʉ́ kɑ kɔŋnɛ, ńdɔk sẅiŋɛ yi ɛ́ nɛ́nẅín, ŋ́ɡɛ pɛkŋɛ luk, nɛpɔ́ yi pɛkŋɛ ɡʉ ḿbɔ́ mbɔ̌ wɛ́, ḿbɔ́ ntú-nu nǔu ŋɡɔŋ kʉ̈ɔ́ lɑ́ yi ɑ kɑ ɡɛnɛ.

Jɑ̂k 1:27

Nɛɡɛ ŋɡɔ nu-Sɛ́ pɔ́ kɛ́ lɔ́Ꞌ, ɛ́ píkŋɛ ŋɡɔ ŋu líŋɛ pɔ́ɔ pɛcí mbɑ pɛpfúk tsɛt ŋɡʉ̈ɔ́Ꞌ yɔp, ḿbɔ́ ŋu ẅí ɑ pɑ́ɑ mbʉʉ yɛ, ḿbɔ́k ntsɛ́llɛ́ nɛpʉ́ʉpɛ wɛ́.

1 Pyɛ̂ 1:23

Pɛ́ kɑ zɛɛ ḿbí wʉ́ʉ nɛpí wɛ fí, tɛ ɛ́ kɑ́ pɔ́ pɔ nɛpí wɛ ŋumɛsɔŋ ẅí ɑ ḿpfú pɔ́. Ɛ́ pɔ́ pɔ ẅi ɛ́ fúnɛ nǔu mbiyúu mi ɛ́ kɛ́ lɑ́Ꞌ ḿpfú pɔ́, yîyɑ́ mbiyúu pɔ́ sẅiŋɛ-sɛ́ yi ɛ́ ɡɑ́nɛ kwɑꞋ luk, ḿbɔ́ yi ɛ́ ɡʉ ńdɑ́Ꞌ ḿbɔ́ pɔ ɡú.

1 Jɑ̂ŋ 2:29

Pʉʉ sɛ́ ńjí ŋɡɔ Kɛlístɔ ɡɛ yúu mi ɛ́ ndʉ́ŋndʉŋ mbi Sɛ́, pɔ́Ꞌɔ lɑ́ pʉʉ pɛn ńjí ŋɡɔ ŋu lɑɑ ŋ́ɡɛ yúu mi ɛ́ ndʉ́ŋndʉŋ mbi Sɛ́, mbɔ ɑ ɡʉ ńtsʉ́Ꞌ mɔ́ɔ-Sɛ́.

1 Jɑ̂ŋ 3:12

Kɔɔ pɛkŋɛ pɔ́ pɑ́Ꞌ Kɑyin ẅí ɑ kɑ pɔ́ nzʉʉ-Sɑ́ttɑ, ńjẅí mɔ́ɔmɑ́ wɛ pí tɑ́Ꞌ mɑŋɡɛ́. A kɑ jẅí wɛ́ mɛlɑ́Ꞌ kʉ̈ɔ́? Ɛ́ kɑ pɔ́ mbíꞋŋɡɔ mɛfɑꞋ mɛ́ kɑ pɔ́ mɛ́ kɛpɔŋ, mɛ́ mɔ́ɔmɑ́ wɛ pɔ́ mi ɛ́ ndʉ́ŋndʉŋ mbi Sɛ́.

1 Jɑ̂ŋ 3:3

Mbɑ wɔ̌ lɑ́ ẅi ɑ nɑŋnɛ ḿbɔ́ ńzẅíꞋlɛ ŋɡɔ Kɛlístɔ ɡɛ yɔ nu, ɑ nɑ́ŋ ḿbɑ́ɑ pɑ́Ꞌ mbɔ lɔ́Ꞌ pɔ́ nǔu wɛ́, mbíꞋŋɡɔ Kɛlístɔ kɛ́ lɔ́Ꞌ.

1 Jɑ̂ŋ 3:9

Mbɑ wɔ̌ lɑ́ ẅi ɑ piitɛ́nɛ tɛ ńtsʉ́Ꞌ mɔ́ɔ Sɛ́, ɑ kɑ́ pɛn ńnɑ́ŋ ŋ́ɡɛ nu kɛpɔŋ pɔ́, mbíꞋŋɡɔ luk yi ɛ́ fúnɛ nǔu Sɛ́ ɛ́ nǔu wɛ́ ḿbɔ́ pɑ́Ꞌ mbiyúu lɑ́. A kɑ́ pɛn ŋ́kuꞋ nɛɡɛ nu kɛpɔŋ pɔ́, mbíꞋŋɡɔ ɑ mɔ́ɔ-Sɛ́.

1 Jɑ̂ŋ 4:6

Ɛ́ ɡʉ nǔu pɛkŋɛ, mbɔ pɛkŋɛ nǔu ɡúŋ-Sɛ́. Ŋu ẅí ɑ sɛ́ ńjí Sɛ́ ɑ sɛ́ ńzẅíꞋlɛ nu yi pɛkŋɛ cúnɛ. Ŋu ẅí ɑ kɑ́ pɔ́ nǔu ɡúŋ-Sɛ́ pɔ́, ɑ pɔɔ yɛkŋɛ nu zẅíꞋlɛ. Pɛkŋɛ fú pɔ pɔ́Ꞌɔ, lɑ́ ńjí nu nɛ́nẅín, ńjí cɔtnu.

1 Jɑ̂ŋ 5:1

Ŋu ẅí ɑ pɛ́mnɛ ŋɡɔ Yɛ́su Nzɑ́Ꞌŋkʉ, ɑ mɔ́ɔ-Sɛ́. Ŋu ẅí ɑ kɔŋnɛ Sɛ́ Tɑ́t, ɑ pɛn ŋ́kɔŋ mbɑ pɔ́ɔ-Sɛ́.

1 Jɑ̂ŋ 5:15

Pɑ́Ꞌ pɛkŋɛ sɛ́ ńjí ŋɡɔ Sɛ́ sɛ́ ńzúꞋ nu yɛkŋɛ lɑ́, pɛkŋɛ pɛn ḿbɔ́ ńjí ŋɡɔ pɛkŋɛ lɑɑ ńdɔ́ɔ pɔ kʉ̈ɔ́ mbɔ̌ wɛ́ lɑ́, mbɔ ɑ ɡʉ ŋ́ɡɑ́ yúu mi pɛkŋɛ lɔ́ɔnɛ mbɔ̌ pɛkŋɛ.

1 Jɑ̂ŋ 5:19

Pɛkŋɛ sɛ́ ńjí ŋɡɔ pɛkŋɛ pɔ́ɔ-Sɛ́, lɑ́ ndǔmbí tsʉʉ zúꞋ pɔ mbɔ̌ ŋu kɛpɔŋ.

1 Jɑ̂ŋ 5:20

Pɛkŋɛ sɛ́ ńjí ŋɡɔ mɔ́ɔ-Sɛ́ kɑ tɔ́ ŋ́ɡɑ́ wɛkŋɛ nɛ́ jínu pɑ́Ꞌ pɛkŋɛ ɡʉ ńdɔk ńjí kwɑꞋ Sɛ́ wɛ nɛ́nẅín, pɛk kɑ lúꞋnɛ pɔ jʉ́ Yɛ́su Kɛlístɔ lɑ pɛkŋɛ pɛ Sɛ́ wɛ nɛ́nẅín tsʉ́Ꞌnɛ ńnɑ́ŋ, mbɔ pɛkŋɛ pɛ́pɔ́p kɑ ńtɛmtɛ mɔ́.

1 Jɑ̂ŋ 5:21

Mbɔ́ŋkʉ̈ɔ́ pɑ́ɑ, pʉʉ lɑk tú yʉ́ʉ nǔu yúu mi pʉɔ ɡúꞋlɛ́nɛ ŋɡɔ ɛ́ sɛ́.

1 Jɑ̂ŋ 5:4

MbíꞋŋɡɔ mbɑ wɔ̌ lɑ́ ẅí ɑ mɔ́ɔ-Sɛ́, tɛn ńdɛɛ mbɑ kʉ̈ɔ́ lɑ́ yi ɛ́ tɑɑtɛnɛ wɛ́ ndǔmbí. Yúu mi ɛ́ ɡɛnɛ pɛkŋɛ tɛn ńdɛɛ ndǔmbí, ɛ́ pɑ́Ꞌ pɛkŋɛ zɑ́pnɛ tʉ́m nǔu Yɛ́su Kɛlístɔ.

Jẅidɛ 1:21

Pʉʉ ɡɛ Sɛ́ kɛ́ ḿbɔ́ ŋ́kẅiꞋ ŋ́kɔŋ wʉ́ʉ kɔŋnɛ, ḿbɔ́ ńzẅíꞋlɛ ŋɡɔ Tsɑpʉɔ wɛkŋɛ Yɛ́su Kɛlístɔ ŋ́ɡʉ ŋ́ɡɛ pʉʉ ɡẅɛɛ luk kɛ́mɛ, mbíꞋŋɡɔ ɑ tsɑ́ɑ mɛjʉ́ŋ mʉ́ʉ.

Jẅidɛ 1:24

Gúꞌlɛ pɔ́ mbɔ̌ ŋu ẅí ɑ kuꞋ nɛtʉ̈ɔ́Ꞌlɛ wʉ́ʉ tɛ pʉʉ pɔɔ vu, jʉ́ ẅi ɑ kuꞋ nɛɡɛ pʉʉ cẅɛt ńtʉ́ʉ nǔu zʉꞋ-nɛɡúꞋ yi kwɑꞋ jʉ́ ɑ zúꞋu tɛ lɔ́Ꞌ pɔɔ nǔu pʉʉ pɔ́, ḿbɔ́ ńtsɑ́ɑtɛ tsɑ́ɑtɛ́nɛ,

Mɛnu ɛ́ ńdɑ́Ꞌ ńcẅɛt 2:13

Mɔ sɛ́ ńjí zʉꞋ yi pʉʉ nɑ́ŋnɛ zúꞋu. KɔꞋ-nɛfɔɔ-Sɑ́ttɑ tʉ́ʉ zúꞋu lɑ́, ŋ kɛ́ ḿbɔ́ ńjí ŋɡɔ pʉʉ tsuŋ ńcʉŋɛ pɔ nǔu mɔ. Pʉʉ ŋkɑɑ mɔ́ nɑ́ nɛzɑ́p tʉ́m nǔu mɔ pɔ́, tɛ mbɑ nǔu mɛlɛ́Ꞌ mi pɛ́ kɑ jẅínɛ Aŋntipɑs lɑ́Ꞌ pʉʉ, nǔu zʉꞋ yi Sɑ́ttɑ nɑ́ŋnɛ zúꞋu. Aŋntipɑs kɑ pɔ́ ŋu ńcú yɛ́ pɔ ndɑꞋ nu yi ɑ jínɛ nǔu mɔ.