21 Nɛpʉ́ʉ ni Kɛlístɔ kɑ ɡɑ́nɛ mbɔ̌ pɛkŋɛ, ɛ́ pʉ́ɔ. Ŋu lɑɑ ŋ́kɔŋ Sɛ́, ɑ pɛn ŋ́kɔŋ mɔ́ɔmɑ́ wɛ ŋumɛsɔŋ.
Pʉʉ kɑ zúꞋ ŋɡɔ pɛ́ kɑ cú ŋɡɔ: «Ŋu kɔŋ mɔ́ɔmɑ́ wɛ ŋumɛsɔŋ, ḿbɑɑ ŋɡɑŋmbuu wɛ.»
A cú ŋɡɔ: «Ŋ kwɑŋɛ ŋɡɔ ɑ ŋu ẅi ɑ kɑ tsɑ́ɑnɛ mɛjʉ́ŋ mɛ́, ńzɔŋ wɛ́.» Yɛ́su cú mbɔ̌ wɛ́ ŋɡɔ: «Gʉ, kwɑꞋ ɡu yú nɑ́ŋ ŋ́ɡɛ yú pɔ́Ꞌɔ.»
Nɛpʉ́ʉ nɑ́ɑ pʉ́ɔlɑɑnɛ: «Pʉʉ kɔŋɛ pʉʉ nɛ́ pʉʉ pɑ́Ꞌ ŋ kɑ kɔŋnɛ wʉ́ʉ lɑ́.»
MbíꞋŋɡɔ nu yi ɛ́ kútnɛ mɛtú mɛnu mi ɛ́ tsɛt nɛpʉ́ʉ cú ŋɡɔ: Kɔŋ mɔ́ɔmɑ́ wu ŋumɛsɔŋ pɑ́Ꞌ túmbʉʉ yú.
MbíꞋŋɡɔ ŋu lɑɑ ńdɑt mbʉʉ nǔu Kɛlístɔ, mbɔ pɛ́ kɛ́ púꞋ wɛ́ pɔ́, kɛ nɛnɑ́ kɛ́ púꞋ wɛ́ ɔɔ, mbɔ ɛ́ kɑ́ pɔ́ yɛcɔ́ nu pɔ́. Nɛzɑ́p tʉ́m nǔu Kɛlístɔ ḿbɛn ŋ́kɔŋ pʉɔmɛsɔŋ pɔ́nɛ nu.
Yɛcɔ́ yúu mi m bɔ́ ŋ́ŋwɑꞋnɛ ŋ́ɡɑ́ mbɔ̌ pʉʉ ntɛ́ ŋkɔŋɛ tsɛtsɛt pɔ́ɔpɛ́mɑ́ ɛ́ kɑ́ pɔ́ ɡú pɔ́, n cú mbíꞋŋɡɔ pʉʉ kɑ zíꞋ pɔ kwɑꞋ mbɔ̌ Sɛ́ nɛkɔŋ mɛmbʉʉ mʉ́ʉ.
Mɔ ŋ́ɡɔ́ ńdẅiklɛ, ńcú ŋkɔ̂ɔnɛ mbɔ̌ pʉɔ tsʉʉ ŋɡɔ, pʉʉ ɡẅɛɛ tɑ́Ꞌ ntsu, ŋu wʉʉ jʉ́ɔ nu-ŋu pɑ́Ꞌ yɛ́, ḿbɔ́ ŋɡɑŋ tsɑ́ɑ mɛjʉ́ŋ, ŋ́ɡẅɛɛ ŋkɔŋɛ tsɛtsɛt pɔ́ɔpɛ́mɑ́, ŋ́ɡɑ́ mbʉʉ sɛ́.
Nduŋmbi yúu mi pʉʉ ɡʉ ŋ́ɡɛ, ɑ pʉʉ nɛɡẅɛɛ ŋkɔŋɛ tsɛtsɛt pʉʉ, mbíꞋŋɡɔ ŋkɔŋɛ píknɛ nɛlʉ́m mɛnu kɛpɔŋ.
Pɛsúu pɑ́ɑ pɛ́ tʉʉndɛn, yɔ kɑ́ pɔ́ pɔ nɛpʉ́ʉ fí ni ŋ ŋwɑꞋnɛ́nɛ ŋkɔ̂ɔnɛ ŋ́ɡɑ́ mbɔ̌ pʉʉ pɔ́, ɛ́ pɔ́ pɔ ndwɛn nɛpʉ́ʉ ni pʉʉ sɛ́ ńjí tɛ ɛ́fú nzɛnɛ, nînɑ́ ndwɛn nɛpʉ́ʉ pɔ́ pɔ sẅiŋɛ yi pʉʉ kɑ zúꞋnɛ.
Nu yi pʉʉ kɑ zúꞋnɛ tɛ ɛ́fúnɛ nzɛnɛ ɛ́ pɔ́ pɔ ŋɡɔ: Pɛkŋɛ ɡẅɛɛ ŋkɔŋɛ tsɛtsɛt pɛkŋɛ.
Pɛkŋɛ fú nǔu pɑ́Ꞌ pɛkŋɛ sɛ́ ŋ́kɔŋ pɔ́ɔpɛ́mɑ́ pɛkŋɛ, ńjí ŋɡɔ pɛkŋɛ kɑ́ pɛn ḿbɔ́ pɛpfú pɔ́, pɛkŋɛ ntʉʉ. Ŋu ẅí ɑ kɑ́ kɔŋ ŋumɛsɔŋ pɔ́, pɛ́t ḿbɔ́ pɔ mpfú.
Mbɔ́ŋkʉ̈ɔ́ pɑ́ɑ, kɔɔ pɛkŋɛ lɔk pɔ ndɑꞋ ntsu ńcú mbɔ̌ ŋu ŋɡɔ pɛkŋɛ kɔŋ wɛ́. Lɑ́ ɛ́ kɛ́ ḿbɔ́ pɔ ŋkɔŋɛ-mɛkup-ntsu. Pɛkŋɛ lɔk pɔ yúu mi pɛkŋɛ ɡɛnɛ, lɑ́ ɛ́ pɔ́ nu nɛ́nẅín ŋɡɔ pɛkŋɛ sɛ́ ŋ́kɔŋ wɛ́.
Nɛpʉ́ʉ nɛ́ ɛ̂nɑ́, ɛ́ pɔ ŋɡɔ: Pɛkŋɛ zɑ́p tʉ́m nǔu Mɔ́ɔ nɛ Kɛlístɔ, ḿbɛn ŋ́ɡẅɛɛ ŋkɔŋɛ tsɛtsɛt pɛkŋɛ, ɛ́ nɛpʉ́ʉ ni Yɛ́su kɑ zɑ́pnɛ ŋɡɔ pɛkŋɛ nɛn nǔu.
Pɛsúu pɑ́ɑ pɛ́ tʉʉndɛn, ɛ́ lɑɑ ḿbɔ́ yi Sɛ́ kɑ kɔŋ wɛkŋɛ pɑ́Ꞌnɛ, mbɔ ɛ́ sɛ́ ḿbíkŋɛ ŋɡɔ pɛkŋɛ ɡúu ɡẅɛɛ ŋkɔŋɛ tsɛtsɛt pɛkŋɛ.
