1 Jɑ̂ŋ 4:14 - Kɑɑ Fí

¹⁴ Pɛk kɑ lɔk mík mɛ́k ńjʉ́ɔ tɛ ḿbɔ́ ńcú pɑ́Ꞌɑ, ḿbɔ́ pɑjʉ́njʉ́ɔ nǔu pɑ́Ꞌ ɑ kɑ túunɛ Mɔ́ɔ nɛ, pɑ́Ꞌ ɑ ḿbɔ́ ŋu ẅí ɑ ŋ́ɡɛ pʉɔ-ndǔmbí luk.

1 Jɑ̂ŋ 4:14 교차 참조

Jɑ̂ŋ 1:14

Sẅiŋɛ kɑ tsʉ́Ꞌ ŋumɛsɔŋ, ńtɔ́ ńtswɛ́ tsɛtsɛt pɛkŋɛ, pɛkŋɛ jʉ́ɔ nɛɡúꞋ wɛ, ɛ́ pɔ́ nɛɡúꞋ Mɔ́ɔ wɛ́mɔ́Ꞌ ẅi ɑ fúnɛ mbɔ̌ Tɑ̌ɑ, ŋ́ɡẅɛɛ pɔŋ tʉ́m, ńnyɛt pɔ nu nɛ́nẅín.

Jɑ̂ŋ 1:29

Njí ɡɛ ŋ́kiɛ, Jɑ̂ŋ jʉ́ɔ Yɛ́su pɔ́ ńtɔ́, ɑ cú ŋɡɔ: «Yɔ Mɔ́ɔ-Njinjɔ ẅí Sɛ́ lɔknɛ ɛ́fɛꞋ ndɔɔ-mɛnu mí pʉɔ kɑ ɡɛnɛ.»

Jɑ̂ŋ 10:36

mɔ m bɛn ńtʉ́ʉ pɑ́Ꞌɑ ḿbɔ́ ŋu ẅí Tɑ̌ɑ mɔ Sɛ́ kɑ tsɔ́Ꞌnɛ ńtúu ndǔ yɔ mbí, mbíꞋŋɡɔ n cúnɛ ŋɡɔ mɔ mɔ́ɔ-Sɛ́, pʉʉ cú ŋɡɔ n zɔɔtɛ Sɛ́?

Jɑ̂ŋ 12:47

Ŋu lɑɑ zúꞋ sẅiŋɛ yɑ́ɑ mbɔɔ ɡẅɛɛ, mbɔ mɔ kɛ́nɛ ŋɑk wɛ́ pɔ́. MbíꞋŋɡɔ mɔ ŋkɑɑ tɔ́ ndǔmbí nɛŋɑk pʉɔ pɔ́. Ŋ kɑ tɔ́ nɛɡɛ pʉɔ luk.»

Jɑ̂ŋ 3:11

Lɑ́ ɛ sẅíi wú, kwɑꞋ nɛ́nẅín, pɛk cú nu nǔu yúu mi pɛk sɛ́ ńjí, ńcú yi pɛk sɛ́ ńjí nǔu yúu mi pɛk kɑ jʉ́ɔnɛ, lɑ́ pʉʉ kɑ́ kɛ́ ḿbɛ́m nu yí pɛk cúnɛ pɔ́.»

Jɑ̂ŋ 3:32

A cú nu yí ɑ jínɛ nǔu yúu mi ɑ kɑ jʉ́ɔnɛ mbɑ yi ɑ kɑ zúꞋnɛ, lɑ́ ŋu pɔɔ pɛ́m.

Jɑ̂ŋ 3:34

Ŋu ẅí Sɛ́ túunɛ wɛ́, ɑ cú mɛnu mí ɛ́ fúnɛ mbɔ̌ Sɛ́, mbíꞋŋɡɔ Sɛ́ ɡɑ́ Zẅikŋɛ yɛ́ mbɔ̌ wɛ́ kɛ́ ndẅiklɛ.

Jɑ̂ŋ 4:42

Ḿbɔ́ ńcú mbɔ̌ mɑŋɡɛ́ ɛ̂wɑ́ ŋɡɔ: «Pɛk kɑ́ pɛ́t ńzɑ́p tʉ́m nǔu Yɛ́su ntɛ́ pɔ sẅiŋɛ yú ndɑꞋ pɔ́, pɛk zɑ́p tʉ́m nǔu wɛ́ ŋkɔ̂ɔnɛ, mbíꞌŋɡɔ pɛk yɛ́k tsuŋ ńzúꞋ sẅiŋɛ yɛ́, lɑ ńjí ŋɡɔ ɑ ŋu ẅí ɑ ɡʉ ŋ́ɡɛ pʉɔmɛsɔŋ pínɛ pɔ́p ndǔmbí luk.»

Jɑ̂ŋ 5:39

Pʉʉ mɔɔ ŋwɑꞋnɛ ndɛn kɑɑ-Sɛ́ tɛꞋ, mbíꞋŋɡɔ pʉʉ sɛ́ ŋ́kwɑŋɛ ŋɡɔ pʉʉ ɡʉ ńdɛɛ nǔu ŋ́ɡẅɛɛ luk kɛ́mɛ. Yɛ́tɛ kɛ́ nɛ cú ŋu ẅí mɔ jʉ́ pɔ́!

ŊwɑꞋnɛ-Gɑŋntúu Yɛ́su Kɛlístɔ 18:5

Sílɑs pɔ́p Timɔtɛ̂ɛ ɡɛ ḿbɔ́ tɛ ɛ́fú pɑk-ŋɡɔŋ-Mɑsɛ́ndwɑn ńtɔ́, Pɔ̂l tsʉ́Ꞌ ńníꞋ tú yɛ́ pɔ ndɑꞋ nɛsẅíi nu-Sɛ́, ḿbɔ́ ńniitɛ ŋ́kyɛ́Ꞌtɛ, ɛ́sẅíi pɑyúdɑ ŋɡɔ Yɛ́su pɔ́nɛ Nzɑ́Ꞌŋkʉ ẅi pɔ́p tswɛ́nɛ ḿbyɛ́p.

1 Pyɛ̂ 5:12

Sílɑs kɑ cẅɛ́lɛ́ wɑ́ɑ nɛŋwɑꞋnɛ wɔ mɔ́yúu ŋwɑꞋnɛ. A mbɔ̌ mɔ ḿbɔ́ mɔ́ɔmɑ́ ẅí ɑ jí yɛ́ pɔ ndɑꞋ nu-Yɛ́su. Ŋ ɡɑ́ yɔ ŋwɑꞋnɛ mbɔ̌ pʉʉ nɛlɔk ńníꞋ mɛtʉʉ mʉ́ʉ mbɑ nɛlɔk ńniitɛ ɛ́sẅíi wʉ́ʉ nɛ́ ntɛ́ yi Sɛ́ kɑ lɔknɛ mɛnu sʉ́Ꞌnɛ ŋ́ɡɑ́ fuꞋ níinɛ yɛkŋɛ, kwɑꞋ pɑ́Ꞌ ŋ ŋwɑꞋnɛnɛ lɑɑ. Pʉʉ tɛntɛ nǔu mɛnu ɛ̂mɑ́ sʉ́Ꞌnɛ.

1 Jɑ̂ŋ 4:10

Ŋkɔŋɛ kɑ pɔ́ pɔ pɑ́Ꞌnɛ. Pɛkŋɛ ŋkɑɑnɛ kɛ́ ŋ́kɔŋ Sɛ́ pɔ́, jʉ́ kɑ kɔŋnɛ wɛkŋɛ. A kɑ kɔŋ wɛkŋɛ kɔŋnɛ tɛ ńtúu Mɔ́ɔ nɛ, ɑ tɔ́ ńdɔk tú yɛ́ ńnɔŋ pɔꞋ mbíꞋ wɛkŋɛ, ɛ́ yúu mi ɛ́ ɡɛnɛ Sɛ́ likŋɛ mɛnu kɛpɔŋ mɛkŋɛ.

1 Jɑ̂ŋ 5:9

Pʉɔmɛ́sɔŋ cú yúu mi pɔ́p jínɛ nǔu nu, pɛkŋɛ zúꞋ ḿbɛ́m ŋɡɔ ɛ́ nu nɛ́nẅín. Yúu mi Sɛ́ cúnɛ nǔu nu ɛ́ pɛn ńdɛɛ yi pʉɔmɛsɔŋ cúnɛ. A lɔk mɛnu mɛ́ntɑ́t mîmɑ́, ńcú nu nǔu nu-Mɔ́ɔ nɛ.