23 Nɛpʉ́ʉ nɛ́ ɛ̂nɑ́, ɛ́ pɔ ŋɡɔ: Pɛkŋɛ zɑ́p tʉ́m nǔu Mɔ́ɔ nɛ Kɛlístɔ, ḿbɛn ŋ́ɡẅɛɛ ŋkɔŋɛ tsɛtsɛt pɛkŋɛ, ɛ́ nɛpʉ́ʉ ni Yɛ́su kɑ zɑ́pnɛ ŋɡɔ pɛkŋɛ nɛn nǔu.
Nɛpʉ́ʉ mbɑ́ɑtɛ yɛ́pɑ́ ni ɛ́ fínɛ nɔ pɔ́ ŋɡɔ: «Ɛ́ sɛ́ ḿbíkŋɛ ŋɡɔ ɔ Kɔŋ ŋumɛsɔŋ pɑ́Ꞌ túmbʉʉ yú.»
Pɔ́p ɡɔ́ ńjʉ́ɔ, yɛcɔ́ lɑ́ɑ cúŋ, ŋ́kẅíipɛ wɔ́p. Ŋɡi-ŋu fú tsɛtú ńcú ŋɡɔ: «Yɔ Mɔ́ɔ wɑɑ, ŋ kɔŋ wɛ́ tɛꞋ. Pʉʉ zúꞋ ntsu wɛ́,»
Lɑ́, pʉɔ tsʉʉ pí pɔ́p ńzɑ́pnɛ tʉ́m nǔu wɛ́, ɑ lɔk wɔ́p ŋ́ɡɛ pʉɔ-Sɛ́.
Ŋ ɡʉ ŋ́ɡɑ́ nɛpʉ́ʉ nɛ fí mbɔ̌ pʉʉ, ɛ́ pɔ́ ŋɡɔ: «Pʉʉ kɔŋɛ pʉʉ nɛ́ pʉʉ. Pɑ́Ꞌ ŋ kɑ kɔŋnɛ wʉ́ʉ lɑ́, pʉʉ yʉ́ʉ kɔŋɛ pʉʉ nɛ́ pʉʉ.
Yɛ́su pɛn ńcú mbɔ̌ ɡɑŋku pɛ́ ŋɡɔ: «Kɔɔ tʉ́m yʉ́ʉ pɛn ḿbɑ́klɛ. Pʉʉ zɑ́p tʉ́m yʉ́ʉ nǔu Sɛ́, ḿbɛn ńzɑ́p tʉ́m yʉ́ʉ nǔu mɔ.
Nɛpʉ́ʉ nɑ́ɑ pʉ́ɔlɑɑnɛ: «Pʉʉ kɔŋɛ pʉʉ nɛ́ pʉʉ pɑ́Ꞌ ŋ kɑ kɔŋnɛ wʉ́ʉ lɑ́.»
Luk kɛ́ mɛ ɛ̂yɑ́, ɛ́ pɔ́ pɑ́Ꞌ pɔ́p ɡʉ ńjí wú, ɡu ẅí ɔ kwɑꞋ ndɑꞋ Sɛ́ wɛ nɛ́nẅín zɛ́nɛ ɡu, ḿbɛn ńjí ŋu ẅí ɔ kɑ túunɛ wɛ́, ɑ pɔ́ Yɛ́su Kɛlístɔ.
Yɛ́su pɛ́t ḿbɔ́ pɔ Yɛlúsɑlɛm, pɛ́ pɔ́ ńjʉ́ ndínɑ-pɑ́skɑ-pɑyúdɑ, lɑ́Ꞌ jʉ́ɔ mɛnu mɑ̌ɑmɑɑnɛ mi ɑ ɡɛnɛ, pʉɔ tɛ ńzɑ́ɑ zɑ́p tʉ́m nǔu wɛ́.
Ŋu lɑɑ ńzɑ́p tʉ́m yɛ́ nǔu wɛ́, mbɔ pɛ́ ŋ́ɡʉ ŋ́ɡɛ ŋ́ŋɑk wɛ́ pɔ́. Ŋu ẅí ɑ kɛ́ mbɔɔ zɑ́p tʉ́m yɛ́ nǔu wɛ́ pɔ́ jí ŋɡɔ pɛ́ ŋɑk mɔ́ wɛ́, mbíꞋŋɡɔ ɑ kɑ́ zɑ́p tʉ́m yɛ́ nǔu mɔ́ɔ-Sɛ́ wɛ́mɔ́Ꞌ pɔ́.
Yɛ́su pʉ̈ɔt mbɔ̌ pɔ́p ŋɡɔ: «Yúu mi Sɛ́ sɛ́ ŋ́kɔŋ ŋɡɔ pʉʉ ɡɛ, ɛ́ nɛzɑ́p tʉ́m nǔu mɔ ẅí Sɛ́ kɑ túunɛ.»
Pɔ́p tsɔ́Ꞌ mbɔ̌ wɛ́ ŋɡɔ: «Zɑ́p tʉ́m yú nǔu Tsɑpʉɔ Yɛ́su. A ɡɛ pʉʉ njẅɛtndɑ́ yu luk.»
Pʉʉ ɡɔ́ ŋ́ɡɛ yʉ́ʉ mbɑ kʉ̈ɔ́ lɑ́, ńdɔk pɔ ŋkɔŋɛ ndʉ́ŋndʉŋ pɑ́Ꞌ Kɛlístɔ kɑ kɔŋnɛ wɛkŋɛ tɛ ŋ́ɡɑ́ tú yɛ́ ńdɔk ńnɔŋ pɔꞋ mbi Sɛ́ ntɛ́ wɛkŋɛ lɑ́. PɔꞋ ɛ̂wɑ́ ẅí jɑ́k yɛ́ pɔŋnɛ mbɔ̌ Sɛ́.
Yɛcɔ́ yúu mi m bɔ́ ŋ́ŋwɑꞋnɛ ŋ́ɡɑ́ mbɔ̌ pʉʉ ntɛ́ ŋkɔŋɛ tsɛtsɛt pɔ́ɔpɛ́mɑ́ ɛ́ kɑ́ pɔ́ ɡú pɔ́, n cú mbíꞋŋɡɔ pʉʉ kɑ zíꞋ pɔ kwɑꞋ mbɔ̌ Sɛ́ nɛkɔŋ mɛmbʉʉ mʉ́ʉ.
Yɛ́su Kɛlístɔ kɑ tɔ́ ndǔmbí nɛɡɛ pʉɔ kɛpɔŋ luk, yîyɑ́ nu ɛ́ zúꞋu ḿbɔ́ pɔ́Ꞌɔ, ɛ́ lɑɑ ḿbɔ́ ŋu zɑ́p tʉ́m yɛ́ nǔu tsʉʉ tsʉʉ. M bɛn ḿbɔ́ tsɛtsɛt pʉɔ kɛpɔŋ ḿbɔ́ ndúu.
Pʉʉ kɑ lɔk nɛpɛ́m nu yi ɛ́ nɛ́nẅín, ɛ́suk tʉ́m yʉ́ʉ. Nɛpɔ́ yi pʉʉ ɡʉ ŋ́kɔŋ pɔ́ɔpɛ́mɑ́ pʉ́ʉ pi pʉʉ pɛpɔ́p zɑ́pnɛ tʉ́m nǔu Sɛ́, ŋ́kɔŋ wɔ́p tɛ ɛ́sẅíi nu. Pɔ́Ꞌɔ lɑ́, pʉʉ ɡẅɛɛ kwɑꞋ ŋkɔŋɛ tsɛtsɛt pʉʉ, ŋu kɔŋ mɔ́ɔmɑ́ wɛ nɛ́ tʉ́m yɛ́ tsʉʉ.
Nduŋmbi yúu mi pʉʉ ɡʉ ŋ́ɡɛ, ɑ pʉʉ nɛɡẅɛɛ ŋkɔŋɛ tsɛtsɛt pʉʉ, mbíꞋŋɡɔ ŋkɔŋɛ píknɛ nɛlʉ́m mɛnu kɛpɔŋ.
Pɛsúu pɑ́ɑ pɛ́ tʉʉndɛn, yɔ kɑ́ pɔ́ pɔ nɛpʉ́ʉ fí ni ŋ ŋwɑꞋnɛ́nɛ ŋkɔ̂ɔnɛ ŋ́ɡɑ́ mbɔ̌ pʉʉ pɔ́, ɛ́ pɔ́ pɔ ndwɛn nɛpʉ́ʉ ni pʉʉ sɛ́ ńjí tɛ ɛ́fú nzɛnɛ, nînɑ́ ndwɛn nɛpʉ́ʉ pɔ́ pɔ sẅiŋɛ yi pʉʉ kɑ zúꞋnɛ.
Nu yi pʉʉ kɑ zúꞋnɛ tɛ ɛ́fúnɛ nzɛnɛ ɛ́ pɔ́ pɔ ŋɡɔ: Pɛkŋɛ ɡẅɛɛ ŋkɔŋɛ tsɛtsɛt pɛkŋɛ.
Ŋu lɑɑ ḿbɛ́m ŋɡɔ Yɛ́su mɔ́ɔ-Sɛ́, mbɔ Sɛ́ ɡʉ ńdɑt mbʉʉ yɛ nǔu ŋɡɑŋ, ŋɡɑŋ pɛn ńdɑt yɛ nǔu Sɛ́.
Nɛpʉ́ʉ ni Kɛlístɔ kɑ ɡɑ́nɛ mbɔ̌ pɛkŋɛ, ɛ́ pʉ́ɔ. Ŋu lɑɑ ŋ́kɔŋ Sɛ́, ɑ pɛn ŋ́kɔŋ mɔ́ɔmɑ́ wɛ ŋumɛsɔŋ.
Ŋ ŋwɑꞋnɛ mɔnɛ mɛnu ńdɔk ɛ́sẅíi wʉ́ʉ wi pʉʉ zɑ́pnɛ tʉ́m nǔu mɔ́ɔ-Sɛ́ ŋɡɔ: Pʉʉ ɡẅɛɛ luk kɛ́mɛ.
