22 ńdɔ́ɔ pɔ kʉ̈ɔ́ mbɔ̌ wɛ́ lɑ́, ɑ ɡɑ́ mbíꞋŋɡɔ pɛkŋɛ sɛ́ ńnɛn nǔu nɛpʉ́ʉ nɛ́, ḿbɛn ŋ́ɡɛ yúu mi ɑ sɛ́ ŋ́kɔŋ.
A pɛ́t ńcú cúnɛ, yɛcɔ́ lɑ́ɑ, yi ɛ́ ŋwɑŋɛ ŋwɑŋɛ́nɛ ńcúŋ ŋ́kẅíipɛ wɔ́p, ŋɡi-ŋu fú tsɛtú ńcú ŋɡɔ: «Yɔ Mɔ́ɔ wɑɑ, ŋ kɔŋ wɛ́ tɛꞋ, ɑ yɑ́ɑ tsɑ́ɑtɛ, pʉʉ zúꞋ ntsu wɛ́.»
Pʉʉ lɑɑ ńzɑ́p tʉ́m nǔu Sɛ́, ḿbúꞋ mbɔ́ mbɔ̌ wɛ́ ńdɔ́ɔ mbɑ kʉ̈ɔ́ lɑ́, mbɔ ɑ ɡʉ ŋ́ɡɑ́.
Yúu mi ɛ́ ɡɛnɛ lɑ́ ɛ sẅíi wʉ́ʉ ŋɡɔ: Kʉ̈ɔ́ lɑ́ yi pʉʉ sɛ́ ńcɛꞋlɛ Sɛ́ ńdɔ́ɔ, pʉʉ pɛ́m ŋɡɔ pʉʉ ńdɑ́Ꞌmɔ́ ŋ́ɡẅɛɛ, Sɛ́ ɡɑ́ mbɔ̌ pʉʉ.
Pʉʉ ɡʉ ńdɔk lík yɑ́ɑ ńdɔ́ɔ kʉ̈ɔ́ mbɔ̌ Sɛ́ lɑ́, mbɔ ŋ ɡʉ ŋ́ɡɛ. Ɛ́ lɛɛ pɔ́Ꞌɔ, mɔ Mɔ́ɔ, n nyɛt nɛɡúꞋ-Tɑ̌ɑ mɔ.
«Pʉʉ lɑɑ ŋ́ɡẅɛɛ nɛpʉ́ʉ nɑ́ɑ, mbɔ ŋ ɡʉ ḿbɔ́ ŋ́kɔŋ wʉ́ʉ kɔŋnɛ. Ndʉ́ŋndʉŋ pɑ́Ꞌ ŋ kɑ ɡẅɛɛnɛ nɛpʉ́ʉ-Tɑ̌ɑ mɔ ɑ pɛn ḿbɔ́ ŋ́kɔŋ wɑ́ɑ kɔŋnɛ.»
«Pʉʉ lɑɑ ńdɑtnɛ mbʉʉ yʉʉ nǔu mɔ, sẅiŋɛ yɑ́ɑ pɔ́ tsɛt tʉ́m pʉʉ, pʉʉ lɔ́ɔ yúu mi pʉʉ kɔŋnɛ, mbɔ pɛ́ ɡʉ ŋ́ɡɑ́ yîyɑ́ yúu mbɔ̌ pʉʉ.»
Yɛ́su pʉ̈ɔt mbɔ̌ pɔ́p ŋɡɔ: «Yúu mi Sɛ́ sɛ́ ŋ́kɔŋ ŋɡɔ pʉʉ ɡɛ, ɛ́ nɛzɑ́p tʉ́m nǔu mɔ ẅí Sɛ́ kɑ túunɛ.»
Ŋu ẅí ɑ kɑ túunɛ wɑ́ɑ, pɛkŋɛ pɔ́nɛ, ɑ kɑ́ nɑ́ wɑ́ɑ zɛ́nɛ mɔ pɔ́, mbíꞋŋɡɔ mɔ ŋkɑ́ kʉ̈ɔ́ lɑ́, ŋ́ɡɛ pɔ yúu mi ɛ́ pɔŋnɛ wɛ́.
Pɛkŋɛ pɛtsʉʉ jí ŋɡɔ Sɛ́ kɑ́ pɔ́ ńzúꞋ ŋɡi-ŋu kɛpɔŋ pɔ́, lɑ́ ḿbɔ́ yi ŋu lɑɑ ŋ́ɡɛ mɛkuꞋ-Sɛ́, ḿbɛn ḿbɔ́ ŋ́ɡɛ yúu mi Sɛ́ sɛ́ ŋ́kɔŋ, mbɔ Sɛ́ ɡʉ ńzúꞋ ŋɡi yɛ.
Jínɛ ŋɡɔ Sɛ́ pɛn ŋ́kɛ́ ḿbɔɔ ɛ́sɑ́ŋ yîyɑ́ ŋkɑ́ yi ŋumɛsɔŋ ḿbɔ́ ŋ́ɡɛ pɔ́Ꞌɔ ńdɔk ŋ́ɡʉʉnɛ ɡʉʉnɛnɛ pɔ́. Lɑ́ ɑ ŋkɔ̂ɔnɛ, ḿbɔ́ ɛ́fúŋ ŋɡɔŋ pʉɔ tsʉʉ, tsɛt mɛlɑ́Ꞌ tsʉʉ ŋɡɔ pɔ́p kúpmɛ mɑt wɔp.
Ńdɔk pɔ́Ꞌɔ, ɛ́fúŋ pɑyúdɑ, mbɑ pʉɔ pinɛ pɔ́p kɑ́ pɔ́ pɑyúdɑ pɔ́, ŋɡɔ pɔ́p shɔtnɛ ńcʉ́ɔ nzʉʉ Sɛ́, ńzɑ́p tʉ́m nǔu Tsɑpʉɔ wɛkŋɛ Yɛ́su.
Ɛ́ ɡʉ nǔu yúu mi pʉʉ kɑ túunɛ ŋ́ɡɑ́ mbɔ̌ mɔ, mbɔ ŋ kɑ jʉ́ɔ. Ŋ ɡẅɛɛ yúu ŋkɔ̂ɔnɛ tɛ ɛ́ zɑ́ɑ tɛꞋ. N jʉ́ɔ yúu ɛ̂mɑ́ yi Ɛpɑfɔlɔdit lɔknɛ ńtɔ́. Ŋ kɑ́ pɛn ḿbɔ́ ńjɑ́k yɛcɔ́ yúu pɔ́. Yúu ɛ̂mɑ́ pɔŋ wɑ́ɑ tɛꞋ, ḿbɔ́ pɔ pɑ́Ꞌ yúu-pɔꞋ yi pɛ́ lɑɑ ńnɔŋ mbi Sɛ́, ɛ́ pɔŋ wɛ́ tɛꞋ lɑ́.
Pɔ́Ꞌɔ, pʉʉ kuꞋ nɛnɑ́ŋ nǔu ntɛ́ yi Tsɑpʉɔ sɛ́ ŋ́kɔŋ, ḿbɔ́ ŋ́ɡɛ pɔ yúu mi ɛ́ pɔŋnɛ wɛ́, ɛ́fɑꞋ mɛfɑꞋ sʉ́Ꞌnɛ mɛntɛ́ mɛntɛ́, ŋ́kẅiꞋ ńjí jʉ́ Sɛ́.
Ɛ́ pɔŋ ŋɡɔ Sɛ́ mbɔ́tnɛ ɛ̂wɑ́, ɡɛ pʉʉ kuꞋ nɛɡɛ nu sʉ́Ꞌnɛ nɛpɔ́ yi pʉʉ ɡʉ ŋ́ɡɛ pɔ yúu mi ɑ sɛ́ ŋ́kɔŋ. Ɛ́ pɔŋ ŋɡɔ jʉ́ Sɛ́ fú nǔu Yɛ́su Kɛlístɔ, ŋ́ɡɛ yúu mi ɛ́ pɔŋnɛ wɛ́ pɔ́ nǔu pɛkŋɛ. NɛɡúꞋ pɔ́ mbɔ̌ Yɛ́su Kɛlístɔ nǔu mɛŋɡuꞋ mɛŋɡuꞋ! Ɛ́ pɔ́Ꞌɔ.
Ŋu lɑɑ ḿbɔ́ tsɛtsɛt pʉʉ, ńtʉ́ʉ nǔu nu, jínu jɑ́k wɛ́, ɑ lɔ́ɔ mbɔ̌ Sɛ́, mbɔ Sɛ́ ɡʉ ŋ́ɡɑ́. Ɛ́ mbíꞋŋɡɔ Sɛ́ zɛɛ ńdɔk pɔ tʉ́m sʉ́Ꞌnɛ ŋ́ɡɑ́ yúu mbɔ̌ mbɑ wɔ̌ lɑ́ kɛ́ lɛmtɛ.
Pʉʉ zɛɛ ńdɔ́ɔ, Sɛ́ pɔɔ ɡɑ́, mbɔ ɛ́ mbíꞋŋɡɔ pʉʉ kɑ́ jí nɛlɔ́ɔ pɔ́. Pʉʉ zɛɛ ńdɔ́ɔ pɔ nɛlɔk ŋ́ɡʉ ŋ́ɡɛ yúu mi ɛ́ sɛ́ ḿbɔŋ pɔ wʉ́ʉ.
Pɔ́Ꞌɔ lɑ́, ŋu pɛ́m mɛfɑɑnɛ mɛ́ mbɔ̌ mɔ́ɔmɑ́ wɛ, mɔ́ɔmɑ́ wɛ pɛ́m mɛ́ mbɔ̌ wɛ́. Ŋu wʉʉ púꞋ mbɔ́ mbɔ̌ Sɛ́ nǔu tú-mɔ́ɔmɑ́ wɛ. Ɛ́ lɛɛ pɔ́Ꞌɔ, pʉʉ fíitɛ. CɛꞋlɛ-ŋu ẅí ɑ ndʉ́ŋndʉŋ mbi Sɛ́, nɛn tɛꞋ.
Pɛkŋɛ lɑɑ ŋ́ɡɛ yúu mi Sɛ́ sɛ́ ńcú mbɔ̌ pɛkŋɛ, mbɔ ẅîwɑ́ nɛpɔ́ ɡʉ ńnyɛt wɛkŋɛ ŋɡɔ pɛkŋɛ jí Sɛ́.
Yúu mi ɛ́ ɡɛnɛ pɛkŋɛ tʉ́ʉ mbi Sɛ́ tʉ́m yɛkŋɛ pɔɔ ɡwɛt, ɛ́ pɔ́ pɔ ŋɡɔ: Pɛkŋɛ sɛ́ ńjí ŋɡɔ, pɛkŋɛ lɑɑ ńdɔ́ɔ yúu mbɔ̌ wɛ́, ɛ́ pɔ́ yi ɑ sɛ́ ŋ́kɔŋ, mbɔ ɑ ɡʉ zúꞋ.
