1 Jɑ̂ŋ 2:29 - Kɑɑ Fí

²⁹ Pʉʉ sɛ́ ńjí ŋɡɔ Kɛlístɔ ɡɛ yúu mi ɛ́ ndʉ́ŋndʉŋ mbi Sɛ́, pɔ́Ꞌɔ lɑ́ pʉʉ pɛn ńjí ŋɡɔ ŋu lɑɑ ŋ́ɡɛ yúu mi ɛ́ ndʉ́ŋndʉŋ mbi Sɛ́, mbɔ ɑ ɡʉ ńtsʉ́Ꞌ mɔ́ɔ-Sɛ́.

1 Jɑ̂ŋ 2:29 교차 참조

Jɑ̂ŋ 1:13

Nɛpɔ́ pʉɔ-Sɛ́, pɔɔ pɔ́ nǔu nɛkɔŋ wɛ ŋumɛsɔŋ pɔ́. Nɛpɔ́ pʉɔ-Sɛ́, Sɛ́ kɔŋnɛ yîyɑ́ ntɛ́ nɛpí.

Jɑ̂ŋ 7:18

Ŋu lɑɑ ḿbɔ́ ńcú nu, ḿbɔ́ yi ɛ́ pɔ́ pɔ sẅiŋɛ yɛ́, mbɔ ɑ lɔɔ pɔ wɛ nɛɡúꞋ. Lɑ́ ḿbɔ́ yi ŋu lɑɑ ḿbɔ́ ńdɔɔ nɛɡúꞋ Sɛ́ ẅí ɑ kɑ túunɛ wɛ́, mbɔ ŋɡɑŋ sẅíi nu nɛ́nẅín, yɛcɔ́ nu ŋɔ́Ꞌnɛ ŋɔ́Ꞌnɛ́nɛ pɔɔ nǔu wɛ́ pɔ́.

ŊwɑꞋnɛ-Gɑŋntúu Yɛ́su Kɛlístɔ 10:35

Ŋu lɑɑ ŋ́ɡɛ mɛkuꞋ-Sɛ́, ḿbɛn ŋ́ɡɛ yúu mi ɛ́ ndʉ́ŋndʉŋ mbi Sɛ́, ḿbɔ́ pɔ ŋu yɛ́tɛ́ ŋɡɔŋ ɔɔ, mbɔ nu yɛ́ ɡʉ ḿbɔŋ Sɛ́ pɔŋnɛ.

ŊwɑꞋnɛ-Gɑŋntúu Yɛ́su Kɛlístɔ 22:14

A pɛn ńcú ŋɡɔ: Sɛ́ pɛmɑ́ŋɡɑpnjẅɛt pɛkŋɛ ɡɔ́ɔ ńzɑ́Ꞌ njí ńtsɔ́Ꞌ wú, nɛ́ lɔk wú ŋ́ɡɛ ŋu ẅi ɑ ɡʉ ńjí yúu mi ɑ kɑ ńzɑ́pnɛ nɛɡɛ, mbɑ nɛɡɛ ɔ jʉ́ɔ ŋu ẅi ɑ ndʉ́ŋndʉŋ zɛ́nɛjʉ́, mbɑ nɛzúꞋ ŋɡi-ẅîwɑ́ ŋu.

ŊwɑꞋnɛ-Gɑŋntúu Yɛ́su Kɛlístɔ 3:14

Pʉʉ kɑ muŋɛ ŋu ẅí Sɛ́ kɑ tsɔ́Ꞌnɛ, ɑ pɔ́ ndɑꞋ ŋu ẅí ɑ ndʉ́ŋndʉŋ, ḿbɛn ḿbúꞋ mbɔ́ mbɔ̌ pilɑ́tu ŋɡɔ ɑ nɑ́ njẅíŋu mbɔ̌ pʉʉ.

2 Kɔlɛ̂ŋtɛ 5:21

Pɑ́Ꞌ ndɔɔ kɑ pɔ́ tú pɛkŋɛ lɑ́, Sɛ́ kɑ tíi mɛnu kɛpɔŋ mɛkŋɛ, ńzɑ́p tú-Kɛlístɔ, mbɔ ɑ ŋkɑɑ yɛcɔ́ nu kɛpɔŋ ɡẅɛɛ. A kɑ ɡɛ pɔ́Ꞌɔ, pɑ́Ꞌ pɛkŋɛ ɡʉ ńdɔk nɛlɑt mbʉʉ nǔu Kɛlístɔ, ḿbɔ́ pʉɔ pi pɔ́p mbɔ̌ Sɛ́ ḿbɔ́ ndʉ́ŋndʉŋ.

Ɛ́bɛlʉʉ 7:2

A ɡɑptɛ yúu pi ɑ lɔknɛ ɛ́fú ntsɔ nji nɛɡɛ́m, ŋ́ɡɑ́ tɑ́Ꞌ nji mbɔ̌ wɛ́. Lík-Mɛlkisɛdɛk lɔk ńcú ŋɡɔ: «Fɔɔ-nu yi ɛ́ tʉ́ʉnɛ ndʉ́ŋndʉŋ», ɑ pɛn ḿbɔ́ fɔɔ-pʉɔ-Sɑlɛm pɔ́Ꞌɔ, ńdɔk ḿbɔ́ fɔɔ-mbɔ́tnɛ.

Ɛ́bɛlʉʉ 7:26

A lɔk ḿbɔ́ NɔŋpɔꞋ wɛ ɡwɛ́ ẅí ɛ́ kɑ pɔ́ ḿbíkŋɛ mbɔ̌ pɛkŋɛ. A kwɑꞋ mɔ́ɔ-Sɛ́, ḿbɔ́ mbúꞋ nǔu mbɑ kʉ̈ɔ́lɑ́, ḿbɔ́ kɛ́ yɛcɔ́ nu kɛpɔŋ nǔu wɛ́, pɔ́p pɑɡɛ mɛnu kɛpɔŋ kɑ́ tɛ́m yɛcɔ́ nu pɔ́, mbɔ Sɛ́ kɑ tsẅíkŋɛ wɛ́ tɛ tʉ́ tɛ yɛcɔ́ yúu kɑ́ pɛn ńdɛɛ wɛ́ tʉ́ pɔ́.

Jɑ̂k 1:18

Jʉ́ kɑ kɔŋnɛ, ńdɔk sẅiŋɛ yi ɛ́ nɛ́nẅín, ŋ́ɡɛ pɛkŋɛ luk, nɛpɔ́ yi pɛkŋɛ ɡʉ ḿbɔ́ mbɔ̌ wɛ́, ḿbɔ́ ntú-nu nǔu ŋɡɔŋ kʉ̈ɔ́ lɑ́ yi ɑ kɑ ɡɛnɛ.

1 Pyɛ̂ 1:23

Pɛ́ kɑ zɛɛ ḿbí wʉ́ʉ nɛpí wɛ fí, tɛ ɛ́ kɑ́ pɔ́ pɔ nɛpí wɛ ŋumɛsɔŋ ẅí ɑ ḿpfú pɔ́. Ɛ́ pɔ́ pɔ ẅi ɛ́ fúnɛ nǔu mbiyúu mi ɛ́ kɛ́ lɑ́Ꞌ ḿpfú pɔ́, yîyɑ́ mbiyúu pɔ́ sẅiŋɛ-sɛ́ yi ɛ́ ɡɑ́nɛ kwɑꞋ luk, ḿbɔ́ yi ɛ́ ɡʉ ńdɑ́Ꞌ ḿbɔ́ pɔ ɡú.

1 Pyɛ̂ 1:3

Pɛkŋɛ ɡɛ́mtɛ Sɛ́ Tɑ́t pɛ́ Tsɑpʉɔ wɛkŋɛ Yɛ́su Kɛlístɔ. A kɑ tsɑ́ɑ mɛjʉ́ŋ mɛkŋɛ, ŋ́ɡɛ pɛ́ pí wɛkŋɛ nɛpí wɛ fí, ńdɛɛ nǔu Yɛ́su Kɛlístɔ ẅí ɑ kɑ zẅíimɛnɛ nǔu nɛvú. Ɛ́ lɛɛ pɔ́Ꞌɔ, pɛkŋɛ ńnɑ́ŋ ŋkɑ́ tsʉʉ, ḿbɔ́ ńzẅíꞋlɛ kwɑꞋ luk,

1 Pyɛ̂ 3:18

Kɛlístɔ kɑ zɛɛ ńjʉ́ɔ yɛ́ ŋɡʉ̈ɔ́Ꞌ tɛ ḿpfú nɛlɔk ńjɛ́p mɛnu kɛpɔŋ-pʉɔmɛsɔŋ, ŋ́kɛ́ ḿpfú ndɑꞋ tɑ́Ꞌ ŋkɑ́, ɛ́ kuꞋ. Jʉ́ kɛ́ fɑɑnɛ ḿpfú ntɛ́ ɡɑŋ-mɛfɑɑnɛ, pɔ́Ꞌɔ, nɛlɔk wʉ́ʉ ńtɔ́ mbi Sɛ́. Pɛ́ kɑ jẅí mbɑp-mbʉʉ yɛ, lɑ Zẅikŋɛ Lɛ́ɛnɛ́nɛ ɡɛ ɑ pɛn ḿbɔ́ ɡú.

2 Pyɛ̂ 1:4

Ɛ́ kɑ fú pɔ́Ꞌɔ, ɑ ɡɑ́ mɛyúu tʉʉndɛn mbɔ̌ pɛkŋɛ, ɛ́ pɔ́ mi ɛ́ ńcẅɛ́lɛ́ wɛkŋɛ tɛꞋ, ḿbɔ́ yi ɑ kɑ kɑꞋnɛ, ŋ́ɡɑ́ pɔ́Ꞌɔ, nɛpɔ́ yi pɛkŋɛ ɡʉ ńdɛɛtɛ nǔu mîmɑ́ mɛyúu, ŋ́kuꞋ nɛkʉɔ mɛnu-ntsɛ́llɛ́ mi ɛ́ tsɛt yɔ mbí, ɛ́fú nǔu yúu mi mbʉʉ yɛkŋɛ tsʉ́ʉnɛ́nɛ wɛkŋɛ nɛɡɛ, kʉɔ pɔ́Ꞌɔ, ńtsʉ́Ꞌ ŋ́ɡẅɛɛ pɔ tsẅɛ́ wɛ jʉ́ Sɛ́.

1 Jɑ̂ŋ 2:1

Mbɔ́ŋkʉ̈ɔ́ pɑ́ɑ, ŋ ŋwɑꞋnɛ mɔnɛ mɛnu nɛpɔ́ yi pʉʉ ɡʉ ŋ́ɡẅɛɛ shʉ́ tɛ mbɔɔ ɡɛ nu kɛpɔŋ pɔ́. Lɑ́ ḿbɔ́ yi ŋu lɑɑ ŋ́ɡɛ nu kɛpɔŋ, mbɔ pɛkŋɛ ɡẅɛɛ wɛkŋɛ ŋu nɛjɔ́ŋ Tɑ̌ɑ, ɑ pɔ́ Yɛ́su Kɛlístɔ, jʉ́ ẅi ɑ ndʉ́ŋndʉŋ mbi Sɛ́.

1 Jɑ̂ŋ 3:5

Pʉʉ sɛ́ ńjí ŋɡɔ Yɛ́su Kɛlístɔ kɑ tɔ́ nɛjɛ́p mɛnu kɛpɔŋ, yɛcɔ́ nu kɛpɔŋ pɛn ŋ́kɛ́ mbɔɔ nǔu wɛ́ pɔ́.

1 Jɑ̂ŋ 3:7

Mbɔ́ŋkʉ̈ɔ́ pɑ́ɑ, ḿbɑ́ɑ ŋu nɛɡɛ pʉʉ fɑɑnɛ sɛ̂ndúŋ. Ŋu lɑɑ ŋ́ɡɛ yúu mi ɛ́ ndʉ́ŋndʉŋ mbi Sɛ́, mbɔ ŋɡɑŋ lɔk ŋ́ɡɛ yɛ́ pɑ́Ꞌ Yɛ́su Kɛlístɔ. A ɡɛ yúu mi ɛ́ ndʉ́ŋndʉŋ mbi Sɛ́.

1 Jɑ̂ŋ 4:7

Pɛsúu pɑ́ɑ pɛ́ tʉʉndɛn, pɛkŋɛ ɡẅɛɛ ŋkɔŋɛ tsɛtsɛt pɛkŋɛ, mbíꞋŋɡɔ ŋkɔŋɛ ɛ́fú mbɔ̌ Sɛ́. Ŋu ẅí ɑ ɡẅɛɛnɛ ŋkɔŋɛ ɑ mɔ́ɔ-Sɛ́, ḿbɔ́ ńjí Sɛ́.

1 Jɑ̂ŋ 5:1

Ŋu ẅí ɑ pɛ́mnɛ ŋɡɔ Yɛ́su Nzɑ́Ꞌŋkʉ, ɑ mɔ́ɔ-Sɛ́. Ŋu ẅí ɑ kɔŋnɛ Sɛ́ Tɑ́t, ɑ pɛn ŋ́kɔŋ mbɑ pɔ́ɔ-Sɛ́.

1 Jɑ̂ŋ 5:18

Pɛkŋɛ sɛ́ ńjí ŋɡɔ ŋu pɔ́ tɛ ńtsʉ́Ꞌ mɔ́ɔ-Sɛ́, mbɔɔ pɛn ńnɑ́ŋ ɛ́fɑɑnɛ nu fɑɑnɛ́nɛ pɔ́, mbíꞋŋɡɔ mɔ́ɔ-Sɛ́ sɛ́ ńtík wɛ́, ŋu kɛpɔŋ pɔɔ ɡẅɛɛ shʉ́ nɛzɑ́p pɔ́ nǔu wɛ́ pɔ́.

1 Jɑ̂ŋ 5:4

MbíꞋŋɡɔ mbɑ wɔ̌ lɑ́ ẅí ɑ mɔ́ɔ-Sɛ́, tɛn ńdɛɛ mbɑ kʉ̈ɔ́ lɑ́ yi ɛ́ tɑɑtɛnɛ wɛ́ ndǔmbí. Yúu mi ɛ́ ɡɛnɛ pɛkŋɛ tɛn ńdɛɛ ndǔmbí, ɛ́ pɑ́Ꞌ pɛkŋɛ zɑ́pnɛ tʉ́m nǔu Yɛ́su Kɛlístɔ.

3 Jɑ̂ŋ 1:11

Súu wɑɑ wɛ tʉʉndɛn, pɑ́ɑ nɛpɛ́ɛ fʉꞋ-nu kɛpɔŋ, pɛ́ɛ pɔ fʉꞋ-nu sʉ́Ꞌnɛ. Ŋu ẅí ɑ ɡɛnɛ nu sʉ́Ꞌnɛ ɑ mɔ́ɔ-Sɛ́, ŋu ẅí ɑ ɡɛnɛ nu kɛpɔŋ ɑ kɑ́ jí Sɛ́ pɔ́,