1 Jɑ̂ŋ 2:20 - Kɑɑ Fí

²⁰ ŋ́ɡʉ nǔu pʉʉ, mbɔ Kɛlístɔ kɑ ɡɑ́ Zẅikŋɛ Lɛ́ɛnɛ́nɛ mbɔ̌ pʉʉ. Ɛ́ yúu mi ɛ́ ɡɛnɛ pʉʉ pɛtsʉʉ jí nu nɛ́nẅín.

1 Jɑ̂ŋ 2:20 교차 참조

Mɑtʉ̈ɔ 13:11

Yɛ́su pʉ̈ɔt mbɔ̌ pɔ́p ŋɡɔ: «Sɛ́ kɑ ɡɛ ŋɡɔ pʉʉ wɔ jínɛ nu nɛ́nẅín nǔu nɛfɔɔ-Sɛ́ ni ɛ́ kɑ lʉɔmɛ́nɛ, ŋ́ɡʉ nǔu pɔ́p ɑ pɔɔ ɡɛ ŋɡɔ pɔ́p jí pɔ́.

Mɑ́lɛ́kúshi 1:24

«Yɛ́su mɔ́ɔ-Nɑ̌zɑlɛt, pɛkŋɛ ɡẅɛɛ kʉ̈ɔ́? Ɔ kɑ fɑ́ɑ ńtɔ́ pɔ nɛpík wɛ́k? Mɔ sɛ́ ńjí wú. Ɔ fú nɛjɔ́ŋ Sɛ́.»

Lúkɑ́shi 4:18

«Zẅikŋɛ-Tsɑpʉɔ nǔu mɔ, mbíꞋŋɡɔ ɑ kɑ zɔ́Ꞌ wɑ́ɑ, ńtúu wɑ́ɑ ŋɡɔ ŋ ɡʉ, ɛ́sɑ́Ꞌ Ŋkʉʉ sʉ́Ꞌnɛ mbɔ̌ ɡɑŋɡʉ̈ɔ́Ꞌ, ńtúu wɑ́ɑ ŋɡɔ ŋ ɡʉ ɛ́sɑ́Ꞌ mbɔ̌ ɡɑŋtsɑ́ŋ ńcú ŋɡɔ: Pɛ́ ɡʉ ńcẅɛɛtɛ wɔ́p ndɑ́-kwɑɑ, ńtúu wɑ́ɑ ŋɡɔ ŋ ɡʉ, ŋ́ɡɛ pɛfʉmík jʉ́ɔ zʉꞋ, ŋɡɔ ŋ ɡʉ, ńtɔ́ɔtɛ nzʉʉ pʉɔ pinɛ pɛ́ sɛ́ ɛ́fyɛ́t wɔ́p,

Lúkɑ́shi 4:34

«Yɛ́su mɔ́ɔ-Nɑ̌zɑlɛt, pɛkŋɛ ɡẅɛɛ kʉ̈ɔ́? Ɔ kɑ fɑ́ɑ ńtɔ́ pɔ nɛpík wɛ́k? Mɔ sɛ́ ńjí, ɔ fú mbɔ̌ Sɛ́, ḿbɔ́ mɔ́ɔ nɛ.»

Jɑ̂ŋ 14:26

«Pʉʉ ɡʉ ńtsʉ́ꞌ nzʉʉ, Tɑ̌ɑ mɔ lɔk lík yɑ́ɑ, ńtúu Ncẅɛ́ɛntɑ́ŋ wʉʉ, ɛ́ pɔ́ zẅikŋɛ Lɛ́ɛnɛ́nɛ. Ɛ́ tɔ́ ńzíꞋ wʉ́ʉ nɛ́ yúu tsʉʉ, ŋ́ɡɛ pʉʉ kẅíitɛ kʉ̈ɔ́ lɑ́ yi ŋ kɑ pɔ́ ɛ́sẅíi wʉ́ʉ.»

Jɑ̂ŋ 16:13

Zẅikŋɛ yí ɛ́ lɛ́Ꞌlɛ́nɛ nu nɛ́nẅín nǔu Sɛ́ ɡʉ ŋ́ɡɛ ńtɔ́, ŋ́ɡɛ pʉʉ jí nu nɛ́nẅín tsʉʉ, mbíꞋŋɡɔ jʉ́ lɛ́Ꞌlɛ́nɛ nu nɛ́nẅín, ɛ́ kɛ́ ɡɛ ńcú pɔ yɛ́ nu pɔ́. Zẅikŋɛ yí ɛ́ lɛ́Ꞌlɛ́nɛ nu nɛ́nẅín nǔu Sɛ́ ɡʉ ŋ́ɡɛ ńcú pɔ nu yí ɛ́ zúꞋnɛ, ḿbɛn ɛ́sẅíi wʉ́ʉ nɛ́ mɛnu mí ɛ́ sɛ́ ńtɔ́.

ŊwɑꞋnɛ-Gɑŋntúu Yɛ́su Kɛlístɔ 10:38

Pʉʉ pɛn ḿbɔ́ ńjí ŋɡɔ Sɛ́ kɑ ɡɑ́ mɛtʉʉ-Zẅikŋɛ Lɛ́ɛnɛ́nɛ mbɔ̌ Yɛ́su mɔ́ɔ-Nɑ̌zɑlɛt ńdɔk pɔ́Ꞌɔ, ńcɔꞋ wɛ́ ḿbɛn ḿbɔ́ ńtʉ̈ɔ́Ꞌlɛ wɛ́. A ɡʉ zʉꞋ tsʉʉ, ḿbɔ́ ŋ́ɡɛ mɛnu sʉ́Ꞌnɛ, ḿbɔ́ ńcẅɛ́ɛ pʉɔ tsʉʉ pí pɔ́p ḿbɔ́nɛ ɡɑŋtsɑ́ŋ nǔu mbɔ́-Sɑ́ttɑ mbíꞋŋɡɔ Sɛ́ kɑ pɔ́ nɛ́ jʉ́.

ŊwɑꞋnɛ-Gɑŋntúu Yɛ́su Kɛlístɔ 3:14

Pʉʉ kɑ muŋɛ ŋu ẅí Sɛ́ kɑ tsɔ́Ꞌnɛ, ɑ pɔ́ ndɑꞋ ŋu ẅí ɑ ndʉ́ŋndʉŋ, ḿbɛn ḿbúꞋ mbɔ́ mbɔ̌ pilɑ́tu ŋɡɔ ɑ nɑ́ njẅíŋu mbɔ̌ pʉʉ.

1 Kɔlɛ̂ŋtɛ 2:15

Ŋu ẅí Zẅikŋɛ Lɛ́ɛnɛ́nɛ nǔu wɛ́, ɑ kuꞋ nɛtɑꞋ mbɑ yɛ́tɛ́ nu lɑ́ tsʉʉ ńdíŋɛ. Lɑ́ ŋ́ɡʉ nǔu wɛ́, mbɔ ɛ́ lɑɑ ḿbɔ́ wɛcɔ́ ŋu pɔɔ yɛ́ nu líŋɛ.

Ɛ́bɛlʉʉ 1:9

Ɔ kɔŋ nu yi ɛ́ tʉ́ʉnɛ ndʉ́ŋndʉŋ, ḿbɑɑ yi ɛ́ kɑ́ tʉ́ʉ.» Ɛ́ yúu mi ɛ́ ɡɛnɛ pɛ́ jí, mɔ Sɛ́ wu kɑ zɔ́Ꞌnɛ wú ńdɔk wú ŋ́ɡɛ yúu, mbʉʉ yu pɔŋ nǔu tɛꞋ. Ŋ kɑ ɡɑ́ fuꞋ yú ńdɛɛ yɛ́ ɡɑŋku pú.

Ɛ́bɛlʉʉ 8:11

Ɛ́ pɔ́ ŋkɑ́ ɛ̂yɑ́, wɛcɔ́ ŋu pɔɔ pɛn ńzíꞋ ŋu-lɑ́Ꞌ wɔp nɛ́ yúu zíꞋnɛ pɔ́, ŋu kɛ́ ḿbɔɔ pɛn ńzíꞋ mɔ́ɔmɑ́ wɛ zíꞋnɛ ŋɡɔ: Jí yú nu-Tsɑpʉɔ pɔ́. MbíꞋŋɡɔ pʉɔtsʉʉ ɡʉ ńdɑ́Ꞌ ḿbɔ́ ŋkɑ́ ɛ̂yɑ́ ḿbɔ́ ńjí wɑ́ɑ. Nɛfú nǔu mɔ́yúu mɔ́ɔ ẅi ɑ tsɛtsɛt pɔ́p, ŋ́ɡʉ ŋ́kúu nǔu ndwɛn ndʉ́m.

1 Jɑ̂ŋ 2:27

ŋ́ɡʉ nǔu pʉʉ, mbɔ Kɛlístɔ kɑ ɡɑ́ Zẅikŋɛ yɛ́ mbɔ̌ pʉʉ. Yîyɑ́ Zẅikŋɛ pɛn ŋ́kɛ́ ḿbɔ́ pɔ nǔu pʉʉ, ɛ́ yúu mi ɛ́ ɡɛnɛ, ɛ́ kɑ́ pɔ́ ḿbíkŋɛ ŋɡɔ ŋumɛsɔŋ zíꞋ wʉ́ʉ nɛ́ yúu pɔ́, mbíꞋŋɡɔ Zẅikŋɛ Lɛ́ɛnɛ́nɛ sɛ́ ńzíꞋ wʉ́ʉ nɛ́ mbɑ kʉ̈ɔ́ lɑ́, yúu mi ɛ́ lɛ́Ꞌlɛ́nɛ pɛn ḿbɔ́ nɛ́nẅín, ɛ́ kɑ́ pɔ́ cɔtnu pɔ́. Pɔ́Ꞌɔ lɑ́, pʉʉ kɛ́ ńdɑt pɔ mbʉʉ yʉʉ nǔu Kɛlístɔ pɑ́Ꞌ Zẅikŋɛ Lɛ́ɛnɛ́nɛ kɑ zíꞋnɛ wʉ́ʉ lɑ́.

1 Jɑ̂ŋ 4:13

Yúu mi ɛ́ ɡɛnɛ pɛkŋɛ jí ŋɡɔ pɛkŋɛ lɑt mbʉʉ yɛkŋɛ nǔu Sɛ́, Sɛ́ lɑt yɛ nǔu pɛkŋɛ ɛ́ pɑ́Ꞌ ɑ kɑ ɡɑ́nɛ Zẅikŋɛ yɛ́ mbɔ̌ pɛkŋɛ.

Jẅidɛ 1:5

Mɔ sɛ́ ŋ́kɔŋ nɛkẅíitɛ wʉ́ʉ nɛ́ nu yi pʉʉ tsuŋ ḿbɔ́ ńjí sʉ́Ꞌnɛ, ɛ́ pɔ́ pɑ́Ꞌ Tsɑpʉɔ kɑ cẅɛɛtɛ́nɛ pʉɔ pɛ́ pʉɔ-Isɑyɛ̂l tsɛt ŋɡɔŋ-Ɛ́ɡíptɔ pɔ́p luk, ḿbɑ́ɑtɛ ŋ́ɡɛ pʉɔ pi pɔ́p ŋ́kɑɑ zɑ́p tʉ́m nǔu wɛ́ tsɛtsɛt pɔ́p pɔ́ lɑ́kŋɛ.

Mɛnu ɛ́ ńdɑ́Ꞌ ńcẅɛt 3:7

Ɔ ŋ́ŋwɑꞌnɛ mɛnu mɔnɛ, ńtúu ŋ́ɡɑ́ mbɔ̌ Cʉ̈ɔꞋ-Sɛ́ ẅi ɑ líŋɛ́nɛ cúꞋlɛ-pʉɔ-Kɛlístɔ yi ɛ́ tʉ́sɔŋ-Filɑdɛlfîi. Ŋ́ŋwɑꞌnɛ ŋɡɔ: Ŋu ẅí ɑ Ndɛ́ɛnɛ Lɛ́ɛnɛ́nɛ, ḿbɔ́ nɛ́nẅín, jʉ́ ẅi ɑ ɡẅɛɛnɛ tsɔ́Ꞌ-Fɔɔ Ndɑvît, jʉ́ ẅi ɑ tsɔ́Ꞌnɛ ntsundɑ́ ŋu pɔɔ kuꞋ nɛjɔ́Ꞌ pɔ́, ńjʉ́ɔꞋ ŋu pɔɔ kuꞋ nɛtsɔ́Ꞌ pɔ́, ɑ sɛ́ ńcú ŋɡɔ:

Mɛnu ɛ́ ńdɑ́Ꞌ ńcẅɛt 4:8

Mbɑ wɛ́tɛ́ lɑ́ nǔu mɛyúumɛku ɛ̂mɑ́ mɛ́nɛ́kwɑ kɑ ɡẅɛɛ mɛpɑp mɛ́ mɛ́nɛ́ntúkú, mík pɔ́ nǔu zʉꞋ tsʉʉ, nzɛmpíi mbɑ nzɛm tsɛtú. Pɔ́p pɔ́ ńzɔp kɛ́ kɑ́ɑ nɛnɛm mbɑ nɛtúꞋ, ńcú ŋɡɔ: Ndɛɛnɛlɛ́nɛ́nɛ, Ndɛɛnɛlɛ́nɛ́nɛ, Ndɛɛnɛlɛ́nɛ́nɛ, ɑ Tsɑpʉɔ Sɛ́ Ŋɡɑŋmɛtʉʉ tsʉʉ, jʉ́ ẅi ɑ ḿbɔ́nɛ ɡú, ɑ ɡú, ɑ pɛn ḿbɔ́ ńtɔ́.