1 Jɑ̂ŋ 2:14 - Kɑɑ Fí

¹⁴ Mbɔ́ŋkʉ̈ɔ́ pɑ́ɑ, mɔ pɑ́Ꞌɑ ḿbɔ́ ŋ́ŋwɑꞋnɛ ɛ́sẅíi wʉ́ʉ ŋɡɔ pʉʉ sɛ́ ńjí Tɑ́t wɛkŋɛ, ŋ́ɡʉ nǔu pʉʉ pɛlʉ́m, mbɔ mɔ pɑ́Ꞌɑ ḿbɔ́ ɛ́sẅíi wʉ́ʉ ŋɡɔ pʉʉ sɛ́ ńjí ŋu ẅí ɑ ɡú tɛ ɛ́fú nzɛnɛ, ŋ́ɡʉ nǔu pʉʉ pɔ́ɔsuu, mɔ sɛ́ ɛ́sẅíi wʉ́ʉ ŋɡɔ, pʉʉ pɔ́ ńtɛntɛ tɛntɛnɛ, sẅiŋɛ-sɛ́ kɛ́ ḿbɔ́ pɔ tʉ́m pʉʉ, pʉʉ pɔ ńtɛn ńdɛɛ ŋu kɛpɔŋ.

1 Jɑ̂ŋ 2:14 교차 참조

Jɑ̂ŋ 15:7

«Pʉʉ lɑɑ ńdɑtnɛ mbʉʉ yʉʉ nǔu mɔ, sẅiŋɛ yɑ́ɑ pɔ́ tsɛt tʉ́m pʉʉ, pʉʉ lɔ́ɔ yúu mi pʉʉ kɔŋnɛ, mbɔ pɛ́ ɡʉ ŋ́ɡɑ́ yîyɑ́ yúu mbɔ̌ pʉʉ.»

Jɑ̂ŋ 5:38

Sẅiŋɛ yɛ́ kɑ́ pɔ́ tʉ́m pʉʉ pɔ́, mbíꞋŋɡɔ pʉʉ ŋkɑɑ zɑ́p tʉ́m nǔu mɔ ẅí ɑ kɑ túunɛ pɔ́.

Jɑ̂ŋ 8:31

Yɛ́su cú mbɔ̌ pɑyúdɑ pínɛ pɔ́p zɑ́pnɛ tʉ́m nǔu wɛ́ ŋɡɔ: «Pʉʉ lɑɑ ŋ́kúꞋlɛ sẅiŋɛ yɑ́ɑ, mbɔ pʉʉ ɡʉ ḿbɔ́ kwɑꞋ ɡɑŋku pɑ́ɑ.

Jɑ̂ŋ 8:37

Mɔ sɛ́ ńjí ŋɡɔ pʉʉ njẅɛt-Ábɛlɛhɑ̂m, lɑ́ pʉʉ sɛ́ ńdɔɔ nɛjẅí wɑ́ɑ, mbíꞋŋɡɔ pʉʉ sɛ́ ńdʉꞋ sẅiŋɛ yɑ́ɑ lʉꞋnɛ.

Ɛ́fɛ̂zɛ 6:10

Ndẅiknzʉʉ nu yi mɔ ɛ́sẅíi wʉ́ʉ, ɛ́ pɔ́ pɔ ŋɡɔ: Pɑ́Ꞌ pʉʉ lɑtnɛ mbʉʉ nǔu Tsɑpʉɔ lɑ́, pʉʉ cẅɛ́ɛ mɛtʉʉ mbɔ̌ wɛ́. A ŋɡɑŋ mɛtʉʉ tsʉʉ. Pʉʉ cẅɛ́ɛ mɛtʉʉ mbɔ̌ wɛ́.

Filipɛ 4:13

Kɛlístɔ ɡɑ́nɛ wɑ́ɑ nɛ́ mɛtʉʉ, lɑ ŋ kuꞋ nɛɡɛ pɔ́Ꞌɔ.

Kɔlɔsíyɛ̂ŋ 1:11

Pɛk pɛn ḿbɔ́ ńdɔ́ɔ mbɔ̌ Sɛ́ ŋɡɔ ɑ lɔk pɑ́Ꞌ mɛtʉʉ pɔ́p nɛɡúꞋ pɔ́ pɔ mɛ́ lɑ́, ŋ́ɡɛ pʉʉ tsuŋ ńtɛntɛ lɑ ŋ́kuꞋ nɛsʉk mɛnu tsʉʉ kɛ́ citɛ mbʉʉ.

Kɔlɔsíyɛ̂ŋ 3:16

Pʉʉ lɔk sẅiŋɛ-Kɛlístɔ ńzɛ tʉ́m yʉ́ʉ kwɑꞋ sʉ́Ꞌnɛ. Ɛ́ lɛɛ pɔ́Ꞌɔ, pʉʉ ɡẅɛɛ jínu nɛlɔk ńzíꞋ yúu tsɛtsɛt pʉʉ, mbɑ nɛlɔk ńtík mɛmbʉʉ mʉ́ʉ. Pʉʉ zɔp ŋki ńdɔk ŋ́ɡúꞋlɛ Sɛ́ nɛ́ ŋɡɔŋ tʉ́m yʉ́ʉ tsʉʉ, ńdɔk ŋ́ɡɑ́ pɑ́Ꞌlɑ́ mbɔ̌ wɛ́. Pʉʉ zɔp pɔ́Ꞌɔ, mɛzɔp mi ɛ́ tsɛt ŋwɑꞋnɛ-Sɛ́, ńzɔp zɔp-pʉɔ-Kɛlístɔ, ńzɔp mɛzɔp mi Zẅikŋɛ-Sɛ́ sɛ́ ńníꞋ tʉ́m pʉʉ.

2 Timɔtɛ́ɛ 2:1

Ŋ́kɛ́ ŋ́ɡʉ nǔu ɡu mɔ́ɔ wɑɑ, nɑ́ Yɛ́su Kɛlístɔ ɡɑ́ mɛtʉʉ mbɔ̌ ɡu ńdɛɛ nǔu pɑ́Ꞌ ɑ ɡẅɛɛnɛ pɔŋtʉ́m.

Ɛ́bɛlʉʉ 8:10

Lɑ́ kɑɑ yi mɔ ŋ́ɡwɑt tsɛtsɛt pɛkŋɛ pɛ pʉɔ-Íslɑyɛ̂l pʉ́ɔ. Yîyɑ́ ŋkɑ́ ɡʉ ŋ́ɡɛ ḿbɔ́ tɛ ńdɛɛ, mɔ Tsɑpʉɔ cúnɛ Mɔ ŋ́ɡɛ jínu yɔ́p nɑ́ŋ ńtʉ́ʉ pɔ nǔu mɛnɛpʉ́ʉ mɑ́ɑ mbɑ tʉ́m yɔ́p tʉ́ʉ pɔ nǔu. M bɔ́ Sɛ́ yɔp pɔ́p pɔ́ pʉɔ pɑ́ɑ.

1 Jɑ̂ŋ 1:1

Pɛk ŋwɑꞋnɛ yɔ ŋwɑꞋnɛ ŋ́ɡɑ́ mbɔ̌ pʉʉ ńdɔk ɛ́sẅíi wʉ́ʉ nɛ́ nu nǔu sẅiŋɛ yi ɛ́ ɡɛnɛ pɛ́ pɔ́ ɡú, yi ɛ́ pɔ́ pɔ ɡú tɛ ɛ́fúnɛ nzɛnɛ-yúu tsʉʉ, pɛk kɑ lɔk mɛtúutɛ mɛ́k ńzúꞋ, ńdɔk mík mɛ́k ńjʉ́ɔ, ńniitɛ ńdíŋɛ ńdɔk mbɔ́ mɛ́k ŋ́kuu.

1 Jɑ̂ŋ 1:10

Pɛkŋɛ kɛ ńcú ŋɡɔ pɛkŋɛ kɑ́ pɔ́ ɡɑŋmɛfɑɑnɛ pɔ́, mbɔ pɛkŋɛ lɔk Sɛ́ ɛ́fúŋ ŋɡɑŋ cɔtnu, sẅiŋɛ yɛ́ pɔɔ lɔk ḿbɔ́ nǔu pɛkŋɛ pɔ́.

1 Jɑ̂ŋ 2:13

Mɔ sɛ́ ɛ́sẅíi wʉ́ʉ pɛlʉ́m ŋɡɔ: Pʉʉ pɛꞋnɛ ḿbɔ́ ńjí ŋu ẅí ɑ ɡú tɛ ɛ́fúnɛ nzɛnɛ, ḿbɔ́ ɛ́sẅíi wʉ́ʉ pɔ́ɔsuu ŋɡɔ pʉʉ kɑ kɛ́ ńtɛn ńdɛɛ ŋu kɛpɔŋ.

2 Jɑ̂ŋ 1:2

Pɛk kɔŋ wʉ́ʉ, ɛ́ fú nǔu pɑ́Ꞌ nu nɛ́nẅín ɛ́ tsɛt tʉ́m yɛkŋɛ, ɛ́ ŋ́kɛ́ ńdɑ́Ꞌ ńtsẅɛ́ ḿbɔ́ pɔ tsɛtú.

3 Jɑ̂ŋ 1:3

Nu kɑ zɛɛ ḿbɔŋ wɑ́ɑ tɛꞋ, mbíꞋŋɡɔ pɛcɔ́ pɔ́ɔpɛ́mɑ́ pɛkŋɛ kɑ tɔ́ zɑꞋnɛ, ɛ́sẅíi wɑ́ɑ ŋɡɔ ɔ lɑt mɔ́ mbʉʉ yu nǔu nu nɛ́nẅín, ḿbɛn ḿbɔ́ ńnɛn zúꞋu pɔ pɑ́Ꞌ ɛ́ sɛ́ ḿbíkŋɛ.

Mɛnu ɛ́ ńdɑ́Ꞌ ńcẅɛt 2:3

Pʉʉ sɛ́ ɛ́sɑ́Ꞌ tʉʉ. Pʉʉ kɑ jʉ́ɔ ŋɡʉ̈ɔ́Ꞌ ntɛ́ wɑ́ɑ, ŋ́kɛ́ ḿbɔɔ kɑ́ɑ.

Mɛnu ɛ́ ńdɑ́Ꞌ ńcẅɛt 2:7

Ŋu lɑɑ ŋ́ɡẅɛɛ mɛtúutɛ, ɑ zúꞋ nu yí Zẅikŋɛ-Sɛ́ sɛ́ ńcú mbɔ̌ mɛcúꞋlɛ-pʉɔ-Kɛlístɔ lɑɑ. Mɔ ŋ́ɡɛ ŋ́ɡɑ́ ntɑ́ɑ ẅi ɛ́ fúnɛ nǔu tʉ́ yi ɛ́ ɡɛnɛ pɛ́ pɔ́ ɡú, mbɔ̌ ŋu ẅí ɑ lʉ̈ɔ́Ꞌnɛ ntsɔ tɛ ńdɛɛ nu kɛpɔŋ, ɑ jʉ́. Yîyɑ́ tʉ́ pɔ́ tsɛt ŋkɑ́Ꞌ-Sɛ́.