1 Jɑ̂ŋ 2:10 - Kɑɑ Fí

¹⁰ Ŋu ẅí ɑ kɔŋnɛ mɔ́ɔmɑ́ wɛ, ɑ ŋu ẅí ŋɡɛnɛ mɛnu mɛ́ mɛ́ zʉꞋ-fúknɛ. Mbɔ ɑ pɔɔ kɔɔtɛ nǔu yɛcɔ́ yúu ḿvu sɛ́ pɔ́.

1 Jɑ̂ŋ 2:10 교차 참조

Mɑtʉ̈ɔ 13:21

lɑ́ mbɔɔ nɑ́ ɛ́ lɑt mɛŋɑŋ tʉ́m pɔ́p pɔ́, mbíꞌŋɡɔ pɔ́p pɔ́ pʉɔ-lɛ́Ꞌlɑ́Ꞌ. Pɛ́ pɔ́ tɛ ńzɛ nɛkʉ́ʉnɛ wɔ́p, ńnyɛt wɔ́p nɛ́ ŋɡʉ̈ɔ́Ꞌ mɛlɑ́Ꞌ nu-Sɛ́ pɔ́p ɡɔ́ɔ ḿmɛꞋ.

Mɑtʉ̈ɔ 18:7

Ndɔɔ tú-pʉɔ pínɛ pɔ́p ndǔ yɔ mbí, ŋ́ɡɛ pʉɔ fɑɑnɛ mɛnu! Ɛ́ nɛ́nẅín mɛnu ɛ̂mɑ́ ńdɑ́Ꞌ ńjɑ́k pɔ́. Lɑ́ pʉ́ktú kɛ́ ḿbɔ́ ŋu ẅí ɑ ɡʉ ŋ́ɡɛ ŋɡɔ ŋu fɑɑnɛ sɛ̂ndúŋ!

Jɑ̂ŋ 11:9

Yɛ́su cú ŋɡɔ: «Tɑ́Ꞌ lɛ́Ꞌlɑ́Ꞌ kɑ́ ɡẅɛɛ nɛm ntsɔ̌ppɑ́ nɛ́ nɛɡɛ́m pɔ́ ɔɔ? Ŋu lɑɑ ńnɛn nɛnɛm, mbɔ ɑ kɛ́ kɔɔtɛ pɔ́, mbíꞋŋɡɔ kyɛꞌ njí sɛ́ ŋ́ɡɛ pɛ́ jʉ́ɔ zʉꞋ.

Jɑ̂ŋ 12:35

Yɛ́su tsɔ́Ꞌ mbɔ̌ pɔ́p ŋɡɔ: «Kyɛꞌ kɛ́ ɡɛ ḿbɛn ḿbɔ́ tsɛtsɛt pʉʉ tɛ ntí sɑk pɔ́. Kyɛꞌ pɛ́t sɛ́, pʉʉ nɛn, ḿbɔ́k nzɛ́nzʉ́ʉ nɛkẅɛ́ɛtɛ wʉ́ʉ. Ɛ́ mbíꞋŋɡɔ ŋu sɛ́ ńnɛn tsɛt nzɛ́nzʉ́ʉ, ḿbɔɔ ńjí zʉꞋ yi ɑ ɡʉ nɛ́ zúꞋu pɔ́.

Jɑ̂ŋ 8:31

Yɛ́su cú mbɔ̌ pɑyúdɑ pínɛ pɔ́p zɑ́pnɛ tʉ́m nǔu wɛ́ ŋɡɔ: «Pʉʉ lɑɑ ŋ́kúꞋlɛ sẅiŋɛ yɑ́ɑ, mbɔ pʉʉ ɡʉ ḿbɔ́ kwɑꞋ ɡɑŋku pɑ́ɑ.

Pʉɔ-Lɔ́mɑ 14:13

Pɔ́Ꞌɔ, kɔɔ pɛkŋɛ pɛn ŋ́ŋɑk mɛmbʉʉ mɛkŋɛ. Yúu mi pʉʉ ɡẅɛɛnɛ nɛɡɛ ɛ́ pɔ pɑ́Ꞌ pʉʉ ɡʉ ḿbɑ́ɑ nɛɡɛ yɛcɔ́ yúu mi mɔ́ɔmɑ́ wʉ́ʉ ɡʉ ŋ́kɔɔtɛ nǔu ɛ́ tsʉ́ʉnɛ wɛ́ ɑ ɡɛ nu kɛpɔŋ.

Filipɛ 1:10

Ɛ́ lɛɛ pɔ́Ꞌɔ, pʉʉ kuꞋ nɛpɛ́ɛ yi sʉ́Ꞌnɛ. Ɛ́ lɑ́Ꞌ lɛ́Ꞌ yi Kɛlístɔ ɡʉ ńdɑ́Ꞌ ḿbɛn ńtɔ́, pʉʉ pɔ́ ndɛ́ɛnɛ lɛ́ɛnɛ́nɛ ḿbɔ́ pɑkɛ́fɑɑnɛ.

2 Pyɛ̂ 1:10

Pɔ́ɔpɛ́mɑ́ pɑ́ɑ, pɑ́Ꞌ ɛ́ pɔ́Ꞌɔ lɑ́, pʉʉ kẅiꞋ ɛ́sɑ́Ꞌ tʉʉ, nɛpɔ́ yi pʉʉ ɡʉ ŋ́ɡɛ pɛ́ jí sʉ́Ꞌnɛ ŋɡɔ Sɛ́ kɑ fúŋnɛ wʉ́ʉ, ńtsɔ́Ꞌ wʉ́ʉ. Pʉʉ lɑɑ ńnɑ́ŋ nǔu yîyɑ́ ntɛ́, mbɔ pʉʉ kɛ́ lɑ́Ꞌ ḿvu nǔu nu kɛpɔŋ pɔ́.

1 Jɑ̂ŋ 2:11

Lɑ́ ŋu ẅí ɑ pɑɑnɛ mɔ́ɔmɑ́ wɛ, ɑ ŋu ẅí ŋɡɛnɛ mɛnu mɛ́ tsɛt nzɛ́nzʉ́ʉ, ɑ nɛn pɔ tsɛt nzɛ́nzʉ́ʉ, ŋ́kɛ́ ḿbɔɔ ḿbɔ́ ńjí zʉꞋ yi ɑ ɡʉnɛ nɛ́ zúꞋu pɔ́, mbíꞋŋɡɔ nzɛ́nzʉ́ʉ kɑ ɡɛ mɔ́ ɑ fʉ.

1 Jɑ̂ŋ 3:14

Pɛkŋɛ fú nǔu pɑ́Ꞌ pɛkŋɛ sɛ́ ŋ́kɔŋ pɔ́ɔpɛ́mɑ́ pɛkŋɛ, ńjí ŋɡɔ pɛkŋɛ kɑ́ pɛn ḿbɔ́ pɛpfú pɔ́, pɛkŋɛ ntʉʉ. Ŋu ẅí ɑ kɑ́ kɔŋ ŋumɛsɔŋ pɔ́, pɛ́t ḿbɔ́ pɔ mpfú.