1 Tɛsɑlɔník 3:3 - Kɑɑ Fí

³ nɛpɔ́ yi ŋɡʉ̈ɔ́Ꞌ yi pʉʉ sɛ́ ńjʉ́ɔ ŋkɔ̂ɔnɛ, kɛ́ ɡɛ wɛcɔ́ ŋu tsɛtsɛt pʉʉ mʉꞋlɛ nǔu nu-Sɛ́ pɔ́. Pʉʉ zɛɛ ḿbɔ́ ńjí yʉ́ʉ ŋɡɔ ŋɡʉ̈ɔ́Ꞌ ɡẅɛɛ nɛkúu wɛkŋɛ pɑzɑptʉ́m nǔu Sɛ́.

1 Tɛsɑlɔník 3:3 교차 참조

Lúkɑ́shi 21:12

Mɔnɛ mɛnu ɡʉ ńzɛɛ ńdɑ́Ꞌ ŋ́ɡɔ ńtɔ́, pʉʉ piitɛ ńjʉ́ɔ pɛ́ ɡẅɛɛ wʉ́ʉ, ńnyɛt wʉ́ʉ nɛ ŋɡʉ̈ɔ́Ꞌ, ɛ́fɛn wʉ́ʉ, pɛ́ ŋɑk wʉ́ʉ mɛndɑ́-cúꞋlɛ-Pɑyúdɑ, ńníꞋ wʉ́ʉ tsɑ́ŋ. Pɛ́ ɡʉ ńdɑ́Ꞌ ŋ́ŋɑk wʉ́ʉ mbi pɛfɔɔ pɔ́p pɛŋɡɔ́mnɑɑ, mbíꞋŋɡɔ pʉʉ zúꞋ ntsu wɑ́ɑ.

Jɑ̂ŋ 16:2

Pɛ́ ɡʉ ŋ́ɡɛ ɛ́fú tsɛt mɛndɑ́-cúꞋlɛ-Pɑyúdɑ ńzuŋ wʉ́ʉ. Ɛ́ pɔɔ pɔ́ pɔ ndɑꞋ pɔ́Ꞌɔ pɔ́. Ŋkɑ́ sɛ́ ŋ́kuꞋ pɑ́Ꞌ ŋu ɡʉ ŋ́ɡɛ ḿbɔ́ ńjẅí tɑ́Ꞌ ŋu tsɛtsɛt pʉʉ, ŋ́kwɑŋɛ ŋɡɔ ɑ nɔŋ pɔ pɔꞋ mbi Sɛ́.

Jɑ̂ŋ 16:33

N zɑ́Ꞌ njí ɛ́sẅíi wʉ́ʉ nɛ́ mɔnɛ mɛnu ɛ́ lɛɛ pɔ́Ꞌɔ, mbɔ́tnɛ pɔ́ tʉ́m pʉʉ. Pʉʉ ɡʉ ŋ́ɡɛ ńjʉ́ɔ ŋɡʉ̈ɔ́Ꞌ ndǔmbí, lɑ́ kɔɔ pʉʉ cʉɔꞌ. Ŋ kɑ tsɑ píimbí.

ŊwɑꞋnɛ-Gɑŋntúu Yɛ́su Kɛlístɔ 14:22

ńnɛn ńtɔ́ɔtɛ tʉ́m-pʉɔ-Kɛlístɔ ŋɡɔ kɔɔ pɔ́p kɑ́ɑ nǔu nɛzɑ́p tʉ́m nǔu Yɛ́su, ḿbɔ́ ńcú mbɔ̌ pɔ́p ŋɡɔ: «Ɛ́ sɛ́ ḿbíkŋɛ ŋɡɔ pɛkŋɛ lɛɛ tsɛt ŋɡʉ̈ɔ́Ꞌ tɛ ńzɑ́ɑ lɑ ńjʉ́ pii-nɛfɔɔ-Sɛ́.»

ŊwɑꞋnɛ-Gɑŋntúu Yɛ́su Kɛlístɔ 2:25

Pʉʉ zɛɛ ńzúꞋ nu yi fɔɔ-Ndɑvît kɑ cúnɛ ntɛ́ wɛ́, ɑ kɑ cú ŋɡɔ: Mɔ ḿbɔ́ ńjʉ́ɔ Tsɑpʉɔ, ɑ pɔ́ mbi mɔ ŋ́kɑ́ tsʉʉ, ɑ pɔ́ nǔu ɡúŋ pɔ́ yɑ́ɑ yi tʉʉ, ḿbɔ́ ńtɔ́ɔtɛ wɑ́ɑ, nɛpɔ́ yi tʉ́m yɑ́ɑ kíi ḿvukŋɛ pɔ́.

ŊwɑꞋnɛ-Gɑŋntúu Yɛ́su Kɛlístɔ 21:11

ńtɔ́ pɔ́Ꞌɔ, nɛjʉ́ɔ wɛ́k, ńtɔ́ ḿbɛ́ɛ ŋkʉ-ndẅí ẅi Pɔ̂l lɔknɛ ńtsɔ́ ndẅí yɛ, ńdɔk shɔtnɛ ŋ́kút mɛku mɛ́ pɔ́p mbɔ́ mɛ́ ńcú ŋɡɔ: «Nu yi Zẅikŋɛ-Sɛ́ cúnɛ pʉ̈ɔ́lɑɑ: “Pɛ́ ɡʉ ŋ́kúu Yɛlúsɑlɛm, pɑyúdɑ ɡẅɛɛ ŋɡɑŋ-ŋkʉ-ndẅí wɔ, ŋ́kút wɛ́ pɑ́Ꞌɑ, ŋ́ɡɑ́ wɛ́ mbɔ̌ pʉɔ pi pɔ́p kɑ́ pɔ́ pɑyúdɑ pɔ́.”»

ŊwɑꞋnɛ-Gɑŋntúu Yɛ́su Kɛlístɔ 21:13

Lɑ́ Pɔ̂l tsɔ́Ꞌ ŋɡɔ: «Pʉʉ lɔk nɛlɑɑ ńdɔk ḿvukŋɛ wɑ́ɑ mɛlɑ́Ꞌ kʉ̈ɔ́. N tʉ́ʉ pɑ́Ꞌɑ, mbɔ mɔ niitɛ mbʉʉ yɑɑ tɛ ḿbɔ́ yi pɛ́ lɑɑ ŋ́kúu Yɛlúsɑlɛm, ŋ́kút wɑ́ɑ kútnɛ, ńjẅí wɑ́ɑ jẅínɛ ntɛ́ Ndɛ wɛkŋɛ Yɛ́su m bɔɔ lʉꞋ.»

ŊwɑꞋnɛ-Gɑŋntúu Yɛ́su Kɛlístɔ 9:16

KwɑꞋ mɔ ŋ ɡʉ ńzɛɛ ŋ́ɡɛ ŋɡɔ, ɑ jí ndɛn ŋɡʉ̈ɔ́Ꞌ yi ɑ ɡʉ ńjʉ́ɔ ntɛ́ nu yɑ́ɑ.»

Pʉɔ-Lɔ́mɑ 5:3

Ɛ́ kɑ́ pɔ́ pɔ ndɑꞋ pɔ́Ꞌɔ pɔ́, pɛk pɛn ŋ́ɡẅɛɛ tsɑ́ɑtɛ tɛ mbɑ ŋkɑ́ yi pɛk sɛ́ ńjʉ́ɔ ŋɡʉ̈ɔ́Ꞌ, ḿbɔ́ ńjí ŋɡɔ ŋɡʉ̈ɔ́Ꞌ ɡʉ ŋ́ɡɛ pɛk sʉk.

1 Kɔlɛ̂ŋtɛ 15:58

Pɔ́ɔpɛ́mɑ́ pɑ́ɑ pɛtʉʉndɛn, pɑ́Ꞌ ɛ́ pɔ́Ꞌɔ lɑ́, pʉʉ tɛntɛ tɛntɛnɛ, kɔɔ ŋu cʉɔꞌ, pʉʉ kẅiꞋ ɛ́fɑꞋ mɛfɑꞋ-Tsɑpʉɔ ńdɔk ŋ́ɡʉ pɔ nɛ́ mbi, ŋ́ɡɔ ɛ́fɑꞋ ḿbɔ́ ńjí ŋɡɔ fɑꞋ yi pʉʉ fɑꞋnɛ, mbíꞋ ŋɡɔ pʉʉ pʉɔ-Tsɑpʉɔ lɑ́, kɛ́ ɡɛ ńdɛɛ níinɛ pɔ́.

1 Kɔlɛ̂ŋtɛ 4:9

Mɔ sɛ́ ńjʉ́ɔ yɑ́ɑ ŋɡɔ Sɛ́ kɑ ɡʉ nǔu pɛk ɡɑŋntúu ŋ́ɡɑ́ yɛ́k zʉꞋ ɛ́ pɔ́ pɔ ndẅiknzʉʉ. Pɑ́Ꞌ pʉɔ pinɛ pɛ́ zɑ́Ꞌnɛ ntsɑŋ yɔ́p tɛ pɛ́ lɔk wɔ́p ŋ́kɔ́Ꞌ nɛ́ zɑ́n pɑ́Ꞌ pɛ́ ɡʉ ńjẅítɛ wɔ́p. Ŋɡɔŋ nɛ́ ŋɡɔŋ pɔ́ ńjʉ́ɔ, pʉɔmɛsɔŋ mbɑ pɛcʉ̈ɔ́Ꞌ-Sɛ́ pɔ́ ńjʉ́ɔ yɔ́p.

Ɛ́fɛ̂zɛ 3:13

Pɑ́Ꞌ Sɛ́ kɑ ɡɛ pɔ́Ꞌɔ lɑ́, mɔ sɛ́ ḿbúꞋ mbɔ́ mbɔ̌ pʉʉ ŋɡɔ kɔɔ pʉʉ jʉ́ɔ pɑ́Ꞌ mɔ sɛ́ ńjʉ́ɔ ŋɡʉ̈ɔ́Ꞌ nǔu tú yʉ́ʉ, ŋ́kɑ́ɑ. Yîyɑ́ ŋɡʉ̈ɔ́Ꞌ sɛ́ ńcẅɛ́lɛ wʉ́ʉ, ḿbɔ́ mbɔ̌ pʉʉ ḿbɔ́ pɔ cɔꞋ-nɛfɔɔ.

Filipɛ 1:28

Pɛɡɑŋmbuu lɑɑ ḿvuutɛ wʉ́ʉ kɔɔ pʉʉ cʉɔꞌ. Pʉʉ lɑɑ mbɔɔ cʉɔꞌ, mbɔ ɛ́ ɡʉ ḿbɔ́ mbɔ̌ pɔ́p, ḿbɔ́ lii ŋɡɔ pɔ́p nǔu sɛ̂ndúŋ-nɛpɛ́, lɑ́ ɛ́ pɔ́ mbɔ̌ pʉʉ ḿbɔ́ lii ŋɡɔ pʉʉ nǔu sɛ̂ndúŋ-luk. Sɛ́ ɡɛnɛ mɔnɛ mɛnu.

Kɔlɔsíyɛ̂ŋ 1:23

Lɑ́, ɛ́ kɛ́ ḿbɔ́ ḿbíkŋɛ ŋɡɔ pʉʉ zɑ́p tʉ́m nǔu jʉ́ Yɛ́su ńjí ŋɡɔ pʉʉ ɡʉ tʉ́ʉ kɛ́ zɔŋɛ, kwɑŋɛ yʉ́ʉ kɛ́ ńtʉ́ʉ pɔ nǔu yúu mi pʉʉ sɛ́ ńzẅíꞋlɛ mbɔ̌ Sɛ́, mbɔ pʉʉ kɑ zúꞋ yîyɑ́ yúu ŋkɑ́ yi pɛ́ kɑ pɔ́ ńcẅii Ŋkʉʉ Sʉ́Ꞌnɛ mbɔ̌ pʉʉ, ɛ́ pɔ́ pɔ wɛ́tɛ́ ẅí pɛ́ cẅinɛ mbɔ̌ ŋumɛsɔŋ tsʉʉ ndǔ ŋɡɔŋ. Mɔ Pɔ̂l yɑ́ɑ fɑꞋ nɛcẅi ẅîwɑ́ Ŋkʉʉ.

1 Tɛsɑlɔník 5:9

Sɛ́ ŋkɑɑ zɛɛ ńtsɔ́Ꞌ wɛkŋɛ pɔ nɛzɑ́ŋ lɔ́ŋ nǔu pɛkŋɛ, pɛkŋɛ jʉ́ɔ ŋɡʉ̈ɔ́Ꞌ pɔ́, ɑ kɑ tsɔ́Ꞌ wɛkŋɛ pɔ nɛɡɛ pɛkŋɛ lɛɛ nzʉʉ Tsɑpʉɔ wɛkŋɛ Yɛ́su Kɛlístɔ ŋ́ɡẅɛɛ luk.

2 Tɛsɑlɔník 1:4

Ɛ́ lɛɛ pɔ́Ꞌɔ, lɑ pɛk ɡɔ́ ŋ́kẅíi lík yʉ́ʉ tsɛt mɛcɔ́ mɛcúꞋlɛ-pʉɔ-Sɛ́, ŋ́kẅíi pɔ nɛ́ kɑꞋmɛ, mbíꞋŋɡɔ pʉɔ sɛ́ ńnyɛt wʉ́ʉ nɛ́ ŋɡʉ̈ɔ́Ꞌ, ḿbɔ́ ŋ́kʉ́ʉnɛ wʉ́ʉ, pʉʉ kɛ́ mbɔɔ cúꞋlɛ kʉ̈ɔ́, pʉʉ kɛ́ ɛ́sʉk sʉknɛ, ḿbɔ́ ńzɑ́p tʉ́m yʉ́ʉ pɔ nǔu Yɛ́su Kɛlístɔ.

2 Timɔtɛ́ɛ 1:8

Pɔ́Ꞌɔ lɑ́, kɔɔ ɔ kɔ́ sʉ́ʉ nɛcú yúu mi ɔ jínɛ nǔu Tsɑpʉɔ wɛkŋɛ. Kɔɔ ɔ kɔ́ sʉ́ʉ nɛcú ŋɡɔ ɔ jí wɑ́ɑ mbɑ pɑ́Ꞌ mɔ ndɑ́tsɑ́ŋ mbíꞋ wɛ́ lɑ́. Ńtsʉ́Ꞌ pɔ́Ꞌɔ, ɔ Pɛ́m yú pǔu tɛmtɛ ńjʉ́ɔ ŋɡʉ̈ɔ́Ꞌ, ńdɔk ŋ́ɡɛ Ŋkʉʉ Sʉ́Ꞌnɛ sɑt zʉꞋ, ɛ́sɑ́ŋ nǔu mɛtʉʉ mi Sɛ́ ɡɑ́nɛ mbɔ̌ pǔu.

1 Pyɛ̂ 2:21

Sɛ́ kɑ ɡɔ́ ɛ́fúŋ wʉ́ʉ, ḿbɔ́ ńdɔɔ ŋɡɔ pʉʉ ɡɛ pɔ pɔ́Ꞌɔ. Kɛlístɔ kɑ jʉ́ɔ yɛ́ ŋɡʉ̈ɔ́Ꞌ mbíꞋ wʉ́ʉ, ńdɔk ŋ́ɡɑ́ wʉ́ʉ nɛ́ fʉꞋ, ŋɡɔ pʉʉ nɛn pɑ́Ꞌ jʉ́.

Mɛnu ɛ́ ńdɑ́Ꞌ ńcẅɛt 2:10

Ɛ́ nɛ́nẅín ŋɡɔ pʉʉ ɡʉ ńjʉ́ɔ ŋɡʉ̈ɔ́Ꞌ, lɑ́, kɔɔ pʉʉ kɛ́ ḿbɔ́k. Pʉʉ jí ŋɡɔ Sɑ́ttɑ ɡʉ ḿmɑꞋ pɛcɔ́ pʉɔ pʉ́ʉ ndɑ́tsɑ́ŋ nɛlɔk ŋ́kwɑꞋlɛ wʉ́ʉ ńjʉ́ɔ. Pʉʉ jʉ́ɔ ŋɡʉ̈ɔ́Ꞌ jʉ́ɔnɛ nǔu lɛ́Ꞌ lɑ́Ꞌ nɛɡɛ́m. Pʉʉ kɛ́ ńjí pɔ ndɑꞋ wɑ́ɑ, tɛ mbɑ pɑ́Ꞌ pɛ́ lɑɑ ḿbɔ́ ńjẅítɛ wʉ́ʉ ntɛ́ pɔ́Ꞌɔ. Mɔ, ŋ ɡʉ ńdɑ́Ꞌ ńtɔꞋ ŋɡúꞋ yʉʉ, ɛ́ pɔ́ pɑ́Ꞌ pʉʉ ɡʉ ńdɑ́Ꞌ ḿbɔ́ pɔ ɡú.

Mɛnu ɛ́ ńdɑ́Ꞌ ńcẅɛt 2:13

Mɔ sɛ́ ńjí zʉꞋ yi pʉʉ nɑ́ŋnɛ zúꞋu. KɔꞋ-nɛfɔɔ-Sɑ́ttɑ tʉ́ʉ zúꞋu lɑ́, ŋ kɛ́ ḿbɔ́ ńjí ŋɡɔ pʉʉ tsuŋ ńcʉŋɛ pɔ nǔu mɔ. Pʉʉ ŋkɑɑ mɔ́ nɑ́ nɛzɑ́p tʉ́m nǔu mɔ pɔ́, tɛ mbɑ nǔu mɛlɛ́Ꞌ mi pɛ́ kɑ jẅínɛ Aŋntipɑs lɑ́Ꞌ pʉʉ, nǔu zʉꞋ yi Sɑ́ttɑ nɑ́ŋnɛ zúꞋu. Aŋntipɑs kɑ pɔ́ ŋu ńcú yɛ́ pɔ ndɑꞋ nu yi ɑ jínɛ nǔu mɔ.