1 Kɔlɛ̂ŋtɛ 9:14 - Kɑɑ Fí

¹⁴ Ɛ́ ndʉ́ŋndʉŋ pɑ́Ꞌ Tsɑpʉɔ kɑ zɑ́pnɛ ŋɡɔ pʉɔ pi pɔ́p sɛ́ ńcẅi Ŋkʉʉ Sʉ́Ꞌnɛ, pɔ́p ɡʉ ḿbɔ́ ńjʉ́ yúu mi ɛ́ fúnɛ nǔu fɑꞋ-nɛcẅi Ŋkʉʉ Sʉ́Ꞌnɛ.

1 Kɔlɛ̂ŋtɛ 9:14 교차 참조

Mɑtʉ̈ɔ 10:10

Kɔɔ pʉʉ ɡɔ ńcʉ́ɔ sɛ̂ndúŋ ńdyɛp pɑɑ, kɔɔ pʉʉ pɛ́ɛ ŋkúpmɛ-ndẅí, kɔɔ pʉʉ pɛ́ɛ ŋkúp-mɛtɑp, kɔɔ pʉʉ tẅɛꞋ ntẅí. N cú pɑ́Ꞌɑ mbíꞋŋɡɔ ŋu lɑɑ ḿbɔ́ ɛ́fɑꞋ ɡɔ́ lɑ́, mbɔ yúujʉ́ pɛ́ ɡʉ ɛ́fú zúꞋu.

Lúkɑ́shi 10:7

Pʉʉ lɑɑ ḿbiitɛ tɛ ŋ́kúu tsɛt ndɑ́, pʉʉ nɑ́ŋ pɔ tsɛt ndɑ́ ɛ̂yɑ́, pʉʉ pɑ́ɑ nɛpɛn ŋ́ɡʉ yɛcɔ́ zʉꞋ ndɛꞋ, pɛ́ ɡɑ́ mbɑ kʉ̈ɔ́ lɑ́ zúꞋu pʉʉ kwɛ́t, ḿbɛn ńnɔ́, kɛ́ kɔ́ sʉ́ʉ, mbíꞋŋɡɔ ŋu lɑɑ ɛ́fɑꞋ fɑꞋ, mbɔ ɑ ɡɛ ńjʉ́ pii-fɑꞋ.»

Lúkɑ́shi 10:8

Pʉʉ lɑɑ ŋ́kúu tsɛt yɛ́t tʉ́sɔŋ lɑ́, tɛ pʉɔ cẅɛ́ɛ wʉ́ʉ, pɔ́p ɡɑ́ pɔ kʉ̈ɔ́ lɑ́, pʉʉ jʉ́.

ŊwɑꞋnɛ-Gɑŋntúu Yɛ́su Kɛlístɔ 18:3

Pɑ́Ꞌ pɔ́p pɛ́ pɔ́p kɑ pɔ́ ɛ́fɑꞋ pɔ tɑ́Ꞌ ntɛ́ fɑꞋ, ɛ́ pɔ́ ńniitɛ mɛntɑp lɑ́, Pɔ̂l tsʉ́Ꞌ ńtswɛ́ pɔ njɛ́Ꞌ pɔ́p, pɔ́p pɛ́ pɔ́p tɛmtɛ ɛ́fɑꞋ.

1 Kɔlɛ̂ŋtɛ 4:15

Pʉʉ lɑɑ ńzɛɛ ŋ́ɡẅɛɛ pʉɔ pi pɔ́p zíꞋnɛ wʉ́ʉ nɛ́ nu-Kɛlístɔ tɛ ɛ́ zɛɛ ḿbɔ́ pɔ yúu ntsɑ́Ꞌ nɛɡɛ́m, ḿbɔ́ pɛtɑ́t pʉ́ʉ kɑ zɑ́ɑ zɑ́ɑnɛ. Mɔ pɔ́nɛ tɑ́t wʉ́ʉ mbíꞋŋɡɔ mɔ tɔ́nɛ ńcẅi Ŋkʉʉ Sʉ́Ꞌnɛ mbɔ̌ pʉʉ, lɑ́ pʉʉ lɑt mbʉʉ yʉʉ nǔu Yɛ́su Kɛlístɔ.

1 Kɔlɛ̂ŋtɛ 9:11

Pɛk kɑ pi mbiyúu mi ɛ́ fúnɛ mbɔ̌ Sɛ́ tsɛtsɛt pʉʉ. Pɛk lɑɑ ḿbɔ́ pɑ́Ꞌɑ ŋ́ɡʉ nǔu yúu pʉ́ʉ, ŋ́ɡẅɛɛ yɛcɔ́ pɑ́Ꞌ pʉɔ pi pɔ́p fúnɛ ŋkɑ́Ꞌ lɑk yúu lɑ́, mbɔ pɛk lɔk ŋ́ɡɔ́ɔ ńjʉ́ pii yʉ́ʉ tɛ ɛ́ lɛɛ lɛɛnɛ kii?

1 Kɔlɛ̂ŋtɛ 9:12

Ɛ́ lɑɑ ḿbɔ́ yi pɛcɔ́ pʉɔ sɛ́ ńcẅɛ́ɛ yúu mbɔ̌ pʉʉ, mbɔ pɛk zɛɛnɛ mbɔɔ ɡẅɛɛ nɛpiitɛ ńcẅɛ́ɛ pɔ́ ɔɔ? Tɛ mbɑ pɔ́Ꞌɔ, pɛk ŋkɑɑ kɛ́ ńcẅɛ́ɛ pɔ́. Tɛ ńtsʉ́Ꞌ pɔ́Ꞌɔ, mbɔ pɛk sɛ́ ɛ́sʉk nǔu mbɑ kʉ̈ɔ́ lɑ́ sʉknɛ, ḿbɔ́k nɛɡɛ yúu mi ɛ́ ɡʉ ńtɔꞋ pʉɔ nɛzúꞋ Ŋkʉʉ Sʉ́Ꞌnɛ-Kɛlístɔ.

1 Kɔlɛ̂ŋtɛ 9:16

Ɛ́ mbɔ̌ mɔ, nɛcẅi Ŋkʉʉ Sʉ́Ꞌnɛ, pɔɔ pɔ́ pɔ yɛcɔ́ yúu nɛlɔk ŋ́ŋɑ́Ꞌtɛ pɔ́. Ɛ́ pɔ́ pɔ yúu mi ŋ kɛ́ ŋ́ɡẅɛɛ pɔ nɛɡɛ. N dɑɑ ńdʉꞋ nɛcẅi Ŋkʉʉ Sʉ́Ꞌnɛ, mbɔ n tíi ndɔɔ.

1 Kɔlɛ̂ŋtɛ 9:4

Pɛk kɑ́ ɡẅɛɛ yɛ́k nɛcẅɛ́ɛ yúu ŋ́kwɛ́t, ḿbɛn ńnɔ́ mbíꞋ fɑꞋ yɛ́k pɔ́ kíi?

2 Kɔlɛ̂ŋtɛ 2:12

Ɛ́ ɡʉ nǔu wɑɑ nɛnɛn ɛ̂wɑ́, mbɔ ŋ kɑ kúu tʉ́sɔŋ-Tɔ̂lɑ́s nɛcẅi Ŋkʉʉ Sʉ́Ꞌnɛ-Kɛlístɔ zúꞋu, Tsɑpʉɔ tsɔ́Ꞌ sɛ̂ndúŋ mbɔ̌ mɔ nɛfɑꞋ fɑꞋ yɛ́,

Ŋɡɑlɑ̂t 6:6

Ɛ́ pɔ́ŋ ŋɡɔ ŋu ẅí pɛ́ sɛ́ ńzíꞋ wɛ́ nɛ nu-Sɛ́ ɡɑp yúu pɛ́ ŋ́ɡɑ́ yɛ ŋu ẅí ɑ sɛ́ ńzíꞋ wɛ́.

1 Tɛsɑlɔník 1:5

MbíꞋŋɡɔ pɛk ŋ́kɑɑ lɔk pɔ sẅiŋɛ ndɑꞋ ńcẅi Ŋkʉʉ Sʉ́Ꞌnɛ lɑ́Ꞌ pʉʉ pɔ́, pɛk kɑ lɔk pɔ mɛtʉʉ-Zẅikŋɛ Lɛ́ɛnɛ́nɛ, ḿbɛn ḿbɔ́ ńtsuŋ ńjí ŋɡɔ Ŋkʉʉ ẅi pɛk ḿbɔ́ ńcẅi kɑ pɔ́ nɛ́nẅín, pʉʉ sɛ́ ńjí yúu mi pɛk kɑ ɡɛnɛ ŋkɑ́ yi pɛk kɑ pɔ́nɛ tsɛtsɛt pʉʉ, ɛ́ kɑ pɔ́ pɔ nɛlɔk ńcẅɛ́lɛ wʉ́ʉ.