1 Mɔ pɑ́Ꞌɑ mbɔ m bɔɔ ɡɛ yúu nǔu ntɛ́ yi mɔ sɛ́ ńjí pɔ́ kíi? Ŋ kɑ́ pɔ́ ŋɡɑŋntúu-Yɛ́su pɔ́ ɔɔ? Mɔ ŋkɑɑ jʉ́ɔ yɑ́ɑ Tsɑpʉɔ wɛkŋɛ Yɛ́su pɔ́ ɔɔ? Pʉʉ ŋkɑɑ ɡɔ́ ńjí Tsɑpʉɔ, ɛ́fú pɔ nǔu fɑꞋ yi ɛ fɑꞋnɛ mbɔ̌ wɛ́ pɔ́ ɔɔ?
Yɛcɔ́ lɛ́Ꞌ, pɔ́p kɔŋ kɔŋnɛ ńnɑ́ŋ njí ńcɛꞋlɛ Sɛ́. Zẅikŋɛ Lɛ́ɛnɛ́nɛ cú mbɔ̌ pɔ́p ŋɡɔ: «Pʉʉ ɛ́fɑk Pɑnɛpɑ́ɑshi pɔ́p Sɔ̂l, ńnɑ́ wɔ́p, pɔ́p fɑꞋ fɑꞋ yí ŋ kɑ tsɔ́Ꞌnɛ wɔ́p ntɛ́ yɛ́tɛ́.»
Pɔ́p zúꞋ yɔ nu, ɛ́sɑtɛ mɛndẅí mɔ́p ńdɔk ḿbɔ́ ńdʉꞋ, ńnɑ́ɑtɛ ŋ́kúu tsɛtsɛt lɑ́Ꞌ ŋ́ɡíɛt nɛ́ tʉʉ ńcú ŋɡɔ:
Pʉɔ pí pɔ́p tʉ́sɔŋ sɑ́ɑnɛ, ŋ́ɡɑptɛ nji yɛ́pɑ́. Tɑ́Ꞌ nji cʉ́ɔ nzʉʉ-pɑyúdɑ. Yɛcɔ́ cʉ́ɔ nzʉʉ-pɑpɛ́m Yɛ́su.
Ɛ́ ɡɛ ḿbɔ́ nɛtúꞋ, Tsɑpʉɔ tɔ́ ńcú mbɔ̌ Pɔ̂l ŋɡɔ: «Sɑ́Ꞌ pɔ mɛtʉʉ. Ɔ kɑ cú ŋu ẅi mɔ jʉ́ Yɛlúsɑlɛm wɔ. Ɛ́ pɛn ḿbɔ́ ḿbíkŋɛ ŋɡɔ ɔ pɛn ńcú ŋu ẅi mɔ jʉ́ tʉ́sɔŋ-Lɔ́mɑ.»
Lɑ́ Tsɑpʉɔ cú mbɔ̌ Anɑníyɑs pɔ ŋɡɔ: «Gʉ ńjʉ́ɔ ŋu ɛ̂wɑ́ ńjʉ́ɔ, mbíꞌŋɡɔ ɑ mbɔ̌ mɔ ḿbɔ́ kwɑꞋ yúu-fɑꞋ. A ɡʉ ŋ́ɡɛ ŋɡɔ pʉɔ pi pɔ́p kɑ́ pɔ́ pɑíslɑyɛ̂l pɔ́ jí wɑ́ɑ, mbɑ pɛfɔɔ, tɛ mbɑ pɔ́ɔ-Íslɑyɛ̂l.
Anɑníyɑs ɡɔ́ɔ ŋ́kɛ́ ŋ́ɡʉ tɛ ŋ́kúu ndɑ́ ɛ̂yɑ́, ńzɑ́p mbɔ́ tú Sɔ̂l, ńcú mbɔ̌ wɛ́ ŋɡɔ: «Mɔ́ɔmɑ́ mɔ Sɔ̂l, Tsɑpʉɔ Yɛ́su túunɛ wɑ́ɑ. A Yɛ́su ẅí ɑ kɑ nyɛtnɛ mbʉʉ yɛ mbɔ̌ ɡu ŋ́kɑ́ yi ɔ ḿbɔ́nɛ sɛ̂ndúŋ ḿbɔ́ ńtɔ́ nɛ́ zɑꞋnɛ lɑ́. A túu wɑ́ɑ ŋɡɔ Sɛ́ ɡɛ ɔ pɛn ńjʉ́ɔ zʉꞋ. Zẅikŋɛ Lɛ́ɛnɛ́nɛ jʉ́ wú.»
Sɔ̂l pɛ́t ḿbɔ́ pɔ sɛ̂ndúŋ, tɛ mbɔ ɑ ɡʉ tɛ ńtsʉ́Ꞌ nɛkúu Ndɑmɑs, ŋ́ɡɔ́ɔ ńjʉ́ɔ yɛcɔ́ yúu fú tʉ́nɛ́pú, ŋ́kyɛꞋ wɛ́ tɛꞋ.
Sɔ̂l píkŋɛ ŋɡɔ: «A ɡu wɔ̌ Ndɛ?» Ŋɡɑŋ pʉ̈ɔt ŋɡɔ: «Mɔ Yɛ́su. Ɔ tsɔ́Ꞌ pɑꞋnɛ pɔ ku yɑ́ɑ kɛpɔŋ.
Yɔ ŋwɑꞋnɛ fú mbɔ̌ mɔ Pɔ̂l, ŋu ẅí ɑ fɑꞋnɛ fɑꞋ-Yɛ́su Kɛlístɔ, Sɛ́ kɑ fúŋnɛ wɑ́ɑ ńdɔk ŋ́ɡɛ ŋɡɑŋntúu-Yɛ́su Kɛlístɔ, ńzɑ́p wɑ́ɑ ŋɡɔ ŋ ɡʉ ńcẅi Ŋkʉʉ Sʉ́Ꞌnɛ wɛ́ mbɔ̌ lɑ́Ꞌ.
Sɛ́ kɑ lɛɛ pɔ nǔu jʉ́ Kɛlístɔ ŋ́ɡɑ́ fuꞋ níinɛ yɑ́ɑ, ńdɔk wɑ́ɑ ŋ́ɡɛ ŋɡɑŋntúu-Yɛ́su Kɛlístɔ nɛpɔ́ yi mɔ ŋ́ɡʉ ɛ́sẅíi nu-Sɛ́, tsɛt mɛŋɡɔŋ tsʉʉ. Pʉɔ zɑ́p tʉ́m nǔu wɛ́, ńzúꞋ ntsu wɛ́, ɛ́ lɛɛ pɔ́Ꞌɔ, pɔ́p ɡɑ́ mɛkuꞋ mbɔ̌ Yɛ́su Kɛlístɔ.
Nu yi ŋ ɡʉ ńcú ŋkɔ̂ɔnɛ lɑɑ, n cú mbɔ̌ pʉʉ pi pʉʉ kɑ́ pɔ́ pɑyúdɑ pɔ́. Sɛ́ kɑ túu wɑ́ɑ mbɔ̌ pʉɔ pi pɔ́p kɑ́ pɔ́ pɑyúdɑ pɔ́. TúfɑꞋ yi Sɛ́ kɑ ɡɑ́nɛ mbɔ̌ mɔ, n níꞋ mɛkuꞋ nǔu.
Yɔ ŋwɑꞋnɛ fú mbɔ̌ mɔ Pɔ̂l ɡɑŋntúu-Yɛ́su Kɛlístɔ. KwɑꞋ jʉ́ Sɛ́ kɑ tsɔ́Ꞌnɛ wɑ́ɑ nǔu wɛ nɛkɔŋ ńdɔk ŋ́ɡɛ wɛ́tɛ́. Mbɑ mɔ́ɔmɑ́ wɛkŋɛ Sɔstɛ̂n ɡúu.
Ŋ kɑ́ pɔ́ ńcú pɑ́Ꞌɑ ŋɡɔ yú tʉ́m ɡʉnɛ ńzúꞋ kɛ́kɑ́ŋ pɔ́, n dɑꞋ pɔ yɛ́ ŋu ẅí ɑ sẅíinɛ wú. Mbɔ ɔ píkŋɛ ŋɡɔ mɛlɑ́Ꞌ kʉ̈ɔ́ ɔ ɡɛ yúu pɔ nǔu wu nɛkɔŋ, tʉ́m wɛcɔ́ ŋu ndɛꞋ pɛn ŋ́ŋɑk wɛ́ nǔu yîyɑ́ yúu?
N dɑɑ ŋ́ɡɔ́ ńjʉ́ yúupɛjʉ́, ńzɛɛ ḿbiitɛ ŋ́ɡɑ́ pɑ́Ꞌlɑ́ mbɔ̌ Sɛ́, mbɔ mɛlɑ́Ꞌ kʉ̈ɔ́ ŋu ndɛꞋ ńtɛ́m sʉ́ʉ nǔu mɔ mbíꞋ yîyɑ́ yúu lɑ mbɔ ŋ ɡɔ́ ńjʉ́, ŋ́ɡɑ́ pɑ́Ꞌlɑ́ mbɔ̌ Sɛ́?
Ŋu lɑɑ ŋ́kɛ́ ńjʉ́ɔ ŋɡɔ ɑ ɡʉ ńzɔŋ nu ŋ́ɡɑ́ nǔu yɔ nu, mbɔ pɛk kɑ́ ɡẅɛɛ mɑt wɛ ndɛꞋ pɔ́. MɛcúꞋlɛ-pʉɔ-Sɛ́ kɛ́ mbɔɔ ɡẅɛɛ mɑt wɛ ndɛꞋ pɔ́.
Ŋ kɑ pi tʉ́ sɛ́, Apɔlɔ́s tswɛt ŋki nǔu. Lɑ́ Sɛ́ ɡɛ ɛ́ ɡúꞋ.
Pɑ́Ꞌ n cúnɛ lɑ́, ŋ ɡẅɛɛ nɛɡɛ kʉ̈ɔ́ lɑ́ nǔu ntɛ́ yi n jínɛ, lɑ́ ŋ kɑ pɛ́m ŋkwɑɑ-pʉɔ tsʉʉ, ńjí ŋɡɔ ŋ ɡʉ ńdɔk pɔ́Ꞌɔ, ŋ́ɡɛ pʉɔ tɛ ńzɑ́ɑ tsʉ́Ꞌ pʉɔ-Kɛlístɔ.
Pʉʉ sɛ́ ńjʉ́ɔ kʉ̈ɔ́ lɑ́ pɔ nǔu nzɛmpíi. Pɑ́Ꞌ ɛ́ pɔ́Ꞌɔ, ŋu lɑɑ ŋ́kɛ́ ḿbɔ́ ńcú ŋɡɔ ɑ ŋu-Kɛlístɔ, ɑ tsuŋ ńjí ŋɡɔ ɑ lɑɑ ḿbɔ́ ŋu-Kɛlístɔ, mbɔ pɛk pɛn ḿbɔ́ yɛ́k pʉɔ-Kɛlístɔ pɑ́Ꞌ jʉ́.
Lɑ́ mɔ sɛ́ ŋ́kwɑŋɛ yɑ́ɑ ŋɡɔ pʉɔ pi pʉʉ jʉ́ɔnɛ ŋɡɔ pɔ́p pɔ pɛmɑ́ ɡɑŋntúu-Yɛ́su lɑ́, pɔ́p kɑ́ lɛɛ wɑ́ɑ nǔu yɛcɔ́ yúu pɔ́.
Pɑ́Ꞌ pɛkŋɛ pɛ́ Sɛ́ tɛmtɛ́nɛ ḿbɔ́ ɛ́fɑꞋ lɑ́, pɛk sɛ́ ńní mɛtʉʉ mʉ́ʉ ŋɡɔ kɔɔ pʉʉ ɡɛ nǔu ntɛ́ yi, nɛpɔ́ ẅi Sɛ́ tsɑ́ɑnɛ wʉ́ʉ, ŋ́ɡɑ́ fuꞋ níinɛ yʉ́ʉ, ɡʉ ńdɛɛ fɛ̌ɛ.
Yɔ ŋwɑꞋnɛ fú mbɔ̌ mɔ Pɔ̂l, ŋɡɑŋntúu-Yɛ́su Kɛlístɔ, mbɔ pʉɔmɛsɔŋ ŋ́kɑɑnɛ wɑ́ɑ tsɔ́Ꞌ, wɛcɔ́ ŋumɛsɔŋ kɛ́ mbɔɔ wɑ́ɑ túu. Yɛ́su Kɛlístɔ pɔ́p Sɛ́ tɑ́t kɑ túunɛ wɑ́ɑ. Jʉ́ tɑ́t kɑ ɡɛnɛ lɑ Yɛ́su zẅíimɛ nǔu nɛvú.
Kɛlístɔ kɑ zɑ́Ꞌ ŋkʉ-puꞋ lɔ́ŋ pɛkŋɛ nɛpɔ́ yi pɛkŋɛ ɡʉ ḿbɔ́ pʉɔ pi pɔ́p tsuŋ ńduk kwɑɑ-nɛpʉ́ʉ. Pɔ́Ꞌɔ lɑ́, pʉʉ kúꞋlɛ nînɑ́ nɛpɔ́ sʉ́Ꞌnɛ, ḿbɑ́ɑ nɛpɛn ḿbɛ́m yɛcɔ́ yúu pɛn ńdɔk wʉ́ʉ ŋ́ɡɛ pɛkwɑɑ.
Pɛk ŋ́kɑɑ píkŋɛ ŋɡɔ pɛ́ ɡɑ́ mɛkuꞋ mɛ́k pɔ́, kɛ pɔ pʉʉ nɛɡɑ́ pɔ́, kɛ pɔ pɛcɔ́ pʉɔ pɔ́.
Sɛ́ kɑ zɑ́pnɛ wɑ́ɑ ŋɡɔ m bɔ́ Ncẅiŋkʉʉ wɛ, ḿbɔ́ ŋɡɑŋntúu-Yɛ́su nɛcú yîyɑ́ nu. A kɑ ɡɑ́ mbɔ̌ mɔ ŋɡɔ n zíꞋ pʉɔ pi pɔ́p kɑ́ pɔ́ pɑyúdɑ pɔ́, nɛzɑ́p tʉ́m nǔu Kɛlístɔ, mbɑ nɛjí nu yi ɛ́ nɛ́nẅín. Ɛ sẅíi nu nɛ́nẅín, ŋ kɑ́ pɔ́ ńcɔtnu pɔ́.
Sɛ́ kɑ tsɔ́Ꞌ wɑ́ɑ ŋɡɔ m bɔ́ ŋɡɑŋntúu ńcẅi wɔ Ŋkʉʉ sʉ́Ꞌnɛ, ḿbɛn ḿbɔ́ ńdɛꞋlɛ nu mbɔ̌ pʉɔ.
