10 Ŋ́ɡʉ nǔu pʉɔ pi pɔ́p kɑ lɑ́Ꞌ mɔ́ ńzɔ́Ꞌ, mbɔ mɔ ńcú nu yi Tsɑpʉɔ kɑ zɑ́pnɛ ɛ́ pɔ́ ŋɡɔ, mɑŋɡɛ́ ẅí ɑ zɔ́Ꞌnɛ, ɑ kɑ́ ɡẅɛɛ nɛcẅɛt nǔu ndúu mɛ pɔ́.
Lɑ́ n cú yɑ́ɑ mbɔ̌ pʉʉ ŋɡɔ: «Ŋu lɑɑ ńzuŋ nzwɛ́ wɛ, kɛ́ pɔ́ yi mɑŋɡɛ́ ɡɛ ɡɑ́ɑ, mbɔ ɑ tsʉ́ʉnɛ wɛ́ nɛɡɛ ɡɑ́ɑ pɑ́Ꞌ ɑ lɑɑ ŋ́ɡʉ ńzɔ́Ꞌ wɛcɔ́ ŋu. Ŋu pɛn ńzɔ́Ꞌ mɑŋɡɛ́ ẅi ndúu mɛ zuŋnɛ wɛ́, mbɔ ɑ ɡɛ ɡɑ́ɑ.»
Pɑfɑlísɑy tɔ́ yɔ́p, ḿbɔ́ ŋ́kwɑꞋlɛ wɛ́, ḿbíkŋɛ wɛ́ ŋɡɔ: «Tɛ ɛ́ pɛꞋnɛ nɛpʉ́ʉ nɛkŋɛ pɛ́m ŋɡɔ ŋu zuŋ nzwɛ́ wɛ?»
«Ɛ́ pɔ́Ꞌɔ lɑ́ n dɔk ńcú ŋɡɔ: Ŋu lɑɑ ńzuŋ nzwɛ́ wɛ, ńzɔ́Ꞌ wɛcɔ́, mbɔ pɔ́p wîwɑ́ pɔ́ pɔ nǔu nu-ɡɑp. Ŋu ẅí ɑ pɛn ńzɔ́Ꞌ mɑŋɡɛ́ ẅi ndúu mɛ zuŋnɛ wɛ́, mbɔ ɑ ɡɛ pɔ ɡɑp.»
Lɑ́ ŋ́kɛ́ ḿbɔ́ yi ɑ lɑɑ ńcẅɛt nǔu ndúu mɛ, kɔɔ ɑ kɛ ḿbɛn ńzɔ́Ꞌ wɛcɔ́ ŋu, tɛ ńtsʉ́Ꞌ pɔ́Ꞌɔ, ɑ pɛn nzʉʉ pɔ́p ndúu mɛ mɛk cʉ́ɔk. Ŋu mbɛ́ɛnɛ pɛn ŋ́kɛ́ mbɔɔ ɡẅɛɛ nɛzuŋ nzwɛ́ wɛ pɔ́.
Ɛ́ ɡʉ nǔu pɛcɔ́ pʉɔ, n cú ŋɡɔ: «Ŋu lɑɑ ḿbɔ́ ŋu-Kɛlístɔ, ŋ́ɡẅɛɛ mɑŋɡɛ́ ẅí ɑ kɑ pɔ́ ŋu-Kɛlístɔ pɔ́, ẅîwɑ́ mɑŋɡɛ́ pɛ́m ŋɡɔ pɔ́pnɛ́ ńnɑ́ŋ kɔɔ ŋɡɑŋ zuŋ wɛ́.» Mɔ cúnɛ yɔ nu, Tsɑpʉɔ kɑ́nɛ cú pɔ́.
Lɑ́ ɛ́ lɑɑ ŋ́kɛ́ ḿbɔ́ yi ŋu ẅí ɑ kɑ́ pɔ́ ŋu-Kɛlístɔ pɔ́ jʉ́ɔ ŋɡɔ ɑ ɡʉ ɛ́fɑk mbʉʉ yɛ, pɛ́ nɑ́ wɛ́ ɑ fɑk. Ɛ́ ɡʉ nǔu yîyɑ́ ntɛ́, yɛcɔ́ yúu kɑ́ kúꞋlɛ ŋu-Kɛlístɔ wɛ mbɛ́ɛnɛ kɛ wɛ mɑŋɡɛ́ pɔ́. Sɛ́ kɑ zɛɛ ɛ́fúŋ wɛkŋɛ pɔ pɑ́Ꞌ pɛkŋɛ ɡʉ ńnɑ́ŋ nɛ́ mbɔ́tnɛ.
Ɛ́ ɡʉ nǔu pʉɔ pi pɔ́p ŋkɑɑ zɔ́Ꞌ, mbɔ Tsɑpʉɔ kɑ kɛ́ ńcú nu yi mɔ ńcú mbɔ̌ pɔ́p. Lɑ́, mɔ ńcú pɑ́Ꞌ mɔ sɛ́ ŋ́kwɑŋɛ yɑ́ɑ nǔu nu yɔ́p, ńdɔk pɑ́Ꞌ mɔ ŋu ẅí Tsɑpʉɔ kɑ tsɑ́ɑnɛ mɛjʉ́ŋ mɑ́ɑ, ńdɔk wɑ́ɑ ŋ́ɡɛ ŋu ẅí m bɔ́ ńcú nu pɛ́ zúꞋ.
Lɑ́ ŋ kwɑŋɛ yɑ́ɑ ŋɡɔ ɑ lɑɑ ńnɑ́ŋ kɛ́ pɛn ńzɔ́Ꞌ, mbɔ ɑ ɡʉ ńzúꞋ sʉ́Ꞌnɛ tɛꞋ. M bɛn ḿbɔ́ ŋ́kwɑŋɛ ŋɡɔ Zẅikŋɛ-Sɛ́ nǔu mɔ ɡúu.
Ɛ́ kɑ́ pɔ́ pɑ́Ꞌɑ ḿbɔ́ pɔ nɛpʉ́ʉ ni n zɑ́pnɛ pɔ́, ŋ ɡʉ ńcú pɔ yúu mi pʉʉ lɑɑ ŋ́ɡɛ ɛ́ pɔŋ.
