1 Kɔlɛ̂ŋtɛ 5:9 - Kɑɑ Fí

⁹ Ŋ kɑ ńtúu ŋwɑꞋnɛ mbɔ̌ pʉʉ ńcú tsɛtú ŋɡɔ: «Pʉʉ pɑ́ɑ pɑ́Ꞌ pʉʉ pɛ́ pʉɔ pi pɔ́p jʉ́ɔnɛ mbɑ wɔ̌ lɑ́ pɔ́p pɛpɔ́p nɔɔ nɔɔnɛ tɛmtɛ nu.»

1 Kɔlɛ̂ŋtɛ 5:9 교차 참조

1 Kɔlɛ̂ŋtɛ 5:10

Mɔ ŋkɑɑ ḿbɔ́ ńdɑꞋ pʉɔ tsʉʉ pi pɔ́p tsɛt yɔ ndǔmbí ńtsɛ́t mbɑ wɔ̌ lɑ́ pɔ́p pɛpɔ́p nɔɔ nɔŋnɛ pɔ́, ŋ́kɛ́ ḿbɔɔ ńcú pɛtsɔ́ŋ tsʉʉ pɔ́, ŋ́kɛ́ ḿbɔɔ ńcú ɡɑŋ kɛ́ɡʉ̈ɔꞋ tsʉʉ pɔ́, ŋ́kɛ́ ḿbɔɔ ńcú pɑɡúꞋlɛ yúu ŋɡɔ ɛ́ mɛsɛ́ tsʉʉ pɔ́. MbíꞋŋɡɔ ɛ́ kɑ pɔ́ pɔ́Ꞌɔ, mbɔ pʉʉ kɑ tsʉ́Ꞌ ɛ́fú pɔ tsɛt nɛfɔɔ-ndǔmbí ńcẅɛt.

1 Kɔlɛ̂ŋtɛ 5:2

Pʉʉ pɔ́ zúꞋu ḿbɔ́ ŋ́ŋɑ́Ꞌlɛ, lɑ mbɔ pʉʉ ḿbɔ́ ŋ́ɡʉ ńdúŋ yîyɑ́ ntɛ́ nu lúŋnɛ, pɛ́ pɛn ɛ́fú tsɛtsɛt pʉʉ ńzuŋ ŋu ẅí ɑ ɡɛnɛ pɔ́Ꞌɔ.

1 Kɔlɛ̂ŋtɛ 5:7

Pʉʉ cẅɛɛtɛ fɛntɛ-ndwɛn mɑt tsɛtsɛt pʉʉ, ńjí ŋɡɔ pʉʉ ɡʉ ḿbɔ́ kɛ́ lɔ́Ꞌ. Ɛ́ fú pɔ́Ꞌɔ, pʉʉ pɔ́ fɑlîn tsɛpnɛ yi ɛ́ pɛ́t pɔ yi fí, kɛ́ yɛcɔ́ fɛntɛ nǔu. Pʉʉ kɑ zɛɛ mɔ́ ńdɑ́Ꞌ ḿbɔ́ pɔ́Ꞌɔ, mbíꞋŋɡɔ pɛ́ kɑ lɔk Kɛlístɔ ńnɔŋ pɔꞋ, ɛ́ pɔ́ pɑ́Ꞌ wɛkŋɛ mɔ́ɔ-njinjɔ-ndínɑ-Pɑ́skɑ lɑ́.

2 Kɔlɛ̂ŋtɛ 6:14

Kɔɔ pʉʉ pɑkɛzɑ́p tʉ́m nǔu Yɛ́su tɛmtɛ pɑꞋ ŋu pɔ́p wɛcɔ́ tɛmtɛnɛ ńnɛn tɑ́Ꞌ ku ŋ́ɡɛ tɑ́Ꞌ yúu lɑ́, ḿbɔ́ nu yi ɛ́ tʉ́ʉnɛ ndʉ́ŋndʉŋ pɔ́p yi ɛ́ kɑ́ tʉ́ʉ zɛɛ ńtɛmtɛ ku ńnɛn ŋɡɔ́ku? Mbɔ kyɛꞌ pɔ́p nzɛ́nzʉ́ʉ pɔ́ tɑ́Ꞌ zʉꞋ ŋɡɔ́ku?

2 Kɔlɛ̂ŋtɛ 6:17

Ɛ́ yúu mi ɛ́ ɡɛ jʉ́ Tsɑpʉɔ cú ŋɡɔ: Pʉʉ fú tsɛtsɛt pɔ́p ńcẅɛt, ɛ́fɑk yʉʉ mbʉʉ, Kɔɔ pʉʉ ɡẅɛɛ yúu mi lɔ́Ꞌ nǔu, Mɔ, m bɛn ŋ́kɛ́ ŋ́kúkŋɛ wʉ́ʉ.

Ɛ́fɛ̂zɛ 5:11

Kɔɔ pʉʉ kúu tsɛtsɛt pʉɔ pi pɔ́p fɑꞋ pɔ mɛfɑꞋ mi ɛ́ kɑ́ pɔ́ ńcẅɛ́lɛ́ pɔ́, mɛfɑꞋ-nzɛnzʉ́ʉ. Pʉʉ sɑ́ɑnɛ sɑ́ɑnɛ́nɛ ŋ́kyɛ́Ꞌ ntsɛm yɔp kíɛꞋnɛ.

2 Tɛsɑlɔník 3:14

Ŋu lʉꞋ nɛzúꞋ nu yi pɛk cúnɛ tsɛt yɔ ŋwɑꞋnɛ lɑɑ, pʉʉ líŋɛ wɛ́ sʉ́Ꞌnɛ. Kɔɔ pʉʉ pɛpɔ́p pɛn ńtɛm nu, ńjí ŋɡɔ sʉ́ʉ ɡʉ ŋ́kɔ́ wɛ́.

2 Tɛsɑlɔník 3:6

Pɔ́ɔpɛ́mɑ́, pɛk lɔk lík-Tsɑpʉɔ Yɛ́su Kɛlístɔ, ńtsuŋ ńcú mbɔ̌ pʉʉ ŋɡɔ pʉʉ lʉ́ɔꞋ mbɑ wɛ́tɛ́ mɔ́ɔmɑ́ wʉʉ ẅi ɑ pɔ́k fɑꞋ pɔ́knɛ, ḿbɛn ŋ́kɛ́ ḿbɔɔ ḿbɔ́ ńnɛn nǔu ntɛ́ yi pɛk kɑ zíꞋnɛ wʉ́ʉ lɑ́ pɔ́.