1 Kɔlɛ̂ŋtɛ 5:4 - Kɑɑ Fí

⁴ «Pʉʉ lɑɑ ńcúꞋlɛ nǔu lík-Tsɑpʉɔ Yɛ́su. Mbɔ ɛ́ ńdɛɛ nǔu tɑ́ ntsu wɛkŋɛ m bɔ́ yɑ́ɑ pɔ sɛ́. Pʉʉ lɔk mɛtʉʉ-Tsɑpʉɔ Yɛ́su,

1 Kɔlɛ̂ŋtɛ 5:4 교차 참조

Mɑtʉ̈ɔ 16:19

Ŋ ɡʉ ŋ́ɡɛ ŋ́ɡɑ́ mɛtsɔ́Ꞌ nɛlɔk ńtsɔ́Ꞌ ndúŋ-nɛfɔɔ-Sɛ́ mbɔ̌ wu. Yúu mi ɔ ɡʉ ŋ́ɡɛ ńdʉꞋnɛ ndǔ tsɛ́tsɑ́Ꞌ, pɛ́ ɡʉ ńdʉꞋ tʉ́nɛ́pú. Yúu mi ɔ ɡʉ ḿbɛ́m ndǔ tsɛ́tsɑ́Ꞌ pɛ́ ɡʉ ŋ́ɡɛ ḿbɛ́m tʉ́nɛ́pú.»

Mɑtʉ̈ɔ 18:20

ZʉꞋ yí pʉɔ pɛ́pɑ́ kɛ pʉɔ pɛtɑ́t zúꞋu, ńcúꞋlɛ zúꞋu nǔu lík yɑ́ɑ, mbɔ ŋ ɡʉ ḿbɔ́ tsɛtsɛt pɔ́p.»

Mɑtʉ̈ɔ 28:18

Yɛ́su tɔ́ nɛjɔ́ŋ pɔ́p, ńcú mbɔ̌ pɔ́p ŋɡɔ: «Sɛ́ kɑ ɡɑ́ mɛtʉʉ tsʉʉ mbɔ̌ mɔ nɛlɔk ɛ́sɑ́Ꞌ yúu mi ɛ́ tʉ́nɛ́pú mbɑ yi ɛ́ ndǔ tsɛ́tsɑ́Ꞌ.»

Mɑtʉ̈ɔ 28:20

ńzíꞋ wɔ́p nɛtík ku nǔu mɛnu tsʉʉ mi mɔ ńzíꞋnɛ wʉ́ʉ. Pʉʉ jí ŋɡɔ, kwɑꞋ mɔ, ŋ ɡʉ ńdɑ́Ꞌ ḿbɔ́ pɔ tsɛtsɛt pʉʉ tɛ ntsɛ́llɛ́ lɑ́Ꞌ mɛ.

Jɑ̂ŋ 20:23

Pʉʉ lɑɑ ńdikŋɛ mɛnu kɛpɔŋ pʉɔ ŋ́ɡɑ́ mbɔ̌ pɔ́p, mbɔ Sɛ́ ɡʉ ńdikŋɛ yɛ́ likŋɛ́nɛ. Pʉʉ lɑɑ ńdʉꞋ nɛlikŋɛ mɛnu kɛpɔŋ pʉɔ ŋ́ɡɑ́ mbɔ̌ pɔ́p, mbɔ Sɛ́ ɡʉ ńdʉꞋ yɛ́ lʉꞋnɛ nɛlikŋɛ.»

ŊwɑꞋnɛ-Gɑŋntúu Yɛ́su Kɛlístɔ 16:18

A kɛ́ ŋ́ɡɛ pɔ pɔ́Ꞌɔ, nǔu mɛlɛ́Ꞌ tɛ ńzɑ́ɑ. Pɔ̂l ɡɑɑpɛ tsɛtsɛt ńzɑ́ŋ lɔ́ŋ, ɛ́shɔtnɛ ńcú mbɔ̌ zẅikŋɛ kɛpɔŋ ŋɡɔ: «N dɔk lík-Yɛ́su Kɛlístɔ ńcú ŋɡɔ ɔ fú nǔu mɑŋɡɛ́ wɑ́ ńcẅɛt!» Zẅikŋɛ kɛpɔŋ ɡɔ́ɔ ɛ́fú nǔu wɛ́ ńcẅɛt.

ŊwɑꞋnɛ-Gɑŋntúu Yɛ́su Kɛlístɔ 3:6

Pyɛ̂ cú mbɔ̌ wɛ́ ŋɡɔ: «Ŋ kɑ́ ɡẅɛɛ sɑ̌ɑ ŋkɑ́p pɔ́, ŋ́kɛ́ mbɔɔ tʉ́n-ŋɡɔ̂l ɡẅɛɛ, lɑ́ yúu mi ŋ ɡẅɛɛnɛ, mɔ ŋ́ɡɑ́ mbɔ̌ ɡu. N cú nǔu lík-Yɛ́su Kɛlístɔ mɔ́ɔ-Nɑ̌zɑlɛt: Lɔ sɛ́ ńnɛn.»

ŊwɑꞋnɛ-Gɑŋntúu Yɛ́su Kɛlístɔ 4:30

Sɛn pɔ́ yú nɛlɔk ŋ́ɡɛ pʉɔ fíitɛ, nɛlɔk ŋ́ɡɛ mɛnu mɑ̌ɑmɑɑnɛ pɔ́p mɛŋkʉꞋnɛ nǔu lík-Yɛ́su, ŋɡɑŋfɑꞋ wu ẅí ɔ kɑ tsɔ́Ꞌnɛ.»

2 Kɔlɛ̂ŋtɛ 13:10

Yúu mi ɛ́ ɡɛnɛ, m bɛ́t pɔ ŋɡɑ sɛsɑ ŋ́ŋwɑꞋnɛ yɔ nu tsʉʉ, ḿbɔ́ ńtsɑ́ɑ ŋɡɔ ŋ kɛ́ ɡɛ ńtɔ́ tɛ kúu tsɛtsɛt pʉʉ ńdɔk pɑ́Ꞌ Tsɑpʉɔ kɑ tíknɛ wɑ́ɑ mbi pʉʉ, ńcʉ̈ɔ́k wʉ́ʉ cʉ́ɔknɛ pɔ́. Tsɑpʉɔ kɑ tík wɑ́ɑ mbi pʉʉ pɔ nɛɡɛ cúꞋlɛ kẅiꞋ ŋ́ɡʉ nɛ́ mbi. A ŋkɑɑ tík wɑ́ɑ ŋɡɔ n tɑ́k tɑ́knɛ pɔ́.

2 Kɔlɛ̂ŋtɛ 13:3

Pɑ́Ꞌ pʉʉ kɛ́ ḿbɔ́ ńdɔɔ nɛjʉ́ɔ yúu mi ɛ́ nyɛtnɛ ŋɡɔ nu yí ɛ́ cẅɛtnɛ ntsu mɔ ɛ́ fú mbɔ̌ Kɛlístɔ lɑ́, pʉʉ ɡʉ ŋ́kɛ́ ŋ́ɡɛ ńjʉ́ɔ. Pʉʉ jí ŋɡɔ Kɛlístɔ kɑ́ pɔ́ ńzɔɔtɛ wʉ́ʉ pɔ́. A sɛ́ ńnyɛt mɛtʉʉ mɛ́ tsɛtsɛt pʉʉ.

2 Kɔlɛ̂ŋtɛ 2:6

Nɛzɑ́ɑ pʉɔ kɛ́ ŋ́kɑkŋɛ wɛ́, ɛ́ kuꞋ pɔ́Ꞌɔ.

Ɛ́fɛ̂zɛ 5:20

Pʉʉ lɔk lík-Tsɑpʉɔ wɛkŋɛ Yɛ́su Kɛlístɔ ḿbɔ́ ŋ́ɡɛ́mtɛ Sɛ́ Tɑ́t ŋkɑ́ tsʉʉ, nǔu yúu tsʉʉ.

Kɔlɔsíyɛ̂ŋ 3:17

Pʉʉ lɑɑ ḿbɔ́ ŋ́ɡɛ pɔ kʉ̈ɔ́ ɔɔ, kɛ ɛ́sẅíi pɔ kʉ̈ɔ́ lɑ́, pʉʉ tík pɔ lík-Tsɑpʉɔ Yɛ́su mbi, ḿbɔ́ ŋ́ɡɑ́ pɑ́Ꞌlɑ́ mbɔ̌ Tɑ́t wɛkŋɛ Sɛ́, ńdɛɛ nǔu Yɛ́su.

2 Tɛsɑlɔník 3:6

Pɔ́ɔpɛ́mɑ́, pɛk lɔk lík-Tsɑpʉɔ Yɛ́su Kɛlístɔ, ńtsuŋ ńcú mbɔ̌ pʉʉ ŋɡɔ pʉʉ lʉ́ɔꞋ mbɑ wɛ́tɛ́ mɔ́ɔmɑ́ wʉʉ ẅi ɑ pɔ́k fɑꞋ pɔ́knɛ, ḿbɛn ŋ́kɛ́ ḿbɔɔ ḿbɔ́ ńnɛn nǔu ntɛ́ yi pɛk kɑ zíꞋnɛ wʉ́ʉ lɑ́ pɔ́.