1 Kɔlɛ̂ŋtɛ 3:18 - Kɑɑ Fí

¹⁸ Ḿbɑ́ɑ ŋu nɛfʉ́klɛ túmbʉʉ yɛ́. Ŋu lɑɑ ḿbɔ́ tsɛtsɛt pʉʉ ḿbɔ́ ŋ́kwɑŋɛ ŋɡɔ pʉɔ-ndǔmbí sɛ́ ńjʉ́ɔ ŋɡɔ ɑ jínu, ɑ zɛɛ ḿbiitɛ ɛ́shɔtnɛ ńtsʉ́Ꞌ ŋu lɑ ḿbɔ́ kwɑꞋ njínu.

1 Kɔlɛ̂ŋtɛ 3:18 교차 참조

Mɑtʉ̈ɔ 13:22

Mbiyúu mi ɛ́ vunɛ tsɛt nɛɡíi kɛpɔŋ, nu-pʉɔ pínɛ pɔ́p zúꞋnɛ sẅíŋɛ-Sɛ́, ŋ́ɡɛ ńzɛ nɛmʉk mɛnu-njí, ńzɛ nɛzɑ́p tʉ́m yɔ́p nǔu ŋkɑ́p. Yîyɑ́ yúu ɡɛ sẅíŋɛ-Sɛ́ mɛ tʉ́m pɔ́p kɛ́ pii.

Mɑtʉ̈ɔ 18:4

Ŋu ẅí ɑ kɔknɛ mbʉʉ yɛ́ ŋ́ɡɑ́ sɛ́ tɛ ńtsʉ́Ꞌ pɑ́Ꞌ ɡɛɡʉʉ yɔ lɑ́, ɑ ŋu ẅí ɑ wɛ ɡwɛ́ tsɛt nɛfɔɔ-Sɛ́.

Mɑ́lɛ́kúshi 10:15

Ɛ sẅíi wʉ́ʉ, kwɑꞋ nɛ́nẅín, ŋu lɑɑ mbɔɔ tsʉꞋ pɑꞋ mɔ́yúu mɔ́ɔ, ḿbɛ́m ŋɡɔ Sɛ́ tsʉ́Ꞌnɛ ɛ́sɑ́Ꞌ wɛ́ pɔ́, mbɔ ɑ ńdɑ́Ꞌ ŋ́kúu tsɛt ŋɡɔŋ-nɛfɔɔ-Sɛ́ pɔ́.»

Lúkɑ́shi 18:17

Ɛ sẅíi wʉ́ʉ, kwɑꞋ nɛ́nẅín, ŋu lɑɑ ḿbɔɔ tsʉ́Ꞌ pɑꞋ mɔ́ɔ mɔ́yúu mɔ́ɔ, ḿbɛ́m ŋ́ɡɔ Sɛ́ tsʉ́Ꞌnɛ ɛ́sɑ́Ꞌ wɛ́ pɔ́, mbɔ ɑ kɛ́ ɡẅɛɛ nu nǔu nɛfɔɔ-Sɛ́ pɔ́.»

Lúkɑ́shi 21:8

A tsɔ́Ꞌ ŋɡɔ: «Pʉʉ lɑk tú yʉ́ʉ, ḿbɑ́ɑ wʉ́ʉ nɛfʉꞋnɛ mɑt-pɛcɔ́ pʉɔ. MbíꞋŋɡɔ pʉɔ tɛ ńzɑ́ɑ ɡʉ ŋ́ɡɛ ńtík lík yɑ́ɑ mbi, mbɑ wɔ̌ lɑ́ nǔu pɔ́p pɔ́ ńcú ŋɡɔ mɔ pɔ́nɛ Nzɑ́Ꞌŋkʉ, ŋkɑ́ kuꞋ. Pɔ́p lɑɑ ńcú pɔ́Ꞌɔ, kɔɔ pʉʉ zúꞋ tɛ ńcʉ́ɔ nzʉʉ pɔ́p.

Pʉɔ-Lɔ́mɑ 11:25

Pɔ́ɔpɛ́mɑ́ pɑ́ɑ, mɔ sɛ́ ŋ́kɔŋ ŋɡɔ pʉʉ jí yúu mi ɛ́ nǔu yɔ nu, mbɔ ɛ́ kɑ zɛɛ ḿbɔ́ yi lʉɔmɛ́nɛ, ḿbɔ́k wʉ́ʉ nɛkwɑŋɛ ŋɡɔ pʉʉ pɑjínu. Yîyɑ́ yúu ŋɡɔ yɛcɔ́ ɡúŋ-pɑíslɑyɛ̂l sɛ́ ńtʉʉ tú mbɔ̌ Sɛ́ ŋkɔ̂ɔnɛ, lɑ́ ɛ́ kɛ́ lɑ́Ꞌ ḿbɔ́ pɔ pɔ́Ꞌɔ pɔ́. Pɔ́p ɡʉ ńtʉʉ tú tɛ kúu ŋkɑ́ yi pʉɔ tsʉʉ pi Sɛ́ kɑ tsɔ́Ꞌnɛ, pɔ́p pɛn mbɔɔ pɑyúdɑ pɔ́, ɡʉ ńcʉ́ɔ nzʉʉ wɛ́.

Pʉɔ-Lɔ́mɑ 12:16

Pʉʉ ɡẅɛɛ tɑ́Ꞌ ntsu tsɛtsɛt pʉʉ, kɔɔ pʉʉ tsɑ́ɑ pɔ mɛntsu-fɑꞋ-pɛlʉ́m, pʉʉ pɛ́m nɛɡɛ mɛfɑꞋ mi ɛ́ kuꞋ kuꞋnɛ, kɔɔ pʉʉ kwɑŋɛ ŋɡɔ pʉʉ jí nu.

1 Kɔlɛ̂ŋtɛ 15:33

Kɔɔ pʉʉ pɛ́m pɛ́ fu wʉ́ʉ, pʉʉ mɑ́ɑ ńdikŋɛ ŋɡɔ tɑ́ɑ-kuꞋú kɛpɔŋ lɔ mbʉ́ʉpɛ cúꞋ?

1 Kɔlɛ̂ŋtɛ 3:17

Ŋu lɑɑ ńtɑ́ktɛ ndɑ́-nɔŋpɔꞋ, mbɔ Sɛ́ ɡʉ ŋ́ɡɛ ɛ́sɑt ŋɡɑŋ ḿmɛꞋ. MbíꞋŋɡɔ ndɑ́-nɔŋpɔꞋ pɔ́ pɔ jʉ́ zɛ́nɛ́ jʉ́. Pʉʉ pɛn ŋ́ɡẅɛɛ nɛjí ŋɡɔ ndɑ́-nɔŋpɔꞋ ɛ̂yɑ́ lɔk ḿbɔ́ pɔ wʉ́ʉ.

1 Kɔlɛ̂ŋtɛ 4:10

Nu-Kɛlístɔ ɡɛ pɛk tsʉ́Ꞌ pɛpɑ́lɛ́. Lɑ́ ŋ́kɛ́ ŋ́ɡʉ nǔu pʉʉ, mbɔ pʉʉ kɑ kɛ́mɔ́ ńdɛɛ nǔu Kɛlístɔ ńjí nu. Pɛk pɔ́ pɛpɔ́t pʉɔ. Pʉʉ ɡẅɛɛ mɛtʉʉ. Pɛ́ ɡɛ mɛkuꞋ mʉ́ʉ, ḿbɛn ńtɔ́ nǔu pɛk ŋ́ɡwɑ́k wɛ́k ɡwɑ́knɛ.

1 Kɔlɛ̂ŋtɛ 6:9

Pʉʉ kɑ pɔ́ ńjí ŋɡɔ pʉɔ pi pɔ́p ɡẅɛɛnɛ mɑt kɛpɔŋ pɔ́p kɛ́ lɑ́Ꞌ ŋ́ɡẅɛɛ yɔ́p zʉꞋ tsɛt nu-nɛfɔɔ-Sɛ́ pɔ́ kɛ? N dɑꞋ pʉɔ pɑ́Ꞌ pi pɔ́p puutɛ mbɑ wɔ̌ lɑ́ pɔ́p pɛpɔ́p nɔɔ nɔɔnɛ, mbɑ pʉɔ pi pɔ́p ɡúꞋlɛ́nɛ yúu ŋɡɔ ɛ́ mɛsɛ́, mbɑ mbɛ́ɛnɛ pɔ́p pɑŋɡɛ́ pi pɔ́p ɡɛnɛ ɡɑp, mbɑ pɑɡɛ mɛnu shẅɛtshẅɛtnɛ, mbɑ mbɛ́ɛnɛ yi ɛ́ shɔtnɛ́nɛ ŋ́ɡɛ nu-ŋu mbɛ́ɛnɛ pɔ́p mɑŋɡɛ́ tsɛtsɛt pɔ́p kɛ pɑŋɡɛ́ ɔɔ, mbɑ pɛtsɔ́ŋ, kɛ pɑkɔŋ ŋkɑ́p tɛꞋ, pɔ́p pɛpɑ́lɛ́-mɛluꞋ, pɔ́p pɑsẅíŋɛ kɛpɔŋ nǔu mɛlík-pʉɔ, pɔ́p pɑɡẅɛɛ ńcẅɛ́ɛ, líkcɔ́ pʉʉ fúklɛ mbʉʉ yʉʉ nǔu mɔnɛ mɛnu kíi, pîpɑ́ pʉɔ kɛ́ lɑ́Ꞌ ŋ́kúu nǔu nu-nɛfɔɔ-Sɛ́ pɔ́.

Ŋɡɑlɑ̂t 6:3

Ŋu lɑɑ ŋ́kwɑŋɛ ŋɡɔ ɑ yúu, kɛ́ pɔ́ yɛ́tɛ́, mbɔ ɑ shɔtnɛ ɛ́fúklɛ túmbʉʉ yɛ́.

Ŋɡɑlɑ̂t 6:7

Kɔɔ ŋu shɔtnɛ ɛ́fúklɛ túmbʉʉ yɛ́, pɛ́ lɔɔ ŋ́ɡwɑ́k Sɛ́ pɔ́. Ŋu lɑɑ ḿbi kʉ̈ɔ́lɑ́, mbɔ ɑ ɡʉ ńdɑ́Ꞌ ŋ́kɑ́p pɔ yɛ́tɛ́.

Ɛ́fɛ̂zɛ 5:6

Kɔɔ ŋu lɔk pǔu sẅiŋɛ ɛ́fú wʉ́ʉ. Mɛnu mi pɛ́ tʉ́ʉnɛ lɑɑ zɛɛ ŋ́ɡɛ, Sɛ́ zɑ́ŋ pɔ́ lɔ́ŋ mbíꞋ pʉɔ pi pɔ́p kɑ́ pɔ́ ŋ́ɡɛ yúu mi ɑ sɛ́ ŋ́kɔŋ pɔ́.

2 Timɔtɛ́ɛ 3:13

Ŋ́ɡʉ nǔu pʉɔ kɛpɔŋ pɔ́p ɡɑŋfúklɛ ɡʉ ŋ́ɡɛ ńdɔk nu kɛpɔŋ ŋ́kẅiꞋ ŋ́ɡʉ pɔ nɛ́ mbi, ḿbɔ́ ɛ́fúklɛ pʉɔ, pɛ́ pɛn ḿbɔ́ ɛ́fúklɛ wɔ́p ɡúu.

Tîtɛ 3:3

Ɛ́ kɑ pɔ́ yɛcɔ́ ŋkɑ́ pɛkŋɛ ɡúu pɔ́ pɑɡɛ nu kɛ́ sɑ́ŋ, ḿbɔ́ pɑtʉʉtú mbɔ̌ Sɛ́, ḿbɔ́ pʉɔ pi pɔ́p fɑɑnɛ́nɛ ndúŋ, ḿbɔ́ pɛkwɑɑ mbɔ̌ yúu tsʉʉ yi mbʉʉ yɛkŋɛ tsʉ́ʉnɛ́nɛ wɛkŋɛ nɛtsɑ́ɑ mbɑ nɛɡɛ. Pɛkŋɛ kɑ pɔ́ pʉɔ ńzɑ́ɑ sɔ́ɔ, ḿbɔ́ ɡɑŋkɛɡʉ̈ɔꞋ, ḿbɑɑnɛ mɛmbʉʉ mɛkŋɛ tɛꞋ.

Jɑ̂k 1:22

Kɔɔ pʉʉ pɔ́ pɑzúꞋ sẅíŋɛ-Sɛ́ zúꞋnɛ ndɑꞋ, pʉʉ ɡɛ yúu mi sẅiŋɛ ɛ̂yɑ́ cúnɛ ŋɡɔ pʉʉ ɡɛ. Tɛ ɛ́ pɔ́ɔ pɔ́Ꞌɔ pɔ́, mbɔ pʉʉ ɛ́shɔtnɛ fʉ́klɛ mɛmbʉʉ mʉ́ʉ.

Jɑ̂k 1:26

Ŋu lɑɑ ḿbɔ́ ŋ́kwɑŋɛ ŋɡɔ ɑ nǔu nu-Sɛ́, ntsu wɛ́ pɛn mbɔɔ pɔŋ, mbɔ ɑ fʉ́klɛ túmbʉʉ yɛ́. Wɛ nɛpɔ́ nǔu nu-Sɛ́ pɔ́ pɔ fɛ̌ɛ.

1 Jɑ̂ŋ 1:8

Pɛkŋɛ lɑɑ ńcú ŋɡɔ nu kɛpɔŋ kɑ́ pɔ́ nǔu pɛkŋɛ pɔ́, mbɔ pɛkŋɛ lɔk pɔ́Ꞌɔ, ɛ́fɑɑnɛ sɛ̂ndúŋ, ḿbɛn ŋ́kɛ́ ḿbɔɔ ńjí nu nɛ́nẅín yi ɛ́ fúnɛ mbɔ̌ Sɛ́ pɔ́.