1 Kɔlɛ̂ŋtɛ 3:10 - Kɑɑ Fí

¹⁰ Sɛ́ kɑ ɡɑ́ fuꞋ níinɛ yɑ́ɑ, mɔ nɔŋnɛ cʉ́ndɑ́ pɑ́Ꞌ ŋɡɑŋ-nɛɡwɛlɛ wɛ sʉ́Ꞌnɛ. Ŋ kɑ nɔŋnɛ cʉ́ndɑ́, wɛcɔ́ ŋu sɛ́ ńdɔk fɑꞋ ŋ́ɡʉ mbi. A sɛ́ ŋ́kút ndɑ́ ndǔ. Lɑ́ mbɑ wɔ̌ lɑ́ lɑk tú yɛ́ nǔu ntɛ́ yi ɑ lɔknɛ ŋ́kút ndɑ́ ndǔ.

1 Kɔlɛ̂ŋtɛ 3:10 교차 참조

Mɑtʉ̈ɔ 24:45

ŊɡɑŋfɑꞋ ẅí ɑ zúꞋnɛnɛ, ḿbɛn ŋ́ɡẅɛɛ jínu ɑ pɑ́Ꞌɑ? A ẅi tɑ́fɑꞋ wɛ kɑ níꞋnɛ pʉɔ pɛ́ mbɔ̌ wɛ́, pɑ́Ꞌ ɑ ɡʉ ńtsʉ́Ꞌ ŋ́ɡɑ́ yúupɛjʉ́ mbɔ̌ pɔ́p nǔu ŋkɑ́ yi ɛ́ sɛ́ ḿbíkŋɛ.

Mɑtʉ̈ɔ 7:24

«Ŋu lɑɑ ńtɔ́ ńtsɛ́t wɑ́ɑ, ńzẅíꞋlɛ sẅiŋɛ yɑ́ɑ, ŋ́ɡɛ pɑ́Ꞌ ɛ́ sɛ́ ḿbíkŋɛ, mbɔ ŋɡɑŋ fí wɛcɔ́ njínu wɑ́ ẅi, ɑ kɑ tsʉ́Ꞌ nɛkút ndɑ́ yɛ́, ńtúŋ zʉꞋ tɛ ńjʉ́ɔ mɑ́mɑ́ ŋɡɔꞋ, ńtík ndɑ́ ndǔ.

Lúkɑ́shi 11:35

Ɛ́ lɔk ḿbíkŋɛ ŋɡɔ ɔ lɑk tú yú, ḿbɑ́ɑ mík mú nɛlɔk wú ŋ́ɡʉ tsɛt nzɛ́nzʉ́ʉ.

Lúkɑ́shi 21:8

A tsɔ́Ꞌ ŋɡɔ: «Pʉʉ lɑk tú yʉ́ʉ, ḿbɑ́ɑ wʉ́ʉ nɛfʉꞋnɛ mɑt-pɛcɔ́ pʉɔ. MbíꞋŋɡɔ pʉɔ tɛ ńzɑ́ɑ ɡʉ ŋ́ɡɛ ńtík lík yɑ́ɑ mbi, mbɑ wɔ̌ lɑ́ nǔu pɔ́p pɔ́ ńcú ŋɡɔ mɔ pɔ́nɛ Nzɑ́Ꞌŋkʉ, ŋkɑ́ kuꞋ. Pɔ́p lɑɑ ńcú pɔ́Ꞌɔ, kɔɔ pʉʉ zúꞋ tɛ ńcʉ́ɔ nzʉʉ pɔ́p.

ŊwɑꞋnɛ-Gɑŋntúu Yɛ́su Kɛlístɔ 18:27

Apɔlɔ́s ɡɛ ḿbɔ́ ńtsɑ́ɑ nɛfú Ɛ́fɛ̂zɛ ŋ́ɡʉ nǔu pɑk-ŋɡɔŋ-Akɑ́y, pɔ́ɔpɛ́mɑ́ zúꞋ ńníꞋ mɛtʉʉ mɛ́, ŋ́ŋwɑꞋnɛ ŋwɑꞋnɛ ŋ́ɡɑ́ mbɔ̌ wɛ́, nɛpɔ́ yi ɑ ɡʉ ŋ́kúu zúꞋu, ŋ́ɡɑ́ mbɔ̌ pʉɔ-Kɛlístɔ pi pɔ́p zúꞋu pɔ́p kúkŋɛ wɛ́ sʉ́Ꞌnɛ. A ɡʉ tɛ ŋ́kúu zúꞋu, ńcẅɛ́lɛ́ pʉɔ-Kɛlístɔ pɑ́ꞋtɛꞋ, mbíꞋŋɡɔ Sɛ́ kɑ pɔ́ ńtɔ́ɔtɛ wɛ́,

Pʉɔ-Lɔ́mɑ 1:5

Sɛ́ kɑ lɛɛ pɔ nǔu jʉ́ Kɛlístɔ ŋ́ɡɑ́ fuꞋ níinɛ yɑ́ɑ, ńdɔk wɑ́ɑ ŋ́ɡɛ ŋɡɑŋntúu-Yɛ́su Kɛlístɔ nɛpɔ́ yi mɔ ŋ́ɡʉ ɛ́sẅíi nu-Sɛ́, tsɛt mɛŋɡɔŋ tsʉʉ. Pʉɔ zɑ́p tʉ́m nǔu wɛ́, ńzúꞋ ntsu wɛ́, ɛ́ lɛɛ pɔ́Ꞌɔ, pɔ́p ɡɑ́ mɛkuꞋ mbɔ̌ Yɛ́su Kɛlístɔ.

Pʉɔ-Lɔ́mɑ 12:3

Ŋ ɡʉ ɛ́fú nǔu pɑ́Ꞌ Sɛ́ kɑ tsʉ́Ꞌ nɛɡɑ́ fuꞋ níinɛ yɑ́ɑ, ńtík wɑ́ɑ nǔu zʉꞋ ɡwɛ́, ńcú mbɔ̌ mbɑ wɔ̌ lɑ́ tsɛtsɛt pʉʉ ŋɡɔ: Kɔɔ ŋu kwɑŋɛ ŋɡɔ ɑ yúu kɛ́ pɔ́ yi ɑ yɛ́tɛ́. Ŋu ɡẅɛɛ yi kwɑŋɛ ɛ́ kuꞋ kuꞋnɛ. Ŋu kúꞋlɛ pɔ yɛ́ fɑꞋ yi Sɛ́ kɑ ɡɑ́nɛ, ŋ́ɡɔ́ ŋ́ɡɑ́, ɛ́fú nǔu pɑ́Ꞌ ɑ zɑ́pnɛ tʉ́m nǔu Kɛlístɔ.

Pʉɔ-Lɔ́mɑ 15:15

Mɔ sɛ́ ńjí pɔ́Ꞌɔ lɑ́, ŋ ɡʉ nǔu mɛcɔ́ mɛzʉꞋ tsɛt yɔ ŋwɑꞋnɛ, ńjʉ́ɔ ŋɡɔ ŋ ɡʉ niitɛ ńcú mɛcɔ́ mɛnu, nɛlɔk ŋ́kẅíitɛ wʉ́ʉ nɛ́ mɛnu mi pɛ́ kɑ zíꞋnɛ wʉ́ʉ. N cú pɔ́Ꞌɔ, ńdɛɛ nǔu pɑ́Ꞌ Sɛ́ kɑ ɡɑ́nɛ fuꞋ níinɛ yɑ́ɑ,

Pʉɔ-Lɔ́mɑ 15:20

Lɑ́, ŋ kɑ sɑ́Ꞌ tʉʉ nɛ́ kɛ́ ńcẅi Ŋkʉʉ Sʉ́Ꞌnɛ pɔ zʉꞋ yi pɛ́ zɛɛ mbɔɔ Kɛlístɔ zúꞋu kẅii, ḿbɔ́k nɛkút ndɑ́ nǔu cʉ́ndɑ́ yi wɛcɔ́ ŋu ndɛꞋ kɑ nɔŋnɛ.

1 Kɔlɛ̂ŋtɛ 3:11

Ɛ́ ɡʉ nǔu cʉ́ndɑ́, mbɔ ɛ́ ndɑ́Ꞌ mɔ́ ḿbɔ́ sɛ́. Mbɔ ŋu pɔɔ pɛn ńnɔŋ yɛcɔ́ yɛ ndɛꞋ pɔ́.

1 Kɔlɛ̂ŋtɛ 9:2

Pɛcɔ́ pʉɔ lɑɑ ḿbɔ́ ńdʉꞋ ŋɡɔ ŋ kɑ́ pɔ́ ŋɡɑŋntúu-Yɛ́su pɔ́, mbɔ ɛ́ ɡʉ nǔu pʉʉ m bɔ́ wɛ́tɛ́. Pɑ́Ꞌ pʉʉ lɑtnɛ mbʉʉ nǔu Tsɑpʉɔ lɑ́, pʉʉ lɔk pɔ́Ꞌɔ, ḿbɔ́ lii yi ɛ́ lɛ́Ꞌlɛ́nɛ ŋɡɔ mɔ ŋɡɑŋntúu-Yɛ́su Kɛlístɔ.

2 Kɔlɛ̂ŋtɛ 10:15

Pɛk kɑ́ pɔ́ ŋ́ɡʉ kɑꞋmɛ tɛ jɛ́Ꞌ wɛ́k ndẅiklɛ fɑꞋ, ńdɔk fɑꞋ-pʉɔ pɛndɛꞋ kɑꞋmɛ pɔ́. Pɑ́Ꞌ pʉʉ nǔu wɛ́k ndẅiklɛ fɑꞋ lɑ́, pɛk sɛ́ ńzẅíꞋlɛ ŋɡɔ wʉʉ nɛzɑ́p tʉ́m nǔu Sɛ́ kẅiꞋ ŋ́ɡʉ pɔ nɛ́ mbi. Nu yi pɛk kɑ cúnɛ ɛ́ cʉŋɛ mɛŋɑŋ tsɛtsɛt pʉʉ pɑ́Ꞌ ɛ́ sɛ́ ḿbíkŋɛ.

Ɛ́fɛ̂zɛ 2:20

Pʉʉ tsʉ́Ꞌ ḿbɔ́ pɔ pɑ́Ꞌ mbɛlʉ̂k yi pɛ́ lɔknɛ ḿbɔ́ɔ ndɑ́. Cʉ́ndɑ́ pɔ́ ɡɑŋntúu-Yɛ́su pɔ́p pɑcẅiŋkʉʉ-Sɛ́, Yɛ́su Kɛlístɔ nɛ́ túmbʉʉ yɛ́ pɔ́ ŋɡɔꞋ yí ɛ́ piꞋnɛ ndɑ́.

Kɔlɔsíyɛ̂ŋ 1:29

Pʉʉ zúꞋ yúu mi m pfúnɛ nǔu. Ŋ kɛ́ ńdɔk pɔ mɛtʉʉ mi ɛ́ fúnɛ mbɔ̌ Kɛlístɔ lɑ ɛ́fɑꞋ yɔ fɑꞋ. Mîmɑ́ mɛtʉʉ tsuŋ ḿbɔ́ sɔŋ mbʉʉ mɔ ḿbɔ́ ɛ́fɑꞋ.

Kɔlɔsíyɛ̂ŋ 4:17

Pʉʉ cú mbɔ̌ Alɛshipɛ ŋɡɔ, kɔɔ ɑ lɔk fɑꞋ yi Tsɑpʉɔ kɑ ɡɑ́nɛ mbɔ̌ wɛ́ ŋ́ɡɛ mɛɡɑɑ, ŋɡɔ ɑ fɑꞋ sʉ́Ꞌnɛ.

1 Tɛsɑlɔník 3:2

ńtúu Timɔtɛ̂ɛ mbɔ̌ pʉʉ. Pʉʉ sɛ́ ńjí ŋɡɔ ɑ mɔ́ɔmɑ́ wɛkŋɛ ẅí pɛk pɛpɔ́p fɑꞋnɛ fɑꞋ-Sɛ́, ńnɛn ńcẅi Ŋkʉʉ sʉ́Ꞌnɛ-Kɛlístɔ. Pɛk kɑ túu wɛ́ nɛpɔ́ yi ɑ ɡʉ ŋ́ɡɛ pʉʉ tɛntɛ, ḿbɛn ńníꞋ mɛtʉʉ mʉ́ʉ nǔu wʉʉ nɛzɑ́p tʉ́m nǔu Sɛ́,

1 Timɔtɛ́ɛ 4:16

Lɑk tú yú nǔu wu nɛnɑ́ŋ mbɑ nǔu yúu mi ɔ zíꞋnɛ pʉɔ. Kɔɔ lɔk yɛcɔ́ tú ḿmɑꞋ kwɑŋɛ. Ɔ ɡʉ ŋ́ɡɛ pɔ́Ꞌɔ, Sɛ́ fú nǔu ŋ́ɡɛ ɔ lúꞋnɛ wɛ́, ŋ́ɡɔ ńduk, pʉɔ pi pɔ́p zẅíꞋlɛ́nɛ nu yi ɔ cúnɛ pɛn ńduk yɔ́p.

2 Timɔtɛ́ɛ 2:15

Sɑ́Ꞌ tʉʉ nɛɡɔ́ ńtʉ́ʉ mbi Sɛ́, ḿbɔ́ ŋu ẅí ɑ pɛ́mnɛ wɛ́, ḿbɔ́ ŋɡɑŋfɑꞋ ẅí sʉ́ʉ kɑ́ pɔ́ ŋ́kɔ́ wɛ́ nǔu fɑꞋ yɛ́ pɔ́. Ḿbɔ́ ŋɡɑŋfɑꞋ ẅí ɑ cẅinɛ Ŋkʉʉ ẅi ɛ́ nɛ́nẅín, kɛ́ ɡʉ nǔu ŋ́kúpmɛ yɛcɔ́ yúu.

Jɑ̂k 3:1

Pɔ́ɔpɛ́mɑ́ pɑ́ɑ, kɔɔ pʉʉ pɛtsʉʉ tsɑ́ɑ nɛpɔ́ pɑzíꞋ pʉɔ nɛ́ yúu, pʉʉ sɛ́ ńjí sʉ́Ꞌnɛ ŋɡɔ, pɛk pí pɛk zíꞋnɛ pʉɔ nɛ́ yúu, ntɛ́ yi pɛ́ ɡʉ ńdɑ́Ꞌ ńdɔk ŋ́ŋɑk wɛ́k, ɛ́ ɡʉ ńdɑ́Ꞌ ńtɛn ńdɛɛ yɛ́ pɛcɔ́ pʉɔ.

1 Pyɛ̂ 4:11

Pɔ́fɑꞋ-ŋu lɑɑ ḿbɔ́ nɛcú nu-Sɛ́, ɑ cú pɔ yi ɛ́ fúnɛ mbɔ̌ Sɛ́. Yɛ ŋu pɔ́ nɛfɑꞋ mɛfɑꞋ tsɛt cúꞋlɛ, ɑ lɔk pɔ mɛtʉʉ mi Sɛ́ ɡɑ́nɛ mbɔ̌ wɛ́ ńdɔk ɛ́fɑꞋ. Pʉʉ ɡɛ pɑ́Ꞌɑ ńjí ŋɡɔ pɛ́ ɡʉ ńdɛɛ nǔu Yɛ́su Kɛlístɔ, ŋ́ɡúꞋlɛ Sɛ́ nǔu mbɑ kʉ̈ɔ́ lɑ́, jʉ́ ẅi mɛtʉʉ tsʉʉ, mbɑ nɛsɑ́Ꞌ mbí mbɔ̌ wɛ́ nǔu mɛŋɡuꞋ mɛŋɡuꞋ. Ɛ́ pɔ́Ꞌɔ.

2 Pyɛ̂ 3:15

Tɑ́Ꞌ yúu mi ɛ́ pɛn ḿbɔ́ ḿbíkŋɛ ŋɡɔ pʉʉ kẅíitɛ ɛ́ pɔ́ pɔ ŋɡɔ, Tsɑpʉɔ pɔ́tnɛ ńzẅíꞋlɛ, ɑ kɑ́ pɔ́ fɛ́Ꞌnɛ ńtɔ́ pɔ́, nɛɡɑ́ shʉ́ pɑ́Ꞌ ḿbɔ́ pʉɔ luk. Ɛ́ pɛn ḿbɔ́ pɔ yúu mi Pɔ̂l, mɔ́ɔmɑ́ wɛkŋɛ, ḿbɔ́ súu wɛkŋɛ kɑ cúnɛ tsɛt mɛŋwɑꞋnɛ mi ɑ kɑ ɡɑ́nɛ mbɔ̌ pʉʉ. A kɑ lɔk pɔ jínu nu yi Sɛ́ kɑ ɡɑ́nɛ mbɔ̌ wɛ́ lɑ ńdɔk ńcú.

Mɛnu ɛ́ ńdɑ́Ꞌ ńcẅɛt 21:14

Pɛ́ kɑ lɔk mɛmɑ́ ŋɡɔꞋ ntsɔ̌ppɑ́ nɛ́ nɛɡɛ́m ńnɔŋ cʉ́-tɑ́ɑŋkɑ́Ꞌ ẅi ɛ́ kɑ zɛmɛ́nɛ tʉ́sɔŋ, mbɑ yɛ́tɛ́ ŋɡɔꞋ pɔ́ ŋ́ɡẅɛɛ lík tɑ́Ꞌ ŋu nǔu ɡɑŋntúu-Mɔ́ɔ-Njinjɔ pí pɔ́p m̄bɔ́nɛ ntsɔ̌ppɑ́ nɛ́ nɛɡɛ́m.

Mɛnu ɛ́ ńdɑ́Ꞌ ńcẅɛt 21:19

Pɛ́ kɑ lɔk ntɛ́ ntɛ́ mɛtúkcí ŋ́kẅii mɛmɑ́ mɛŋɡɔꞋ mi pɛ́ kɑ lɔknɛ ńnɔŋ mɛcʉ́-tɑ́ɑŋkɑ́Ꞌ ẅi ɛ́ kɑ zɛmɛ́nɛ tʉ́sɔŋ. Nduŋmbi cʉ́ pɛ́ lɔk yɛcɔ́ ntɛ́ túkcí yi pɛ́ fúŋnɛ ŋɡɔ jɑ́spɛ ŋ́kẅii, mbɑ́ɑtɛ yɛ́pɑ́ pɛ́ lɔk yɛcɔ́ ntɛ́ túkcí yi pɛ́ fúŋnɛ ŋɡɔ sɑfîi, mbɑ́ɑtɛ yɛ́tɑ́t pɛ́ lɔk ntɛ́ yi pɛ́ fúŋnɛ ŋɡɔ kɑlsɛdɔnî, mbɑ́ɑtɛ yɛ́nɛ́kwɑ pɛ́ lɔk ntɛ́ yi pɛ́ fúŋnɛ ŋɡɔ Ɛmɛlɔd,