1 Kɔlɛ̂ŋtɛ 2:10 - Kɑɑ Fí

¹⁰ Sɛ́ kɑ pɛn ŋ́ɡɛ Zẅikŋɛ Lɛ́ɛnɛ́nɛ ɡɛ pɛkŋɛ jínɛ yîyɑ́ nu yi ɛ́ kɑ pɔ́ yɛ lʉɔmɛ́nɛ. Zẅikŋɛ Lɛ́ɛnɛ́nɛ zɛɛ ńtuŋtɛ́ nu tsʉʉ, tɛ mbɑ mɛnu mi Sɛ́ pɛ́tnɛ ŋ́ɡẅɛɛ pɔ tsɛt mvuꞋ-tʉ́m yɛ́.

1 Kɔlɛ̂ŋtɛ 2:10 교차 참조

Mɑtʉ̈ɔ 13:11

Yɛ́su pʉ̈ɔt mbɔ̌ pɔ́p ŋɡɔ: «Sɛ́ kɑ ɡɛ ŋɡɔ pʉʉ wɔ jínɛ nu nɛ́nẅín nǔu nɛfɔɔ-Sɛ́ ni ɛ́ kɑ lʉɔmɛ́nɛ, ŋ́ɡʉ nǔu pɔ́p ɑ pɔɔ ɡɛ ŋɡɔ pɔ́p jí pɔ́.

Mɑtʉ̈ɔ 16:17

Yɛ́su ɡɔ́ɔ ŋ́kɛ́ ńcú mbɔ̌ wɛ́ ŋɡɔ: «Símɔ mɔ́ɔ-Jɑ̂ŋ, ɔ pɔ́ttú, mbíꞌŋɡɔ ŋumɛsɔŋ kɑ́ nɛ ɡɛ, lɑ́ ɔ jí yɔ nu nɛ́nẅín pɔ́. Tɑ̌ɑ mɔ ẅí ɑ tʉ́nɛ́pú nyɛtnɛ wú.»

Lúkɑ́shi 10:21

Yɛ́su ḿbɔ́ ńcú yɔ nu, zẅikŋɛ Lɛ́ɛnɛ́nɛ ɡɛ tʉ́m yɛ́ ńtsɑ́ɑtɛ tɛꞋ, ɑ cú ŋɡɔ: «Tɑ̌ɑ mɔ, Tsɑpʉɔ, ɡu ẅi ɔ sɑ́Ꞌnɛ tʉ́nɛ́pú mbɑ tsɛ́tsɑ́Ꞌ. Ŋ ɡɑ́ pɑ́Ꞌlɑ́ mbɔ̌ ɡu pɑꞋ ɔ nyɛtnɛ mɔ mɛnu mbɔ̌ pɛɡɛɡʉʉ, ńdʉɔ mbɔ̌ ɡɑŋjínu pɔ́p pʉɔ pinɛ pɔ́p kɑ zíꞋnɛ ŋwɑꞋnɛ tɛꞋ lɑ́. Ɔ́ɔŋ mbɑ Tɑ̌ɑ mɔ, ɔ kɑ jʉ́ɔ ŋɡɔ ɔ ɡɛ ŋ́ɡɛ yɔ nu pɔ́ pɔ́Ꞌɔ.»

Lúkɑ́shi 2:26

Mbɔ ɑ kɑ lɑ́Ꞌ ńzɑ́Ꞌ njí ɛ́sẅíi wɛ́ ŋɡɔ ɑ kɛ́ lɑ́Ꞌ ḿpfú kɛ́ pɔ yi ɑ ńzɑ́p lík nǔu Nzɑ́Ꞌŋkʉ ẅi ɑ túunɛ pɔ́.

Jɑ̂ŋ 14:26

«Pʉʉ ɡʉ ńtsʉ́ꞌ nzʉʉ, Tɑ̌ɑ mɔ lɔk lík yɑ́ɑ, ńtúu Ncẅɛ́ɛntɑ́ŋ wʉʉ, ɛ́ pɔ́ zẅikŋɛ Lɛ́ɛnɛ́nɛ. Ɛ́ tɔ́ ńzíꞋ wʉ́ʉ nɛ́ yúu tsʉʉ, ŋ́ɡɛ pʉʉ kẅíitɛ kʉ̈ɔ́ lɑ́ yi ŋ kɑ pɔ́ ɛ́sẅíi wʉ́ʉ.»

Jɑ̂ŋ 16:13

Zẅikŋɛ yí ɛ́ lɛ́Ꞌlɛ́nɛ nu nɛ́nẅín nǔu Sɛ́ ɡʉ ŋ́ɡɛ ńtɔ́, ŋ́ɡɛ pʉʉ jí nu nɛ́nẅín tsʉʉ, mbíꞋŋɡɔ jʉ́ lɛ́Ꞌlɛ́nɛ nu nɛ́nẅín, ɛ́ kɛ́ ɡɛ ńcú pɔ yɛ́ nu pɔ́. Zẅikŋɛ yí ɛ́ lɛ́Ꞌlɛ́nɛ nu nɛ́nẅín nǔu Sɛ́ ɡʉ ŋ́ɡɛ ńcú pɔ nu yí ɛ́ zúꞋnɛ, ḿbɛn ɛ́sẅíi wʉ́ʉ nɛ́ mɛnu mí ɛ́ sɛ́ ńtɔ́.

1 Kɔlɛ̂ŋtɛ 14:30

Lɑ́ ḿbɔ́ yi ŋu lɑɑ ḿbɔ́ ńcú nu, Sɛ́ cú nu mbɔ̌ wɛcɔ́ ŋu ẅí ɑ zúꞋu, ŋɡɑŋ zɑ́Ꞌ nɛcú nu.

1 Kɔlɛ̂ŋtɛ 2:11

Mbɔ wɔ̌ jí nu yi ŋumɛsɔŋ sɛ́ ŋ́kwɑŋɛ tʉ́m yɛ́ kɛ́ pɔ́ pɔ ŋɡɑŋ? Ɛ́ pɛn ḿbɔ́ ndʉ́ŋndʉŋ pɑ́Ꞌ wɛcɔ́ ŋu lɑɑ ḿbɔ́ ɑ pɔɔ jí nu yi Sɛ́ sɛ́ ŋ́kwɑŋɛ kɛ́ pɔ́ pɔ Zẅikŋɛ-Sɛ́ pɔ́.

Ŋɡɑlɑ̂t 1:12

Ŋumɛsɔŋ ŋkɑɑnɛ zɛɛ ɛ́fɛ́ɛ ẅîwɑ́ Ŋkʉʉ mbɔ̌ mɔ pɔ́. Ŋumɛsɔŋ kɛ́nɛ ḿbɔɔ wɑ́ɑ zíꞋ, Yɛ́su Kɛlístɔ kɑ ɡɛnɛ n jí.

Ɛ́fɛ̂zɛ 3:3

A kɑ kyɛꞌ yúu mi ɛ́ kɑ zɛɛ ńdʉ̈ɔmɛ mík-pʉɔ lʉɔmɛ́nɛ, ńnyɛt wɑ́ɑ, pɑ́Ꞌ n zɛɛ ŋ́ŋwɑꞋnɛ tsɛt yɔ ŋwɑꞋnɛ ɛ́sẅíi wʉ́ʉ lɑ́. Ŋ kɑ́ ŋwɑꞋnɛ ɛ́ sɑk pɔ́.

Ɛ́fɛ̂zɛ 3:5

Sɛ́ ŋkɑɑ kyɛꞌ yɔ ntsɛm yɛ́ mbɔ̌ pʉɔmɛsɔŋ pɛ́ ŋkɑ́mbi pɔ́. Ɛ́ kɛ́ ḿbɔ́ ŋkɔ̂ɔnɛ, mbɔ ɑ ɡɛ Zẅikŋɛ yɛ́ sɑ́ɑnɛ sɑ́ɑnɛ́nɛ ŋ́kyɛ́Ꞌ nu ɛ̂yɑ́ mbɔ̌ pʉɔ pi ɑ kɑ niitɛ́nɛ wɔ́p ńdɔk ŋ́ɡɛ ɡɑŋntúu-Yɛ́su mbɑ pi ɑ kɑ lɔknɛ wɔ́p ŋ́ɡɛ pʉɔ pi pɔ́p ɡʉ ńnɑ́ŋ cẅi Ŋkʉʉ ẅí ɛ́ fúnɛ mbɔ̌ yɛ́.

1 Timɔtɛ́ɛ 4:1

Zẅikŋɛ Lɛ́ɛnɛ́nɛ sɛ́ ńniitɛ ńcú ŋɡɔ: Pɛcɔ́ pʉɔ ɡʉ ńdɑ́Ꞌ ḿbɔ́ nǔu mɛndẅiknzʉʉ mɛlɛ́Ꞌlɑ́Ꞌ mbɔɔ pɛn ńzɑ́p tʉ́m nǔu Sɛ́ ẅi pɛkŋɛ sɛ́ ńzɑ́p tʉ́m nǔu wɛ́ lɑɑ pɔ́, jínu yɔ́p tsʉ́Ꞌ ńtʉ́ʉ pɔ nǔu mɛzẅikŋɛ kɛpɔŋ mi ɛ́ fúklɛ́nɛ pʉɔ, ḿbɛn ńtʉ́ʉ pɔ nǔu mɛnu mi mɛzẅikŋɛ kɛpɔŋ zíꞋnɛ pʉɔ.

1 Pyɛ̂ 1:12

Sɛ́ kɑ ɡɛ pɔ́p jí ŋɡɔ nu yi pɔ́p kɑ pɔ́ ńcú, ŋ́kɑɑ pɔ́ ŋ́ɡʉ ŋ́ɡɛ nǔu yɔ́p ŋkɑ́ pɔ́, ɛ́ kɑ pɔ́ ŋ́ɡʉ ŋ́ɡɛ pɔ nǔu yʉ́ʉ ŋkɑ́. Ɛ́ yîyɑ́ nu yi pʉʉ ŋkɔ̂ɔnɛ ḿbɔ́ ńjí, ɛ́ fú pɔ nǔu nu yi pɛŋɡɛ́mndʉ̈ɔ́Ꞌ-Ŋkʉʉ Sʉ́Ꞌnɛ sɛ́ ńcú, ŋ́ɡɔ́ ńcú, ńdɔk pɔ mɛtʉʉ-Zẅikŋɛ Lɛ́ɛnɛ́nɛ yi Sɛ́ kɑ fúnɛ tʉ́nɛ́pú ńtúu. Pɛcʉ̈ɔ́Ꞌ-Sɛ́ sɛ́ ŋ́kíi ńtsɑ́ɑ nɛjí yîyɑ́ nu.

1 Jɑ̂ŋ 2:20

ŋ́ɡʉ nǔu pʉʉ, mbɔ Kɛlístɔ kɑ ɡɑ́ Zẅikŋɛ Lɛ́ɛnɛ́nɛ mbɔ̌ pʉʉ. Ɛ́ yúu mi ɛ́ ɡɛnɛ pʉʉ pɛtsʉʉ jí nu nɛ́nẅín.

1 Jɑ̂ŋ 2:27

ŋ́ɡʉ nǔu pʉʉ, mbɔ Kɛlístɔ kɑ ɡɑ́ Zẅikŋɛ yɛ́ mbɔ̌ pʉʉ. Yîyɑ́ Zẅikŋɛ pɛn ŋ́kɛ́ ḿbɔ́ pɔ nǔu pʉʉ, ɛ́ yúu mi ɛ́ ɡɛnɛ, ɛ́ kɑ́ pɔ́ ḿbíkŋɛ ŋɡɔ ŋumɛsɔŋ zíꞋ wʉ́ʉ nɛ́ yúu pɔ́, mbíꞋŋɡɔ Zẅikŋɛ Lɛ́ɛnɛ́nɛ sɛ́ ńzíꞋ wʉ́ʉ nɛ́ mbɑ kʉ̈ɔ́ lɑ́, yúu mi ɛ́ lɛ́Ꞌlɛ́nɛ pɛn ḿbɔ́ nɛ́nẅín, ɛ́ kɑ́ pɔ́ cɔtnu pɔ́. Pɔ́Ꞌɔ lɑ́, pʉʉ kɛ́ ńdɑt pɔ mbʉʉ yʉʉ nǔu Kɛlístɔ pɑ́Ꞌ Zẅikŋɛ Lɛ́ɛnɛ́nɛ kɑ zíꞋnɛ wʉ́ʉ lɑ́.

Mɛnu ɛ́ ńdɑ́Ꞌ ńcẅɛt 1:1

Nu yi ɛ́ tsɛt yɔ ŋwɑꞋnɛ ɛ́ yi ɛ́ kɑ lʉɔmɛ́nɛ, Yɛ́su Kɛlístɔ ɡɛ ŋ́ɡɛ pɛ́ jí. Ɛ́ ɡɔ́ ḿbɔ́, mbɔ Sɛ́ zɑ́Ꞌ njí ŋ́ɡɛ Yɛ́su jí yîyɑ́ nu nɛpɔ́ yi ɑ ɡʉ ńdɛꞋlɛ mbɔ̌ pʉɔ pɛ́ nɛ́ yúu mi ɛ́ ɡʉ fɛ́Ꞌnɛ ńtɔ́. Kɛlístɔ kɑ túu cʉ̈ɔ́Ꞌ wɛ, ɑ ɡʉ ńdɛꞋlɛ yîyɑ́ nu mbɔ̌ Jɑ̂ŋ ẅí ɑ ŋɡɑŋfɑꞋ-Yɛ́su.

Mɛnu ɛ́ ńdɑ́Ꞌ ńcẅɛt 2:24

Ŋ ɡʉ ńcú nu ŋkɔ̂ɔnɛ mbɔ̌ pʉʉ pɛcɔ́ pʉɔ tsɛt cúꞋlɛ-pʉɔ-Kɛlístɔ yi ɛ́ tʉ́sɔŋ-Tyɑtîi, pʉʉ pí pʉʉ kɑ́ pɔ́ ḿbɛ́m ndɔktɛlɛ pîpɑ́ pʉɔ pɔ́, ŋ́kɛ́ ḿbɔɔ pɔ́ ńdɔɔ nɛjí yúu mi pɔ́p fúŋnɛ ŋɡɔ kwɑꞋ nu nɛ́nẅín yi Sɑ́ttɑ kɑ ɡɛnɛ pɔ́p jí pɔ́. Ɛ sẅíi wʉ́ʉ ŋɡɔ: Mɔ ŋ́ɡʉ ńzɑ́p yɛcɔ́ piꞋ yɛ́ ndɛꞋ tú pʉʉ pɔ́.